المشاركة الأصلية كتبت بواسطة 【ツ】أنا【ツ】
http://www.arabtravelersforum.com/tr...9/#post1964565
السلام عليكم ورحمة الله وبركاتة
جمعة مباركة على الجميع ....
وتحية طيبة لأعضاء بوابة البحرين خاصة ولأعضاء المنتدى عامة.
زرنا البحرين اكثر من مره في زيارات سريعة .... ويوم الاثنين القادم ان شاء الله بنكون في البحرين بس هذه المره بتكون زيارة لمستشفى البركة
استفساري لاخواني الاعزاء ....
وين موقع المستشفى؟؟ ... (ياليت وصف دقيق من جسر الملك فهد)
استفساري الثاني ....
ممكن تتكرر الزيارة مره اخرى للمستشفى في شهر 8 وممكن نجلس تقريبا 3 - 4 ايام تقريبا .... هل هذه الفترة بيكون فيها فعليات او مهرجانات في البحرين ممكن بسببها مانلاقي حجز في الفنادق او الشقق ؟؟ لاني سمعت ان اوقات الفعاليات والمهرجانات من الصعب ان الواحد يلاقي حجز ... ادري ان الموعد بعيد ولكن لاخذ الاحتياطات من بدري
واخيراٌ ....
في زيارتنا الثانية للمستشفى بنحتاج مثل ماقلت لكم فندق او شقة .... ونبي ترشحون لنا فندق او شقق تكون قريبة وجيدة وسعرها معقول بالقرب من المستشفى ...( ضروري تكون قريب من المستشفى)
ومشكورين مقدما
دمتم بخير
هلا ومرحبا فيكم .... وما عليكم الا العافية ...والله يجلي عنكم كل سوء ...
للأسف الشديد أنا ماعرف الموقع بالضبط للمستشفى ... لكن أدري انه في منطقة العدلية ... وهذي المنطقة في المنامة ....
بدليكم من الجسر شلون توصلون العدلية ... بس ... وبعدين ليما أتأكد عن الموقع بالضبط بكمل وصفي ...
بعد ما تخلصون من الجسر ... تطلعون سيده على طول .. لا يمين ولا يسار ... لحد ما توصلون عند إشارة ضوئية ... امسكوا مسار اليسار .. أقصى اليسار ... ولفوا يسار ... بعدها بتصادفكم إشارة ضوئية ثانية ... لفوا عندها يمين ... واطلعوا سيده ... عند ثالث إشارة ضوئية .. لفوا يمين .... وعند أول إشارة ضوئية ... لفوا يسار ... عند الأشاره الضوئية اللي بتصادفونها ... يعتبر انكم دخلتوا منطقة العدلية ...
بالنسبة للحجوزات ... في شهر أغسطس ... الزحمة تكون بسبب الصيف .. وعشان الاحتياط احجزوا من الحين ... وقبل لا تجون ... تأكدوا من الأسعار مرة ثانية .. لأنها ممكن تكون أرخص في أغسطس عشان عروض الصيف ...
بالنسبة للفنادق والشقق الفندقية ....
في منطقة العدلية ... فندق الخليح (5 نجوم) .. فندق رمادا (4 أو 5 نجوم)مش متأكدة .. بس فندق كويس ..
الشقق الفندقية ... في شقق اليت ... في منطقة الماحوز ...قريبة جدا من العدلية ... وفي شقق فندقية كثيرة في الجفير .. قريبة للعدلية أيضا ..
بس خل نتأكد أول من موقع المستشفى ... وبعدها أكمل ردي ان شاء الله ...
ما عليكم شر ... وحياكم الله ...
رد مع اقتباس
المفضلات