وإليكم صور من مطل منطقة الفرعاء
شي عجيب
ورجعنا أبها بعد مشاهدة المناظر الخلابة وتسوقنا قليلاً بمحلات موقعها على الشارع قبل مجمع عسير مول
وبعد تسوقنا بالمحلات ذهبنا إلى المطار وجلسنا خلف مواقف السيارات بالمطار بمكان مزروع وكان كثير من الناس جالسين هناك ينتظرون إما للسفر أو استقبال أقاربهم ...
جلسنا هناك تقريباً 4 ساعات وشربنا القهوة والتمر ولحين حلول موعد رحلتنا إلى مطار جدة
وإلى اللقاء بالحلقة القادمة
تابعوا معي اليوم الحادي عشر
المشاركة الأصلية كتبت بواسطة ابن السعودية
يعطيك العافية
أسلوب ممتاز في الطرح وصور معبرة لجمال الطرح
بس عندي سؤال
الشخص اللي جالس يمشيكم في هالأماكن من مكتب سياحي ولا كيف حصلتم عليه؟؟
لأني بصراحة أشوفه ما قصر معاكم ومشاكم صحيح في أبها
تحياتي لك وعيدك مبارك
الله يعافيك ياخوي ياابن السعودية وعساك من العايدين والفايزين
وأشكر لك ثنائك
والشخص هذا الله يذكره بالخير الله رزقنا فيه
عند وصولنا لمطار أبها كنا ننتظر ليموزين أو أي شي لكي يوصلنا إلى الفندق
ولكن
هذا الشخص من السعودية شاب عمره 25 سنة جداً محترم وحمش ويحب السياحة
جاء إلينا وقال لنا تبون مساعدة ( والحمدلله )
الأخت دنفوشة :
الحمد على السلامة أختي دنفوشة وعمرة مقبولة .. ما شاء الله عليك .. أعصابك هادية وإنت تقصي علينا ما جرى لكم بالباص .. لو أنا كان انفقعت مرارتي ورجعت الكويت ثاني يوم!!
وعند خروجنا إلى بوابة قاعة القادمون ننظر يمينا ًويساراً علا وعسى نجد من يوصلنا ولله الحمد أتى إلينا شاب سعودي عمره بحدود 25 سنة قالنا تبون مساعدة وجزا الله ألف ألف خير هذا الريال قالنا نطروني شوي بس أروح البيت وآتي بسيارة موديل جيمس لأن عددنا كبير .
بصراحة ضايقتني هذه العبارة!! .. تأسفت أن مدينة كأبها .. لا يوجد في مطارها سيارات أجرة عائلية أو باصات مكيفة للسياح .. زرت أبها ثلاث مرات آخرها قبل حوالي سنتين وكان يوجد بها سيارات للتأجير .. وبعض سيارات الليموزين .. وأشخاص يسترزقون عن طريق توصيل المسافرين بسياراتهم الخاصة .. لكنني لم أجد تنظيما يوازي مدينة بحجم أبها يأتي لها كثير من أخواننا الخليجيين .. وسياح من الداخل .. شيء يحز في النفس عندما أقارن مطار أبها ببعض مطارات دول في العالم الثالث!! .. قطعت أبها شوطا لا بأس به في التطوير العمراني والسياحي .. ولكن ينقصها الكثير ولعل الأيام القادمة حبلى بمزيد من الاهتمام والتطوير الذي يليق بها ..
معليش أختي .. سامحيني .. لما أقرأ تقرير فأنا أكتب في العادة رد طويل وأحب أتمعن في كل صورة وكل جملة .. لاحظت أن عدد الصور التي صورتي فيها السحاب 46 صورة!! .. هذا غير عن الصور اللي فيها سماء من غير سحاب!! .. وفيه صور بالليل ما قدرت أشوف إذا فيها سحاب أو لا!! .. ولو كان اسمك سحابة .. أختنا في المنتدى الله يذكرها بالخير كان ما تكلمت ..و لو كان اسمك ناصر كويت كان قلنا شيء طبيعي .. لكن ما أدري وش سر هذا الإعجاب بالسحاب؟! .. في مكة صورتي الفجر وشروق الشمس .. وفي أبها صورتي الفجر من البلكونة .. حتى صور القرد الوحيد كان فوقه سحابة ..وصور سحاب في الظهر .. وفي العصر .. وفي الفجر .. وفي الليل .. وش السالفة؟!!! ..
استغرب إنكم ما ركبتم التلفريك الموجود بالجبل الأخضر .. يمكن لأن الوقت كان متأخر .. لكن برأي أن التلفريك الذي تبدأ محطته الأولى من الجبل الأخضر وينتهي بمدينة الملاهي الموجودة عند سد أبها يستحق الزيارة!! .. في رأي أفضل من تلفريك السودة لأن المناظر فيه متغيرة .. فأنت ترين أولا منظر المدينة من فوق .. ثم منظر الجبال .. ثم منظر السد ومدينة الملاهي .. وهو أطول من تلفريك السودة ..
تحياتي لك .................
الاخ العزيز بو سلطان اسمحلي ارد عليك اذا سمحتلي الاخت دنفوشه وهي اعلم بالكويتيين بحبنا للغيوم اتصدق يا بوسلطان اذا الجو غيم عندنا بالكويت نتغدا برا من كثر حبنا للغيم والمطر وساعات نسوي طبخه مموش عاد هذي شلون افسرها لكن اعذرنا في حبنا للغيم والسحاب والمطر لاننا مانشوفه الا في فصل الشتا القصير في الكويت
:113: :113: :113:
اختي الغاليه دنفوشه الحمدلله على السلامه ورحله سعيده انشاءالله قضيتوها بعدة مناطق في السعودية أستكشفتوها وأستمتعو فيها وخذيتو لفحة هواء بارد في عز الصيف
وفي الحقيقه انا شفت تقريرج من اول يوم , والله اني بشكل يومي كل اتابع الموضوع , وقلت ماراح اعقب على الموضوع حتى يكتمل , وذلك خوفأ من اني اعقب وثم انساه ولا اكمل شوفة التقرير, ولذلك كنت على اعصابي كل يوم اقول متى يكتمل
والحمدلله كان تقريرأ اكثر من رائع تشكرين عليه ,والصور أكثر من رائعه , واتمنى من جميع الاعضاء الاقتداء بالاخت دنفوشه في مثل هذه التقارير المصوره التي نحتاج لها
وصحيح ان زيارتكم قصيره , ولكن انشاءالله تعوضونها العام القادم في رحله طويله تشمل أيضأ الباحه
والتقرير فعلآ ضخم وضخم بشكل رائع , وانشاءالله تزورون باقي مناطق السعودية وتستكشفونها أيضأ
وفي نفس الوقت أقدم شكري ولو عن ظهر غيب لهذا الشاب الرائع الذي ساعدكم وكان مرشدأ سياحيأ لكم في أبها , والله انه فخر للشباب السعودي, وأعطى صورة مثاليه ورائعه للشاب الناجح والمحب للمساعده , لآنه يحمل طموح وحب لخدمة الناس والزوار , واعطاء معلومات حول ماتحتويه أبها , وماشاءالله ملترك مكان الا وداكم له , وتقريبأ رحتو لآغلب الآماكن في أبها وهذا أهم شي , وكم كان بودي ان اتعرف عليه او اعرف وسيله للتقرب منه حتى أدعوه للمنتدى , لآنه فعلآ خير من يمثل أبها , والله يعطيه العافيه ويفتح له أبواب الرزق من كل جهه
وفي الختام تقبلي خالص تحياتي: سلطان الشرقية
المشاركة الأصلية كتبت بواسطة دنفوشه
http://www.arabtravelersforum.com/tr...97/#post958697
هلا ولله اخوي ناصر شاكرة لك مرورك
ها إشرايك بآخر صور للغيوم في مطار أبها ( دخت ولآ ليمه ألحين )
على فكرة ياخوي أبو سلطان الجو عندنا أمس واليوم مغيم يعني حده وناسه
الحقيقه الصور روعه وتقريرج ممتاز والغيوم هاليومين بالكويت ماشاء الله والامطار المتفرقه الله يجمعها قولوا امين
المشاركة الأصلية كتبت بواسطة وطني
http://www.arabtravelersforum.com/tr...54/#post959754
بس بسئلك / رحتو لقرية سمحان التراثية في خميس مشيط لانها فعلا مكان تراثي ممتاز لمنطقة عسير وايضاً فيه مطعم شعبي يقدم الاكلات العسيرية
هذه القريه اسمها قريه بن حمسان وليس بن سمحان وهي شبيهه بالقريه التراثيه في المنطقه الشرقيه
المشاركة الأصلية كتبت بواسطة فوقهااااااااا
http://www.arabtravelersforum.com/tr...15/#post963515
تامرين فيه اماكن كثير
فيه مكان اسمه المحتطبه مدري روحتو لها فيها نبع مياه وشلالات
في انتظار البقيه:24:
أعتقد مرينا عليها لكن كانت الشلالات ناشفه ومافي ماي
أظن هذا المكان يصبح فيه شلالات عند نزول الأمطار فقط
المشاركة الأصلية كتبت بواسطة المغامر
http://www.arabtravelersforum.com/tr...45/#post963745
اختي الفاضلة
السلام عليكم ورحمة الله وبركاته
تقرير رائع .. وتفصيل مميز .. فلك كل الشكر والتقدير على هذا الجهد المبارك !
وتقبل الله طاعتكم .. أكرر لك الشكر .. وتقبلي تحيات أخيك .. المغامر
أشكرك أخوي المغامر على ردك
وأنا آسفه بتأخري على تكملة كتابة رحلتي وإن شاء الله راح أكملها اليوم أو باجر
بسم الله الرحمن الرحيم
السلام عليكم ورحمة الله وبركاته
أنا آآآآآآآآآآآسفة جداً جداً على تأخري بتكملة تقريري
سامحوني ياجماعة الخير
أواصل تقريري وفي اليوم الحادي العشر من رحلتي والأخير
طارت الطائرة من أبها الرائعة الساعة 12:30 ليلاً ووصلنا جدة الساعة 1:30
عند وصولنا وخروجنا لبوابة المطار كانت هناك شركة مواصلات ( سيارات صغيرة وباص لـ 10 ركاب )
ولكن أسعارهم نار .. !!
وكنا نريد أن نذهب إلى المدينة المنورة من مطار جدة ولكن سألنا هذه الشركة وقالوا لنا نوصلكم إلى المدينة المنورة بـ 700 ريال وهذه أسعار ثابتة لا تتغير ...
ووقفنا نأشر إلى الباصات الصغيرة المارة أمام المطار ولكن لم نجد شي ... :108:
والمطار أصبح خالي من المسافرون القادمون وتأخرنا بالوقت
عندها قال لنا شخص سعودي جزاه الله ألف خير إذا كنتم تريدون الذهاب إلى المدينة المنورة إذهبوا إلى الموقف كيلو 10 وتحصلون على أسعار ممتازة هناك ..
وأخذنا باص صغير من الشركة التي ذكرتها سابقاً ليوصلنا إلى الموقف كيلو 10 في جدة بـ 100 ريال
وبنصف الطريق أخذنا نفكر كيف هذا !! ندفع الآن 100 ريال ونذهب إلى كيلو 10 ونأخذ باص آخر سوف يصبح تعب علينا نقل الحقائب لكثرتها من باص إلى باص آخر
وإتفقنا أن نذهب إلى مكة المكرمة بـ 200 ريال كإجمالي
نحن أردنا أن نذهب إلى المدينة المنورة من جدة لكي نجلس في فندق بجانب الحرم وفي الصباح نأخذ جولة بالمدينة لحين وصول باص الحملة إلى المدينة المنورة ونرجع معهم إلى الكويت بنفس اليوم
ولكن لم تساعدنا الظروف المادية على ذلك ( وخيرها بغيرها إن شاء الله )
ذهبنا إلى مكة المكرمة لأن باص الحملة الذي أتينا معهم من الكويت سوف يكونون في مكة المكرمة وعند الساعة الثامنة صباحاً سوف ينطلقون إلى المدينة المنورة
وصلنا مكة المكرمة تقريباً الساعة 3:30 صباحاً وتم إجراء إتصالات مع صاحب الحملة لإعلامه بموقعنا بمكة المكرمة ..
ووضعنا حقائبنا داخل بوابة الفندق الذي كنا نسكن فيه عند بداية رحلتنا لحين وصول باص الحملة .. وذهبنا إلى الحرم لغاية الساعة الثامنة صباحاً ...
أتى إلينا الباص الساعة التاسعة تقريباً وذهبنا إلى المدينة المنورة ولم نحس بالطريق لأننا جداً مرهقين ونمنا طول الطريق
وصلنا المدينة المنورة الساعة 3:30 عصراً وصلينا بمسجد قباء بعدها ذهبنا إلى المسجد النبوي وصلينا فيه العصر والمغرب والعشاء .. وتمشينا بسوق الحرم قليلاً
وإليكم صور الحرم النبوي
وعند الساعة التاسعة مساءاً ركبنا الباص لعودتنا إلى بلدنا
هذه آخر صورة للحرم النبوي صورناها ونحن في الباص عائدين إلى الكويت الحبيبة
ووصلنا إلى حدود السعودية اليوم الثاني الساعة 12 ظهراً وإلى الكويت الساعة 2 ظهراً
والحمد لله على السلامة
وأرجوا أن يكون تقريري خفيف على القلب ويمكن الإستفادة منه
وإلى اللقاء في التقارير الآتية إن شاء الله
ودمتم سالمين :106:
المشاركة الأصلية كتبت بواسطة فوقهااااااااا
http://www.arabtravelersforum.com/tr...44/#post973744
الله يعطيك العافيه
بس في المدينه ما كنك استعجلتي شوي
تحياتي
ولله يافوقهااااا كان ودنا نقعد على الأقل يوم بالمدينة المنورة بس لأن الحملة هذا برنامجها مرور على المدينة المنورة فقط وأنا مالقيت حجز طيران من أبها على المدينة المنورة كانت فل الطيارة
والحمدلله على كل حال
المشاركة الأصلية كتبت بواسطة muteab
http://www.arabtravelersforum.com/tr...07/#post976807
تقرير رائع .. وتفصيل مميز ..
الصراحة بعد اذنك انا باليابان في دورة وطلبوا مني عرض عن السعودية استفدت كثير من الصور في التقرير. الله يعطيك العافيه
شكرا جزيلا ـ ارقاتو كوزايمس ـ
الله يعافيك ياخوي Muteab وأشكر لك ثنائك
وعلى الصور مومشكله أهم شي تتوفق بالدورة وشد حيلك
الله يوفقك إن شاء الله
وأي صور عجبتك ونسختها ؟؟
و ارقاتو كوزايمس
المشاركة الأصلية كتبت بواسطة ناصر كويتي
http://www.arabtravelersforum.com/tr...31/#post979631
اللهم صلي على نبينا وحبينا محمد عليه افضل الصلاه والسلام
اولا الحمدلله على سلامتكم وفعلا صور الحرم النبوي جميله جدا وانتوا ماشاء الله عليكم تعبتوا لكن همتكم عاليه وقدرتوا تسخرون الظروف من اجل السفره الجميله والرائعه
تقريرج رائع والصور ممتازه والحمدلله على سلامتكم وتقبل الله طاعتكم
الله يسلمك اخوي ناصر والحمدلله توفقنا بالسفرة ومابعد التعب إلا الراحة
أشكرك اخوي ناصر
المشاركة الأصلية كتبت بواسطة المزيد
http://www.arabtravelersforum.com/tr...01/#post981201
اختي دنفوشه الله يعطيك العافيه 00 المدينه تستحق اكثر من يوم الرجاء عند ترتيب رحله اخرى البدء بالمدينه واذا كانت الميزانيه ما تسمح بالبقاء طويلا فالله يحييكم ضيوف بالبيت مع العائله محفولين مكفولين الين تملون منا 000 وحياكم الله
الله يعافيك اخوي المزيد مشكووووووووور وماتقصر ولله وخيرك سابق ان شاء الله
والله يحييك
وإن شاء الله ناويه اعتمر شهر 5 السنه اليايه وإن شاء الله بإذن الله تساعدنا بالمعلومات عن المدينة المنورة ... خلاص تم اخوي المزيد
المشاركة الأصلية كتبت بواسطة دنفوشه
http://www.arabtravelersforum.com/tr...62/#post981062
الله يعافيك ياخوي Muteab وأشكر لك ثنائك
وعلى الصور مومشكله أهم شي تتوفق بالدورة وشد حيلك
الله يوفقك إن شاء الله
وأي صور عجبتك ونسختها ؟؟
و ارقاتو كوزايمس
كل الصور حلوة خصوصا ان ماعندهم اي فكرة عن السعوديه سوى البترول .
المشاركة الأصلية كتبت بواسطة المزيد
http://www.arabtravelersforum.com/tr...80/#post981380
اختي الله يحييكم انتم اهل البيت وحنا الضيوف
شكراً جزيلاً ولله فيك الخير
وأهل المدينة أهل الطيبة
دنفـــــــــــــــــــــــــــــــــــــــــــوشه
بداية اسمحلي لي ان اصفق لج ..:113::113::113:
صراحه من بديت اقرا الموضوع .. قررت اني ما اسكر المنتدى إلا لما أخلص كل تقريريج
وللأمانه انبهرت بالسعوديه ..
كل هذا عندنا واحنا ما ندري
انا رحت للعمره ولله الحمد الكثير مره بالسياره ومره بالطياره ومره نص الطريج سياره والآخر طياره
يعني تنوعت الروحات وبالطريج كانت تعجبني شكل الجبال وحجمها واردد سبحان الله ..
لكن!!
من شفت المناطق الجنوبيه اللي زرتيها بالمملكه
كأبها والسوده و........الخ
عن جد انبهرت .. بحلاوتها
وحلاوة تقريريج وصورج ..
كل الشكر لج عزيزتي ..
بس لي ملاحظه بسيطه .. للتقارير القادمه ..
ان لما تذكرين اسم المكان اللي زرتيه او المنطقه اللي زرتيها حطيها بلون مخالف للون موضوعج عشان تجذب انتبها القارئ ..
ومشكووره يا الغاليه يا بنت بلدي ..
وعساج عالقوه
وتقرير مميز بنظري ..
رائع دنفوشه :113:
الله يعطيك العافيه وتقبل الله طاعتكم والحمد لله على السلامه
رحله جميله ولو انها متعبه بس حلاة الرحلات بذكرياتها ,,التعب راح وبقت الذكريات
وهذا صار لنا بالظبط :109:
اذكر بعد تحرير الكويت وكنا بالدمام رحنا لمكه في النصف الأخير من رمضان بسارتين (سوبر بان) وتعطلت سياره منهم قبل الطايف ب4 ساعات وكان الوقت 12 ظهر وتبهدلنا حر وصايمين وسواقه بالليل ومواصلين ,,وعلى بال ماجاء ميكانيكي ورجع مرة ثانيه يجيب قطع غيار ,,ماصلحت الا العصر ,,
حقيقة خدمات الطرق السريعه عندنا سيئه :112:والمفروض ان شركات متخصصه توفر خدمات سريعه للطرق السياحيه من صيانة مركبات واستراحات ممتازه ومطاعم نظيفه ,,الخ يعني مشروع استثماري درجه اولى وناجح 100%:114:
عموما لا تفوتك المنطقة الشرقيه كلها (الأحساء وقراها,الدمام وكورنيشها, الخبر والكورنيش والشواطئ,القطيف وقراها):24:
والله يحيييكم في بيت العرب الكبير المملكة العربية السعوديه:24:
بعد السلام و التحية : الاخت دنفوشه , اولا : ابي اعرف معنا دنفوشه , ثانيا : السرد و طريقة الكتابة تستحقين تقدير ممتاز , الصور تستحقين جيد جدا ( ممكن العيب في الكاميره ) , ثالثا : اكثر ما لفت انتباهي لتفاصيل الرحلة الشاقة و الممتعة في نفس الوقت , شخصيتك القيادية , وهذه الميزة قل انا تجدينها في الرجال فما بالك بالنساء , لقد استطعتي انا تقودي عائلتك من الكويت وتعيديهم سالمين راضين مستمتعين بهذه الرحلة الطويلة في احداثها و البعيدة في مسافاتها , جزاك الله خيرا على هذا التقرير الرائع . اخوك : ابو اسامة .:ros2:
عمره مقبوله اختي دنفوشه
والف الحمد لله على السلامه
يالله يا اختي ما اعرف شو بقولج
تقريرج والله خلى قلبي يطير لمكه المكرمه والمدينه المنوره... تدرين دمعت عيني والله شوق للحرم المكي والنبوي يالله لا تحرمني زيارتهم
وادهشتني صور ابها بصراحه رووعه
انا متأكده انكم نسيتو تعب الطريق كله عقب ما ارتحتو نفسياً في مكه وابها والمدينه
تسلمين اختي على هالتقرير الرائع
وان شاءالله الله يكتب لج العمره والحج كل سنه وكل حول
المفضلات