الموضوع: أريد زيارة البحرين فبماذا تنصحوني ؟

السلام عليكم ورحمة الله وبركاته

أنا من المملكة العربية السعودية ، وحبيت اني انزل مع أهلي (بعد زواجنا) إلى البحرين وقضاء 3 ايام !

أريد استفسر عن الشاليهات (والمحافظة) ؟
وعن الفنادق ذات الخدمات الممتازة ؟ ما اريد 5 نجوم .. اريد فقط خدمات ممتازة ؟
بالاضافة إلى ابرز المناطق التي تنصحوني بزيارتها ..

مع العلم اني احتمال انزلها بعد شهر (او في اوقات الاختبارات)
وشكرا

البدر المنير

مواضيع عشوائيه ممكن تكون تعجبك اخترناها لك:

• شكرا مجمع سيتي سنتر؟؟؟
• عندي استفسار عن البحرين
• أرجو المــــســـــــــاعدة عــــــــاجل مطار البحرين
• احداثيات مملكه البحرين
• بطاقة الاحوال الملونة
• غرفه وصاله راقيه لو سمحتو
• المشرفه مزون تعالي هنا ؟؟
• استفسار عن جزر حوار
• اطلب خدمه
• أطباق ومطاعم الجزء الثالث مثبت في مواضيع بحرينية رائعة
• تاجير سيارات
• استفسار بسييط لخبراء البحرين ؟؟
• ابي شليهات
• السفر للبحرين
• ليلة من ألف ليلة وليلة في العرين بالس
• استفسار بسيط وعاجل
• مطعم ومقهى بانوراما في البحرين ؟
• أستفسار مهم جدا بخصوص سينما الدانة و سينما السيف
• استفسار بشأن تخفيضات الصيف بالبحرين
• أيهما أفضل نت في البحرين

حياك الله بالبحرين اخوي

الشاليهات موجوده بالبندر .. اسعارها متعدده ومتنوعه
الاسواق .. مجمع السيف , مجمع العالي , مجمع الدانه ....
الاماكن الترفيهيه .. حديقة عذاري تم تجديدها واعادة افتتاحها 4-2008 .. جزر الدار .. و محمية العرين
المطاعم .. مطاعم البحرين واايد منها مطاعم الدرجه الاولى واغلبها بالمنامه .. والوجبات السريعه منتشره في كل مكان ..

منتزه عذاري ومنتزه جنة دلمون المائي ومحمية العرين وساحل الغوص في المحرق وقلعة عراد وقلعة البحرين وقلعة الرفاع ومتحف البحرين الوطني وبيت القرآن ومسجد الفاتح وحلبة الفورمولا ومضمار سباق الخيل كل يوم جمعة, جميعها أماكن ترفيهية وسياحية وتراثية.
سوق المحرق وسوق المنامة أسواق شعبية .. إذا تبي مطاعم ممتازة في منطقة محافظة عندك الأبراج في المحرق وجسميز في عراد .. و أيضا توجد سينما مناسبة للعوائل قرب مطعم الأبراج .. وتوجد مطاعم ممتازة في منطقة جدعلي مثل كرامي وهو مطعم إيراني معروف.

انزين ممكن تقولون لي عن أفضل فندق في البحرين ؟؟

مرحبا باخونا العزيز من السعوديه ..ويسمحون لي هل البحرين لاني من قطر لاكن قطر والبحرين واحد ..
اخوي انصك بالدبلومات المبنى الجديد ..تجي بسيارتك لين المدخل وتنزل انت واهلك وامن ونظافة وموقع متمييز ..ا
او فندق الهيلتون مقابل الدبلومات ..

حياك في بيتك الثاني
الفنادق عندنا فندق الريتز كارلتون راقي
والنوفوتيل فندق ومنتجع سبا
وفندق الريجنسي
بالنسبة للشاليهات عندنا البندر بمنطقة سترة مثل ماقالوا الاسعار متفاوتة
وجزر حوار
جنة دلمون المفقودة بارك مائي
عذاري تم افتتاحها مؤخرا تحوي مجمع مطاعم ومنتزه
والمجمعات عندنا مجمع السيف مجمع العالي مجمع الدانة مجمع البحرين ومارينا مول
جزر امواج
جزر الدار
العرين
والمطاعم اذا تبي مطعم سي فود راقي عندك مطعم الفش ماركت يصير مكانه في منتجع البندر المطعم على مستوى لكن مكلف نوعاً ما
وفي مطعم جوني كارينوز قريبة من منطقة السيف
مطعم فولي صيني بمنطقة العدلية ومقابل المطعم هم في مطعم هونغ كونغ اسعاره حلوة واكله حلو
مطعم كابتشينو بمنطقة العدلية
ومطعم رنديفو في مجمع السيف
وسلسلة مطاعم الابراج في لها فروع متعددة اقرب شي المحرق مستواه 3 نجوم ولابأس فيه
الاكلات السريعة مطعم جسميز بمنطقة عراد ومطعم يم يم تري له فروع كثيرة الأفضل فرع المعارض وماك برغر كينغ وكل مطاعم الفاست فود عموما تحصلها بكل مكان
الكوفي شوبات كثيرة تحصلها بكل مكان المجمعات ومنطقة العدلية

ألف مبروك خيوووو مقدماً

طبعاً البحرين حلوة وبتستانس أنت والعائلة

بالنسبة للسكن حاول تسكن في فندق معروف مثل الشيرتون والدبلومات و الريتز كارلتون

وباتعد كل البعد عن الشقق والأجنحة المفروشة

مجمعات عندك السيف والدانة ومجمع البحرين وحاول أنك تروح سوق المحرق عشان الحلوى والرهش وأغراض الحريم

وأتمنى لك التوفيق

الله يجزاكم خير وما قصرتم

أنا محتار هل اروح شاليه على البحر او انزل فندق
صراحة انا شفت صور لفندق الدبلومات وعجبني وشفت صور حق منتجع حوار وايضا عجبني
لكن ودي اعرف الاسعار كم ؟

هل في اماكن زيارة للشاطى وهل الشواطئ مجهزة بخيام .. ؟؟
بخصوص الاماكن السياحية : هل هي مفتوحة طوال اليوم ؟؟

اين اجد مطعم بمنظر رائع ؟ مثلا يكون المطعم في أعلى المبنى بحيث يكون مطل على البحرين او يكون على الشاطئ ؟

السؤال الأخير : متى تبدأ اجازة الصيف في البحرين ؟ يعني متى تخلص الاختبارات ؟

مرحباااا



انا سعودي وكثير رحت للبحرين



بالنسبه للفنادق انصحك وبشده بفندق اليت سويت وموقعه جنب الدانه والسيف


فندق 4 نجوم حلو سعره هناك 660 ريال لكن انا دخلت على موقع اجازتي الي مسوي دعايه في هذا الموقع وحصلت عنده بـ 440 ريال يعني خصم 33%


انا رحت له كذا مره وبصراحه حلو


خلني اوصف لك شوي


لما تدخل البحرين ويجيك كبري وسط المدينه


اطلع معه ورح كنك رايح للسيف


تجيك اشاره مخرج السيف


اطلع معها يمين


تمشي لك شويات يجيك الفندق على يسارك ( قبل الدانه )


المطاعم بصراحه ما اعرف لكن فيه مطعم مرمريز رهيب وفيه مطعم موجود قبل ما تطلع من السيف مره حلو