الموضوع: كم من ســؤال جاوبوني يالربع ضروري تكفون

الســلام عليكم ورحمه الله وبركاته

انا ان شاء الله قريب واكون في اوكلاند دعواتكم وعندي كم من سؤال الله لايهيينكم . .

انا ودي احجز لاكن ما ادري اي خطوط الكاثي او السنغافوريه والى الحين محتار .. الكاثي ماودي بها لان الصين جاهم اعصار ومدري ايش والسنغافوريه لان فيها ترانزيت لبلدتين دبي وسنغاروا وانا اول مره اجرب هالترانزيت مدري شلون النظام والتذاكر يعني بالعربي اول مره اسافر لحالي اول كنت اروح مع الاهل وماغير اهز الراس ورا ابوي وبس هههههـ

وسؤالي الاهم وش اجيب معي من اوراق؟؟ وياليت تفيديوني بهالموضوع بالتفصيل ..
..

انا جايب قبول من العطله الصيفيه اللي راحت واحد اعرفه جابي قبــول من هناك بدون ضمان مالي لاكنه باديه الدراسه لها 4 شهور وما ادري وش اسوي . . . وسألت قريبي عن القــبول هل هو نهائي ولا مبدئي ويقــول قبول نهائي هل عندكم فكره عن هالموضوع؟ ياليت تفيدوني وش اسوي الله يرضا عليكم لاني من جد حالتي صعبه
والله يعطيكم العافيه

مواضيع عشوائيه ممكن تكون تعجبك اخترناها لك:

• كراس تشيرش جنوب نيوزيلندا
• هل أحتاج فيزا
• انا الآن متواجد بنيوزلندا ، ومحتاجكم أكثر من أول
• من اوكلاند الى ريست جيرش
• استفسااار
• استفسارات خاصه عن اوكلاند فهل من مجيب؟؟؟
• قررت اكمل ماجستير في نيوزيلاندا ومحتاجتكم
• أفضل الجامعات النيوزلنديةالمايسترو حساس
• نيـوزلنــدا ، قريبـاَ
• طريقة دفع الفلوس للمعهدفي نيوزلندا من السعوديه
• افضل مدينة في استراليا او نيوزيلاندا للدراسة في الصيف؟؟؟؟
• سأسافر لأوكلاند مالذي أحتاج أن آخذه من السعودية غير الملابس والكمبيوتر
• فتى العشه من نفود القصيم الى ربوع نيوزلاندا
• معهد
• الاخ العزيز المايستروشكرا
• أريد التحويل من أمريكا إلى نيوزيلندا ساعدوني
• مبروك وصل القبول
• اخو بدوه يبي يتعلم
• نيوزلندا التي عرفت
• ابي مساعدتكم ولكم الدعوة الصادقة

بدامك بتروح لاوكلاند فرح على الخطوط الاماراتية على مااذكر انهم يروحون لاوكلاند.
وبعدين ترا موضوع الترانزيت سهل وانا اخوك مايبيله شي ,, اذا نزلت من الطيارة وانت مامعك بوردينق فقصه ورح لاقرب شاشة وناظر متى طيارتك بتقلع وكم رقم البوابة ورحلها بس.

والقبول انا عنديلك حل وهو انك ترسل للمعهد نفسه وتقولهم انك بتجي وتقولهم عن موضوعك وماراح يرفضون.
والاوراق الي تجيبها معك بس صورة لقبول المعهد او الفاتورة حقتهم كانك مراسلهم بالانترنت.

مشكــور ـأخــووي ميقــالووو الله لايحــرمنا منــك . . . .

الخطوط الاماراتية تتطلب فيزا من استراليا رغم انكار المكاتب لهالشئ
لذلك ابعد عنها
بالنسبة لقبولك لازم تتأكد قبل ماتروح
افضل شي بالنسبة لي الخطوط السنغافورية
ابوظبي ساعه وحده ( ماتنزل من الطيارة )
سنغافورة ( اذا زدت عن 6 ساعات يصرفوا لك سكن في فندق داخل المطار مجانا )
والبوردينق وكل امورك من الخطوط اللي راح تقطع منها التذاكر
لاتشيل هم
بالنسبة للعفش راح تستلمه باخر محطه ( اوكلاند )
بالنسبة للارواق .. هذا راجع على حسب جيّتك هنا
طالب تدرس على حسابك الخاص
او طالب مبتعث ؟
راجع موقع الملحقية الثقافية في استراليا
وان شاء الله تعرف كل شي
واي شي حاضرين

الخطوط الاماراتية تتطلب فيزا من استراليا رغم انكار المكاتب لهالشئ



مرحبا حساس ,, منور يابعدي
كلامك سليم لكن الخطوط الاماراتية اذا بتروح لاوكلاند فماتوقف في استراليا وماتحتاج فيزة ,, واعرف واحد رايح عليها.
لكن تحتاج فيزة اذا كنت بتروح لكرايستشيرش لانها مثل ماقلت توقف في استراليا
والله يوفقك في الدراسة ان شاءالله

الاماراتيه .. تطلع من دبي الى استرالياا ..الى اوكلاند ..

هذا اريح طيراان .. وقص فيزاا لاسترااليا ب 40 درهم .. وفك راسك من الازعااج
وانتهى الموضوع

مشكــورين حبايبي ماتقصــرون والله .. . ,

حياك الله اخوي انا الان في نيوزلاندا وطلعت على الكاثي باسيفك ومريحه وزينه بس الانتظار في هونك كونج هو اللي راح ياخرك بس لاتخاف مطار هونك كونج شي حلو انا انتظرت فيه 9 ساعات وراحت كانها ساعه وبالنسبه الى القبول هذا موضوعه سهل جدا انا جيت الى نيوزلاند بدون قبول ولا حاجه واذا انت ميح بالانجليزي زيي لاتروح اوكلاند ماراح تتعلم واسال مجرب روح اي قريه مافيها عرب واجدواذا تبيني ادلك على مدن زينه حاضر من عيوني والقبول ماادري انت تبي قبول جامعه ولا معهد ياليت توضح والباقي كله سهل والله يوفقك

والله محتاجين المدن الصغير إلي مافيها عرب فضلا وليس أمرا
وعطني معاهد مافيها عرب لان رحلتي بعد ثلاث أسابيع

وشكرا