[align=center]السلام عليكم ورحمة الله وبركاته..
أخباركم إخواني الأعضاء انشالله تمام :107:
توني راجعه من دسلدورف وقضيت وقت ممتع في الجزء الأول من الصيف
قضيت في دسلدورف 7 أيـــــام
الرحله كانت ممتعه..جداُ وكانت مع ولد أختي
وكانت على متن أفضل الخطوط الخليجيه درجه البسنز..
استغرقت الرحله ست ساعات تقريباً إلى مطار فرانكفورت Fraport والصراحه المطار ضخم جداً ويضيع حتى اللي يشتغلون في المطار مايدلون..! وكل شوي يسألون الـ Information Desk .. المهم خرجنا من المطار وكانت السياره منتظره برع.. وأخذنا ساعتين إلا ربع إلى دسلدورف.. مع انه كل اللي سألتهم يقولون 2 ونص و3 ساعات .. ووصلنا فندق (( نيكو)) http://www.nikko-hotel.de وهو واحد من فندقين خمس نجوم في دسلدورف..وطبعاً كنت حاجزه قبل عن طريق الإنترنت..
وكان الـ Check-In سريع جدا.. عطيتهم رقم التأكيد الـ confirmation number وإسم القبيلة الـLast name وطلعت بطاقة الفيزا .. وبس..
وبعدين دلنا الحمالي على غرفتنا وهي من نوع business room وأكيد ماأنصح بغير ((البسنز روم)) لانه الغرفه العاديه ضيقه جداً .. هاذي business room
وطبعاُ عقب رحله مدتها 10 ساعات من بلدي إلى دسلدورف احتجت إلى Nap ((قيلوله)) أنا و ولد اختي..
الساعه أربع قمنا علشان نستكشف المدينه.. نزلنا اللوبي..وكان ((Modern)) جداً وراقي..
وكان مليان يابانيين بحكم انه الفندق أصله ياباني..
وماكان السوق وشارع الماركات يبعد عنا كثير تقريبا مسافه 4 دقايق مشي
((سوري سويت الخريطه على برنامج paint لانه حد مسح الـ photo shop))
السوق كان متركز في المنطقه المحدده .. أصلاً دسلدورف كلها تقريبا سوق..
المهم رحنا السوق وكان مليااان محلات لكن البضاعه نفسها مالت السنه اللي فاتت لانه المحلات تنزل الجديد تقريبا شهر7 و8..
وبعد الدواره في السوق (( أصلن السوق كان مسكرلانه يوم الأحد)) رجعنا الفندق وطلبنا الأكل في الغرفه
وبعد العشا على طول نمنا من التعب..
واليوم الثاني طلبنا الفطور لانه الحجز من الإنترنت مايتضمن الفطور..
ولبسنا وكشخنا ورحنا نتبضع شوي... وبعدين رحنا (( المطعم اللبناني)) lebanese restaurant في شارع Berger strasse المتفرع من شارع flinger strasse ..
.. المهم رجعنا الفندق وصلينا واسترحنا شوي.. وطلعنا مره ثانيه النهر وهو نهر الراين
المهم مرت الأيام بسرعه من الوناسه ..
وف اليوم الأخير عملنا Check - out ورحنا المطار ..وهالمره خذت الرحله ساعتين وربع..
ووصلنا البلاد فرحين مسرورين..
:113: [/align]مواضيع عشوائيه ممكن تكون تعجبك اخترناها لك:
- فندق سحب المبلغ قبل وقته ويش الحل؟
- تكلفة السفر المتوقعة لرحلة مدتها 3أيام.
- أنا تعبت في خطة السير هل احد لديه حل
- برنامج المانيا وما جاورها
- مساعدة بلييييييز
- الفنادق التي تم اختيارها عطونا رأيكم
- استفسار مهم شهر العسل المانيا سويسرا النمسا
- استفسار من ميونخ إلى جنيف
- مجرد سؤالين ؟؟
- رأيكم بهذه السيارة هل سبق ان جربها أحد ؟
- مساعدة يا إخوان ، جزاكم الله خير
- مخطط لرحلتي
- تم تخطيط ولله الحمد احتاج مشورة في سكن
- شقق برلين وهامبورج
- أهل الخبرة في أوروبا للأهمية
- رحلة يوم نصائحكم بخط سير تبدأ من ميونخ
- اختـر شقتك بالفيديـو في المانيـه
- وين اقدر اروح مع ماما وبابا ؟؟
- اتعبتني بادن بادن
- روست
المفضلات