السلام عليكم ورحمة الله وبركاته
البعض اخواني بيتسأل ليش الرجال يبي يساعدن تبون الصراحة ان مستفيد وانتم مستفيدين
وانا صار لي نفس الي بيصير لكم في حال فكرتو تأتوا عن طريق مكتب من السعوديه الاهمال وماحد يستقبلك وتطيح في بيت زباله كلها مرت علي المهم
انا اتحداك تجيب سعر زي السعر الي الوكيل الي اعرفه بنيوزيلند بيعطيك.
الحين اجازة الصيف وعندكم فتره طويلة ليش ماتسغلها في تطوير لغتك الانجليزيه وسياحه ويمكن ماهو اكيد يلحقونك في البعثه في حال قدمت اوراق على الملحقيه الثقافيه في استراليا انا اعرف وكيل في نيوزيلندا يعطيك اسعار ما تتوقعها يعني المبلغ الي بتدفعه في السعوديه ويعطيك مقابلة شهر الوكيل الي اعرفه يعطيك اكثر من شهر واحسبها انت.
في مجموعة حقائق ابي اطرحها بحكم لي قرابة العشرة اشهر
فترة شهر تكفي ولا ماتكفي انتم تعرفون اليابانين وتضربون فيهم المثل في استغلال الوقت اكثر من صديق لي ياباني يجي من اليابان ويدفع قيمة رحله بالطياره اربعة الاف ريال عشان ثلاث اسابيع فالمسألة تعتمد عليك اكثر من ان الفتره طويلة ولا قصيرة والحسبه عليك.
صديق سعودي جاي عن طريق مكتب والله العظيم ان المكتب الي حجز عن طريقه حجز له المعهد في مدينه و السكن في مدينه اخرى يعني لو ماكنت موجود وفهمة مدير المعهد كان دفع مبلغ وقدره عشان يسكن في فندق المهم المدير شاف له سكن بس عارف الغرب ما عندهم تكفى ولي يرحم والديك قال له بعد ثلاث ايام المهم واحد من الشباب خلاه يلجئ عنده ثلاث ايام
ابي معهد رخيص وقوي معهد رخيص اتحداك تجيب سعرعن طريق المكاتب الي في السعوديه او عن طريق التقديم بنفسك عن طريق موقع المعهد عن طريق الانترنت بسعر اقل من السعر الي الوكيل الي اعرفه نأتي لموضوع معهد قوي انا ما ادري معهد قوي شلون يعني يلعب حديد امزح معكم والله المعاهد كلها نفس الشي اشرح لكم وحده وحد
واحد} المبنى ضخم ولاعادي واتوقع مش مهم
اثنين}المدرسين مافي مدرس يدرس الا ومعه شاهده من كلية المعلمين بانه مخول بالتدريس يعني ازهله بس المسأله هي اسلوب التدريس هل المدرس او المدرسه تدريسهم ممل او ممتع وهنا تواجه صعوبه انك تطلب مدرس اسلوبه مرح يدرسك وانا شخصين درست مع مدرسين مملين لابعد الحدود وكنت مجتهد لاني دافع فلوس ومدرسين مرحين لابعد الحدود وكنت اتمنى ادفع بزيادة ولا اطلع بس صعب ترى في غيرك بالهبل من كوريا اوروبا الصين روسيا امريكا الجنوبيه طلاب بالهبل لاتفكر انهم منتظرين حظورك.
ثلاثه} ابي مدرسه فيها برازيليات ولا ارجنتينيات ولا روسيات عشان اشبكهم واصير اطبق لغه صح انصحك رح سوريا بالنقل الجماعي مائة ريال ولا تخسر قيمة رحلة بستة الاف ربال
[اربعه}الوسائل المتوفره في المعهد لاتسال عنها عندك مكتبه عامه اربع طوابق فيها كتب اطفال قصص جرائد افلام انترنت اشرطه تعليم اللغه الانجليزيه مجلات كتب مقرؤة يعني لا تحمل هم.
خمسة}ادرس الصباح والعصر يعني مكثف خمس ساعات كمتوسط ولا ادرس الصباح بس غيرمكثف ثلاث ساعات كمتوسط البعض يفكر ان الي يدرس فترة الصباح بس افضل لانه يوفر مبلغ من قيمة الدراسة وثانين انه بيطبق اللغه في الشارع فترة العصر وان اقول من ناحية التوفير نصيحه بما انك دافع ستة الاف ريل قيمة الرحلة بالطياره لاتجي توفر عند دراستك والمبلغ بيكون تافه اثنين ما احد فاضي لك عشان يساعدك تطبق اللغه فخليك في المدرسه افضل لك وطبق في اي وقت ثاني .
بعد الكلام الي قريته تحس انك ضايع بس المختصر المفيد تبي تدرس نعم او لا لاتضيع فترة الاجازه بعطيك كم تكلف الدراسه في مدينة كرايستشيرش في دولة نيوزيلندا
الخطوه واحد} تكاليف الرحله وهي مابين ستة الاف الى سبعة الاف ريال حسب الو جهه وحسب خطوط ا لطيران وحسب المدة الي بتقضيها ونصيحتي على الخطوط السنغفوريه{ شارع صلاح الدين للي في الرياض} و تقص تدكرة صلاحيتها مدة سنه ان كنت ناوي تجلس اكثر من سنه اما ان كنت ناوي تجلس اقل من ثلاث اشهر فقص تدكرة مدة صلاحيته ثلاث اشهر حاول ان خط الرحله ما يمر على دوله تطلب فيزا مثال على الدول التي تطلب فيزا استراليا اعيد واكرر خط الرحله يجب ان لايكون يمر بدولة تطلب فيزا.
الخطوه اثنين} ان بعطيكم مثال لانه ماقدر اعطيكم الاسعار كله بعطيكم مثال على شهرين كم يكلف
دراسه مكثف + سكن وثلاث وجبات+توصيل من المطار+باستطاعتك مقابلة الوكيل في اي وقت ومناقشته في اي موضوع تريد وهنا مربط الفرس لانك عندم تاتي عن طريق مكتب في السعوديه ما يتوصل معك زي الوكيل الي اعرفه وهي نقطه مهمه جدا جدا يعني صار لك شيء لا سمح الله المكتب الي في السعوديه بيدري عنك والله مايدري وين الله حاطك واهل مكه ادرى بشعابه التكلفه تقدر لشهرين تبدا من ثلاثة الاف وثمانمائة الى اربعة الاف واربعمائة دولار نيوزيلندي من احدعشر الف الى ثلاثة عشر الف ريال سعودي مدة اعيد وازيد شهرين.
الخطوة الثالثه والاخيره المصروف الشخصي} ماقدر اجاوبك لانه يعتمد على الشخص يصرف ولا مايصرف انا شخصين اصرف الفان ريال سعودي واحسب حسابك كنت مسرف يعني دخان استار باكس اعزم اخوياي في المعهد يعني الفان ريال سعودي تكفيك وزياده والحسبه عليكفي النهايه الحسبه عليك اجمع الخطوه الاولى على الثانيه على الثالثه واحسب حسابك كم ناوي تجلس
النقطه الاخيره والمهم للجميع موضوع الدراهم وهل انا نصاب ولا مو نصاب لانه قبل ما اروح نيوزيلند نفس المواضيع تمر علي واقول الرجال الي مسوي الدعايه نصاب ويبي يسرق الدراهم.
والله مادري وشاقول انت شوف موضوعي في البدايه لا تحط امامك عقبات عجبك الموضوع عندك خيارين
واحد انك تودع عشرين بالمئة كعربون وعندم تصل نيوزيلندا تدفع الباقي و هنا لازم تجيب معك فلوس لانيوزيلند وتحول من الريال اوالدولار الامريكي الى الدولار النيوزيلاندي يعني خساير
الخيار الثاني وهو الافضل لانه اقل خسارة انك تدفع المبلغ بالكامل ويرسل لك فواتير المعهد والسكن
المهم ايميلي معكم ولا تضيعوا الفرصه ايميلي لو كتبته سيلغيه السستم فايميلي هو ممنوع وضع الايميل - ملبورن
في النهايه بعض الشباب يسافر الى نيوزيلند وفي راسه انه بيتم الحاقه بالبعثه ومن ثم يرفضونه ويتحطم فاتمنى منكم اي واحد يجي نيوزيلند فترة الصيف يفكر فيها كسياحه وتطوير للغه فقط ومن ثم يفكر يقدم اوراقه على الملحقيه عشان يلحقونه.
وناسف على بعض الاخطاء الاملائة والقواعد اللغويه لعدم توفر كيبورد عربي وعدم توفر الحرف الشبيه بالدال بس بنقطه
وشكرا جزيلا ولاتفكر واجد فرصه تمنيت اني احصلها كان وفرت مبالغ خياليهمواضيع عشوائيه ممكن تكون تعجبك اخترناها لك:
- الان سفير المنتدى في كراست شيرش يحدثكمعزام
- للاهمية القصوى
- سؤال عن حجز فندق المطار
- الزراعة في نيوزيلندا
- عاجل أقيدوني عن مدينة في نيوزلندا
- مكتب الاستشارات الدولية التعليمية يسبب في حالة مرض نفسي لدى شاب سعودي
- لأهل الخبرهـ استسفار صغنون
- في أوكلاند ؟؟
- انا اسحب مباشرة من الصراف
- استحملوا سؤالي شوي
- والله مقهور ياشباب
- عناويين عوائل في نيبيار مسافر متزن
- ღ هنا نبارك لمن حصل على وسام العطاء من العرب المسافرونღ
- أسألة واستفسارات بسيطه لدراسة اللغه الله لايهينكم دقايق
- ماذا تعرف عن فجر الغد
- الحقوني هام جدا
- بدرس في نيوزلاندا عاجلا
- من يستطيع ان يجاوب على هذا السؤال ؟
- وظائف من البنك الأهلي التجاري للطلاب السعوديين في نيوزيلندا
- الرجاء المساعدة من اهل الخبرة؟؟
رد مع اقتباس
المشاركة الأصلية كتبت بواسطة psdk
المشاركة الأصلية كتبت بواسطة psdk
المشاركة الأصلية كتبت بواسطة psdk
المشاركة الأصلية كتبت بواسطة psdk
المفضلات