مسآء الخير للجميع ,
توني طآلع من السفارة الايطالية بعد ماقدمت الاوراق المطلوبة
طبعا انا قدمت( بدون موعد ) رحت ومافيه احد ولا مسكت سرا
ولقيت لبناني وشيك ع الاوراق وعطاني الابكليشين لاني ماطبعته من النت
بصراحه الرجال ماقصر معي بالابلكيشين لان فيه اسئلة مافهمتها وشرح لي اياها
وماقصصر ,
طبعا الطلبات اللي جبتها /
1- كشف حسآب 3 شهور / الرصيد 11 الف بسس
2- تعريف من الجامعة لاني طالب / بالانقلش , يقبلون العربي من الداوئر الحكومية
3- حجز طيران من 22 اغسطس الى 2 سبتمبر
4- حجز فنادق / حجزت من بوكينق حجز وهمي وناوي الغيه بعد ماتطلع الشنقن
لان حصلت ظروف معتنا نحجز حقيقي
5-صور شخصية 6*4 خلفية بيضاء
6_ صوره للجواز مع الاصل + صور للتاشيرات السابقة
انا معي فيزا بريطانية سابقه
7- صور الهوية الوطنية للعزاب / كرت العائلة للنساء والاطفال
او اللي معها هوية وطنية تكفي
8- تامين طبي ب 110 ريال من التعاونية مده 17 يوم
ورسوم التاشيرة 300 ريال
# ملاحظات
* انا ماكان عندي هالمبلغ بالحساب وكلمت اختي لاجل تحول ع حسابي
وحولت ورحت للبنك امس , بعد التحويل بنص ساعه وطلبت كشف حساب
ومانزل المبلغ بالكشف قال انتظر 24 ساعة من التحويل وتعال سو كشف حساب
راح تلقاها نزلت بالكشف , واليوم سويت كشف حساب وطلعت فيه : )
* حجز الفنادق , انا صارت معي صدفه بهالموضوع ههههه ,
طبعا الكل عارف ان الحجز يحتاج ل بطاقة فيزا وانا مامعي
ف قلت خلني اجرب بطاقة الصراف العادية ودخلت الرقم الطويل اللي ع البطاقة
وكود cvc اللي هو اخر 3 ارقام من الرقم الطويل وضبط هههههه
* طبعا انا ادري فيه موضوع لطلبات الشنقن
بس حبيت انزل هالموضوع ل 3 اسباب
1/ فيه نقاط كنت محتار فيها والبعض يحتار فيها وحبيت اذكرها
ولونتها باللون الاحمر ,
2/ تجديد للموضوع القديم
3/ رد جميل للمنتدى الرائع , اللي ماقصر معي ب سفرياتي كلها
* انا رحت لمكتب التاشيرات اللي بشارع ام الحمام
ع اساس ان السفارة الايطالية هناك لهم مكتب بس قالو مالهم هناك مكتب
وقالو مافيه الا تروح للسفارة , ورحنا
* اقرب مدخل للسفارة / المدخل الشمالي لحي السفارات
عند دوار رقم 2 تلقاها غرب الدوار
* موعد استلام الشنقن ان شاء الله الثلاثاء الجاي
آي استفسار حاظرين
والوعد ان شاء الله تقرير للرحلة باذن اللهمواضيع عشوائيه ممكن تكون تعجبك اخترناها لك:
- فنادق في روما الايطاليه للأهميه
- ممكن طلب
- نوفمبر في ايطاليا ❤
- اتمنى انكم تدخلون وتساعدوني
- هل اهم منطقة في ميلان وبها ساحة الدومو ؟؟؟؟
- وصلت الى ميلانو اليوم
- برنامج الرحلة لأيطاليا وأسئلة أخرى للخبراء
- عطوني رايكم في هالفندق في ميلان ياخبراء ايطاليا
- نتيجة لخبرتي المتواضعه عن ايطاليا اتقبل جميع استفساراتكم
- روما فينيسا ميلانو وش رايكم؟
- طلب شقة في ميلان
- شنهي افضل شركات الاتصالات في ايطاليا وسويسرا
- اخر شيء هو الفنادق
- المسافه بين ميلان و انترلاكن
- إقتراحاتكم حول الفنادق
- فيزا شنغن من السفاره الايطاليه بقطر
- إذا كنت فاضي ادخل وقلي كم و كم تكلفة كل من لاهل الخبرة
- محتاج بسرعه رائكم بالبرنامج
- وسيلة التنقل في اوروبا
- فضلا لا أمرا صور عن ريتشوني
رد مع اقتباس
المفضلات