الموضوع: رحلتي لصيف النمسا المانيا سويسرا فرنسا

اهلين ..

انترلاكن افضل من مونترو .. و المخطط حلو بس سريع سريع ..

باريس بعيده عن برنامجك شوي وبتاخذ منك جهد ووقت خصوصا 17 ليلة ما تكفي والله
ما يمدي تحط اغراضك وتلف لفه بالمدينة الا رحت لمدينة ثانية
نصيحتي لك تطلع باريس من خط السفر
بالتوفيق

افضل الفنادق كريبس و متروبول و بايوريفاج و فيكتوريا .. و اذا تبي 3 نجوم على البحيره فيه قولدي و بايفيو

مشكورة و ما قصرتي .. بس شو رايكم يا جماعه في الفنادق اللي حجزت فيها ؟

اخوي حياك الله

الرحله سريعه جدا .. وطالما حجزت التذاكر خلاص ..؟؟ هل تم حجز الفنادق اولا .. حتى نغير المخطط شوي ..

وبعدين لماذا بدأت بسالزبوخ ثم زيلامسي ثم ميونخ .. خطأ بخط السير

الاقتراح هو ميونخ ثم زيلامسي ثم انترلاكن ثم جنيف ثم باريس .. مع اني ارى ان المخطط غير مناسب بسبب كثرة المدن وقلة الايام .. والتنقلات الكثيره

وللعلم من زيلامسي الى انترلاكن 6 ساعات وربع

تحياتي

بالانتظار

الفنادق المحجوزه ممتازه ..


بالنسبه لباريس الفنادق كثيره مره .. حدد ميزانيتك .. او شوف الفنادق اللي عجبتك و نقولك اذا كويسه او لا ..

وينكم يا جماعه؟؟ انتظر ردكم..

http://www.booking.com/hotel/fr/meli...22&aid=1329869


http://www.booking.com/hotel/fr/roya...22&aid=1329869


http://www.booking.com/hotel/fr/hote...22&aid=1329869


http://www.booking.com/hotel/fr/des-...22&aid=1329869

ثاااانكس ما قصرتي.. شو رايكم في الجدول و لو تشورون علي في تعديله

بصراحه اشوفه مزحوم ..

لو تلغي سويسرا افضل .. و من ميونخ تسلم السياره و تروح باريس طيران او بالقطار .. لانك ماراح تحتاج السياره هناك

و يكون مخططك

3 ليالي فيينا

3 ليالي زيلامسي

3 ليالي سالزبورغ

3 ليالي ميونخ

5 ليالي باريس ..


و اذا مصر على جنيف تصير بدل سالزبورغ .. و من ميونخ الى جنيف بالطياره و منها الى باريس بالقطار ..

مشكورة الغالية و سامحيني تعبتج معاي والظاهر اني بعتمد البرنامج اللي حطيتيه بس فيه تغيير بسيط .. بلغي فيينا من المخطط و بضيف جنيف للجدول بس السؤال هل في قطار يطلع من سالزبرغ الى باريس او اروح سالزبرج في البداية وبعدين جنيف ومنها الى باريس؟

السموحه انا خربطت شكلي لاني كتبت الرد وانا مسطل لووووووول

جدولي راح يكون

زيلامسي 3 ليال
سالزبورج ليلتين
ميونخ 4 ليال
جنيف 3 ليال
باريس 4 ليال

ومثل ما قلتي بطلع بطيارة الى جنيف و بقطار الى باريس

حلو كذا

تحياتي لك يا مزون و الف شكر

مساء الخير أخوي U.A.Emirates
أتمنى لك رحله سعيده و موفقه... و هذه بعض المعلومات البسيطه اللي عندي عساها تفيدك.
بالنسبه لانترلكن فهي افضل من منترو و لا فيه مقارنه.
بالنسبه للفنادق أغلبها 4 ستارز إلا فكتوريا 5 ستارز. .. خلك منتبه لأن أغلب الفنادق هناك مافيها تكييف.
أنا 2005 سكنت في فندق انترلكن ..كذا اسمه..و ما كان فيه تكييف..و انترلكن مش مرتفعه كثير فبيكون الجو مش بارد.
فعشان كذا 2006 رحت انترلكن و سكنت في الريف التابع ل انترلكن ..فيه قريه صغيره اسمها grindelwald مرتفعه عن سطح البحر كثير و جوها حلو و بارد لانها قريبه من قمة يونغ فرو.
وأنا من وجهة نظري ان اللي يروح زيلامسي تغنيه عن انترلكن و العكس صحيح. يعني وحده منهم تكفي لانها متشابهه... زيلامسي كفنادق افضل و المدينه احدث...وتتميز انترلكن بوجود اعلى قمه في اوروبا اللي هي يونغ فرو.

تحياتي و اسف على الاطاله.

تسلم يا اخوي عبدالله على المعلومات المفيده جدا .. انا بس بمر زيلامسي ما بمر على انترلاكن


تحياتي لك

مرحبا أخي الكريم
بخصوص فندق باريس أنصحك بفرانكلين روزفلت أو شاتو الاثنين قريبين جدا من الشانز
انا شخصيا سكنت فرانكلين وكنت ابي الشاتو بس كان مغلق للصيانة بس بصراحة حيل
عجبني فرانكلين من حيث الموقع وتعامل الستاف كله رائع وهم تابعين لنفس المجموعة وسعرهم حلو
وتحصل عليهم عروض مثلا احجز 4ليالي وتدفع فقط 3ليالي ومن هالأمور
أما الانتقال فانصحك بطيران ايزي جت بين باريس وجنيف او النمساوي بين سالزبورغ وباريس
اسعارهم رخيصة
أتمنى أكون قدرت افيدك بشي

تقبل تحياتي

السلام عليكم

حبيت اشير اشاره الى فندق اللى في زلامسي حقيقه من اروووع الفنادق وانا سكنت فيه بس لازم تشترط عليهم

شرط وهو اهم شئ ان تكون غرفتك مطله على البحيره والا مايكون للفندق اي قيمه او احسن لك تغيره

تحياتي لك