الموضوع: ارجوكم ساعدوني قربت انهار

اخواني واخواتي الاعزاء .. ارجوكم ساعدوني
نحن عائلة من 5 اطفال وانا وزوجي يعني المجموع 7
مخططين نروح باذن الله رحلة اوروبيه يعني المانيا النمسا سويسرا فرنسا وبنقعد 25 يوم تقريبا
بس مااعرف كيف اسوي الجدول ولاايي شي احس اني ضايعه لان عمري مارحت اوروبا بس لندن ومن زمن
طويل فياريت تساعدوني بجدول
اقدر انضم فيه كل االاماكن

اريد اعرف بالنسبه للسكن انا افكر آخذ شقق لان عندي طفلين اقل عن سنيتن يعني الفندق صعب علي
وياريت تقولولي احسن الشقق بس تكون اسعارها مناسبه وتكون نظيفه في المانيا وسويسرا والنمسا
وياريت تعطوني فكره عن الاسعار ..
وياريت تعطوني فكره عن تاجير السياره تكون عائليه بكم ممكن تكلفني
والله يرحم والديكم خبروني كيف ممكن اوزع الجدول بين هالدول لمدة 25 يوم

ارجوكم نضموا لي جدول لان زوجي معتمد عليه اعتماد كامل في ترتيب الرحله
لاني كل مره انضمها عن طريق موقعكم ماشاء الله ورحلتنا بتكون في بدايه شهر 7
وكم ممكن تكلفني الرحله ابتدا باسعار الطيران والسكن وايجار السياره والسياحه هناك


اتمنى ماتخذلوني ولكم مني كل التقدير والاحترام

مواضيع عشوائيه ممكن تكون تعجبك اخترناها لك:

• استفسار بسيط
• افضل طريق من ميونخ الى فانتازيا لاند
• مهم للغايه الاجابه والمساعدة لو سمحتوا
• بركان ايسلندا قفل مطارين بالمانيا
• تخطيط رحلتي الي المانيا و ايطاليا وسويسرا و فرنسا
• مقاعد الاطفال
• رآيـح رآيــح اللــه لآيعــوق بشــر سآعدتوني ولا ماســآعدتوني هع
• فنادق بون
• لم تصلني رسايل جوال من مكتب التأشيرات الموحد
• يوم في المانيا
• محتاره في اي مدينه اسكن
• الى اصحاب الخبره المشورة في رحلة الى اوروبا
• الطريق إلى أوروبا يبدأ من هنا تفاصيل رحلتي في سبتمبر
• قطع اشارة المرور في ميونخ
• محتاج استشارة لاهنتوا
• السفر بالسيارة الي اوروبا
• افضل منطقة للسكن۔ احتاج مشورتكم الجزء الألماني
• ابي اروح ليورو بارك بالمانيا
• تقرير حي داخاو معتقل النازيه للعذاب والعنصريه والالام
• عن القطار الاوربياستفسار وارجوووووووووو مساعدتي

ما تنهارين واحنا موجودين ..

ابشري هذا المخطط المبدئي والجميل اذا معاكم سياره

النزول مطار ميونخ والجلوس بها 3 ايام زيلامسي 5 ايام انسبروك يومين انترلاكن 5 ايام جنيف 4 ايام وبالقطار الى باريس5 ايام ومنها العوده ..

هذا ممتاز .. وممكن نغير لو في مكان او مدينه معينه في بالج ..

ايجاد شقق صعب جدا لانكم متأخرين ... ممكن نحصل بضواحي زيلامسي وانترلاكن وجنيف ... ةوالباقي بنحاول .. بس الاكيد ان ما في شقق بانسبروك اعرفه لهذا يفضل السكن بفندق


طبعا الميزانيه لازم تكون شبه مفتوحه .. يعني مبدئيا بحدود 80 الف ريال سعودي ..


بنتظارج

المشاركة الأصلية كتبت بواسطة ALI_Q8_77
http://www.arabtravelersforum.com/tr...1/#post3870561

ما تنهارين واحنا موجودين ..

ابشري هذا المخطط المبدئي والجميل اذا معاكم سياره

النزول مطار ميونخ والجلوس بها 3 ايام زيلامسي 5 ايام انسبروك يومين انترلاكن 5 ايام جنيف 4 ايام وبالقطار الى باريس5 ايام ومنها العوده ..

هذا ممتاز .. وممكن نغير لو في مكان او مدينه معينه في بالج ..

ايجاد شقق صعب جدا لانكم متأخرين ... ممكن نحصل بضواحي زيلامسي وانترلاكن وجنيف ... ةوالباقي بنحاول .. بس الاكيد ان ما في شقق بانسبروك اعرفه لهذا يفضل السكن بفندق


طبعا الميزانيه لازم تكون شبه مفتوحه .. يعني مبدئيا بحدود 80 الف ريال سعودي ..


بنتظارج



ربي يسلمك يارب اخوي علي ويعلك زخر يارب وربي يحفظك لاهلك وناسك

اخوي انا غيرت مخططي لان حسيت تعب علي وعلى الاطفال هالرحله يعني تبديل الاماكن وايد
حاليا المخطط اللي باذن الله ناويه استقر عليه هو ..


سويسرا ..وودري ازور المدن الفرنسيه اللي جنبها (شمونيه ) نروح ونرجع في نفس اليوم
ويوم نروح فيه مدينة ( أنيسي ) ونرجع في نفس اليوم بعد لانهم مش بعااد عن جنيف حسب تقرير
اخوي خالد
ونبقى يوم في سويسرا او يومين زياده فقط.... يعني سويسرا 4 ايام على الكثير او خمس

ومن بعدها بنروح لــ للنمسا وبالتحديد ( كابرون ) وبنظل فيها تقريبا اسبوع او 9 ايام
وحسب علمي هي جنب زيلامسي يعني مابنتعب بينهم وحسسيت فيها وايد نشاطات
وقريت عن الشقق في كابرون ..ssgkaprun

http://www.ssgkaprun.at/english/pages/anreise.html
وبحاول القى فيه مكان واذا تعرف شقق فندقيه مناسبه لعايله غيرها لاتبخل علي اخوي علي

المهم بعدها بنتوجه لميونخ .. لاني اريد اخلي محطة التسوق في النهايه وتقريبا بنظل فيها 7 ايام او 8
وبنرجع الامارات

يعني الرحله بتكون بهالشكل ...
سويسرا 4 ايام ( شمونيه )+ (انيستي ) +انترلاكن ....... النمسا ( كابرون + زيلامسي ) 9 ايام ...... ميونخ 8 ايام

وياريت تساعدني في السكن اخوي علي لانه اهم شي ودي اعرف شقق او فنادق نظيفه واسعارها معقوله
وتناسب عوائل ربي لايهينك يارب


ولك مني كل التقدير والاحترام

اساعدج ما كو مشكله

بس اختي ابي اجوبه محدده منج علشان يكون جوابي دقيق


البدايه بجنيف والنهايه بميونخ صحيح ؟؟

كم شخص انتم وفي اطفال اعمارهم ؟؟؟

معاكم سياره وله لا ؟؟؟

المسافه من انترلاكن الى كابرون 6 ساعات ونصف .. الافضل وضع انسبروك بالمنتصف وهي جميله وارشحه لكم بقوه ..


كم يوم مدة السفر بالظبط ؟؟

الميزانيه ؟؟

واي معلومات اضافيه عندج اكتبيه .. ؟؟؟؟

وانا ان شاء الله برد عليكم اليوم بليلل

البدايه بجنيف والنهايه بميونخ صحيح ؟؟
بالضبط ان شاء الله

كم شخص انتم وفي اطفال اعمارهم ؟؟؟
7 اشخاص 2 بالغين والباقي اطفال اكبرهم 14 سنه و12 و 10 و 2 و 5 شهور

معاكم سياره وله لا ؟؟؟
نفكر ناجر سياره بس بغيت اعرف شو افضل شركة تاجير السيارات واسعارها مناسبه وخدمة ممتازه
ووين تعتقد ناجر من سويسرا او من النمسا ونخلي سويسرا مواصلات عاديه ومنها نركب القطار للنمسا
وهناك ناجر... ( ولاتنسى اخوي ان ودي اروح المدينتين الفرنسيات ) يعني شو تعتقد الافضل ااجر سياره خاصه
او اركب المواصلات في سويسرا


المسافه من انترلاكن الى كابرون 6 ساعات ونصف .. الافضل وضع انسبروك بالمنتصف وهي جميله وارشحه لكم بقوه ..

انسبروك تنصحني انام فيها يوم او اكثر والا بس اني اتجول فيها واكمل الطريق
واذا ترشح اني ابقى فيها شو الاماكن السياحيه المميزه فيها وكم تبعد عن سويسرا
وكم تبعد عن النمسا

كم يوم مدة السفر بالظبط ؟؟
اذا ربي اذن لنا بتكون 2\7 الى 21 \7
يعني 20 يوم بالضبط

الميزانيه ؟؟
تقريبا 70 الف درهم بدون التذاكر

واي معلومات اضافيه عندج اكتبيه .. ؟؟؟؟

# ارجوك اريد شقق فندقيه في زيلامسي وميونخ لان مثل ماانت شايف بنطول فيهم
واطفال وعفستهم يعني الفندق صعب علي وتكاليف اكثر
# شو اهم النقاط اللي لازم انتبه لها في هالدول واحظها في الحسبان بما اني انا وزوجي اول مره نزورها

# وين افضل الاماكن السياحيه العائليه اللي ترشحها لي بقوه في هالاماكن .

# سمعت عن السوق اللي كله ماركات عالميه بس اسعاره وايد رخيصه وهو برع المانيا او اعتقد النمسا
ياريت تقولي اسمه ومكانه اذا عندك خلفيه عنه .

# اريد اعرف الاشياء اللي لازم ازورها او اسو يها في هالاماكن وتميزها واذا مااستمتعت فيها بندم
# ترشح لي مااشتري اي شي الا من المانيا ( ميونخ ) والا لك وجهت نظر ثانيه

اولا اختي نخلص من المخطط ثم السكن وباقي الامور اتركيها علي وعلى الاخوان الاعضاء ..

راح اراعي بالمخطط التنقلات بالوسيلتين .. لكن بدون شك السياره اوفر لكم بكثير .. واريح لانه ما شاء الله كثير اطفال وهذا الشيئ متعب بالتنقلات بالقطار

المخطط :



من تاريخ 2 /7 الى 6 / 7 جنيف او ديفون اوفر للسكن بشقق

من 6 الى 9 انترلاكن او ضواحيها

من 9 الى 11 انسبروك فنادق او ضواحيها بشقق مثل سي فيلد القريبه نصف ساعه

من 11 الى 17 كابرون او زيلامسي

من 17 الى 21 ميونخ حصلت بهذا االتاريخ شقه ل 4 اشخاص بسكن رائع واستيديو لشخصين شقق كامله من جميغع الخدمات وقريبه من السنتر

مناسب هذا المخخطط المبدئي

اخوي علي اولا شكرا على تعاونك ..
اخوي انا غيرت خط الرحله .
ميونخ 2\7 - 10\7 في فندق .. : Hotel Ambiance Rivoli, حجزته عن طريق بوينج
بس ياريت اخوي تتاكد من هالموقع وتعطيني فكره اذا مكانه جيد لاني حجزت على اساس انه يبعد عن ساحة
Marienplatz فقط 4 كيلو ... فياريت تشوفلي موقعه وهل يستاهل طلع الحجز 6000 درهم تقريبا غرفتين لثمان ليالي
http://www.booking.com/hotel/de/ambi...ml?aid=1329869

وهذا عنوانه
العنوان : Albert-Roßhaupter-Str. 22
München, 81369 ألمانيا
GPS : خط العرض 48.1170, خط الطول 11.5342 (N 048° 7.019, E 11° 32.049)


بالنسبه لزيلامسي بتكون من 10\7- 16\7 في فندق Hotel Grüner Baum,
العنوان : Seegasse 1 Zell am See, 5700النمسا

http://www.arabtravelersforum.com/re...month%3D2010-8
وطبعا عن طريق زيلامسي بنطلع كل المدن اللي جنبها لان زوجي ماحب فكرة التنقل لاكثر من مكان وهم جنب بعض

وحاليا عندي مشكله بسويسرا اريد اعرف منو اقرب لزيلامسي جنيف او انترلاكن
واذا بغيت ارجع من سويسرا اي مطار بيكون اقرب زيورخ صح واريد اعرف المسافه بين
زيلامسي وجنيف وزيلامسي وانترلاكن....... والمسافه بين انترلاكن وجنيف ..... وانترلاكن ومطار زيورخ او جنيف
وحاليا بحاول اشوف فنادق في سويسرا لان الاقاممة بتكون من 16\7- 21\7

اولا قولي لي كيف طلعتي الاحداثيه .؟؟ من قوقل ايرث ..


الجواب الفندق بيمونخ على اي اساس اخرتوه ؟؟؟ لانه بعيد وبمنطقه تعتبر غير سياحيه ..الا اذا كانت معاكم سياره والسكن رخيص بالنسبه لكم

الي بزيلامسي جيد جدا كفندق من 3 نجوم ..

نأتي الى سويسرا انا نصيحتي انها بعيده وتمكفيكم زيلامسي وما حولها .. وخصوصا انترلاكن متشابه مع زيلامسي الى حد ما .. ثم ان من زيلامسي الى انترلاكن 6 ساعات وثلث تقريبا .. من انترلاكن الى زيوريخ ساعه و45 دقيقه .. ومن انترلاكن الى جنيف ساعتين ونصف


تحياتي

اولا قولي لي كيف طلعتي الاحداثيه .؟؟ من قوقل ايرث ..


الجواب الفندق بيمونخ على اي اساس اخرتوه ؟؟؟ لانه بعيد وبمنطقه تعتبر غير سياحيه ..الا اذا كانت معاكم سياره والسكن رخيص بالنسبه لكم
انا حجزت خلاص ببطاقته على اساس ان منطقة الفندق قريبه
جدا من ساحة Marienplatz وحسب كلام الاخوه هالمكان هو اكثر سياحي
المشكله هالفندق مالقيت فيه الا هالغرفتين وبعد شرط الحجز ان لايسترد واول مااكدت الحجز سحبوا
المبلغ من البطاقه والله انصدمت ... بعدين اخوي نحن عدنا سياره باذن الله لان ريلي يحب
يسوق ....... انقذني اخوي علي بلييز يعني هالفندق مش زين ومكانه وايد بعيد عن المناطق السياحيه
وشو الاماكن السياحيه القريبه منه ......ومدينة قارمش بعيده عنه والا ارجوك لاني انصدمت
ومااعرف شو بقول لزوجي


الي بزيلامسي جيد جدا كفندق من 3 نجوم ..
والحمدالله اللي بزيلامسي انه موقعه زين وهو جيد جدا


نأتي الى سويسرا انا نصيحتي انها بعيده وتمكفيكم زيلامسي وما حولها .. وخصوصا انترلاكن متشابه مع زيلامسي الى حد ما .. ثم ان من زيلامسي الى انترلاكن 6 ساعات وثلث تقريبا .. من انترلاكن الى زيوريخ ساعه و45 دقيقه .. ومن انترلاكن الى جنيف ساعتين ونصف

بس انا على اساس اروح سويسرا وزوجي يريد يروح فبشو تنصحني
وانا وايد احب الطبيعه ورايحة استجماام اصلا ...
فربي يرحم والديك يعني بتكون اي منطقه لي اقرب لزيلامسي انترلاكن والا جنيف
وتعتقد وين ممكن اروح في هالمنطقتين اذا عندك خلفيه وهل تكون العوده من مطار
زيورخ والا جنيف ..على فكره شفت مطار في انترلاكن بس مااعرف اذا دولي واذا طيران الامارات
او الاتحاد ينزل فيه


انتظر ردك يالطيب بفارغ الصبر عشان احجز


وربي يجزيك الف خير والله ماتتخيل كيف كنت منعفسه وانت مش في المنتدى من الصبح وانا انتظرك
وماصدق شفتك موجود ..ادري متعبتنك معاي بس وربي مالي بعد الله الا انت وهالمنتدى الغالي

حياج الله .. اولا طالما معاكم سياره لا تحاتين ساحة المارينا بلاتز3 كيلو تقريبا .. يعني بالسياره عادي .. يعني ليس ببعيد كثير جدا .. وبعدين يم الفندق هناك الترام والانرقراوند يوديكم للسنتر ,, حتى بدون سياره ... الفندق جيد كتقيم .. وليس سيئ .. غارمش ليس بعيده نفس المسافه ساعه فقط ..

مطار انترلاكن غير دولي ..


سؤالس ترى انا ما اعرف مخططك يوله من وين تبون تبدأون وتنتهون المطارات ... لكن طالما رحلتكم 25 يوم .. يكون المخطط كالاتي ,,

ميونخ ثم زيلامسي ثم انسبروك ( اختيار انسبروك لتقليل المسافه بين زيلامسي وانترلاكن وهي روعه وجميله -- من زيلامسي الى انسبروك ساعتين ومن انسبروك الى انترلاكن 4 ساعات .. ) ومن ثم الى انترلاكن ومن ثم النهايه بجينف ... هذا افضل مخطط اذا معاكم سياره عليكي فقط تقسمين الايام

بنتظاركم

وربي خجلانه منك اخوي علي بس عشمي بك كبير وادري قلبك كبير ويارب تتحمل غلاستي ههههه

اوكي اخوي علي بعرض لك كم فندق في انسبروك وقولي شو الافضل والاقرب على طريقنا
يعني ماودي بواحد يكون في الوسط والزحمه لا ودي واحد يكون سهل على طريقنا
ووين ممكن اروح في انسبروك يعني شو النشاطات والاماكن السياحيه فيها بجلس فيها يوم فقط
يعني بطلع من زيلامسي الصبح وبنكون فيها قبل الظهر يعني الظهر بنكون هناك فوين تقترح علي اروح
في هالفتره البسيطه لاحظ هو يوم واحد فقط ..والصبح بنتوكل باذن الله على انترلاكن ...
الفندق االاول ...
http://www.booking.com/hotel/at/rume...ml?aid=1329869

والا شو رايك في هذا بحيث آخذ غرفه لاربع اشخاص
لان اللحين نحن كلنا 5 انا وزوجي واولادي 3 بس يعني اكبر واحد 12 واصغر واحد2 وواحد 10
http://www.booking.com/hotel/at/basi...ml?aid=1329869
http://www.arabtravelersforum.com/#RD17344903 بتطلع بــ AED 583.48
بس مشكلته بلافطور

انتظر ردك واذا تشوف وجهة نظر ثانيه اتمنى تقولي اياها او تقترح علي فندق معين
يعني بحيث ماتتعدى الغرفتين فيه 1000 درهم


انتظر ردك اخوي

وياريت تعطيني فكره عن افضل مناطق احجز فيها في انترلاكن عشان مااروح اخرب الدنيا
هناك بعد بالنسبه لحجز الفندق

شوفي اختي لا تحاتين انا معاج .. وما عندي اي مشكله ...


المهم الان .. السكن هناك قريه قريبه من انسبروك اسمها سي فيلد بينهم نصف ساعه وفيها شقق كثير على هذا الرابط

http://www.arabtravelersforum.com/travel387624/


وحتى تتعرفن على انسبروك وسي فيلد الرائعتين .. وبالقرب منهم بيرتساو الجميله والساحره شاهديهم بتقاير الريف النمساوي الاجزاء الاربعه هنا
http://www.arabtravelersforum.com/travel379481/

وابشري بكل شيئ .. اذا عندج استفسارات وانا غدا ارد عليهم ان شاء الله

تحياتي لج

هلا اخوي علي ... ادري يمكن اكثر وحده في هالموقع مزعجتنك انا خخخخ
بس ادري قلبك كبير وبتتحمل اختك الغلسه ...

اخوي علي زوجي مارضى قال خلاص من زيلامسي على طوول انتر لاكن

وانا حجزت في هالفندق ياريت تقولي رايك فيه
http://www.booking.com/hotel/ch/roya...ml?aid=1329869

3ايام من 16 الى 19

وحجزت في جنيف من 19 الى 22

http://www.booking.com/hotel/ch/nash...ml?aid=1329869





بس اللحين عندي مشكله بسيطه شوي .. بما ان حجوزاتي في سويسرا قابله للتغير بشرط قبل الموعد بـ 5 ايام على الاقل


فانا ماكنت اعرف ان حديقة يوروبارك قريبه لسويسرا اكثر من ميونخ


(اللي عرفته انه في مدينة ( روست ...
بس انا مااعرف بالضبط وين منطقة روست هاي
اللي عرفت في الموقع انها

_ كم استغرقت رحلتكم من ميونخ الى روست ومن روست الى انترلاكن؟
من ميونخ الى روست 480 كيلومتر اي تقريبا خمس ساعات (رحلة طويلة نسبيا)
من روست الى انترلاكن تقريبا 240 كيلومتر اي 3 ساعات
يعني اللحين ودي اروحها بس بغيت اعرف هي اقرب لجنيف والا لانترلاكن
وهي اقرب من لنترلاكن او تجي بعد انترلاكن لان لو هي اقرب لنا من انتر لاكن بحجز فيها قبل يوم واحد
بس اذا هي تجي بعد انترلاكن بحجز فيها بعد انتر لاكن ولو كانت اقرب لجنيف بخليها بعد انترلاكن


انتظر ردك اخوي عــلي ولك مني كل الشكر

خاشة عرض اقرب لانترليكن لكن شوري عليك دوري لك فندق في رست ليله تريحين وتردين تلعبين بكره عشان تلحقين على اليورب بارك وحاولي رحلتك ماتصادف اجازة نهاية الاسبوع عشان الزحمه

حياج الله .

من انترلاكن الى روشت ساعتين ونصف .. ومن روشت الى جنيف 3 ساعات ونصف ..

ممكن السكن بروشت بعد انترلاكن ثم من روشت الى جنيف .. او اتزورنه من انترلاك بس بتكون شوي متعبه ..

السكن بأنترلاكن جيد جدا .. واختيار موفق

جنيف ما انصحكم ابدا

شوفو البريستول او هذا الفندق الممتاز

http://www.booking.com/hotel/ch/roya...ml?aid=1329869

تحياتي

هالفندق عجبني بس مشكلته الفطور وفي نفس الوقت باركن السياره غير متوفر
بس ليش ماتنصحني بذاك الفندق لاني اوردي خلاص

اخوي علي خخخخ ادري والله تقول وش ذي البلشه ههههه بس خلااص الله يريد لك
هالقضاء والقدر انك تبتلش فيني انا بالذات بين خلق الله
يعني بلييييييييييييز تحمل اختك شوي ادري وايد اسئل واقهر بس انت قلتلي خذي راحتج

السموحه منك وماراح ايدها اخوي علي ...

طيب اخوي علي يالله راوني ابداعك وقولي افضل المناطق السياحيه في كل من مونخ
وزيلامسي وانترلاكن وجنيف ومايجاورهم كلهم وماعليك من مسافه الخطوط بشرط ماتتعدى 4 ساعات عشان مايذبحني
الرحاله الكسول اللي عندي ههههههه...





وفي شي ثاني ووايد مهم بالنسبه لي ياريت تقولي احسن الاسواق الموجوده في هالاماكن
وقريت لك رد تقول فيه ان






انصح باوت لت مينزنقن الجاور لمدينة شتوتقارت لانه هو الاجمل بنظري
ولانه يحتوي على مصنع شركة هوقو بوس واوت لت متكامل لشركة اسكادا الالمانيه



طيب هالاوت لت وين يعني قريب من يورب بارك وواذا قريب تقريبا كم يبعد عن انترلاكن او هو اقرب
لميونخ ..



وسلامي المحمل بكل احترام لشخصك الغالي والرائع

اولا ذكرني بالمخطط وتقسيم الايام




المخطط ..
2-10 7 ............ ميونخ
10-16 7 ........... زيلامسي
16-197 ...........انترلاكن
19-227 .......... جنيف




سئلتج بالصفحه الاولى كيف طلعتي احدااثيات الفندقين ما رديتي علي .. مو بس انا اجاوب ؟؟ الدور عليج




اوكي في البدايه لاتضحك علي اذا قتلك اني ماطلعت احداثيات للفندق ولااي شي
بالنسبه لميونخ وزي لامسي لان في الاساس اول مره اصلا احجز فنادق بنفسي العاده
اختار وبعدين اروح مكتب سفريات وانظم معاهم بس هالمره تشجعت وسويتها طبعا بعد
ماحسيت بالحمااس معاكم
كيف اخترت ههههه اضغط في موقع بوكينج واشوف الفنادق وبعدين اشوف الخريطه
الفندق اللي اشوف جنبه وايد فنادق ووايد اشياء اقول اوكي خخخخخ.. وعلى طوول حجزت
يعني جت بالبركه خخخخ ولكن الحمدالله العواقب كانت بسيطه وللحين مافي اي مجازفات كبيره
كتجربه اولى لي ...
طبعا انصدمت من قتلي ان الموقع في ميونخ شوي بعيد فقعدت افكر بما ان الفلوس خلاص انسحبن
لازم ابدا اسوي غسيل مخ لزوجي عشان اائهله للصدمه هناك وبديت اقوله ياسلام
هالفندق وايد قريب لساحة مارين بلاتز بس 4 كيلو واتفلسف واغسل مخه هههههه يعني خله يوصل
واخلي نفسي منصدمه معاه ومالي ذنب المهم اوصل وبعدين مو مشكله عندي
اما انترلاكن وجنيف لا فهمت الخريطه وقمت اسوي زووم وابعد ( يعني صرت اعجبك )
واقرأ اكثر عن هالاماكن والافضل واخترتهم يعني تقدر تقول بديت افهم اللعبه خخخخخ






ثانيا المسافه الاطول هي من زيلامسي الى انترلاكن 6 ساعات وربع



بالنسبه لسؤالك هذا قلتلك ان زوجي متحمس وايد ويوم قتله بنسكن بفندق في انسبروك قالي لا
هي ككلها 6.5 ونص عادي والريف حلوو ..
( تقدر تقول يبى يغيض فيني واقول لا خلاص تعب ومابروح سويسرا ) خخخخخخخخ
ولكن على من قتله اوكي اللي ودك بالعكس احلى دامه مو تعب عليك انت اللي تسوق مو انا ههههه
اتخيل شكله وهو يقولي ظهري تكسر آخر مره تسافرون ههههههههههههه





لكن عموما انصحكم بأفضل اوت لت هو بسالزبورخ قريبب من المطار



طيب اخوي علي هذا الموول كم يبعد عن زيلامسي وياريت احداثياته بالضبط



وفي شي عجبني في تقاريرك عن النمسا وانهوست فيه وهي مدينة
مدينة لينز : من زيلامسي ساعتين ونصف ..... اخوي علي ياريت اعرف كم تبعد
هالمدينه عن انترلاكن يعني ودي اتسوق فيها ههههه بما اني هوس سووق
يعني هي بعيده عن انترلاكن لو حجزت يوم فيها .. شكلي بدمرها
لو كانت في طريقنا لانترلاكن وبحجز فيها يعني تقدر تقول صدمه لزوجي العزيز
على اساس اني خفت عليه من التعب ( خاصه ان فندق زيلامسي اقدر اغير الحجز فيه قبل
الموعد بـ15 يوم بدون مايخصم شي )
يارب تكون في طريقنا ياااااااااااااااااااااااااارب

اولا اسواق سالزبورخ بتكفيج جدا .. وخصوصا الاوت لت ومجمع يوربا بارك .. تجدينهم بموضوعي المثبت وراح تجدين عناوينهم ..

وايضا يوجد شارع كامل للماركات بوسط سالزبورخ .. هذا بالنسبه للسوق ..


طبعا ليس بالقرب من انترلاكن ..

سالزبورخ .. من ميونخ ساعه ونصف .. ومن زيلامسي ساعه ونصف

تحياتي

الف شكر لك اخوي عمر ... بس بالنسبه مول سالبورج مالقيت عنوان له بس ارقام
تلفون واصلا بالالماني ومافهمت شي وماعرفت احوله انجليزي...

وفي شي ثاني اخوي علي ماجاوبتني على سؤالي الاخير







وفي شي عجبني في تقاريرك عن النمسا وانهوست فيه وهي مدينة
مدينة لينز : من زيلامسي ساعتين ونصف ..... اخوي علي ياريت اعرف كم تبعد
هالمدينه عن انترلاكن يعني ودي اتسوق فيها ههههه بما اني هوس سووق
يعني هي بعيده عن انترلاكن لو حجزت يوم فيها .. شكلي بدمرها
لو كانت في طريقنا لانترلاكن وبحجز فيها يعني تقدر تقول صدمه لزوجي العزيز
على اساس اني خفت عليه من التعب ( خاصه ان فندق زيلامسي اقدر اغير الحجز فيه قبل
الموعد بـ15 يوم بدون مايخصم شي )
يارب تكون في طريقنا ياااااااااااااااااااااااااارب

له عنوان ..

ولينز بعيده ..

غدا اجاوب بالتفصيل ... ان شاء الله ...

تحياتي

اخوي علي لو ماعليك امر عندي استفسار ثاني
بغيت اعرف احسن مكتب لتاجير السيارات
يعني ودنا بسيارة مرسيدي ml فورويل او x5 بي ام دبليو
طبعا تكون من ميونخ وتتسلم في جنيف بشو تنصححني
قالي زوجي تقريبا تكلف سعرها 10000 درهم لمده 22 يوم والشهر نفس السعر بعد

انت شو رايك اخوي علي


ولك مني كل االاحترام والتقدير

هلا فيج

المكاتب الجيده مثل شركة يورب كار وسيكست

والسعر على حسب نوع السياره .. وضريبة التسليم بجنف


تحياتي

الف شكر لك اخوي علي الصرااحه مش مقصر معاي :1a6cb:
وربي احسبك مركب الانقاذ لي بعد ربي ..:2s6aq: يعني اي شي على طوول مالي الا ابوعمر
ربي يبارك فيك ويجزيه الف خير ...:39170:


طيب اخوي عــلي .... ماجاوبتني بخصووص مدينة ليـــــنز :1a6cb:
انت ذكرت ان مدينة لينز : تبعد عن زيلامسي ساعتين ونصف حسب تقريرك للريف النمساوي





مدينة لينز : من زيلامسي ساعتين ونصف

ثالث اكبر مدينه نمساويه .. تقع على نهر الدانوب .. تتمتع هذي المدينه بالاسواق والماركات الشهيره .. وبعض الفعاليات السياحيه الجميله المختلفه .. تعتبر المدينه صاخبه وخصوصا بسنترها الرائع الواقع بوسطه
)St.Mary’sCathedral. ( ..
وهي خيار رائع للسكن لمحبين التغيير واختيار مدينه اخرى غير فينا
من لينز الى فينا 188 كيلو والوقت ساعتين .. ساعه ونصف من سالزبورخ ..






لان مبينه كبيره وايد وفيها وايد اشياء خااصه السووق بما اني هووس اسواق :58u9x::3nw09:
يعني انا اذا بروحها بروح للاسواق بس حبيت اسئل هل اسواقها تختلف عن اسواق ميونخ والاتقريبا
نفسها وهل اسعارها نفس ميونخ والا اغلى
يعني تستحق اني اضيع اغلب الوقت في سوقها والا اكتفي بميونخ واسواقها واركز
اكثر على فعاليات والاماكن السياحيه في هذي المدينه لاني فعلا ناويه اروحها ...
وهل تكفي يوم واحد من الصبح لحد المساء فيها للاستمتاع بكل مافيها

على فكره هذاااا آخــر سؤال حتى اشعار اخر :6q9ta:
يعني يارب اريحك من ازعااجي ومايطرأ جديد على مخي اللي مايوقف من الهلوسه بهالرحله :5glab:
ادري ودك تذبحنني خلااص :iah06: و مااعتقد مــــرعليك مسافر مزعج مثلي :i2yqx:

بس وربي ان الانسان الوحيد اللي يساعدني :39170:
ربي يبيض وجهك يوم القيامه ويحرم وجهك انت ووالديك واهلك على النار اللهم آمين

هلا فيج ..

ممكن تذكرني بالمخطط مع عدد الايام ؟؟

جاوبتج على لينز .. بعيده من زيلامسي ما انصحكم اذا تبين سوق فذهبي الى سالزبورخ ساعه وثلث من زيلامسي

وفيها مجمع يورب بارك بحدود 150 محل ومقاهي ومطاعم .. وايضا اوت لت سالزبورخ بالقرب من المطار رائع وجديد وكبير جدا واغلب الماركات موجوده وايضا الرائع شارع الماركات

اسم شارع الماركات

Getreidegasse



ما يكفيج يوم للتسوق بهم

وايضا لا ننسى ميونخ


تحياتي

الف شكر لك يااخوي علي وبيض الله وجهك وربي كفييت ووفيت وماقصرت ابد .....

ام ممممممم مجرد استفسار اذا عندك فكره عنه
طيب اخوي انا قريت تقرير لاخوي احمد المطوع يتكلم فيه عن مزارع الفراولة في ميونخ
وقال يعني تعتبر رحله حلوه للعايله وعجبتني الفكره ...عندك فكره عنها اخوي علي انا دورت في الموقع من امس
لحد الفجر اليوم ومالقيت الا موضوع اخوي احمد المطوع ومش محدد وين بالضبط مكانه وفي اخو ثاني مااذكره وضح هالنقطه فقط

مزارع الفراوله ... Erdbeerfeldr vonhoreiter تبعد ربع ساعه عن مينوخ وحلووه

وباقي مواضيع مزارع الفرواله تتكلم اجمعها عن ماليزيا وشرق اسيا


فياريت تفيدني اذا عندك فكره ...





على فكره اخوي علي انا جمعت معلومات وايد حلوه عن المانيا والنمسا وسويسرا
وبعد ماارتب كل الافكار حابه امنحك اياها هديه لانك تستاهلها وربي
يعني اتمنى تقبل هالهديه المتواضعه من اختك لكي يستفيد الجميع منها في هالاقسام الثلاثه
وطبعا كانت اغلبها بمساعدتك الرائعه اللي فعلا مستحيل انكرها فشكرا لك اخوي العزيز ابو عمر

الاسم المنقول خطأ

وبعدين جدولكم بميونخ جيد جدا ...

اذا رتبتي الاماكن اعلق عليها ..

وشكرا لج مقدما على الهديه


تحياتي