الموضوع: اللي سبقو استاجر سيارة يدخل هنا مشكورا موضوع للتفاعل

السلام عليكم ورحمه الله
اخواني الكرام
اليوم وانا اتجول في مواقع التأجير المنشورة هنا بالمنتدى وجدت في موقع avis
انواع التأمين للسيارات وجدتها كالتالي :

Collision Damage Waive

Personal Accident Insurance (PAI)

Liability Insurance


Theft Protection

وللحق فماادري وش سالفتها ...
الاول امكانية التنازل ؟؟
الثاني التامين ضد الحوادث الشخصية
الثالث تأمين المسئولية
الرابع الحماية ضد السرقة

ولاعرفت منها الا الثاني والرابع ؟؟

غريب امر هالخواجات طيب لاامنت المفروض انه ضد السرقة ؟؟
ياجماعة من سبق واخذ سيارة لايبخل علينا بمعلومه نظرا لاهميتها الخوف انك تاخذ شي ماتعرفه
ثم تبلش بالخواجات ...
السؤال مافيه تأمين شامل وصلى الله وبارك ؟؟
السؤال وش نختار من الخيارات اعلاه

مواضيع عشوائيه ممكن تكون تعجبك اخترناها لك:

• مهم جدا جدا
• بادن بادن نبي معلومات عن شقق
• شو الفرق بين هالفنادق ف ميونخ
• تكلفة السفر المتوقعة لرحلة مدتها 3أيام.
• كيف ارتب رحلتي
• صورني الرادار في المانيا وش الحل
• رحله يوم فرانكفورت
• من ميونخ الى برشلونه
• ميونخ في الويكند
• استفسار بخصوص الاطفال في الجواز الفيزا الالمانية
• استفسار بخصوص مطار ميونخ
• مخطط رحلة لمدن أوروبية
• فندق جنب المطار ؟؟
• عسى والديه للجنه اللي يجاوبني
• دوسلدورف الجميلة
• عاجل سفرتنا قربت
• موسوعة البوابة الألمانية أهم المواضيع والتقارير آخر تحديث
• محتاجه مساعدتكم ضروري
• مساعدتكم من خلال التجربة
• طلب المشورة للسفر إلى أوروبا والنمسا تحديدا

للرفع للتواصل

المشاركة الأصلية كتبت بواسطة الإعرابي 411
http://www.arabtravelersforum.com/tr...9/#post3900749

للرفع للتواصل




اخي اطلب تامين شامل تكون قيمة مشاركتك عند الحوادث او السرقة صفر او علي اقصي احتمال 100 يورو
وهو موجود في كل الشركات ولكن في اغلبها يجب حجزه عند استلام السيارة

المشاركة الأصلية كتبت بواسطة safir_elarab
http://www.arabtravelersforum.com/tr...4/#post3901054

اخي اطلب تامين شامل تكون قيمة مشاركتك عند الحوادث او السرقة صفر او علي اقصي احتمال 100 يورو
وهو موجود في كل الشركات ولكن في اغلبها يجب حجزه عند استلام السيارة

معناه ان عندهم تامين شامل .. جيد
ولكن الغريب اني لقيت البعض يقول التامين يشمل مافوق الــ2500ريال تقريبا
يعني لو تلكف السيارة 1900 مثلا تدفعها انت مايغطيها التامين

عموما اشكرك ياصديقي

الله يغنينا عن هالحوادث وشرها

سافرت هناك واخذت سيارة سكودا 2010 بوكس جديدة ديزل بسعر 190 ريال في اليوم كيلو مفتوووووح مع الجارمن والتامين وقيادتهم امنه جدا والامان من الله ... ومنظمين ومرتبين حتى انك لاتخاف على سيارتك ...ولا ترتهب من القيادة لديهم

الاعرابي الحمدلله على السلامة

بشر وشلون السفرة ووشلون اسعار السكراب

اخوك مسافر الاسبوع الجاي وسطحه ما عمره طب المانيا

فزعتك يا ابو عرب

المشاركة الأصلية كتبت بواسطة الإعرابي 411
http://www.arabtravelersforum.com/tr...1/#post3971551

سافرت هناك واخذت سيارة سكودا 2010 بوكس جديدة ديزل بسعر 190 ريال في اليوم كيلو مفتوووووح مع الجارمن والتامين وقيادتهم امنه جدا والامان من الله ... ومنظمين ومرتبين حتى انك لاتخاف على سيارتك ...ولا ترتهب من القيادة لديهم



اخي ابو العرب

ممكن تعطينا اسم الشركة المستاجر منها
ونوع التامين
و بوكس يعني كم راكب
وايش الاوراق المطلوبة للاستئجار مثل رخصه دولية ....او السعودية تمشي
وهل في اي توصيات لنا ودمتم

المشاركة الأصلية كتبت بواسطة العريس
http://www.arabtravelersforum.com/tr...9/#post3972409

الاعرابي الحمدلله على السلامة

بشر وشلون السفرة ووشلون اسعار السكراب

اخوك مسافر الاسبوع الجاي وسطحه ما عمره طب المانيا

فزعتك يا ابو عرب

العريس حياك الله ياصاحبنا
انت عريس من الفين و3 يعني الان عندك ماشاء الله عيال (يعني شيبت )
اما بعد ياصاحبي خذ عندك عن المانيا وسيرة المانيا والزمان اللي ودا المانيا
1- لن تسمع (بوري ) واحد اثناء القيادة
2- لن تضرب مطب واحد لان الازفلت كانه قزاز مو ازفلت
3-التزم والتزم ثم التزم بقوانين المرور والسرعه داخل البلد وانتبه من الاشارات لك اشاره وللمشاه اشارة
4-خذ من الفندق موقف سيارة لان الموقف لحاله حكايه
5- الدنيا كلها خضراء بخضراء والله انه طالع لي غزال من الغابة على طريق ميونخ
6- خذ معك عزبة كاملة فيها القهوة اهم شي والتمر كثره ... وخذ معك جبن ومعلبات لانك راح تظطر احيانا تاكل معلبات لان مافيه مطاعم موثوقه بكل مكان (اقصد شرعيا حلال وحرام ) خصوصا لا صرت على الطرق
7 - ان كنت نازل فرانكفورت اعرف لك مكتب رخيص مره بـ190 مأمنه ومع القارمن موديل 2010 بوكس يعني كبيرة مره تشيل الى 6 او 7 افراد
8-انتبه ترا الدنيا غالية الديزل والبنزين حوالي 7 ريال للتر ... يعني عادي تصفط وتعبي سيارتك ب500 ريال

9 - لله ثم لله كان معك عائلة او بنات كبار لاتروح بهم هناك لان الدنيا اباحية والشارع مليان مناظر الى حد ان الشارع العربي هناك مليان مومسات واماكن واطيه عيني عينك لذلك فان الحر الكريم لايرضى لاهله بشوف مثل هالاشياء وهذه نصيحه لوجه الله تعالى (ادري انك ان شاء الله محترم ) ولكن ما اقصده هو ان الامر بالشارع العام وليس اماكن اخاصه يمكن للشخص تجنبها

10 - بما انك اول مره راح تنصدم بالاسعار الماء الصغيرة بــ 7ريال والغداء والعشاء باحد المطاعم بالشي الفلاني
11- راح تنصدم بالهدوء والسكينة والترتيب والنظام والانضباط ولطف الشعب وخدمته لك عند السؤال
12- راح تنصدم بالجو هكاليوم الحرارة اذا ارتفعت وصلت 20 واذا جاء العصر امطرت
13- كانك راعي فلة قوة خذ لك كوخ بالريف والله ان ينبت براسك ورد من السعادة .. وان اخذت لك خروف صغير وقصمدته بثلاجة الكوخ فهذا من نعيم الحياة الدنيا ...
14- الامان لاتسأل والله مالقينا منهم الا كل خير واحترام والناس تعاملك بالمثل
15- مشترياتك الكبيرة خذ لها من نفس المحل نموذج اعادة الضريبة حتى تسترجع قروشك بالمطار
16- بعد المانيا ستقتل من يقول روح معاي لمصر
17- بعد المانيا ستعيف العالم العربي كله وتعتبر اللي يروحون لمصر وسوريا مجانين رسمي
18- انتبه لمواعيد الصلاة ترا العصر الساعة 6 والشمس تغيب عشر والعشاء بنص الليل
19- لاتقول ابروح للمدن والزحمه ... فان التبطح لساعتين في الريف يسوى يومين بالمدينة
20- ان اجتجت الى مساعدة في الفنادق فانا جاهز للمساعدة

هذا مالدي والله اعلم والله المستعان

وكتبه الاعرابي 411 من بريدة ما في قصيم ما

عز الله انك كفيت ووفيت

انا رايح لحالي ناوي اجيب لي كم تريلة اترزق الله فيها

وش نصحيتك لي ووش الافضل فرانكفورت او هامبورغ ووشلون اسعار الروس اكتروس من 2002 غلى 2005
وهل تنصح استاجر سيارة او اخليها تاكسي ومترو وقطار واذا استاجر سيارة كم السيارة الصغيرة وهل يقبلون رخص مرورنا
هل تنصح بفندق نظيف وسعره مناسب في حدود الثلاث او اربع نجوم وهادي وبعيد عن ما حرم الله

بانتظار ردك يا غالي

7 - ان كنت نازل فرانكفورت اعرف لك مكتب رخيص مره بـ190 مأمنه ومع القارمن موديل 2010 بوكس يعني كبيرة مره تشيل الى 6 او 7 افراد


يا اعرابي
اعطينى عنوان المكتب انا احتاج مثل هذه السيارة وشكراً

المشاركة الأصلية كتبت بواسطة العريس
http://www.arabtravelersforum.com/tr...4/#post3972654

عز الله انك كفيت ووفيت

انا رايح لحالي ناوي اجيب لي كم تريلة اترزق الله فيها

وش نصحيتك لي ووش الافضل فرانكفورت او هامبورغ ووشلون اسعار الروس اكتروس من 2002 غلى 2005
وهل تنصح استاجر سيارة او اخليها تاكسي ومترو وقطار واذا استاجر سيارة كم السيارة الصغيرة وهل يقبلون رخص مرورنا
هل تنصح بفندق نظيف وسعره مناسب في حدود الثلاث او اربع نجوم وهادي وبعيد عن ما حرم الله

بانتظار ردك يا غالي



والله ياعمي العريس انا توي جاي وكان سفري عن المعارض يمكن لاحضت من مواضيعي
ونصيحه لوجه الله خلها سيارة ارخص لك واختارها ديزل واستاجرها من برا المطار ...
لان التكاسي ركبنا مره حوالي 10 كيلو بــ 75يال والتاكسي ماهو فار فيك هنا وهنا ولا بتحاسبه
على المشوار الواحد 500 الى 700 ريال وانا اعني مااقول ماهو مبالغة خصوصا وانه بينتظرك
والقطارات نفس سعر الديزل مع تعقيداتها ولاركبت من ديرة الى ديرة بقطار لاطلعت من القطار
بتاخذ تكسي تدور فندق فتجد انك فعلا تخسر
الفنادق عليك بطير شلوى هوليدي ان اكسبريس ميسي بفرانك فورت فندق حلو وممتاز ونظيف وهوليدي ان عالمي وسعره ميتين ريال 200 فقط مع الافطار ..انت رايح تدور المكاسب

اما اسعار الروس الاكتروسات فالامر جدا جدا معقد لان المعارض متفرقة ومتدحلسه هنا وهنا ولاهي مجمعات زي ماعندنا ...اضافة الى عمق التحدي وهو ان المعارض يصدرون للخليج كل دوله والعراق وافغانستان وحتى والله بعض الدول الافريقية فتلقى الراس النظيف يطير على طول يبيعونه باالانترنت وان حصلته لقيته غالي جدا موخرا ... لقينا راس 2005 اكتروس نظيف نظيف لونه سكري شيك يقول ب28000 الف يعني 135الف بالمانيا والشحن 10 والجمرك 10 يعني يمشي بجده 155 الف مااستفدنا خصوصا وانك خاسر لك 10 الاف بالسفرة
ماودي احبطك يجي فرص بس تبغى تتعب هناك حتى تلاقيها ... الله يعينك وان رحت للربع العرب هناك ركب معك ووداك كم معرض واخذ عليك عموله ومن المعرض عموله له وتحسب عليك وطلعت نفس الشغله ... اضافة الى ان الاكتروس قليل قليل قليل جدا جدا ... اكثرها الفلفو والمان القير كهرب كله وتعرف الكهرب كامل صعب يمشي هنا ...
فرانكفورت مافيها شي لانزلت على طول اطلع هامبورغ 400 كلم من فرانكفورت وتلقا المعارض هناك لكن النصيحه لوجه الله تعالى والله اعلم بالنيات .. الاكتروس قليل نسبه للمان والفلفو .. والسقس الاكتروس تحديدا والله ماشفناه الا كان عن الحلف وحده او ماشفنا شي ... وانتبه لايغشونك بالتيجو تراها زي الاكتروس .. ماتفرق وشعارها بنز ...

**الرخصه خذ لك رخصه دولية ب120 ريال من اي مكتب سياحي وريح راسك المطلوب لها صورة الجواز وصورتين عاري الراس .. مطلع الصلعه

احس اني طولت مشكلتي لاتحمست جيت كلي جزاني الله خير

اشكرك واسئل الله لك رفع الدرجات

انا في انتظارك وترى معي عيال واول مرة اطب المانيا وما ادري كيف راح اوصل لمكتب التاجير
ارجو شرح الطريقة اذا في طريقة يحضرو السيارة للمطار ولا كيف الدعوة

جزاك الله خير الجزاء

اخي الكريم الاعرابي

وين اجد الاكواخ في هايدلبيرج
او مانهيم
اوقريب منها بحدود 50 كيلو
لي اسبوع ابحث في النت مافية فايدة
تكفي عجل بالعلم

اخي الإعرابي

في انتظار معلومات شركة تأجير السيارة وشكراً

الاعرابي

هل عروض المجلات فيها عروض حلوة او نفس الانترنت

المشاركة الأصلية كتبت بواسطة afjarab
http://www.arabtravelersforum.com/tr...4/#post3981724

اخي الإعرابي

في انتظار معلومات شركة تأجير السيارة وشكراً

اسف جدا ياعمي على التاخير ... والوفاء لاهل الوفاء طال عمرك
هذي المعلومات وارجو من المشرفين عدم حذفها ... لانها معلومه عامه
بين الاعضاء وليست دعاية ... هي مجرد خبرة بين الاخوان للفائدة :

اسم المكتب enterprise
mainzer landstrabe 318-320
60326 frankfurt
www.enterprise.de

ممكن تحجز عندهم على الانترنت او تتصل فيهم وتراهم لطفاء جدا
واطلب السكودا الــ 2010 بوكس موتر جديد جدا ومريح لك ولعائلتك
وموفق خير طال عمرك
بتعجبك جدا ان شاء الله وسعرها حلو لانها من برا المطار
وبالنسبة للوصول لهم اكتب هالعنوان وعطه اول تكس يقابلك يوديك هناك لانه واضح حتى على الجارمن

المشاركة الأصلية كتبت بواسطة العريس
http://www.arabtravelersforum.com/tr...1/#post3982921

الاعرابي

هل عروض المجلات فيها عروض حلوة او نفس الانترنت

والله يبن الحلال الحكم على المجلات صعب ولكن الطبيعة تختلف عن المجلات والمجلات اللي فيها يطير على طول
لانك لست وحدك هناك الناس شغالة تصدير الكويت الامارات الافغان العراق والاكترس المواصفات الزينة
تطير على طول ... صدقني راح تبحث كثير على بال ماتلقا الموتر الزين ... المنافسه شديدة ...
وماهنا شي اسمه عروض ... العروض على اللي مايمشي اما الاكترس والمان المواصفات الزينة ... لان الكل يطلبها يزودون فيها الف الفين على طول ... والناس تسحب .. .

الله يوفقك ويرزقك من واسع فضله
وعندي لك عرض حلو ... وان وافقت ممكن نتراسل عبر الادارة
انا طالع شهر عشرة هجري وممكن اخذ منك المواصفات ... كاملة واجيب لك الموتر اللي تبغاه ... انا لي معارف هناك
ولي اصحاب حريم ورجال في البلد ... وممكن اطلع لك اللي تبي ... وبيني بينك الله جل وعلى والذمه ... وتوفر عناء السفر والبحث والسماسرة العرب اللي بيزعجونك ..

وعمولتي مانختلف فيها اللي بتعطيني عطني اياه والله مااردك انا رايح رايح وادور ارزاق الله ولسا جايب مواتر من اسبوعين حتى انهن لسا ماجن بالميناء وش قلت

مشكور اخي وجزاك الله خيرا

المشاركة الأصلية كتبت بواسطة R ee M
http://www.arabtravelersforum.com/tr...1/#post3988111

-

عذراً لصاحب الموضوع لو يسمحلي اسألك يالاعرابي

بالنسبه للمكتب اللي حطيته عندهم هالسياره لـ 7 اشخاص
كود:
http://www.enterprise.de/car_rental/...ebTransaction2
هل تختلف رسوم الاجار لمّا استخدمها برا المانيا ؟
وهل عندهم خدمه توصيلها لمنطقه معينه ابيها فيها ؟
وصح حسابي بتكون سعرها 4700 تقريبا .. لمده 14 يوم !

وشاكره لك اخوي

انا صاحب الموضوع
وسؤالك ....جوابي اني والله ماادري عن الايجار لبرا المانيا هم سالوني بتطلع برا المانيا قلت لا
ويبدو انه كان لازم يعطوني ورقة معينة للخروج خارج الدولة ربما ؟
اما الحسبة فانا اخذتها 7 ايام بـــــــــــــ 1800 ريال شامل التامين والقارمن
يعني 14 يوم شامل كل التامين وكل حاجه 3618 ريال فقط وممكن ارخص لان سعر
نصف شهر غير اسبوع

موفقين خير