الموضوع: مساعدة زوجتي على وشك ولادة

أرجو المساعدة أنا طالع البحرين وزوجتي على وشك ولادة ومحتاج فزعتكم عن محلات هدايا مواليد ومحلات جلابيات ومحلات مفارش فخمة وحلوة وألف شكر لمساعدتكم

مواضيع عشوائيه ممكن تكون تعجبك اخترناها لك:

• سؤال ضروري ضروري لأهل البحرين وكل من زار البحرين
• مسافر جديد واستفسارات لو سمحتو
• طلب لخبراء البحرين
• استفسار عن فندق الخليج؟؟؟عاجل
• مطلوب خريطة البحرين الجديده
• مطعم عبدالوهاب؟؟؟؟
• وين محلات التشوكلت قوديفا لافيز لولو كافيه في البحرين
• العملة السعودية وش قصتها
• فندق ومنتجع الزلاق في البحرين
• فرسان ولا السفير
• سؤاااال عن البحرين
• طالبكم ساعدوني
• جنه دلمون وفنادق البحرين
• اتمنى من الاخوه في البحرين مساعدتي
• مساعده في اماكن ترفيهيه قبل نهايه الاجازه
• إلى أختي الغالية تحية
• أسئلة عن البحرين
• استفسار عن الشقق المفروشه
• كازابلو
• استفسار عاجل عن اسواق الجملة في البحرين ياليت تفيدونا ولكم الشكر

المشاركة الأصلية كتبت بواسطة ahmadalr
http://www.arabtravelersforum.com/tr...1/#post2223793

أرجو المساعدة أنا طالع البحرين وزوجتي على وشك ولادة ومحتاج فزعتكم عن محلات هدايا مواليد ومحلات جلابيات ومحلات مفارش فخمة وحلوة وألف شكر لمساعدتكم



توجد عدة محلات للهدايا والتوازيع الخاصة بالمواليد وايضا محل للمفارش المطرزة للاطفال الفخمة في مجمع ناصر قرب النادي الاهلي-الزنج
بالنسبة للجلابيات انصح بمجمع اللولو في المنامة قرب فندق سانروك ومحلات رامز

والف مبروك مقدماً

اخوي محلات الهدايا تارسه الديره ... فكل مكان تلقى محل يعني في فالرفاع فبوكواره محلات وااااايد..
وفي باتشي عند دوار السلمانيه..
ولاريسيا و لوكادو ونوال وجناحي عند النادي الاهلي..
جوكودور عند عين عذاري..
دان فالمحرق..
والجلابيات فمعظم الاسواق
والمفارش في محل بمجمع يتيم اسمه بدايه بوتيك يبيع مفارش فخمه وقمصان ولاده

المشاركة الأصلية كتبت بواسطة مزون البحرين
http://www.arabtravelersforum.com/tr...1/#post2226428

اخوي محلات الهدايا تارسه الديره ... فكل مكان تلقى محل يعني في فالرفاع فبوكواره محلات وااااايد..
وفي باتشي عند دوار السلمانيه..
ولاريسيا و لوكادو ونوال وجناحي عند النادي الاهلي..
جوكودور عند عين عذاري..
دان فالمحرق..
والجلابيات فمعظم الاسواق
والمفارش في محل بمجمع يتيم اسمه بدايه بوتيك يبيع مفارش فخمه وقمصان ولاده



أخت مزون ممكن وصف للأماكن اللي ذكرتيها وألف ألف شكر

أخت مزون ممكن وصف للأماكن اللي ذكرتيها وألف ألف شكر

اخوي المشكله اني اخر وحده تقدر تفيدك بالوصف والله مااعرف اوصف ولا مكان بس ان شاءالله باقي الاخوان والاخوات يفيدونك

السلام عليكمبالنسبة لمحلات بيع لوازم اطفال حيثي الولادة عندك المحل اللي عند صيدلية ناصر بالقرب من النادي الأهلي مثل ما قال د.مخوضر.
بالنسبة للجلابيات عنك يشمك بالرفاع -مع ان اسعاره غالية شوي-لكن قماشها جيد
.واذا رحت الرفاع بو كوارة راح تلاقي محلات عديدة للجلابيات

مرحبا أخي الكريم .... بتكفل بالتوصيف لبعض الاماكن اللي ذكرتا الاخت مزون ... وباختصار ...

وبعتمد في التوصيف على الطريق ... وانت جاي من السعودية ... طريق الجسر ...






محلات الهدايا تارسه الديره ... فكل مكان تلقى محل يعني في فالرفاع فبوكواره محلات وااااايد..



شارع البوكوراه: بعد ما تخلص من الجسر .... تاخذ ثاني مخرج مكتوب عليه (الرفاع - مدينة حمد) وتسروح على الشارع سيده وانت ماسك يمين لحد ما توصل الدوار الكبير ... تاخذ ثالث مخرج وتروح سيده ... بيصادفك دوار الساعة ... تاخذ ثاني مخرج ... وعند ثالث إشارة ضوئية تصادفها .. تلف عندها يسار .. انت الحين في شارع البوكوارة ...






وفي باتشي عند دوار السلمانيه..



بعد ما تخلص الجسر ... تروح سيده على طول ... لحد ما تصادفك الإشارة الضوئية ... وتمسك عندها أقصى اليسار ... وتلف يسار ... وتروح سيده ... عند ثاني إشارة ضوئية تلف يمين ... وبتلاقي قدامك إشارة ضوئية و5 مسارات .. تمسك المسار الثاني أو الثالث عشان روح سيده ... بعد ما تقطع الاشاره .. بتشوف باتشي على يدك اليمين على طول ...






ولاريسيا و لوكادو ونوال وجناحي عند النادي الاهلي..



بعد ما تخلص الجسر .. وتروح سيده ... عند اول إشارة ضوئيةتمسك ثالث3 مسار من اليمين .. ..بعد ما تقطع الاشارة .. تمسك اليسار ... وتروح للإشارة الضوئية الثانية ... وتلف يسار ... تدخل هالشارع ..ز بعد الاشارة الضوئية .. بتلاقي مجمع ناصر على يدك اليمين ... وفيه هالمحلات ... ومحل لاريسا .. في الجهة المقابلة .. بس من بداية الشارع ...






جوكودور عند عين عذاري..



وانت طالع من الجسر .. في طريقك لأول إشارة .. بتشوف هالمحلات على اليسار .. وتقدر ترجع لهم بعد ما تلف U turn عند الإشارة الضوئية ...

هذي اللي قدرت اوصف لك أخي الكريم ... واعذرني من أي تقصير ...