الموضوع: من يريد معرفة أي موقع سياحي في البحرين؟؟

بسم الله الرحمن الرحيم

والسلام عليكم ورحمة الله وبركاته

تكثر مواضيع أين يقع فندق الـ..، أين يقع مطعم الـ.. ....إلخ

هنا إطلب المكان التي تريد معرفته وسنقوم بعمل خريطة لك بواسطة برنامج Google Earth

مواضيع عشوائيه ممكن تكون تعجبك اخترناها لك:

• طيران البحرين توقع مذكرة شراء طائرات جديدة من إيرباص
• الله يخلييييكم ساعدوني
• لطرح استفساراتكم عن فنادق وشقق البحرين تفضلوا هنا
• سؤال عن فندق اليت ريسورت
• الاسبوع الماضي زرت البحرين بعد انقطاع
• سعر الصرف في البحرين
• أستفسار
• منتجع بالبحرين للأطفال
• الف الف اخوي
• خرائط البحرين
• انا اول مره اروح البحرين وايد تفاصيل لبعض الامور
• مدينة ملاهي في المنامنة
• استفسار عن اماكن السياحة في البحرين
• كم رسوم المواقف في مطار البحرين
• سؤالي عن الفنادق
• سؤال عن دايسو موقعه بالضبط ؟وهل يستاهل العنوه ؟؟
• الله يجزاكم الف خير ردوووووووووووووو علي ضروري
• ساعدوني
• رشحولي فندق غير السفير
• كم سؤال عن البحرين

أفكارك أخوي لا يعلى عليها وأكيد هالخطوة راح تفيد أخوانا وايد ، واحنا أكيد راح نتعاون في هالشغلة ..

بس أنا آخر تحديث لبرنامج googleearth عندي ( 31 مارس 2007 ) ، مادري أخوي اذا عندك أحدث من هالبرنامج أكيد راح يكون أدق وأوضح لأن في خلال هالسنة ونص وايد معالم وطرق تغيرت ..

بس أهم شي نوصل المعلومة بالخريطة والشرح على أساس تسهل على الي ما يدل البحرين ..


..

يعطيكم العافية شبابنا .... ما تقصرون والله يكثر من امثالكم ..... ويجعل ما تفعلونه في ميزان حسناتكم ...

الله يعطيكم العافيه شباب
ترى البحرين تستاهل كل الخير

عساك عالقوة اخوي

اول طلب مني واتمنى الرد باسرع وقت لو سمحتو
ودي أعرف وين مكان جنة دلمون بالظبط لاني جاي السبت انشاء الله
ويعطيكم الف عافيه على مجهوداتكم بس ياليت اخواني تعطوني الوصف بالرسم او الكتابه لأني ما اعتقد ان
جوجل ايرث واضح وصف واشكرك من كل قلبي على مجهودك الرائع للرقي بالمنتسبين لهذا المنتدى العريق

المشاركة الأصلية كتبت بواسطة عذاب البعد
http://www.arabtravelersforum.com/tr...1/#post2255801

اول طلب مني واتمنى الرد باسرع وقت لو سمحتو
ودي أعرف وين مكان جنة دلمون بالظبط لاني جاي السبت انشاء الله
ويعطيكم الف عافيه على مجهوداتكم بس ياليت اخواني تعطوني الوصف بالرسم او الكتابه لأني ما اعتقد ان
جوجل ايرث واضح وصف واشكرك من كل قلبي على مجهودك الرائع للرقي بالمنتسبين لهذا المنتدى العريق





يا هلا أخوي ..

تنزل من جسر الملك فهد ..

أول جسر معلق ( اللي عند الجمارك ) تعداه وامش إلى الأمام على طول ، عند الوصول إلى الجسر الثاني انعطف إلى اليمين وطبعاً راح تشاهد لوحات ارشادية نحو الموقع ، المهم ..

بعد الانعطاف يمين اكمل إلى الأماااام أول جسر اركب فوقه وتابع إلى الأمام بعد ذلك راح تصادف أول تقاطع ( حفريات وأعمال إنشاء أنفاق ) بعده تابع إلى الأمام راح تصادف ثاني تقاطع ( حفريات وأعمال إنشاء أنفاق ) بعده تابع إلى أن تصل إلى آخر تقاطع على هذا الشارع كذلك أعمال ( حفريات وإنشاء جسور ) ،،، بعد ذلك تنعطف يميناً على الشارع الآخر وطبعاً اللوحات الارشادية راح ترافقك ،،، تمشي بعدها إلى الأمام أول تقاطع تصادفه ( تقاطع بوابة جامعة الصخير ) تتعداه وتمشي إلى الأمام تواصل إلى ثاني تقاطع تاخذه يسار ، أول ما تنعطف يسار راح تكون في شارع ( حلبة البحرين الدولية الفورملا واحد ) ..

عند شارع الفورمولا واصل إلى الأمام وتعدى جميع التقاطعات إلى أن تصل إلى شارع مزدوج وبعد ذلك حفريات وأعمال طرق ووقتها ما بتقدر تمشي السيارة أكثر من 40 وراح تشوف انعطافات مؤقتة بين الحفريات تؤدي مباشرة إلى شارع فرعـي طويــــــــــــل راح تاخذه وانت داخل ضمن إطار منطقة العرين ، تاخذه إلى الأمام حوالي 15 دقيقة بعد ذلك تصل إلى مدخل الحديقة وطبعاً اللوحات الارشادية في كل مكان ما راح تضيع ..


من اللون البنفسجي وانا أدليك ترى هذا شارع مؤقت إلى ما يجهز الشارع الجديد اللي راح يكون ممتد من الشارع اللي انعطفت منه أول شي ( الشارع الي فيه أعمال أنفاق ) ، هذا الشارع الجديد راح يوصلك مباشرة إلى موقع المنتجعات هذي والحديقة المائية ، لكن ما اعتقد أنه راح يجهز قبل سنة من الآن لذلك اعتمد الدليل الأول اللي كتبته لك باللون الأخضر.









شرح الخريطة :


الشارع الي انت قادم منه من السعودية راح يكون الخط الأخضر ( راح تكون قادم من جهة الغرب ) .. راح تصادف جزيرة أم النعسان أول شي ( وهي بداية البحرين ) .. بعد ذلك تركب جسر بحري مسافة 2 كيلومتر وتوصل جهة جمارك البحرين ..

رقم ( 1 ) الي ظاهر بالصورة باللون الأصفر هو الجسر الأول اللي راح تصادفه مباشرة بعد ما تعدي الجمارك ، واصل الى الأمام = تجاهل الجسر واتبع الخط الأخضر ..

رقم ( 2 ) الي ظاهر بالصورة باللون البرتقالي هو الجسر الثاني اللي راح تصادفه ولابد من خلاله أنك تاخذ اليمين وراح تشوف لوحات ارشادية تدل على موقع ( جنة دلمون المفقودة ) ..

بعدما تسلك يمين الجسر الثاني راح تمشي الى الأمام على طول ، وبعد مضي حوالي 5 كيلومترات راح تصادف جسر رقم ( 3 ) اللي واضح في الخريطة باللون الماروني في أسفل الصورة الموضوع ..

طبعاً واصل الى الامام = اركب فوق الجسر وواصل دايماً إلى الأمام حتى لو شفت أعمال حفريات وانشاء انفاق وجسور .. إلى ان تصل إلى مفترق طرق اجباري ( يمين أو يسار ) .. خذ اليمين ..

بعدما تاخذ اليمين راح تصادف أول اشارة ، بعد ما تعديها واصل الى الامام وراح تصادف ثاني اشارة خذها الى اليسار ، وواصل الى الامام على شارع ( خليج البحرين ) وهو الشارع المجاور لحلبة البحرين الدولية فورمولا واحد .. وبعدما تعدي 4 تقاطعات من إشارات ضوئية راح توصل للتقاطع الاخير اللي لازم تاخذ يساره ( وراح تشوف اللوحات الارشاد اللي مكتوب عليها جنة دلمون المفقودة مع الأسهم يعني ان شاء الله ما راح تضيع ) ..

يعد ما تاخذ اليسار تواصل على طريق فرعي مسافة 10 دقايق في وسط البر ، من ترتفع الأرض شوي وتحس ان بين تلال ومرتفعات تأكد انك وصلت تقريباً إلى الحديقة ، واصل إلى الأمام وكلها 3 دقايق أو أقل وانت على أبواب جنة دلمو المفقودة ..




آسف على الإطالة بس لابد من ان الشرح يكون مفصل على أساس ما تضيع وأوقات سعيدة ...


..

بصرااااااحة ماقصرت اخوي على هالوصف الرائع بس باين انها بعيدة مره بس ياخوي انت تقصد اني انعطف يمين بعد الجسر اللي قلته والا قبله في البداية وأكرر شكري لك على مجهودك الواضح

اخواني حبيت اسال عن سوق البحرين الشعبي اللي فيه اشياء رخيصة وين موقعه بالتحديد؟

عساك عالقوة اخوي
وهذا العشم فيكم يااهل الطيبة

سلاااااااااام

انا كنت فاتحه موضوع جديد ابي اسأل عن كذا شغله .. بس لقيت موضوعكم هذا وسكرته :101:

حاليا قاعده اجهز جدول حق الرحله اللي بنروحها للبحرين الخميس الجاي ..
وابغاها تكون رحلة مميزة .. خصوصا بعد رحلة الخميس الماضي للبحرين وكانت رحلة فاشلة جدا .. :110:
يعني بعد زحمة الجمارك بس دخلنا فلم باااااااااااااايخ ورجعنا السعودية وزحمة جمارك مرة ثانيه :110:

المهم قلت استعين فيكم بعد الله علشان نعوض ..........

طبعا انا اخذت جولة في المنتدى وسجلت مواقع كثيرة ... واللي ماحصلته وابغاه منكم :

*موقع متحف البحرين الوطني .. واذا ممكن تخبروني عن مواعيد الدخول .. يعني مانبي نروح ونلقاه مسكر !!

وعندي استفسار عن الحديقة المائية ... يقولون في وقت حق عوايل ... وانا خاطري اروح وطبعا مع زوجي ... بس الكل ينصحني اني مااروح لان المكان كله اجانب بلباس سباحه .. :112: يعني ابي اعرف حقيقة الوضع هناك !!!!!!

******** كأني طلعت من صلب الموضوع ..:114:

اتمنى منكم الرد بأسرع وقت ممكن لا هنتوا

ومشكورين سلفا