الموضوع: نرجو النصيحة قبل التوهيقة

السلام عليكم ورحمة الله وبركاتة

الى الخوان الاعزاء مع الشكر

انا عندي اجازة لمدة 9 اسابيع وراح اجيكم ان شاء الله اخذ كورس لغة . الرحلة وحجزناها في 3 اكتوبر ب 8775 ريال على cathay pacific via hong kong الى الان ما دفعت احس انها غالية هذي اول نقطة .

الشغلة الثانية انا لا راست معهد ولا سجلت . ابي اجي واختار المعهد المناسب من حيث السعر وجودة التعليم. هل فية مشكلة في المطار اذا ما كان معي تسجيل من المعهد. انا ناوي اقول لموظفين المطار اني جاي سياحة ويمكن اخذ كورس لغة مسوي ذكي :24:. تمشي عليهم ؟ واذا كان ممنوع تجي بدون قبول من المعهد وش بيسون معي بيرجعوني للرياض على طول ؟ ولا سجن ولا وش النظام ؟ علموني الله يرحم والديكم ما دمت عند اهلي ؟

انا الحين لايمديني اسجل ولا شي اجبكم واتوكل على الله والا الشغلة فيها مخاطرة .

بالنسبة للسكن كلمت princeton على التلفون ويقلون ارسلنا ايميل ولا يحتاج تدفع الى ان تصل ب 215 هل هو سعر معقول ؟

شاكر واسف على الطالة .

مواضيع عشوائيه ممكن تكون تعجبك اخترناها لك:

• ما رأيكم فيما يعرض في التلفزيون المحلي ؟
• سؤال أهل الخبرة في نيوزلندا
• استفسار عاجل
• ارجــوا المساعدة من اخوي المايسترو والشباب
• من ماليزيا ابسافر لك يانيوزلاندا ولكن
• راي بعد بكره الى تارونغا والرجاء الجواب بسرعه
• من الظهران الحبيبة الى ولينقتون المحبوبة فإلى هناك لم يكتمل
• أشخاص رائيتهم بنيوزلندا
• عدة استفسارات عن نيوزلاندا
• اريد الدراسه بنيوزيلاندا
• مبروووك يا شباب النيوزلندي اليوم بـــ
• مين طالع كرايست شيرش من جدة ؟
• بعثـهـ
• اتمنى من اهل الخير
• افكر بالسفر االى نيوزلاندا اتمنى المساعده
• رحلة وده نيوزليندا الى كرايست شيرش
• باستشيركم يالخبراء وماخاب من استشار
• مساعده الله يوفقكم
• دبلوم او بكالوريوس في نيوزلنداممكن استفسار؟
• استفسار عن الطقس في نيوزيلاندا

::
::
::


من وجهة نظري أن المده اللي راح تقضيها هناك .. ما تسوى أنك تسافر نيوزلاندا عشانها ...


اول شي التذكره تبي تكون عليك غاليه ... ثاني شي بعد المسافه ...


فهالمده هذه الافضل تبحث بها عن دولة قريبه منك ...

::
::
::

اولا شكرا جزيلا على سرعة الرد

ثانيا اللغة عندي جيدة درست حوالي سنة في الرياض بس لازال عندي مشاكل في الكتابة خصوصا اني شغال في شركة امريكية والشغل كلة بالنجليزي واحتاج اكتب تقارير . و 9 اسابيع يالله جت عقب الشين يعني ماقدر ازودها .
ان دورت على دورات ف بريطانيا . ولما عملت مقارنة التكلفة اقل في نيوزيلندا . وايضا انا ماخذها سياحة في نفس الوقت .

وانا معزم ان شاء الله اجي نيوزلندا الا اذا كان فيه مشاكل في المطار للي مامعه قبول من معهد .

فالرجاء الجابة على الاستفسارات في الموضوع السابق واضف عليها :

* الجو في اوكلاند في اشهر اكتوبر ونوفمبر و ديسمبر ( اجيب معي ملابس شتاء وحطب و لا الجو صيف )

*انا نيتي اخذ كورس General English Courses (intensive) او اخذ Business course .

* والله محتار في المعهد اذا كان تعرفون معهد ممتاز في اوكلاند ارجو النصيحة .

شاكرين ومقدرين والله يجعلها في موازين حسناتكم .

بصراحة أضم صوتي لصوت العزيز المايسترو..بس مدامك مصمم راح أجاوبك..

الفكرة جداً جميلة..وبالنسبة للمطار ماعندك أي مشكلة ممكن تآخذ فيزا سائح لمدة ثلاث شهور..وتروح وتدور المعهد الي يعجبك..

الجو في هالأشهر راح يكون جداً جميل ودافي..

وبالنسبة للمعاهد في أوكلاندماعندي خلفية..بس نصيحة حاول تبعد عن أوكلاند قد ماتقدر..

والكورسات هذي متوفرة في أغلب المعاهد..بس أهم شئ قبل لا تختار المعهد تأكد أنه ضمن المعاهد المعتمدة..


وهذي موقعين تبحث فيها عن المعاهد المعتمدة..

الأول:http://www.englishnewzealand.co.nz/

الثاني:http://www.quality-english.com/



وبالتووووفيق..

الاخوان احمد و مايسترو شاكر للنصيحة وماخودة بالاعتبار

الاخوان ماهي المدينة اللتي تنصحون بها . مع ملاحظة ان حجزي على اوكلاند . واني افضل المدن الكبيرة لانك ستجد فيها كل شي واهم حاجة المطاعم العربية لا ن مزاجي في الاكل صعب ( اكل الوجبات الي اعرف فقط ) .

وماهي المميزات في المدينة اللي سوف تقترحها وهل فيها مطار دولي . اوعن طريق الطيران المحلي .

انا سوف احاول اجي قبل الكورس باربع ايام لعملية البحث عن معهد في اوكلاند او غيرها والله يعينا على الفنادق .

فنصيحتكم والتي هي من واقع تجربة سوف تختصر علي الكثير . لان الدورة 9 اسابيع ولا تحتمل التجريب والتغير .

وشكرا . والظاهر ان اسئلتي لن تخلص ابدا . الله يعينكم ويرزقكم وايانا رحابة الصدر انه مجيب الدعاء .

أقترح عليك أن تتطلع على أرشيف نيوزلندا..

وتتطلع على تقارير الأعضاء..وتكون لك صورة عن الدولة وعن مدينة أوكلاند وغيرها من المدن النيوزلندية..

وبالتووووفيق..

شوف أخي العزيز غالب الأخوان ينصحون بالأبتعاد عن أوكلاند عشان كثرة العرب هناك اذا كنت انت رايح هناك وتبي تركز بدراسه فقط دراسه ممكن أقلك أوكلاند ماتصلح عشان كثرة الطلاب العرب هناك بتقعدون تسلفون وتنسون دراسة اللغه بس اذا انت تقول لغة ممتازه وتبي على قولتهم زيادة الخير خيرين وتحب المدن الحيه والصخب فأنصحك بأوكلاند وبشده لأن المدن الثانيه والقرى شبه ممله ومافيها حياه خصوصا بالليل بعكس أوكلاند اللي كلها حياه يكفي فقط شارع الكوين ومنطقة الهاربر والمشن باي مطاعم كفيات ناس رايحه وناس جايه والمناطق الاخرى ممكن زيارتها من أوكلاند خلال الويك أند وتذكر انت أكثر شخص يقدر يحدد ايش يبي بالضبط .

أخوي أنا رحلتي في نفس يوم رحلتك 3 اكتوبر ..

على الخطوط السنغافورية وحجزت تقريبا الاسبوع الي راح وقال لي الموظف بأن فيه 6 مقاعد بالرحلة .. طبعاً هالكلام من أسبوع ..

سعر التذكرة 8500 لأنها مفتوحة العودة خلال سنة .. واذا كان ايابك خلال 3 شهور تطلع لك بـ 7200 تقريبا ..

أنا أنصحك تروح لمكتب الخطوط السنغافورية بالرياض ,, مقرهم طريق المطار القديم عمارة " كانو " بجوار البنك الفرنسي .. احجز حتى لو كان انتظار .. ان تأكد زين ما تأكد توكل على الله وسافر على الكاثي باسيفيك ..

هذا رقم مكتب الخطوط السنغافورية: 4734105

بالتوفيق ..

الشكر للجميع في البداية .

ثانيا التّّذكرة ودفعناها حوالي 9000 زادت يوم جيت اقطعها لاني قدمت الحجز الى 28 . الان جالس ارتب الاغراض الي باخذها معي . فانا ناوي اجيب معي قهوة , بهارت , قدر ضغط ,تمر , رز .
فالسؤال هو هل الاغراض هذي متوفرة في اوكلاند . واذا كان الجواب لا هل ممنوع تدخل بها الى نيوزيلندا لان على حسب ماقريت في المنتدى الرائع انه شوي متشددين .
واخيرا ماهي الاشياء الاساسية والمهمة التي لن تستطيع الحصول عليها من نيوزيلندا ويجب عليك احضارها من بلدك , انا داري انه سؤال عام ويعتمد على الشخص نفسه لكن اذا كل واحد حط مثلا حاجة دورها ولا حصلها في البلد يمكن زميل في المنتدى يساعده في الحصول عليها او يتنبه لها الاخرين وياخذون حسابهم .

وشكرا

نرجو الاجابة يا اخوان ماعاد بقى وقت . :110:

وشكرا .

عزيزي..

بالنسبة لأغراضك الي بتآخذها معك..ممكن بس يأخرونك شوي بالمطار..

وبالنسبة للأغراض المهمة..أهم شئ..
المصحف..سجادة صلاة..أدوية مهمة(للزكام,مغص,بنادول,مسكن)وغيره..وقاموس لغة الكتروني(مهم جداً)..وكتب قواعد انجليزية بس مشروحة باللغة العربية(مهمة تساعدك كثير)..

هذي الي أذكره الحين..

يعني أطلع من بيتكم وأنت مكمل عفشك كله..يعني لا تحط ببالك أنك بتشري أغراض من هناك..بس أنتبه للوزن..



وبالتوووووفيق..

شكرا عزيزي .

انا الان في اوكلاند . والامور كلها ممتازة ولله الحمد :101: .

الان ادور معهد واحترت من كثر المعاهد .

وشكرا لك وللاخوان مرة ثانية .

الحمدلله عالسلامة..

وزي ماقلت لك أدخل الروابط الي حطيتها لك وتأكد من المعاهد المعتمدة..

وبالتوووووفيق..