الموضوع: كل الي تبيه عن معشوقتي البحرين مثبت في مواضيع رائعة

صباحكم فل ومساكم ورد

حياكم الله في ديرتنا الغاليه

والي يحب البحرين نشيله بالعين:55654:


طبعا هالموضوع اتمنى انه يكون شامل حق الي عنده اي استفسار عن ديرتنا
غرت من اخوي عبادي وقلت باسدح تقرير ينافس موضوعه:109:


مع العلم ان هالموضوع انا كنت منزلته بمنتدى ثاني لكن امانه اني تعبانه عليه بروحي يعني موملطوش نقزه حق اخوي عبادي:sweatdrop


بسم الله الرحمن الرحيم
نبتدي بكل التفاصيل حق الي ماعندهم اي خلفيه عن ديرتنا


اللغه والديانه:
اللغه العربيه هي اللغه الرسميه للمملكه الا ان اللغه الانجليزيه تستخدم في نقاط واسع في اغلب الاعمال التجاريه
والاسلام هو دين المملكه كما يوجد عندنا اماكن عباده لمعتنقي الديانات الاخرى
يعني عندنا حريه دينيه

المناخ:
حار في الصيف ومعتدل في الشتاء
من نوفمبر الى ابريل تكون الحراره بين 15 - 24 درجه مئويه
ومن يونيو الي سبتمبر 36 ومافوق احيانا توصل ال50 بس الارصاد ماتعلمنا علشان مايعطونا اجازه خخخ

العمله:
الدينار البحريني ويتالف من وحدات مقدارها 1000 فلس
يعني ال100 فلس تساوي ريال سعودي
والدولار الامريكي = 378 فلس

ساعات العمل:
الحكومه : من الاحد الى الخميس7ونص الى 2 ونص يابختهم
المؤسسات التجاريه : تختلف اوقات العمل بس اغلبهم من 8 صباحا الى 3 ونص او1 الظهر
ومن بعد الظهر الى 5 ونص
البنوك: من الاحد الي الخميس من 7ونص الى 12 ومن 3 ونص الى 5 ونص
اما في رمضان تختلف الموزييين وتقل ساعات العمل ياريت كل شهور السنه رمضاان :114:


السفارات والقنصليات:
عموما تفتح من 8 الى 1 ظهرا من الاحد الى الخميس وبعضهم يفتحون السبت

الصيدليات على مدار 24 ساعه
*صيدليه جعفر (17291039)
*صيدليه ناصر (17740900)
*صيدليه اوال (17772023)

المستشفيات والعيادات:الاسعاف والحالات الطارئة(999)
مستشفى الارساليه الامريكيه (17253447)
سار الطبيه وعيادة الاسنان (17790025)
مستشفى البحرين التخصصي (17812000)
مستشفى اوال (17753333)
مستشفى ابن النفيس (17828282)
مستشفى السلمانيه (17288888)
مستشفى نور التخصصي (17260026)

مكاتب تاجير السيارات:يستلزم وجود رخصه دوليه للقياده في البحرين ماعدا المواطنين الزائرين من دول الخليج او امريكا ، كندا، الاتحاد الاوروبي ، استراليا ، نيوزيلاند ومافي موانع من قياده النساء
وتقدرون بسهوله تحصلون على مكاتب تاجير السيارات في المطار ومنها
*ايفيس (17531144)
*بدجيت (17534100)

شركات الشحن والتسليم السريع:منها
*ميمو اكسبرس (17232173)
*تي ان تي (17349199)


خدمات عامه

المدارس الخاصه:ابن خلدون من احسن المدارس الخاصه واكثر طلابها من العائلات المرموقه والمعروفه
المنطقه: مدينه عيسى (17780661)

الشيخه حصة للبنات مدرسه للبنات فقط وطبعا مركزها مرموق بين المدارس
وموجوده في الرفاع (17756111)

بيان البحرين اتيي بالمرتبه الثانيه بعد ابن خلدون ومن المدارس المشرفه في البحرين وموجوده في مدينه عيسى (17682227)

النور الدوليه لذوي الدخل المحدود اسعارها معقوله
وفيها نظام بحريني ونظام بريطاني ونظام هندي وموجوده في ستره (17736773)

مدرسة البحرين واهي افضل مدرسة على الاطلاق واسعارهاااا جنونيه واكثر طلابها اجانب وامريكان
وموجوده في الجفير (17727828)

مدارس المعارف الحديثة مدرسة نظامها امريكي اتيي بالمرتبه الثالثه بعد البيان ودراستهم وايد زينه وقويه وموجوده في الجفير (17727712)

طبعا في مدارس وايد بس لو باعددهم كلهم بتطلع روحي هذوول اهم شي


لذوي الاحتياجات الخاصة:
المعهد التاهيلي للتوحد والاحتياجات الخاصة (17716871)
معهد الامل للتربيه الخاصه (17680815)
دار يوكو لرعايه الوالدين (17677717)


سيارات الاجرة :راديو ميتر تاكسي(17682999)
بحرين ليمو(17266266)


:106:فاصل وراح اواصل

مواضيع عشوائيه ممكن تكون تعجبك اخترناها لك:

• ابحث عن منتجع عائلي واماكن بيع ادوات مدرسيه بالبحرين
• شاليه في البحرين على شاطئ البحر؟؟؟؟
• حبيبتي البحرين زرتها الخميس والجمعه اللي طافوا
• شجرة الحياة إحدى العجائب بالبحرين
• استفسار
• استفسار عن الفيزا
• كيف الزحمه في البحرين
• ياهل البحرين منطقة عين عذاري
• الطيران السريلانكي يزيد رحلاته إلى الدوحة والبحرين
• ماهي الافلام المعروضة الان في سينما البحرين
• يوم بالبحرين
• هاني سويتس من اروع السويتات في البحرين تفضلو تقريري المصوّر
• التصاميم النهائية لجسر البحرين قطر جسر المحبه
• ايام رحلة عمل إلى البحرين إستشارة
• سؤال بسيط جدا
• الدليل السياحي المصور
• وحبيت استفسر عن اماكن مناسبة للافطار في رمضان في البحرين
• اين اجد عطور مخلطة في البحرين
• لأهل البحرين الغالين لاخلا ولاعدم
• للبحرينيين فقط

تراني مسويه شغل عدل:15:
هذي الفاصل دعايه حق هالفندق:whistling

فندق نوفوتيل



















موقعهم :
http://www.novotel-bahrain.com/index.htm

دعايتنا هالمره عن جزر حوار:surf








مكتب الحجز هاتف 17849111

المقاهي او الكوفي شوب
راح اكتب اشهرها واحسنها لانها تارسه الديره
اروما كافيه(السيف)
كافيه لافونتانا(العدليه)
كافيه ليلو(العدليه)
دار البارح كافيه(العدليه)
لاميزون كافيه(الزنج،مجمع الدانه،مجمع السيف)


الفنادق والمنتجعات

الفنادق 5 نجومالرتز كارلتون منطقه السيف وهو الوحيد الي له شاطى على مستويى البحرين مع وجود العاب مائيه ومنتجع للسيدات فقط(17580000)

شيراوتن البحرين وسط المنامه غرف واجنحه تطل على البحر والمدينه (17533533)

فندق الخليج بجانب العدليه يوجد طابقان لرجال الاعمال مع صالون خاص وصالات رياضيه وملاعب تنس وحمام سباحه كبير وركن للحلويات(17713000)

الدبلومات في المنطقه الدبلوماسيه (17531666)

الريجنسي وسط المنامه (17227777)

فنادق الاربع نجوم
اليت في الجفير (17827600)
منتجع حوار في جزر حوار كل الغرف تطل على البحر ويوجد جت سكي والغوص تحت الماء والصيد
(17849111)
نوفوتيل على الجسر الموصل بين المحرق والمنامه(17298008)
مركيور جراند في منطقه السيف (17584400)

شقق فاخره
اليت سويت في منطقه السيف (17558888)
اليت لاكجري ابارتمنت (17740760)
سهى بروبرتيز شقق فخمه مؤثثه بالكامل (17815999)
اجنحه السيف (17583388)

من الاماكن السياحيه عندنا بالبحرين

بيت القران واهو يعتبر مثل متحف للقران الكريم حيث موجود اصغر قران واشياء عجيبه غريبه
وتستحق المشاهده وهو موجود عند شارع المعارض

جزيره حوار وهذي الجزيره الي صار لنا سنين وبنين متنازعين عليها مع حبيبتنا قطر بس محكمه العدل الدوليه نسبتها لنا مع ان ساحت ويوه اخوانا في قطر بس هم ماقصرو عطوهم شي ثاني يسكتونهم فيه امون عليهم الحين باتكفخ

متحف البحرين الوطني وفيه ريحت اجدادنا ومواعينهم وحتى قبورهم
مع ادواتهم وغيرها الكثير ويفتح من السبت الى الجمعه من 8 الصبح الى 8 بالليل (17292977)

العرين وهو محميه للحيوانات البريه عندنا او مثل حديقه الحيوان بس الحيوانات ماتكون في اقفاص
ومن الحيوانات المها والجمال ونعام وغيرها

قلعه عراد قلعه تراثيه موجوده من الاف السنين موجوده في عراد


الحين انيي حق التسوق

المجمعات التجاريه

مجمع الشيراتون او المودا مول وهو مجمع تابع لفندق الشيراتون وفيه اخر صيحات الموضه من الملابس والاحذيه وكلها ماركات عالميه معروفه طبعا غير عن محلات الذهب والعطورات

السيف وهو في منطقه السيف واشهر مجمع بالبحرين ومواجد فيه كل شي تقريبا
من ملابس واحذيه والكترونيات ومطاعم والعاب للاطفال وسينما وترفيه واكسسوارات وغيرها الكثير

مجمع العالي قريب من السيف ومعظم المحلات ماركات بس المكان كبير وهادئ بالنسبه للسيف مع وجود محل تسليه للاطفال مع مطاعم ومقاهي محلات ملابس واكسسوارات واحذيه وشنط
وموجود في المجمع محل اسمه بتيل وهو محل للتمر والرطب واهو من احسن المحلات الموجوده في البحرين الي تبيع التمر

مجمع البحرين وهو في القسم المقابل للسيف وفيه سوبر ماركت جيان مع محلات كثيره ومطاعم

مجمع الدانه قريب من مجمع البحرين وفيه سينما انا شخصيا اشوفها ارقى من سينما السيف واوسع واريح مع وجود كوفي شوبات ومحل لالعاب الاطفال غير قسم المطاعم

مارينا مول موجود في المنامه قريب من دوار اللولو
وفيه محلات مختلفه من محلات ملابس واحذيه واكسسوارات وملابس اطفال وهوم سنتر لاثاث البيت واكسسوارات البيت مع وجود مطاعم والعاب للاطفال

مجمع اللولو وهو قريب من المارينا مول وفيه ملابس واحذيه وشيلات وعبايات واكسسوارات واسعاره
معقوله وارخص من المجمعات الي ذكرتها

مجمع يتيم في سوق المنامه وفيه كل شي مما ذكر


الاسواق الشعبيه

سوق المحرق وفيه محلات متنوعه من الملابس والجلابيات الى الحلوى البحرينيه والرهش والمتاي
وصاير شارع طويل والمحلات على اليمين واليسار يعني تخلين السياره وتروحين تمشين
وفيه العبايات والشيلات وكل مايخطر على بالج

سوق المنامه نفس سوق المنامه كل شي تحصلين فيه ولو ان البضايع تختلف

سوق جد علي متوفر فيه كل شي من محلات ومطاعم وصالونات وغيرها

سوق الرفاع مثل سوق المحرق

شارع بو كواره هالشارع اهو سر الخلطه خخخخ كله زحمه هالشارع صبيانا الله يحفظهم كل واحد يسوي استعراض حق سيارته غير المقازز
او نسيت اقول انه في الرفاع الشرقي المهم نرجع لمحور الحديث ..تلقين محلات جلابيات كلها شغل عدل واشياء كشخه غير محلات الحلويات والمطاعم ومحلات التلفونات وتغليف الهدايا ومحلات ملابس واحذيه يعني الي بيي البحرين لازم يمر هالشارع


وحياكم الله تراني تعبت ونشف ريجي
على الله احصل تشجيع زين يرد الروح

وسلامتكم

اختي الماسة السوداء لدي تحفظ علي ادراج مدرسة بيان البحرين في المرتبة الثانية بعد ابن خلدون، كان يمكنك ذكر البيان بدون تصنيف لان التصنيف بين المدارس المميزة صعب ويخضع لتوجهات الشخص واهوائة.

المدرستين في مستوي واحد ان لم تكن البيان افضل في بعض الامور وكثير من المثقفين والمتعلمين يفضلونها علي ابن خلدون.

ايضا نسيتي مدرسة من افضل المدارس في البحرين ان لم تكن افضلها وهي سانت كرستوفر، كذلك المدرسة البريطانية.

اخيرا مشكورة علي المشاركة المميزة :24: :113: :101: وراح اعلق مستقبلا علي بعض الاشياء الاخري.

ماشالله تبارك الله

موسوعه جميله عن مملكة البحرين الغاليه

دمتم بخير

حلو التنافس الجميل .... وحلو التسارع لخدمة بلادنا الغالية بالترويج الجميل للسياحة العائلية ....

أختي الماسة السوداء أبدعتي وتألقتي . والله يعطي ألف عافية عزيزتي ...

ماشاءالله ابدعتي اختي الماسة مجهود عن جد اكثر من رائع والله يعطيج العافيه

بلادي البحرين
اسعدني مرورك ،، بالنسبه حق التصنيف للمدارس انا ماصنفتهم استنادا لافضليتها وانما استنادا لشعبيتها وارتفاع رسومها
تعرف كل شي غالي عند النسوان اهو الزين حتى لو مغشوش بس سعره فوق قلنا هذي الي نبيه
وفي مدارس وايد ماذكرتها منها البحرين سكول والرجاء و...و....و,,, بس حبيت اختصر من كل فئه مدرسه ولا جان تفطرت على الاب توب
بانتظار باقي تعليقاتك ,, يعجبني النقد البناء ولك جزيل الشكر:24:



الذيب الشمالي
تسلم ياخوي في سبيل الارتقاء بسياحه ديرتنا لازم نجتهد
واسعدني مرورك:24:



بندر الخالد
حياك الله اخوي تسلم على المرور:101:



من جد
اخوي اذا بغيت ابهارات بحرينيه من بزار وكركم وسنوت وهالسوالف في حرمه في منطقه عراد بهاراتها خنينه وتخلي طعم الاكل لذيذ اذا بغيت اعطيك رقمها
بالنسبه حق جوز الهند والسميد تقدر تجيك سوق المحرق عند القراشيه
واذا بغيت في علب عندك برادات الجزيره متوفر عندهم بس مو بالكيلو:24:


الغاليه
تسلمين ياقلبي وان ماشلنا البحرين من يشيلها
يسعدني حضورج الدائم وتشجيعج لمواضيع الاعضاء
وحياج الله:106:


مزون
الله يعافيج حبيبتي تسلمين على التشجيع
ونورتي الموضوع:106:

تسلميييييييييين حبيبتي ماقصرتي موضوع جدا رائع بصراحه تشكرين عليه بس انا من زوار البحرين يعني دايم اجي البحرين واول مره اسمع عن شارع بوكواره ممكن تشرحين وتقولين بالتفصيل ايش فيه وابي منك خدمه ثانيه شنو افضل البوفيهات الرمضانيه للفطور لاني الاسبوع الجاي بجي للبحرين وابي مكان حلووووووووووووووو واكثر من حلوووو يعني شي مميز اتمنى انك تردين علي حبيبتي

الله يعطيج العافية
مجهود رائع

الفارسه
حبيبتي شارع بوكواره كل شي فيه من عبايات لي جلابيات وعطورات ومكياج ومطاعم وتقزز خخخخالله يهدي شبابنا وشباب الدول المجاوره شوهو سمعت الشارع ولا اهو خوش شارع حق التسوق خخ

بالنسبه حق الخيم فديتج والله ماعندي فكره لانهم كلش مو صوبي برمضان احب افطر بالبيت واكمل تسوق العيد واتعبد شوي جد تزيد حسناتنا خخخ

بس اكيد خيمه الخليج والريجنسي شغل عدل


بامبيني
حياك الله اخوي/اختي وتسلم على مرورك

أختي العزيزة ... الماسة السوداء ...

أكرر لج شكري وتقديري عالمجهود الكبير والرائع ... وتقديرا لج ..

تمت إضافة الموضوع للمواضيع المثبتة في: http://www.arabtravelersforum.com/travel198654/

والله يجزاج خير ...

حبيبتي الغاليه تسلمين يكفيني فخر انج شرفتي موضوعي بطلتج
واتمنى اكون عن حسن ظنكم



وحياج الله

المشاركة الأصلية كتبت بواسطة الماسة السوداء
http://www.arabtravelersforum.com/tr...7/#post2318889


غرت من اخوي عبادي وقلت باسدح تقرير ينافس موضوعه:109:




احم عبادي28+المسافرون العرب= 100% انا :114:
لو شلنا 28 من عبادي يصير الناتج= 90% انا :114:
نقسمها على الموضوع المنافس يطلع الناتج= همبرغر
وانا اقول شسالفه ونة الاذن, ترى العقره اهني وانا مادري :biggrin: يعطيج العافيه اختي الماسة السوداء وطرح اكثر من رااااائع وجهد يستحق الشكر والثناء









المشاركة الأصلية كتبت بواسطة الماسة السوداء
http://www.arabtravelersforum.com/tr...7/#post2318889


مع العلم ان هالموضوع انا كنت منزلته بمنتدى ثاني لكن امانه اني تعبانه عليه بروحي يعني موملطوش نقزه حق اخوي عبادي:sweatdrop




:114: لا هذا انا 1000% :36_6_5:
انا بعد تعبت فيه وغيرت جم صوره

:11ight_li
او اخوي عبادي هني ويه صوفقت في الطوف

هلا اخوي نورت الموضوع

عبادي ذي ولد الجيران وبالاماره حاط يمه 28 ونص:whistling


الله يعافيك ويسلمك ونجوف تقارير احلى واحلى :106:كلش ماضيع السالفه

القراشية وشهي

ممكن توصيف أبي أكثر من كيلو

من جد

اهم مثل البسطات في بدايه سوق المحرق يسمونهم القراشيه
اول ماتوصل بدايه السوق تسأل اي احد راح يدليك يعني تصفط سيارتك باول بارك وتنزل تسال اي احد راح يأشر لك عليه وتروح له مشي

وحياك الله

القراشيه = الكراشيه او الـﮔراشيه وهي جمع لكلمة الـﮔراشي
والمعنى على حسب علمي
هم عائله من اصول إيرانيه معروفه في البحرين ببيع البهارات واستيراد بعض اصناف الاكل من ايران

تسلم اخوي على الشرح المفصفص للكلمه
يعطيك العافيه

الله يعطيك العافية

الله يعافيك

وحياك الله

مجهود تشكرين عليه


سلمت يداك اختي

بسافر البحرين ........... يعطيك العافيه

ودي اسافر وابو نايف

الله يعافيكم وتسلمون على المرور

جهد راااااائع ومفيد


بارك الله فيك

المختار
تسلم ياخوي
وحياك الله:101:

اخوي حريف دبي
حاليا حوار مغلقه لتغيير الاداه والصيانه لاجل غير مسمى
واهي مافيها الا الفندق بس مادري شبيكون فيها بعد الصيانه

دمت بود

أعزائي
بالنسبة للموبايل ايش رايكم اشتري شريحة من البحرين والا استخدم شريحة الأتصالات السعودية ارخص؟ وما هي الشزكات المتوفرة وايش ارخص؟

المشاركة الأصلية كتبت بواسطة الماسة السوداء
http://www.arabtravelersforum.com/tr...4/#post2395044

اخوي حريف دبي
حاليا حوار مغلقه لتغيير الاداه والصيانه لاجل غير مسمى
واهي مافيها الا الفندق بس مادري شبيكون فيها بعد الصيانه

دمت بود



مشكوووورة اختي وماقصرتي

حياك الله اخوي
وتشرفنا باي وقت

اختي الغالية المحبة لوطنها جدا جدا جدا احي فيكي انتمائك العظيم لبلدك واشكرك علي هذة المعلومات القيمةعن بلدك العظيم والتي استفدت منها كثيرا جدا واشكرك علي هذا المجهود العظيم واتمني زيارة هذا البلد العظيم لانكي اثارتي في نفسي التطلع لزيارته

alnamela

الشركات المتوفره بتلكو وزين وعندهم نظام الشريحه الي تشتريها وتعبيها بالمبلغ الي تبيه
واكيد راح يكون ارخص للاستخدام داخل البحرين
وحياك الله


امين محمود
تسلم ياخوي على هالكلام الحلو ويشرفني فخر اني اقدم ولو جزء بسيط لبلدي العزيز
تنورنا ياخوي باي وقت

المشاركة الأصلية كتبت بواسطة الماسة السوداء
http://www.arabtravelersforum.com/tr...4/#post2400134

alnamela

الشركات المتوفره بتلكو وزين وعندهم نظام الشريحه الي تشتريها وتعبيها بالمبلغ الي تبيه
واكيد راح يكون ارخص للاستخدام داخل البحرين
وحياك الله






شكرا كللك ذووووووووووووق

العفووو حاضرين لزوارنا الكرام

مجهوووووووووووووووووووووووووووووووووووووووووود رائع تسلم الايادي

تسلم ياخوي وحياك الله

حلووووووووووو الموضوووع رووووعه مثل صاحبته ..

مشكوووورة يالغلا

ملوكه
احتلت دنياج حبيبتي

وحياج الله