الموضوع: اريد برنامج ممتاز للعيد في البحرين لمدة ثلاث ايام

هلا والله بالموجودين :106:

اتمنى انكم تساعدوووني في رسم برنامج للسياحة في البحرين :110:

لمدة ثلاث ايام في عيد الفطر لاني احترت ايش اختار :114:

على العلم ان العائلة عددهم تقريبا10 اشخاص من كبار وصغار يعني ابي البرنامج منوع :24:

واستاجرت السكن في شقق السحاب سمعت عنها انها حلوة وكان سعرها حلو 1700في الليلة لثلاث غرف

اتمنى انكم تردوووووووووووووو على باسرع وقت :112:

مواضيع عشوائيه ممكن تكون تعجبك اخترناها لك:

• مطعم سمك شعبي بالبحرين
• ممكن تدلوني على مطعم بنوراما
• اسئلة حول جامعة الخليج العربي
• عندي استفسار ارجو مساعدتي والرد عليه
• شكر من الاعماق لأعضاء البوابة
• استفسار لاهل المعرفه
• موقع اللكتروني يعطي معلومات عن زحمة الجسر
• الملف الإخباري السـيـاحـي الأربعاء مارس
• البحرين تغير إجازتها الأسبوعية ابتداء من سبتمبر
• استفسار السيارات الايجار منتهي بالتمليك لاهنتوا
• للضرورة و لاصحاب الخبرة و المعرفة
• مساعدة في سوق باب البحرين
• عقد قران الشيخ خالد بن حمد على كريمة خادم الحرمين الشريفين
• سفر من الدمام للبحرين
• حابه احجز عن طريق موقع وشرايكم فيه هل سبق حجزتو فيه ؟؟؟
• مساعده من اهل البحرين الكرام وش اقرب فندق لي
• مواقف السيارات في مطار البحرين
• شواطئ نظيفة للسباحة
• ممكن ترتبون لي هذي الاماكن في جدول؟
• افضل طريقة للحصول على انترنت

مرحبا فيك أخي الكريم ... وحياكم الله في البحرين ...

بحط لك موضوعين فيهم برامج ممتازة ومنوعة .... تقدر تختار منهم اللي يناسبكم ..

الاول: http://www.arabtravelersforum.com/travel214668/ ... بس الأماكن المذكورة فيه مش كلها للعزاب مثل ما عنوان الموضوع مبين

الثاني: http://www.arabtravelersforum.com/travel214332/ ... برنامج عائلي منوع جميل ...

وهذا تقرير للأخ jadeed بعد عودته أيضا ... http://www.arabtravelersforum.com/travel218212/

وحياكم الله ...

شكرا على تعاونك يالغالية

بتنور البحرين اخوي ..

عندك مجمع الدانه والسيف والمارينا ومجمع البحرين وسيتي سنتر ( توه جديد )

مجمع الدانه ( العاب اطفال ، مطاعم ، سينما ، محلات تسوق )

السيف نفس نظام الدانه .. بس خل زيارتك له مع مجمع العالي لانهم جنب بعض والعالي ما ياخذ وقت ..

وانصحك بمطعم رنديفو بمجمع السيف ، نظام بوفيه ، موجود عند صالة الالعاب ( ماجيك آيلند ) وبالضبط جنب السينما الجديده

لكن الافضل تحجز طاوله لانه بالايام العاديه على طول زحمه وما تلقى مكان فـ مابالك أيام العيد

مجمع البحرين محلات تسوق ومطاعم ..

سيتي سنتر توه جديد ومو مكتمل .. وصالة الالعاب والمطاعم لحد الآن مو مفتوحه .. بس بعض المحلات والكوفي شوبات تقدر تاخذ نظره عليه تراه حلوو بس كبير ويضيع ..

عـــذاري ( العاب للصغار والكبار )

جنـة دلمون المفقوده ( مائيه ) وفيه يوم مخصص للنساء ( يوم الخميس بوقت محدد )

وفيه مطعم دايم اروحه وايد احب اكله اسمه ( الفــردوس ) مقابل مجمع الشيراتون .. وعليك بدجاج الفردوس لذيييييذ والسبايسي حلو بس نار نار ما تتحمله ( احب الحار )

وكذلك مطعم الابراج حلو وله عدة فروع .. منها في المحرق والعدليه وسنـد ومجمع العالي ..

ومطعم لامارين في البديع فوق برجر كنج ( سي فود ) بصراحه ما جربته بس اختي تمدحه .. نظام بوفيه والشخص 8 دنانير يعني 80 ريال ( هذا السعر من كم شهر )

وأيـام العيد فيه مسرحيات ، يعلنون عنها أواخر رمضان ..

تقريباً هذي اهم الاماكن .. واذا تحب الاماكن التراثيه بنخبرك عنها

اشكرك ياقلبي ماقصرت وفيت وكفيت

تعقيبا علي رد كوكو شانيل، الفود كورت في السيتي سنتر مفتوح وهو في الطابق الثالث

عندك الكارت زون و الكواد اكستريم في حلبة البحرين الدولية اذا عيالك في سن المراهقة او الشباب

Quad Xtreme

http://www.bahraingp.com.bh/page.aspx?id=27

Kart Zone

http://www.bahraingp.com.bh/page.aspx?id=24

وعندك محمية العرين ايضا

تلفون 17836116

ممكن تفيدونا اذا فيه مسرحيات او فعاليات للاطفال الصغار

المشاركة الأصلية كتبت بواسطة الشوق الخالد
http://www.arabtravelersforum.com/tr...7/#post2356482

اشكرك ياقلبي ماقصرت وفيت وكفيت



العفو اخوي ..

وانا بنت مو ولد







المشاركة الأصلية كتبت بواسطة بلادي البحرين
http://www.arabtravelersforum.com/tr...7/#post2356503

تعقيبا علي رد كوكو شانيل، الفود كورت في السيتي سنتر مفتوح وهو في الطابق الثالث

عندك الكارت زون و الكواد اكستريم في حلبة البحرين الدولية اذا عيالك في سن المراهقة او الشباب

Quad Xtreme

http://www.bahraingp.com.bh/page.aspx?id=27

Kart Zone

http://www.bahraingp.com.bh/page.aspx?id=24

وعندك محمية العرين ايضا

تلفون 17836116



آسفه والله ما دريت عنه







المشاركة الأصلية كتبت بواسطة ام جودي
http://www.arabtravelersforum.com/tr...7/#post2357660

ممكن تفيدونا اذا فيه مسرحيات او فعاليات للاطفال الصغار



ما بعد يعلنون عن المسرحيات

بس اليوم كاتبين عن مسرحية ( نجوم الفريج ) الكوميديه ( بحرينيه كويتيه ) ان ابطالها وصلوا البحرين لعمل البروفات وراح تنعرض خلال 6 ايام ابتداءً من اول ايام العيد

وهي من بطولة الكويتي محمد الصيرفي ، ومن البحرين فاطمه عبدالرحيم وابتسام العطاوي