الموضوع: اطباق ومطاعم مثبت في مواضيع رائعة

المشاركة الأصلية كتبت بواسطة mera30
http://www.arabtravelersforum.com/tr...2/#post2623642

أخي الحمدلله نحن لا نشرب الكحول أبدا ولكن مثل ما تفضلت كل المطاعم الخمس نجوم في البحرين تقدم الكحول وأكثر من مرة تغدينا في الريتز كارلتون وأغلب الطاولات يللي حوالينا كانوا يشربون--يللي أعجبني في المطعم ديكوراته الغريبة و
أكله كان لذيذ يشبه نوعا ما تشيليز والموسيقى يعني نوع من تغيير الجو لأنه لا يوجد لدينا مثل هذه المطاعم في السعودية --وعلى فكرة أخي الكريم يللي رحنا له ببرشلونة كان مليان خليجيين عادي يعني هادا مو مرقص لا سمح الله مجرد مطعم --ومشكورين اخواني ما قصرتوا



نعم اختي انا هذا اللي اقصدة ان المطعم مثل غيرة في الدول الاوربية واللي بيروحة في برشلونة او مكان ثاني ما بيمانع انة يروحة في البحرين لانة مش عائلي. انا اقصد الدعابة فقط، تحياتي :101:

هلا اخوي بحريني
سامحني بس من كثر المعلومات الي في مخي مافهمت شي خخخ
ان شاء الله اخلي اختي الغاليه تدز لي رساله تفهمني الموضوع عدل وبالبلدي علشان استوعب ويه مخه جيم وصدأ


الغاليه
حبذا المناوشات على الخاص علشان اجمع لان حتى اسمي نسيته خخخ


غلا المنامه
خلاص فديتج هالمره اذا في كشته باقولج ترزين الفيس
عاد تدرين ان ربعي متعرفه عليهم من النت وقررنا نجوف بعض ومنها صرنا كلووز وكل مره نكشت بيت وحده
وكل وحده ترز طبقها معاها
وصوره العيش هذي وحده مسويته عمايل يدها ويمي يمي من قلب
والرجيم هذاني نزلت كيلوين في يومين ويه طاح السقف عليه خخخ
الله كريم وانزل جم كيلووو بسرعه


mera
اختي ماعندي فكره عن هالكوفي شوب


مزون
تسلمين حبيبتي على الرد والمآزره


بلادي البحرين
حياك الله اخوي ودامك تدش ورا ماتسير علينا
وتراوينا جم طبق من الي يحبهم قلبك

لعيون غلا المنامه

http://www.0zz0.com


وهذي الصور المجاوره ادري بلقافتج خخخ
http://www.0zz0.com

http://www.0zz0.com

http://www.0zz0.com

http://www.0zz0.com


وبعد في صور وايد بس خفت على مشاعركم خخخ
وخفت اخرب رجيمي

وعلينا بالعافيه

[QUOTE=الماسة السوداء;2624326][SIZE="6"][COLOR="Gray"][FONT="Comic Sans MS"]هلا اخوي بحريني
سامحني بس من كثر المعلومات الي في مخي مافهمت شي خخخ
ان شاء الله اخلي اختي الغاليه تدز لي رساله تفهمني الموضوع عدل وبالبلدي علشان استوعب ويه مخه جيم وصدأ


الغاليه
حبذا المناوشات على الخاص علشان اجمع لان حتى اسمي نسيته خخخ


:bounce8:

يعطيك العافية بصراحة تبدلين مجهود جبار تبحثين مطعم وتأكلين(بلعافية على قلبك):106: وتصورين وابو العيال يدفع الفاتورة وتحملين الصورة وتكتبين تقرير روعة.

عزيزتي الماسة..

ثانكيو على العزيمة مسبقا..ابدا ما باقول لا....اكل و ناس حليوين مثلكم...العزيمة ما تنرد

مشكورة على الصور...باقوللج شي...الصورة الاوليه فضيعة طبعا من كثر ما تمقلت فيها لين راريت (سوري بس هاي الي صار) المهم....طارت عيني على الصحن الي في اليسار الي يمه الملاس العود..قلت يابنت سأليها...فكرت شوي قلت شبتقول البنية بس عاد بلا لواسة...ما نزلت خطوة وحدة تحت الا انتي حاطة صورته و التعليق الي في الصميم...ضحكت ضحك....قلت صج فهمتني...

ما تحرمش منج يالطيبة...

بحريني 2007
لعيونكم الصعب يسهل
وخلني اخلص امتحاناتي وان شاء الله نجوف في تطبيق اقتراحك
ونييب مطاعم يديده تعجبكم


غلا المنامه
يزعم قريت بنات افكارج وعرفت حق لقافتج خخخ
اكتشفت ان كل البنات ملاقيف خخخ

الصور الاخيره مو طالعه ابي اشوف الاكل

اخوي حول
مركز تحميل الصور صار له يومين منقصف
اصبر عليه جم يوم يتعدل وبترد تطلع كل الصور

وحياك الله

بنات وحشتوني كلكم بدون استثناء

عندي حفله زواج بنص الشهر الجاي عشان هيك مسويه ستوب للعشا

على الاقل الواحد ينزل كم كيلو لين ذاك الوقت ..

يالله فتكو بعافيه جميعا :d

المشاركة الأصلية كتبت بواسطة بلادي البحرين
http://www.arabtravelersforum.com/tr...4/#post2623044

تقولج راحت لة في برشلونة، يعني مش مهم اذا كان عائلي او مش عائلي. :101:

عموما معظم المطاعم درجة اولي في البحرين مطاعم مفتوحة للجميع وتقدم الكحول وتشغل موسيقي والهارد روك يعرض اغاني علي الشاشات فهو ليس استثناء.



اخوي اللي سمعته والعهده على الراوي ان المكان صاير للشراب اكثر من انه مكان للأكل

والله اعلم ..

الماسة عوااافي على قلبكم هالاطباق اللذيذة
وهذا الطبقين عندي طريقتهم ودااااايم في رمضان اسويهم ويموووتون عليهم ويلحسون الصحون

http://www.0zz0.com

http://www.0zz0.com

.........................






والرجيم هذاني نزلت كيلوين في يومين



ونااااسة علميني وش رجيمك








وخلني اخلص امتحاناتي وان شاء الله نجوف في تطبيق اقتراحك
ونييب مطاعم يديده تعجبكم



الا بسألك وش تدرسين :114:

المشاركة الأصلية كتبت بواسطة غلا المنامة
http://www.arabtravelersforum.com/tr...8/#post2622438

المعرض وايد حلو مثل كل سنة...

انا رحت مرتين...المرة الأولى مع اليهال...و طلعوا عيني و تحسفت و طبعا كل سنة اسويها و اتحسف و تمر السنة وايي المعرض و انسى الي سووه فيني...و ارد اوديهم....

خذت لهم بيجامات من المصري الي في الويه اول ما تدشين القاعة 2، ثنتين ب 5، صار لي سنين استعملهم اغسل و البس، قطنهم وايد زين و أميّر حق طول السنة منه.

الكوريين يايبين أطقم ملاحف من 6 قطع (ويه الكولت، الفتد، 4 مخدات) القطن وايد عجيب وناعم و الي حلو فيه انه على قلبتين و موديلاتهم تحيّر وايد..ب 25 دينار في القاعة 1 ، والكورية الثانية في القاعة 2 عندها نفس المويدلات تقريبا ب 20 بس بدل الفتد عندها ايها شرشف عادي و المويدل بقلبة وحدة مو قلبتين.

طبعا المينو ميرت منه وايد....ويوم الثلاثاء قال الايراني العود الي في النص انه بينزل نوع جديد مخصوص..

شريت بعد غريّبة من الايراني الي ب 3 ونص و ساهون بالفستق وايد عجبني...

و مثل ما قالت الماسة اطقم هالو كيتي حق اليهال وايد حلوين وبعد يايب نفسها على ميني ماوس..عند السوري في القاعة 1، الريال الي يبيع شوية بعافية و يعري...اكسسواراته و ايد حلوة، و اسعاره معقولة..

يبيلج زيارة عشان ما تتحسفين قبل لا يخلص



الف شكر

ماري
هلا حبيبتي انا مامشي على نظام معين انا نظامي اني احرم روحي من الاكل خير شر خخخ
لان عندي مفهوم خاطئ اذا اكل لازم اهف الخضر واليابس فاحسن شي اني ماكل ولا شي خخخويه مينون ككك

وادرس بزنز ويه تذكر معاناته ااااااه

هلا خواتي ابي اعرف مطاعم تقدم وجبة افطار لذيذه

بكره ان شاء الله راح افطر عندكم

تحياتي لكم

المشاركة الأصلية كتبت بواسطة مزون البحرين
http://www.arabtravelersforum.com/tr...8/#post2626888

بنات وحشتوني كلكم بدون استثناء

عندي حفله زواج بنص الشهر الجاي عشان هيك مسويه ستوب للعشا

على الاقل الواحد ينزل كم كيلو لين ذاك الوقت ..

يالله فتكو بعافيه جميعا




انا بعد عندي عرس منتصف الشهر الياي...اي تاريخ عرسكم؟؟؟ تهقين نفس عرسنا؟؟:114:

ورده بيضا
اختي عندج الفيراندا على شارع عذاري
والفنادق منهم الرتز
وعندج مطعم بول في السيف والستي سنتر



غلا المنامه
واااااااايه اثبتي اللقافه خخخ اذا نفس العرس عزموني عليه ويه ابو اللقافه خخخ

مزون فديتج ولا يهمج يزعم خلاص صرت بليته وجليله حيا شدخل خخخ
بالبس نقاب عين الصقر وباجكجك
ولا بالبس بالطو ابيض يزعم يايه من وزاره الصحه واجيك على الاكل خخخخ

المشاركة الأصلية كتبت بواسطة مزون البحرين
http://www.arabtravelersforum.com/tr...2/#post2629792

غلا ... عرسنا تاريخ 14 وانتي ..

الماسه .. من عيوني اعزمج بس بشرط تصورين البوفيه طبق .. طبق

ومايصير خاطرج الا طيب




وي مغصني بطني......احنا بعد عرسنا في 14، احنا في الخليج.....وانتو في وين؟؟؟

الماسة سكتي شكله بيطلع فلم هندي....

هااايات ياحلوات وينكم وش في الموضوع سكتة لاحس ولا حسيس

المشاركة الأصلية كتبت بواسطة ماري ألينا
http://www.arabtravelersforum.com/tr...8/#post2635298

هااايات ياحلوات وينكم وش في الموضوع سكتة لاحس ولا حسيس



هههههههههههههههه ضحكة على بيطيح السقف من الكذب..
بس ماشاء الله شكل عايلتكم وراثه فيها فن الطبخ..دايما ورينا حركات حلوه من مطبخكم العامر..

يعطيك العافيييه ماري صور تجنن وحسافه كان خاطري اروح المعرض بس ربي ماكتب ان شاء الله السنه الجايه اذا ربي كتب

كيكة السنكرز شكلها مغري

ماري الحمد لله انج لحقتي على المعرض
وعليكم بالعافيه على كوستا وكيكه الجوكلت عذبتني وانا للحين صامده على الرجيم خخخويه جذاب امس متعشي هارديز ككك

فروس خيرها في غيرها والجايات اكثر ان شاء الله

بوتركي منور الصفحه

المشاركة الأصلية كتبت بواسطة غلا المنامة
http://www.arabtravelersforum.com/tr...2/#post2631162

وي مغصني بطني......احنا بعد عرسنا في 14، احنا في الخليج.....وانتو في وين؟؟؟

الماسة سكتي شكله بيطلع فلم هندي....




غلا ليش يمغصج بطنج .. عادي احنا اهل ونسايب :109: انتي من اهل المعرس ول العروس

وفالحفله بشغل بلوتوثي عشان نتواعد عند البوفيه نصوره حق الماسه :tongue:

المشاركة الأصلية كتبت بواسطة مزون البحرين
http://www.arabtravelersforum.com/tr...8/#post2638928




غلا ليش يمغصج بطنج .. عادي احنا اهل ونسايب :109: انتي من اهل المعرس ول العروس

وفالحفله بشغل بلوتوثي عشان نتواعد عند البوفيه نصوره حق الماسه :tongue:



من الفرحة يختج مغصني بطني...عيل طلع نفس العرس.....:113:

أنا من أهل العروس، وأنتي....؟؟

خلاص اتفقنا انا بعد بشغل بلوتوثي....بدت الخطط.:109:

حول بس مركز
مشكور اخوي هذا من ذوقك

فروسة
ياقلبي يالله ان شاء الله السنة الجاية وانتم بخير وصحة وسلامة

بو تركي
الماسة
يميي علي كيكة السنكرز والشوكلت صج مغرين وعذاااب بالحيييل

غلا
ومزون
طلعتو حركااات هههههه مبروك عليكم العرس مقدما

مززون وغلا المنامه حركات والله بتتقابلوون اجل انا و ماري الينا مره شفنا بعض واحنا ماندري عن بعض الا لما رجعنا وكتبنا موضوع بالمنتدى وعرفنا لحظتها انه انا وهي كنا بنفس المكان لالا وشفنا بعض بس للاسف ماسلمنا على بعض لاننا بعدنا ماتعرفنااا على بعض بس اهم شي اني شفتها وشافتني ههههههه

ماري و فارسة...ما تحسون كأنه فلم هندي؟؟

الله يسهل اللقا، حدي متحمسة...بس يا خوفي لا تطنقر علينا الماسة و تحلف ما ندش موضوعها.....باحاول ادبر لها بطاقة عشان تصور البوفيه على راحتها و ترضى علينا........

غلووووو فديتج لو يوم غير 14 جان دخنت بعد مو بس طنقرت بس هاليوم باكون مشغوله خخخخ
ويه حبذا احد يعطيه ويه ويفلتن فيه ككك

المشاركة الأصلية كتبت بواسطة غلا المنامة
http://www.arabtravelersforum.com/tr...7/#post2641557

من الفرحة يختج مغصني بطني...عيل طلع نفس العرس.....:113:

أنا من أهل العروس، وأنتي....؟؟

خلاص اتفقنا انا بعد بشغل بلوتوثي....بدت الخطط.:109:




انه من صوب المعرس حبيبتي ...

خلاص الوعد هناك :106:

الماسه اقول شكلي انه بكنسل روحت العرس وبرز ويهي معاج

مزون حياج المطعم مطعمج :101:
بس اذا مايابولج هديه موذنبي:108:ويه يشك انه اهو بيحصل هديه اصلا:112:

مرحبا بنات ... شلونكم وشاخباركم ... يارب كلكم طيبين ..

أشوف مواعيد وأعراس .. وهدايا ... وانا خبر خير ... :108:

لا بنعزم مشرفتنا .. ولا بنقول لها .... ما تمشون بالطيب ... لازم إجراء إداري ... :112:


صدقت روحي . ولعبت الدور ((مشرفة)) ... اخاف ينحذف علي شي :101:

عليكم بألف عافية ... تهنوا ... وألف مبروك للمعاريس .. :101: ..

وألف مبروك للي بيتواعدون يوم 14 :101:

على الطاري .. .حد معزوم تاريخ 6 ؟؟ :106:

الغــــــــــــــــــــــــــــــاليــــــــــــــ ــــــــــــــــــــــــــــــــــــــــــــــــــ ـــة :smile:



حبيبتي والله البارحه قبل لا انام قاعده استرجع شريط ذكريات امس

واقول وينهي مالها بينه فموضوع الماسه .. صار لها فتره ماطلت علينا .. باجر اسأل عنها ..

بس انتي سبقتيني والله وشرفتي الموضوع ..

حياج الله يالغاليه الغالية اذا ماشالج الفندق تشيلج عيوني ياقلبي :tongue:

وتاريخ 6 لا مب من صوبنا ... ليكون سويتيها الغالية وبتعرسين من وراي



الماسه .. مشكوره عالدعوه اللي مب من قلب ويه زعلان ومابيرضى الا بهديتج اللي بيعطونج اياها

وي فديتج حبيبة قلبي ... :9

والله لا يحرمني منكم ... ولا من سؤالكم يالغالية ...

انا اطل عالموضوع بين وقت ووقت ... بس مثل ما قلت لكم صار لي مدة طويلة ما طلعت مكان زي الناس ...

لا .. العرس معزومة عليه ... لو عرسي جان انتوا أول المعازيم أكيد ... ما يبي لها كلام ..

لا خلا ولا عدم يا أم الغالي

مزونوو ملوسج حاطه عينج على هديتي
يلا انا بازبر فيها يوم واليوم الثاني انتي يزعم باحصل ساعه ديور وشنطه قوشي و ونظاره فرساتشي خخخ
ويه ان ماحصل هالي صفهم بيصيده احباط واحتمال كبير يخلع خخخ


الغاليه
هلا حبيبتي انا قايله باسكت عنج لين اخلص امتحاني علشان اتفرغ لج
جوفي عاد يبيلنا يوم نكشت انا وانتي ومزون وغلا المنامه وفروس وماري والي بيي حياه الله
شكلج ماتطلعين من البيت الا بعزومه انا اليوم الي ماطلع فيه ايصيدني اكتئاب مزمع خخخ

المشاركة الأصلية كتبت بواسطة الماسة السوداء
http://www.arabtravelersforum.com/tr...6/#post2643986

الغاليه
هلا حبيبتي انا قايله باسكت عنج لين اخلص امتحاني علشان اتفرغ لج
جوفي عاد يبيلنا يوم نكشت انا وانتي ومزون وغلا المنامه وفروس وماري والي بيي حياه الله
شكلج ماتطلعين من البيت الا بعزومه انا اليوم الي ماطلع فيه ايصيدني اكتئاب مزمع خخخ

عسى ربي يسلمج .... ما تقصرين عمري ... أتشرف والله ... :101:

انا ليلحين ما كلمتج عن ترتيب الموضوع .. أنطرج تخلصين امتحاناتج .. وتالي بنتفرغ لترتيبه ان شاء الله ...

الماسة......شكرا ع العزومة....ننطر اللمة بس بشرط الي صورتيه كله نبي نذوقة مو بس نشوفه و نتحسر عليه، نبي نستعمل حواسنا الخمس...

وعن الهدية شكلج مالية يدج منها....ننطر الأخبار ونبي الصج عاد!!!!!

السلام عليكم ورحمة الله

اشلونكم ان شاء الله تكونوا بأحسن حال

وش السالفه عزايم ومعاريس ومافي كارد يطير يمين ولا شمال
يالا لنا الله
في الاول يفعلوا لنا العضوية بعدين يصير خير

عاطر تحياتي للجميع .

وينكم هالأيام

ليش الموضوع ميت صارله جم يوم

والله انا ما استمتع لما ادش المنتدى الا لما اشوف اكلاتكم وصور الاكل

الصراحة جهد تشكرون عليه وخصوصا صاحبة الموضوع الماسة السوداء ويعطيكم الف عافية:113:


وهذي اهداء مني لكم
:101:
.
.
.
.
.
.
.

^
^
^

الله يعطيك العافيه اخوي شكل الأكل يمي يمي ..

هالمطعم مادري ليش ماحبيته ..

زرته مره ومن يومها كل مايقولي زوجي نروح اقوله لاااااااااااا

بس شكلي بغير رايي من بعد الصور الحلوه

يعطيك العافيه شكله حلوو
عاد انا قبل كم يوم كنت بالمنطقه هذي
شخباركم بنات شفيكم ماخلصتوا امتحانات من زمان عنكم وحشتوووووووووووووووووووني كلكم

الأخ alrashedq8 ... عليك بالعافية هالآيسكريم اللذيذ ... وألف شكر لك عالصورة والمشاركة الجميلة .. وحياك الله ...

الاخ بومحمد2010 ... مشكور على التعرفة بالمطعم .. وعلى هالصور المغرية ... كل الشكر لك والله ..

مزون وفارسة شلونكم حبيباتي .. عساكم بخير ... يارب لا يحرمنا هالطلات الحلوة ...

المشاركة الأصلية كتبت بواسطة مزون البحرين
http://www.arabtravelersforum.com/tr...1/#post2659931

^
^
^

الله يعطيك العافيه اخوي شكل الأكل يمي يمي ..

هالمطعم مادري ليش ماحبيته ..

زرته مره ومن يومها كل مايقولي زوجي نروح اقوله لاااااااااااا

بس شكلي بغير رايي من بعد الصور الحلوه

شكرا اختي على مداخلتج :101:


مادري يمكن سبب عدم تقبلك للمطعم يرجع لعدم اختيار الاكل اللي يتناسب معاج :114:

لأن الصراحة وايد اكلات بالمنيو والواحد يتخوف من المغامرة بتجريب الاكلات الجديدة خوفا من عدم اكل الطعام المطلوب


انا شخصيا انصحكم بالبرياني عنده سواء كان دجاج او ربيان يمي يمي حده حلو


واذا كنتوا راحيين للعشاء لا تنسون تطلبون "مشويات مشكلة" حدها روعة

المشاركة الأصلية كتبت بواسطة الغالـــية
http://www.arabtravelersforum.com/tr...1/#post2660521


مزون وفارسة شلونكم حبيباتي .. عساكم بخير ... يارب لا يحرمنا هالطلات الحلوة ...




هلا بالغالية ..

الحمدلله انه بخير واختفيت يومين كنت فالكويت ..

تسلمين حبيبتي على السؤال :smile:

المشاركة الأصلية كتبت بواسطة الغالـــية
http://www.arabtravelersforum.com/tr...1/#post2660521

مزون وفارسة شلونكم حبيباتي .. عساكم بخير ... يارب لا يحرمنا هالطلات الحلوة ...




هلا حبيبتي الغاليييييه ولايحرمنا طلتك يالغلا:106:
ماري حبيتي كيفك شخبارررك والله هالنت يعل القلب من شوي كان معلق بس الحمدلله فتح وعدت على خير

للنجاح الرائع للموضوع ..

تم افتتاح الجزء الثاني من نفس الموضوع ...

نراكم هناك ...

الرابط:http://www.arabtravelersforum.com/travel253648/