الموضوع: هل شهر 7 يوليو مناسب لشهر عسل في المالديف

ياغالي السلام عليكم

انا وربي مازرت المالديف ولكن انا ايضاً ان شاء الله مسافر لها بشهر 7 لهذه السنه

وحسب بحثي وسؤالي اكتشفت ان مالديفز جوها على مدار السنه معتدل الا في شهر 7 و8 هناك ريال موسميه تصاحبها امطار

وطبعاً انا مالي مطول 3 ايام بس وطالع منها وربك يستر لكن تستاهل اكثر بس غويله شوي وممله بعض الشي لانها حقت استرخاء ورمنسيه ودلع

يا هلا و مرحبا فيك أخوي العمدة ..


مثل ما تفضل أخوي الفاضل أمير بكلمتي , قلة السياح بسبب ارتفاع معدل هطول الأمطار و المالديف مناخها استوائي على مدار العام , بالنسبة لـبرنامج الرحلة اقترح عليك انك تزور احد مكاتب الإماراتية وهي أفضل في نظري و يسوون لك باكج مبدئي حسب رغبتك و تاخذ فيه رأي الإخوان لأن الأسعار تتغير من وقت لآخر


و ألف ألف مبروك مقدما

اخوي امير بكلمتي ..

تسلم يالغالي على ردك وتواصلك معاي بالموضوع ..

وانا والله اللي مخوفني بس هالمطر اللي اخاف انه يخرب علينا جو السفره ومايخلينا نستمتع بالبحر وبالرياضات البحريه ^_* ..

وللعلم انا من قــطــر ..

يعني ان شاء الله بنشوفك في قــطــر قبل المالديف ^_* ..

وانا ناوي ان شاء الله اسافر بتاريخ 11_7 بإذن الله تعالى ..

دمت بود

اخوك

العمده

اشكرك اخوي مدير خطيييييييير على مرورك وتواجدك الجميل بالموضوع ..

صحيح سعدت كثيير بتواجدك ورأيك خصوصا انك راعي التقرير العجيييييب ^_* ..

تسلم على كل شي والتقرير ماشاء الله كفى ووفى ..

وان شاء الله بنزور فندق الــw بإذن الله تعالى ..

دمت بود ..

أخوك

العمده

بس ياليت اخوي امير واخوي الخطير ..

احد يفيدني بالأسعار حتى لو تقريبيه ..

وانا في قطر وعندي ان شاء الله خصم على القطريه ..

ولكن اريد المقارنه بين القطريه والإماراتيه لمن له خبره ..

خصوصا ان الخطير سافر على الإماراتيه وامير اظن انك ستسافر ان شاء الله على القطريه ..

واكون لكم شاااااااااااااااكر ^_^ ..

سبحان الله ... انا بعد مسافر يوم 11 خخخخخ ...

بس اخوي انا مالقيت على القطريه يوم 11 .. فالبتالي بيكون في يوم 12- 7 .. ولسه اليوم خلصت التذاكر

واتوقع انها رحلتين اسبوعياً او كذا

بالنسبه للأسعار اخوي العمده ... انا مسار رحلتي مختلف ... انا بطلع من الرياض الى الدوحه ومن الدوله الى المالديف .. بـ 3900 ريال سعودي .. ماادري وربي كم قطري

بس اتوقع انته بتكون ارخص يعني في حدود 2800 ريال كذا ..

وربي يوفقكم ان شاء الله وجلعها رحله موفقه

تحياتي لك

اخوي العمده
حاول تكون زيارتك للمالديف مربوطه بزياره لبلد آخر
اذا انت معزم على المالديف لاتطول فيها اكثر من 4 ليالي وحاول تحجز شاليه مع حمام سباحه خاص فيك عشان تاخذون راحتكم فيه خاصه وانكم في شهر العسل وعقب المالديف روح بلاد غيرها فيها برامج سياحيه وفعاليات

وعلى فكره اذا لقيت أسعار المالديف غاليه عليك أنصحك بتايلند لأن تايلند فيها جزر هاديه وفيها منتجعات راقيه لاتقل عن منتجعات المالديف في الفخامه والخصوصيه وحاول انك تبتعد عن الجزر المزدحمه أو الشواطىء المزدحمه وحاول انك ماتطول في بانكوك أكثر من 3 أيام لأن بانكوك ماتصلح الا للتسوق فقط

ونفس الكلام ينطبق على ماليزيا ترى ماليزيا فيها جزر ومنتجعات ماراحوالها العرب ليومك وفيها خصوصيه وفخامه وبما انك راح تسافر بالصيف ففي ماليزيا بعض المناطق الجبليه البارده مثل جنتنغ وكاميرون هاي لاند

وكذلك يمدحون جزيرة بالي في اندونيسيا بس انا مارحت لها
وحتى سنغافوره يمدحونها ولو اني مازرتها

حاول انك تبحث أكثر في النت عن المنتجعات الاسيويه وعروض شهر العسل

الله يبارك لك في زواجك ويتمم عليك بالذريه الصالحه

سبحان الله ..

والله اسعدتني اخوي امير بكلمتي بتواجدك معاي في (( نفس الرحله ان شاء الله )) ^_* ..

واشكرك على عودتك للموضوع وردك الثاني يالغالي ..

بس عندي استفسار ..

انت حجزت بكج كامل ؟؟

يعني نشاطات وتذاكر والسكن كله يعني كامل من القطريه ؟؟

والا بس تذاكر وسكن والا تذاكر بس ؟؟

وكم كلفك ان كنت ماخذ بكج كامل ؟؟ ..

واشكرك على تواصلك يالغالي ..

اخوي المرواني الجهني ..

تسلم يمناك على الرد الوافي يالغالي ..

وان شاء الله انا مو مطول في المالديف 4 أيام أو 5 بالكثير ..

وبعدها ان شاء الله بشوف دوله غيرها لكن ليلحين ماحددت والله

جزر المالديف لشهر لعسل اسمحلي اقولك إختيار غير موفق

شوف لك بلد مريح وجوه ابرد وفي اماكن كثيره

المالديف رمل وبحر وحر ونفس الوقت مطر.........

كآبه

انا كلمت الامارات وسألتهم عن جزيرة دبليو

قالي بكج لمدة ست ليالي بـ 35 الف ريال

صراحه تفاجأت بالسعر

وحصلت جزيرة الشمس لمدة ثلاث ليالي مع ثلاث ليالي بدبي بـ 13600 ريال

طبعاً شامله التذاكر والسكن بفندق اربع نجوم ووجبة فطور وعشا

وسالت عن قيمة التذاكر فقط قالي بـ 4000 ريال للشخص

أخونا انصحك تزور هذا الموقع

http://www.atollparadise.com/

اخوي مطلع الشمس ..

رايك احترمه ..

ولك نظرتك اكيد ..

وان شاء الله بفكر في وجهة تظرك مره ثانيه اكيد ..

اشكرك على مرورك

جزاك الله خير اخوي موهووووب القصيم ..

يعطيك ربي الف عافيه على الإفاده اللي كنت محتاجه بجد ..

والسعر مو غريب ..

لكن انا في رأيي ان البكج فيه اشياء كثيره معاه غير السكن والتذاكر والعشا عشان كذا زاد السعرر ..

واظن ان فيه بكجات ارخص اكيد ..

اشكرك على تواصلك وردك في الموضوع ..

أخوك

العمده

تسلم لي اخوي كويت على الموقع الراائع ..

وماشاء الله فيه كل الفنادق ..

وان شاء الله بتكون لي فيه جوله مطوله في الموقع الجميل ..

جزاك الله خير ويعطيك العافيه ..

أخوك

العمده

السلام عليكم يا اخ العمده ارجو ان تو ضح ظروف العرض الخاص بالملديف من حيث التكلفه والجزيره وتكلفة السفر حيث اني ابحث عن عرض مناسب لشهر العسل

المشاركة الأصلية كتبت بواسطة العـــمـــــده
http://www.arabtravelersforum.com/tr...9/#post2883189

سبحان الله ..

والله اسعدتني اخوي امير بكلمتي بتواجدك معاي في (( نفس الرحله ان شاء الله )) ^_* ..

واشكرك على عودتك للموضوع وردك الثاني يالغالي ..

بس عندي استفسار ..

انت حجزت بكج كامل ؟؟

يعني نشاطات وتذاكر والسكن كله يعني كامل من القطريه ؟؟

والا بس تذاكر وسكن والا تذاكر بس ؟؟

وكم كلفك ان كنت ماخذ بكج كامل ؟؟ ..

واشكرك على تواصلك يالغالي ..










المشاركة الأصلية كتبت بواسطة العـــمـــــده
http://www.arabtravelersforum.com/tr...9/#post2883189

سبحان الله ..

والله اسعدتني اخوي امير بكلمتي بتواجدك معاي في (( نفس الرحله ان شاء الله )) ^_* ..

واشكرك على عودتك للموضوع وردك الثاني يالغالي ..

بس عندي استفسار ..

انت حجزت بكج كامل ؟؟

يعني نشاطات وتذاكر والسكن كله يعني كامل من القطريه ؟؟

والا بس تذاكر وسكن والا تذاكر بس ؟؟

وكم كلفك ان كنت ماخذ بكج كامل ؟؟ ..

واشكرك على تواصلك يالغالي ..



هلا فيك من جديد .. واعتذر على التأخير على الرد

أنا اسعد ياغالي ونلتقي ان شاء الله ....
انا ياطويل العمر مااحب احجز بكج كامل لانه يكون فيه زيادة وغالي

انا بقولك شلون رتبت اموري وان شاء الله يعجبك

طبعاً انا احب ارتب بنفسي الفنادق والبرامج السياحية والمدن اللهم اني اروح للمكتب احجز فقط

رتبت لي برنامج كامل_ المدن اللي بزورها والفنادق والأماكن السياحية

طبعاً مدته 14 يوم تقريباً

بطلع من الرياض الى الدوحه الى المالديف ( بجلس فيها 3 أيام ) تم حجز فندق 5 نجوم وايضاَ حجز الطائرة المائيه اللي تنقلني من المطار الى الجزيرة ...

ثم بعد ثلاث ايام .. لدي رحله على الخطوط الماليزية من المالديف الى كوالمبورا ...( لمدة 11 يوم )

المدينة الأولى .. سيلنقور وبسكن في فندق صن واي لاجون ( الألعاب المائيه ) يوم واحد

ثم لدي رحله من كوالالمبور الى بيينج ... ( 3 أيأم ) فندق 5 نجوم ايضاً

ثم رحله بالباخرة من بيينج الى جزيرة لانكاوي ( يوم واحد فقط )

ثم رحله بالطائرة كم لانكاوي الى كوالمبور .. ( العاصمه 3 أيام ) للتسوق وغيرها

شرأيك ؟؟؟

طبعاً التكلفه ( شاملة التذاكر والفنادق خمس نجوم والترحال ) 25 ألف ... ( غير المصاريف العادية قول 10 الآف زيادة ) يعني تقريباً 35 ألف شامله كل شي

قولوا مشاء الله تبارك الله خخخخخخخخخخخخخخخ

ابي رأيك ياغالي في برنامجي لشهر العسل

وتقبل تحياتي

الصراحه انت مبدع اخوي امير ..

والصراحه بـكــج (( امير بكلمتي للعطلات )) دخل مزاااجي والله ..

بس ياليت انه كانت في خاصية الرسائل الخاصه في المنتدى عشان اقدر اتواصل معاك اكثر واحذ منك البكج مضبوط ^_* ..

بس اذا ماكان في امكانيه اتواصل معاك فـإن شاء الله انا برتب لي بكج بنفسي مثل طريقتك وبطلعكم عليه اهني ان شاء الله ..

وابي رايك فيه ..

وانا ان شاء الله هاليومين برتب لي بكج حلو مثل بكجك تقريبا وبحطه اهني بالتفصيل ات شاء الله ..

دمت بود

أخوك الصغير ..

العــــمــــده ^_^ ,,

المشاركة الأصلية كتبت بواسطة العـــمـــــده
http://www.arabtravelersforum.com/tr...6/#post2902436

الصراحه انت مبدع اخوي امير ..

والصراحه بـكــج (( امير بكلمتي للعطلات )) دخل مزاااجي والله ..

بس ياليت انه كانت في خاصية الرسائل الخاصه في المنتدى عشان اقدر اتواصل معاك اكثر واحذ منك البكج مضبوط ^_* ..

بس اذا ماكان في امكانيه اتواصل معاك فـإن شاء الله انا برتب لي بكج بنفسي مثل طريقتك وبطلعكم عليه اهني ان شاء الله ..

وابي رايك فيه ..

وانا ان شاء الله هاليومين برتب لي بكج حلو مثل بكجك تقريبا وبحطه اهني بالتفصيل ات شاء الله ..

دمت بود

أخوك الصغير ..

العــــمــــده ^_^ ,,



الابداع رسمته عيونك ياغالي

العمدة
ممكن تعطينا انطباعاتك عن المالديف
بعد رحلتك لها في شهر 7
لاني ابي اروحها