المشاركة الأصلية كتبت بواسطة dob11dob11
http://www.arabtravelersforum.com/tr...8/#post2360260
اول شيئ حاب اشكركم على المعلومات اللي استفدتها من هذا الموقع
والله لدرجة اني ماكنت احب ازور البحرين واذا الاهل راحوا البحرين ما اروح معاهم
لاكن بعد زيارتي لبوابة البحرين والتعرف على معلمها حبيت البحرين وسرت ازورها باستمرار
والحمد لله زرت جنة دلمون ومحمية العرين وصورة فيهم اكثر من 300 صورة وحبية انزل تقرير
بس احس انو التقارير الموجودة عن المحمية وجنة دلمون وافية وكافيه
اسف على الاطاله بس كنت حاب اشكركم على مجهودكم
اما عن الاستفسارات:
1/ ابغى اسأل في 11 اكتوبر يعني الشهر الجاي بعد ماتبدأ الدر اسة في السعودية هل حيكون في البحرين زحمة + واذا كان فيه متى تتوقعو تكون البحرين مافيها زحمة.
2/ ابغى وصف دقيق لسنما سار و الجزيرة لاني بصر احة نفسي اجربها انا ما اعرف في البحرين من السنمات الا سنما السيف والدانة .
الله لايهينكم ويعطيكم الف عافية
مرحبا فيكم أخوي في البحرين .... وأسعدني جدا كلامك عن استفادتك من الموقع ومن مواضيع البوابة ...
نحن هني كلنا في البوابة ... نحاول نعطي الجميع صورة البحرين كوجهة سياحية عائلية ...
ولنا الشرف بتواجدكم في أرضكم البحرين ...ولا شكر على واجب ..:101:
نتمنى منك تضيف تقريرك ... وتشرح لنا وجهة نظرك ...
بالنسبة لاستفساراتك ..
الأول: بعد 11 أكتوبر ما وقع يكون زحمة ... اللهم إلا في الويك إند احتمال بسيط ... بس 95% بيكون الزحام أقل من الحين ومن أيام العيد ..
الثاني ..
سينما سار .. بعد ما تطل من الجسر ... تاخذ أول لفة يمين وتطلع عالكوبري ... يلف فيك الكوبري ويطلعك عالشارع .. وتواصل سيدة .. عند رابع إشارة ضوئية تلف يمين .. وتواصل في هالطري ليما توصلها بتشوفها على اليمين ...
سينما الجزيرة.. في المحرق ... بعد ما تعدي الجسر المؤدي للمحرق الجسر اللي على شكل حرف الـ M بعد ما تطلع من الجسر ....تواصل سيده لا يمين ولا يسار ... وتعد الإشارات ... عند رابع إشارة ضوئية تلف يسار ... عند مكدونالدز ... بالضبط هناك السينما على اليسار ..
وحياكم الله ...
رد مع اقتباس
المشاركة الأصلية كتبت بواسطة الغالـــية
المفضلات