الموضوع: معلومات عن السياحة في البحرين

ياأخوان ممكن أحد يساعدني منكم
أنا رايح للبحرين في العيد مع العائلة وودي أعرف الفنادق الجيدة إلى تصلح للعوائل ( انتم فاهمين قصدي ) وكذلك الأماكن الجميلة فيها والمطاعم
ويليت اهل البحرين وأهل الخبرة يخبرونا
ودمتم سالمين.

مواضيع عشوائيه ممكن تكون تعجبك اخترناها لك:

• استفسار
• شرايكم تدشون؟؟؟
• فندق قريب من فندق الخليج البحرين
• سحر البحرين
• وين مكان شقق ماريوت الجفير
• ما أفخم الشقق في البحرين ويكون فيها جاكوزي ؟؟؟
• استغسار عن الدخول للبحرين بالهوية الوطنيه
• عروسة تحتاج لمساعدتكم
• جايتكم يا اهل البحرين ممكن مساعدهــ
• ساعدوني بخصوص الحلوى
• ابي جوواااااب سررريع
• جو البحرين
• شقق وفنادق نظيفة للشباب في البحرين
• البحرين في عشر ساعات
• بنااات البحرين طالبه مساعدتكم
• احترت كثير بالسكن بالبحرين وابغى فزعتكم
• صيدلية جي ان سي
• ارجو الافادة بخصوص هذه الفنادق
• رحلتي للبحرين محرم
• هل جزيرة حوار تصلح للعوائل

غريب 911

اولاً اعتذر ان ما احد رد على موضوعك ممكن ما احد انتبهله ... ممكن يا عزيزي تقولي انت تبي فنادق ولا شقق واذا فنادق كم نجمه.

الاماكن الجميله : أغلبها مجمعات مثل مجمع السيف يوجد سينما ، مجمع العالي ، مجمع الدانه يوجد سينما ، مجمع اللؤلؤ ،

المطاعم :
مطعم الابراج موجود في وسط المنامه وفي مجمع السيف والعالي
مطعم تشيليز داخل مواقف السيف
مطعم بندروزا على شارع الملك فيصل على الكورنيش مقابل فندق الرجنسي
مطعم اصفهاني في شارع المعارض (ايراني)
مطعم روما في شارع الفاتح قريب من ميناء سلمان (ايطالي)
الفيش ماركت في المنطقة الدبلوماسية
دي لمزون كفي في ضاحية السيق قريب من مجمع السيف في دورين الي فوق مطعم والي تحت قهوه يعني معسل بس هذا روحله بالنهار بالليل بعد الساعه 9 يكون ازعاج وزحمة تحت فقط اما فوق ما في شي

هذا بالنسبة للمطاعم الي انا اعرفها اما بالنسبه للفنادق انتظر ردك.

تحياتي لك اخوك
برونكوس

أخي الكريم غريب911

البحرين يميزها صغرها وطيبة أهلها لذلك بتشوف أغلب المجمعات جمب بعضها وماتضيع
أبرزها مثل ماقال اخويBroncos
{السيف} يوجد فيه الماركات المشهوره مثل....
* Bhs و mothercare للأطفال والنساء والرجال
*Motivi ملابس نساء
*red earth و Mac و make up for ever و faces للعطور والماكياج
*Diesel ملابس نساء ورجال
*Milano أحذية أعزكم الله نساء ورجال
*Espirit , More and more نسائي
*دبنهامز ..أطفال,عطور,تجميل,حقائب,مستلزمات المنزل,ملابس نسائي ورجالي
* مدينة الألعاب ماجيك لاند
وغيرهم الكثير

{العالي} بجانب السيف فيه عدد من المحلات الراقيه يتميز بهدوئه .

{الدانه} حديث وحلو شكله تكثر فيه المقاهي وفيه مدينة ألعاب متميزه.

{مجمع البحرين أو كما هو معروف بـ جيان نسبه للهايبر ماركت الفرنسي اللي فيه }
حلو وصغير والسوبر ماركت اللي فيه جميل جدا وأسعاره مناسبه وبضاعته متنوعه.
وفيه أيضا مدينة ألعاب تسمى بـ عالم فتون.

{ المارينا مول } فيه محلات رعاية الأمومه وهوم بلازا وسبلاش وجونيور وأسرار ساره وبوسيني
للأطفال.

هذا اللي يحضرني بالنسبه للمجمعات أما السكن يعجبني اليت سويتس مقابل مركز المعارض
تقريبا هي شقق فندقيه 4 نجوم بس جدا راقيه ومحترمه وكلها عوايل وممنوع فيها المشروبات الكحوليه
خذناها من فتره الغرفه ب 340 ريال.
وحنا على الجسر عطونا اعلان عن شقق أنمار بلازا ومكتوب انها عائليه بس بصراحه ما اعرف عنها شي

واذا كنت جاي عن طريق البر بيعطونك اعلانات عن أبرز أحداث الشهر على الجسر.

أيضا متحف البحرين حلو ..وبيت القرآن...وعروض الدلافين على الكورنيش...ولاتنسون بوابة البحرين
والحلوى.

وتحياتي لك.

[align=center]الشكر الجزيل لي Broncos و سحابه
بصراحة ما خليتوا لي مجال لسؤال
الله يعطيفك العافية على الرد الجميل
مع تحياتي لكم[/align]

حياك الله ولا شكر على واجب

في البحرين نصيحه لا تسكن إلا في فنادق خمس نجوم خاصة وانت معك عائله وهي عددها سبعه فقط :

(1) فندق الدبلومات رادسون ساس
(2) فندق الخليج
(3) فندق كراون بلازا
(4) فندق ريتز كارلتون
(5) فندق هلتون
(6) فندق شيراتون
(7) فندق ريجنسي أنتركونتننتال

وأنصح بالريتز كارلتون أو كراون بلازا