الموضوع: الطيران الماليزي مقارنه اسعار الفنادق اقضل مواقع لحجز الفنادق

السلام عليكم

ابي شنو رايكم بالطيران الماليزي من ناحيه المواعيد نظافه الطياره الاكل اسلامي ولا ؟ متوفر ع كل كرسي شاشه تعرض افلام وشنو الافلام اجنبيه فقط مترجمه ولا ؟ فيها افلام عربيه ؟؟

hotelscombined هـ الموقع يقارن اسعار الفنادق من خلال اكثر من 10 مواقع تسوي حجوزان ولكن لفت نظري شغله معينه

مثلا اخترت فندق برايمد يعطيني السعر 120 موقع معين يكون اول شي انزل تحت الاقي اقودا وبكوينج ارخص من الي فوق فمادري شنو السبب ؟

شنو افضل مواقع للحجوزات بجانب اقودا وبوكينج ؟

توزيع الايام

ليتتين سلانجور

3 ليالي بينانغ

ليلتين جنتج

5 ليالي كوالا

فنادق لي الحين ما اخترت محتار شنو اختار ومتى افضل وقت احجز فنادق وطيران داخلي ؟ من الموبايل

مواضيع عشوائيه ممكن تكون تعجبك اخترناها لك:

• ممكن مساعدة لو سمحتم
• استفسار بخصوص من جرب طيران آسيا داخلي
• ضرووووري أحتاج مساعدتكم في الحجوزات ربي يسعدكم ♥
• كلي امل في التفاعل في موضوعي
• الكاميرون تحديدا ؟؟
• استفسارات تدور حول الميترو في كوالالمبور ؟؟؟
• السفر الى ماليزيا مع اطفال
• محتار بين شنغريلا راسا، او جولدن ساس ، ايهم أختار يا خوان ابي فزعتكم
• خطة الرحلة لماليزيا مطلوب آراءكم
• رأيكم ياخبرائنا في جدول رحلتي
• محتاج مساعدتكم
• استفسار عن فيزا تسوق والدفع في الفنادق
• ماهي أفضل المدن لزيارتها
• خدمه في لنكاوي الله لا يهيييينكم
• ساعدوني في رحلتي؟؟؟؟؟؟؟؟
• استفسار بخصوص مطار كوالالمبور الدولي
• مسافرة وعندي تساولات عن الطفل الرضيع
• ممكن مساعدة مسافرة ماليزيا
• تجربه لا اعلم هل فيها مشكله
• كيف احذف رقم الفيزا او حسابي في اقودا؟

مساء الخير

الطيران الماليزي
طيران مميز ودقيق بالمواعيد .. ماليزيا دولة اسلامية واكلها حلال بالطائرة
لاتتردد ابداً بالحجز فيه فهو طيران عليه اقبال كبييير حقيقة لو لقيت سعر ممتاز عليه توكل على الله

بالنسبة لـ Hotelcombined
اسعار ارخص لما تنزل تحت عن اللي فوق مو شرط ياأما الاختلاف في الافطار الالغاء المجاني الاطلاله من هالكلام
مقارنته للاسعار مو بالترتيب احيانا انت ابحث في جميع الخيارات

جدولك ممتاز وتوزيع الايام رائع لكن لنكاوي ذات الطبيعه الساحرة ليه الغيتها من الجدول..!!

تفضل ادخل ومر عالفنادق بهالموضوع مرتبه حسب الافضل والاغلى الى الاقتصادي الرائع من تجارب الاعضاء

http://www.arabtravelersforum.com/travel814982/

حدد الفنادق اللي تريدها وابدا رحلة البحث ولالقيت سعر ممتاز احجز

الطيران الداخلي.. كل ماكان بدري كل مالقيت أسعار ارخص

تحياتي...ღ
أختك/Haty

اشكرج اختي Haty ع الرد

بالنسبة لـ Hotelcombined اعتمد من عندهم ارخص حجز حتى لو كان الموقع غير معروف ؟؟
اخترت موقع برايمد وحطيت التواريخ عطاني اول شي اقودا بسعر 129 دينار غير شامل الافطار والغاء مجاني !! وتحت سعر اقودا سعر 115 شامل الافطار والغاء مجاني ع موقع http://www.onhotels.com يعني فرق 14 دينار وفوقهم مشمول الافطار بس مادري شنو مصداقيه الموقع !!

عدم اختيار لنكاوي انه هذي ثاني زياره لي حق ماليزيا وزتها المره الي طافت وهـ المره قررت ازور مناطق ما رحتلها في سفرتي الاولى علشان جذي لغيت لنكاوي من الجدول
بينانغ و جنتج اول مره راح ازورهم

لي رجعه بعدما اقرا موضوعج واشوف الفنادق واختار 😊

شكرا من الموبايل

حياك الله ( بو حسن ) ...

أسأل الله لك التوفيق ياغلاهم ... في رحلتك القادمة ...

ماقصرت أختي المميزة ( Haty ) ... وأحب أشارك بنقطتين :

أنا سافرت على الخطوط الماليزية مرتين ( جدة - كوالا - جدة ) ... طيران راقي جدآ ومميز وعااالمي

مواعيد محترمة - وخدماتهم راقية للغاية - وشاشات الترفية عندهم جيدة .. وتسلي والله

أما الأكل ( حلال ) ... ورهيب والله ... ومن أجمل مايكون ...

وبخصوص موقع ( Hotelcombined )

السعر يختلف حسب نوع الغرفة ... عشان كذا تأكد قبل الحجز

ولمزيد من المعلومات ... تفضل موضوعي هذا وبأذن الله يفيدك

http://www.arabtravelersforum.com/travel707515/

http://img585.imageshack.us/i/27518075.png/

هلا اخوي أبو حسن

الله يعطيك العافية انت والمشرف الفاضل وافي الف شكر لكم ولثنائكم

لا لاتحجز من ارخص موقع يطلع لك بـHotelcombined لان الاغلب غير معروفة
ولانعلم مدى مصداقيتها عزيزي

انتبه


تحياتي...ღ
أختك/Haty

هلا بالحبيب وافي شلونك ؟

الطيران الماليزي مع كل كرسي شاشه تعرض افلام اجنبيه فقط ولا فيها عربيه ؟ لانه تدري رحله طويله ونبي شي يسلي 😜

انزين مواقع الحجز المضمونه بجانب بوكينج و اقودا ؟ من الموبايل

Haty

شكرا ع التوضيح

لي رجعه بعد شوي من الموبايل

هلا أبو حسن ... هلا بالغالي والله

طبعا كل كرسي له شاشة لوحدها ... تسحبها سحب من داخل الكرسي ...

وطبعا متوفرة اللغة العربية وموجودة ...

وبخصوص المواقع الأفضل هي :

بوكينق - أقودا - أسيا رومز - هوتيل كلوب - آسيا ويب دايركت


http://img585.imageshack.us/i/27518075.png/

تسلم وافي ع الرد السريع

الي قصدته انه فيه الشاشه افلام عربيه مو لغه الشاشه 😜

اذا تسمح تكتب لي اسامي المواقع بالانجلش لانه اذا كتبتهم بالعربي يطلعزلي اكثر من موقع ومابي اتوهق

احنا 4 كبار وطفلين انا وعديلي وزوجتي وزوجته ولدي حسن 3 سنوات و 3 اشهر محمد ولد عديلي اصغر من حسن بسنه تنصحنا بتنقلاتنا ناخذ تاكسي واحد ولا 2 ؟

بسألك عن مدينه العاب جنتج الداخليه والخارجيه متى يفتحون ومتى يسكرون وجم يبعدون عن فندف فرست ورلد ؟ وصج فييه نوع تذاكر ما يخليني انطر دور ؟

جم تبعد القريه الفرنسيه عن فندق فرست ورلد وشنو فيها وجم يكفيها وقت ؟ اذا فيه موقع احجز منها التذاكر يالين تزودني فييه !!

افا موزا جم تبعد عن كوالا بالتاكسي تفتح من 10 لي الساعه 6 عدل ؟ وجم ياخذ التاكسي رايح راد ولازم اتفق مع نفس التاكسي ولا فيه تكاسي هناك وهل تغنيني عن زياره زوو نياجراا ؟؟

ياليت تزودني بموقع صنواي علشان احجز عن طريقهم حسن ولدي عمره 3 سنوات و 3 اشهر يحسبون له تذكره ولا ؟

حديقه البرجين فيها كفيهات ومطاعم ولا بس كراسي والسلام ؟

هذا الي عندي اذا تذكرت شي اقولك من الموبايل

هلا أبو حسن

هذي هي المواقع اللي ذكرها طيب الذكرر وافي
http://www.agoda.com/
http://www.asiarooms.com/
http://www.asiawebdirect.com/thailan...club-at-lebua/
http://www.asiatravel.com/
http://www.booking.com/?aid=1329869?aid=358324

بالنسبة للتاكسي ... خذ تاكسي واحد والاطفال بحضنكم او تاكسي كبير

مدينة الالعاب في جنتنغ

اوقات الدوام
الالعاب الخارجية من الساعة 10 صباحا – 7 مساء
الالعاب الداخلية من الساعة 10 صباحا – 12 منتصف الليل

فندق الفيرست ورلد مطل عليهم ديكوره من ضمن الالعاب عزيزي
نعم توجد تذاكر للدخول السريع وبتلاقي ايضاً امامك طابور لان الاغلب يشتريها يقول مايبي ينتظر فالانتظار موجود بكلا الحالتين

بالنسبة للقرية الفرنسية بوكيت تنجي تبعد عن جنتنغ تقريبا 42 دقيقة وعن كوالا 50 دقيقة
وهذا تقرير الفاضل بو ناصر عنها
http://www.arabtravelersforum.com/travel208807/

بالنسبة لافاموسا فهي حديقة حيوان مفتوحة وعروض كثيرة ومختلفة تبعد عن كوالالمبور ساعة تقريبا تقرير عنها من الاخ الفاضل بو ناصر
http://www.arabtravelersforum.com/travel307908/

لو ماعندكم وقت الغو زيارة المميزة والاكثر شهرة في ماليزيا زوو نياجرا من الأخ بو ناصر أيضاً
http://www.arabtravelersforum.com/travel215464/

الصن واي لاقون الاطفال اللي فوق 3 سنوات او اقل من 90 سم وهالرابط بيفيدك عنها
http://www.arabtravelersforum.com/travel741653/

بالنسبة لحديقة البرجين هذا تقرير طيب الذكر الفاضل الأسفار متعتي بو عبدالله
http://www.arabtravelersforum.com/travel780485/


تحياتي...ღ
أختك/Haty

السفره الي طافت كانت فنادقي گ التالي

حاليا مخصص مبلغ 500 دينار كويتي مقسمه ع سلانجور بينانج جنتج كوالا

ياليت في كل منطقه ترشحون لي كذا فندق واهم شي يكون فييهم شطاف لانه معاي طفل وفندق كوالا ياليت يكون بقلب شارع العرب

وشكرا مقدما من الموبايل

صباح الخير

أدخل على هالموضوع فيه افضل الفنادق المجربة من قبل الاعضاء هنا من الفخمة الغالية الى الاقتصادية النظيفة

http://www.arabtravelersforum.com/travel814982/


تحياتي...ღ
أختك/Haty

ابي رايكم بفندق Holiday Inn Penang من ناحيه نضافه مكان الحمام فيه شطاف ولا مافيه لانه شي ضروري صراحه خاصه معانا طفلين

والي اعرف انه فييه برجين شنو الفرق بينهم ؟؟ يعني قريت برج الشاطئ فيه غرفه ع البرج الثاني هم فييه غرفه ع البحر ياليت تعطوني الفرق

وشكرا

يا جماعه ما رديتو علي !! من الموبايل

هلا ( بو حسن ) ..

الهوليدي إن ( راقي جدآ ) ومميز ... وفيه شطاف

والفندق عبارة عن برجين ... الأول ( الفرينجي ) وهو المطل عالبحر

والثاني ( التاور ) البرج ... وهو المطل على التل والجبل ...

أنت أختار ( الفرينجي ) هو الأنسب ... وبالتوفيق ياغلانا

http://img28.imageshack.us/i/25082642.png/

تم بحمد الله اعتماد الفنادق

صنواي برايمد غرفه بريمر فندق هولداي ان بينانج برج البحر مطلع ع الجبل فرست ورلد جنتج غرفه ووردلد كلود دورست رجينسي غرفه ديلوكس شرايكم بالفنادق ؟

سؤالي عن طيران اسيا سير حجزت كل شخص 15 كيلو يكون من ضمنهم 7 كيلو داخل الطياره ولا شلون ؟

طبعا الطيران الدولي اخترنا الاماراتي بعد ما ارتفعت اسعار الماليزيه فشلونه طيران الامارات وشلون مطار دبي خاصه انه ترانزيت 3 ساعات

راح اوصل ماليزيا الساعه 3 العصر بتوقيت زيزا تتوقعون جم اخذ وقت ع ما اخلص من كل امور المطار واخذ لي تاكسي لي البرايمد

ابلغ الفندق اني راح اوصل متأخر ولا ؟

شنو افضل شركه اتصال من ناحيه الاتصال وسرعه النت ؟ يقصون الكرت علشان يركب ع الايفون 5 ولا ؟

صج انه مددو فتره فتح مجمعات شارع العرب لغايه 12 باليل ؟ يقولون فيه كافيهات وقعدات حلوه بس ماني عارف وين وتنفع حق العوايل ولا ؟ ولي الساعه جم يقعدون ؟

الجسر المكيف وين مكانه بالضبط ؟

احنا 6 اشخاص 4 كبار و 2 صغار تنصحونا ناخذ تاكسي كبير ولا مل عايله تاكسي ؟

هذا اسالتي حاليا اذا فييه شي ثاني ابلغكم من الموبايل

ناطر الاجوبه ☺ من الموبايل

ياهلا والله أخوي الحبيب ( بو حسن ) ...

وتفضل الرد ياغالينا ...

* الفنادق حلوة ومميزة ... ومعروفة ... أختيارك موفق يالأمير

* الوزن مناسب بأذن الله ... ومثل ماتفضلت ( مسموح لكل راكب 7 كيلو ) داخل الطيارة

* طيران الإمارات ( راقي ) وروووعة ... ومطار دبي من أرقى مطارات العالم .. لاتشيل هم

* تحتاج ساعتين من وقت نزولك من الطيارة .. إلى وصولك للفندق بأذن الله

* لابد تراسل فندقك ( البيراميد ) بأنك ستصل متأخر ... عشان يكون عندهم خبر

* أفضل شركة أتصالات ( سيلكوم ) ... وخلهم يفعلون النت لك ... ويقصون الشريحة بجهاز ( مايكرو )

* ماعندي خبر عن ( تمديد ) وقت المحلات التجارية ... وشارع العرب كله مقاهي أصلا

* الجسر المكيف يبدأ من فندق إمبيانا إلى مجمع ( البافليون ) الرائع ... وطوله ( كيلو واحد ) ...

http://img12.imageshack.us/i/25262511.png/

اشكرك عزيزي وافي

بس لي الحين ما خلصت اسأله تحمل وانا اخوكً☺

جم المسافه بالتاكسي من كوالا الى منتزه افاموزا ؟ وجم ياخذ التاكسي واتفق مع نفس التاكسي ع الروحه والرده ولا الاقي تكاسي هناك ؟ من الموبايل

هلا حبيبي ( بو حسن ) ...

من كوالا إلى أفاموسا ( المسافة ساعة وثلث ) ...

وأتفق مع تاكسي ( يوصلك وينتظرك ويرجعك ) ... بسعر 300 ريال

http://img19.imageshack.us/i/26234297.png/

مناره كوالا شنو فيها تستحق الزياره ولا ؟ وشنو افضل وقت للزياره ؟ واذا كان فيها مطعم شلون نظام الحجز ؟ من الموبايل

بترو جايا بزورها الفتره المسائيه ولا لها وقت وتسكر ؟ قريت انه التصوير فيها ممنوع صحيح ؟

بحجز فيها بوفيه العشا لازم احجز قبلها بجم يوم ولا اروح هناك واحجز ؟ من الموبايل

منارة كوالا تستحق الزيارة
لها رسوم دخول البرج

فيه رسوم دخول البرج فقط
وفيه خيار آخر رسوم الدخول مع وجبة عشاء على مطعم بالهواء لكن سعره غالي تقريبا 500 رنقت

أنصحك بباص هوب ان هوب
رخيص ويزور أكثر من 22 معلم بكوالا بقيمة 38 رنقت فقط للبالغين لمدة يوم
وفيه تذكرة لمدة يومين

http://www.arabtravelersforum.com/travel410831/

عفوا اخوي الشخص 500 رنجت ؟ ولا شنو من الموبايل

المشاركة الأصلية كتبت بواسطة بو حسن 83
http://www.arabtravelersforum.com/tr...5/#post7819475

بترو جايا بزورها الفتره المسائيه ولا لها وقت وتسكر ؟ قريت انه التصوير فيها ممنوع صحيح ؟


بحجز فيها بوفيه العشا لازم احجز قبلها بجم يوم ولا اروح هناك واحجز ؟ من الموبايل

حياك ياغالينا ...

جمال ( بوتراجايا ) في الفترة المسائية ... عشان تكون المعالم واضحة

أفضل وقت لزيارة بوتراجايا من 10ص - 2 م ...

http://img692.imageshack.us/i/14301151.png/

العشاء للشخصين في مطعم على الهواء الطلق بملبغ 500 رنقت تقريبا

يعني ما ينفع اروح بترو جايا قبل الغروب نصور الغروب وكذا ؟

وين في مطاعم بكوالا اكلها في الاماكن المرتفعه وبالهواء الطلق ؟ من الموبايل

مجمع ماينز وندر لاند مفتوح ولا مغلق ؟ وجم يبعد عن فندق البرايمد ويستحق الزياره ولا ؟

ملاهي ماينز لي الحين مسكرينها ولا ؟ من الموبايل

هلا بالغالي ...

* تقدر تزور ( بوتراجايا ) قبل الغروب ... وقت حلو بصراحة

* ماأعرف في كوالا إلا ( مطل أوت لوك بوينت ) ... لكنه مقفل من فترة طويلة

* مجمع ( الماينز ) مفتوح ... ويبعد عن البيراميد ( ربع ساعة )

http://img16.imageshack.us/i/90522936.png/

أقصد بالهواء الطلق بالتالي

يعني تاكل بالمطعم والمطعم يدور في الهواء

مداخلة بسيطة :

المطعم في المنارة ( مايناسب ) العرب بصراحة ... لأن الأكل شرق آسيوي فقط

وغير كذا غالي ( على غير سنع ) ... وأجمل مافي المطعم ( الإطلالة ) فقط

http://img109.imageshack.us/i/20282204.png/

شكرا ع التوضيح ☺

ينفع اصعد البرجين في اليل ولا بس في النهار والساعه جم لازم اروح علشان احجز تذكره وجم التذكره ومسموح التصوير ولا ؟

وبخصوص بتروجايا التصوير فيها مسموح ولا ؟ وفيها مطاعم وكذا ولا ؟ من الموبايل

حياك ياعمدة ..

حلاوة البرجين في النهار ... عشان تشوف كل شيء

وأفضل وقت للزيارة ( 5 العصر ) ... ولازم تحجز التذكرة قبل الزيارة بيوم

وطبعا مسموح التصوير طوال فترة الزيارة وهي ( 15 دقيقة ) فقط

أما ( بوتراجايا ) تصور على كيفك ... وماعندي خبر فيها مطاعم أو لا ...

http://img109.imageshack.us/i/20282204.png/

ملاهي صنواي

ملاهي جنتج

ملاهي تايم سكوير

افاموسا

فييه بعد امكان سياحه للاطفال ؟ من الموبايل

هاذي أجمل أماكن سياحية للأطفال ... وتكفيهم بصراحة

http://img545.imageshack.us/i/34573090.png/

جم تذكره البرجين ؟ وانا اختار الوقت الي بصعد فيه البرج ولا اهم يعطوني الوقت الي لازم اكون موجود ؟

حديقه البرجين الساحره ع قوله حبيبنا وافي فيها كافيهات وقعدات حلوه ولا بس حديقه والسلام ؟

شفت كذا صوره بقوقل نافوره صوب البرجين فييه صوبها قعدات حلوه ولا بس نافوره ؟ من الموبايل

جزيره بينانغ شنو فيها رحلات بحريه

وانا وايد اسمع عن منطقه جورج تاون بجزيره بينانج ممكن اعرف شنو هذي ؟

هذا الي عندي اليوم ☺

شكرا جزيلا مقدما من الموبايل

هلا والله ( بو حسن ) ...

وتفضل الرد طال عمرك ...

* تذكرة البرجين ( 80 رنقت ) للشخص ... ويعطونك موعد طبعا للزيارة ...

* حديقة البرجين فيها جلسات حلوة ... وألعاب للأطفال ... لكن الكافيهات داخل المجمع المجاور

* النافورة والبحيرة في الوسط طبعا ... والجلسات حولها روعة ..

* جورج تاون ... هو قلب بينانغ النابض وفيها التجارة والأسواق والحياة ...

ممكن تعطوني مواقيت الصلاه من الموبايل