صح كلامك أخوي المظلوم بس هذا على حسب اتفاقك مع العائلة
أول ما توصل أو انك تغيرها ... بس أنا أرتحت معاها عشان كذا ما تفرق عندي 100 او 200 ريال في الشهر مقابل أن الواحد يرتاح مع العائلة
الحلقة الثالثة
صحيت من النوم وسبحت ولبست ملابسي وأكلت البريك فاست وأنطلقت الى المعهد وأول ما سميت بالرحمن ودخلت أول خطوة لي للكولج الا ثلاثة سعوديين يسلمون علي وقلت امممم شكلها بدت الملامح توضح أللحين ودخلت الإختبار وتحدد مستواي 300a3 يعني المستوى الثالث وداومت بشكل طبعي مع ان كان عدد الطلاب السعوديين يفوق الـ60 طالب بس أعتبرته ايجابي لي اكثر مما هو سلبي كما كان تفكيري بالسابق
بديت اتعرف على السعوديين واليابانيين والكوريين والسويسريين وغيرهم
مع مرور أسبوعي الأول على هالحال حسيت أن صار لي شهور في هالمدينة ولا كانها اسبوع فقط وعرفت كل شي فيها ( الأساسيات طبعا ) المهم أني بديت استفيد بشكل مناسب وغير محبط
الكل كان يقول لي ان السعوديين فقط في المستويات المتدنية وووو من الكلام اللي كان يضايقني بيني وبين نفسي ولكن لما شفت الوضع بنفسي بصراحة وبدون مبالغة السعوديين هناك يرفعون الراس
يكفي ان احنا متفوقين على اليابانببن والأوربيين في الكلاسات أحنا 4 طلاب سعودين و8 اجانب يعني من اصل 12 طالب محد يشارك غير 4 طلاب وهم السعوديين فقط شوف الفرق بين ما كان ينقال لي وبين ما شافته عيني
والبلد بصراحة ماهي برخيصة ولا هي بغالية يعني تقدر تمشي حالك عادي يعني الغلاء في السكن والمعهد بس وغير كذا تعتبر مناسبة
وأي جديد أن شاء الله راح أوافيكم فيه بإذن الله لأن ما صار لي هن الا فترة جدا بسيطة ... دعواتكم لي
رد مع اقتباس
المشاركة الأصلية كتبت بواسطة المظلوووم
المفضلات