الموضوع: لطرح الاستفسارات عن الأسواق والمطاعم والأماكن الترفيهية في البحرين تفضلوا هنا

المشاركة الأصلية كتبت بواسطة بنت الكويت1
http://www.arabtravelersforum.com/tr...3/#post2421623

بغيت اسأل وين فيه مطاعم حلوة بالبحرين فيها كباين ؟؟؟


ادري ان مو مكان الموضوع بس ما عرفت وين احطه

نقلت استفسارج لهالموضوع .. لأن هذا الموضوع المخصص لاستفسارات الأسواق والمطاعم ...:101:

والإجابة أيضا موجودة في هالموضوع ....

وحياج الله ...

المشاركة الأصلية كتبت بواسطة الغالـــية
http://www.arabtravelersforum.com/tr...1/#post2422321

هلا حبيبتي ...

بعد ما توصلين محطة البترول تكون على يمينج صح ... الحين عند الإشارة الضوئية تلفين يسار ....

وبعدها عند الاشاره الضوئية الثانية ... تلفين يمين ... وتواصلين سيده ..

أوك ... عندج خيارين الحين ...

الأول ... انج تواصلين لين توصلين أول تقاطع فيه لفه عاليمين ... تلفينها ... وتروحين سيده لين الاشارة .. وتلفين يسار .... هذا شارع البوكوارة من نهايته ...

الخيار الثاني ... انج تروحين سيده كللش ... لحد ما توصلين آخر إشارة ضوئية ... وتلفين عندها يمين ..تواصلين لحد الاشارة الي بعدها وتلفين عندها يمين ... هذا شارع البوكوارة من بدايته ....

حياج الله ..

لف راسي هههه
توصفين لي الطريج مرة ثانية بس يكون من اوله علشان اركز عدل

انا اعرف الطريج لما بيكون البنزين على اليمين اكمل سيدا بتصادفني اشارة اخذ منها يسار اذا كملت سيدا شوي بتصير في مدرسة على يميني و بعدين وين اروح ؟؟؟؟

السلام عليكم
في ناس جايين للبحرين ويبون يقضون يوم كامل فيها
فسألوني عن مطعم او قهوه نظام كباين مع تلفزيون عشان ابوهم وياخذ راحته من غير مايزعجهم مشينا مشينا :109:
انا على كثر روحاتي البحرين ماذكر مكان كذا بس اعرف بارتشنات لكن هم مايبون بارتشنات يبون نظام كباين لكل كبينه تلفزيون :114:
اللي يعرف مكان كذا يقوله مع الوصف او رقم التليفون لان هم مو مره دليلين في البحرين
وشكرا لكم :101:

المشاركة الأصلية كتبت بواسطة بنت الكويت1
http://www.arabtravelersforum.com/tr...5/#post2422995

لف راسي هههه
توصفين لي الطريج مرة ثانية بس يكون من اوله علشان اركز عدل

انا اعرف الطريج لما بيكون البنزين على اليمين اكمل سيدا بتصادفني اشارة اخذ منها يسار اذا كملت سيدا شوي بتصير في مدرسة على يميني و بعدين وين اروح ؟؟؟؟

سلامة راسج

بعد ما تاخذين يسار عند الاشارة .... على طول بتصادفج إشارة .... قبل لا توصلين المدرسة بمسافة يعني ..

عند هالإشارة تلفين يمين .... وبعدها واصلي سيده ..

واخذي الخيار الثاني اللي عطيتج اياه عشان ما يدور راسج ...


سيده وتلفين يمين عند الاشاره الأخيرة .. .. وبعدها سيده ويمين عند أول إشارة ... وخلاص

وين مكان سوق محرق وهل هو قريب من منطقة السيف والمراكز التجاريه ..وشو اقرب فندق لسوق المحرق ردو علي بسرعه لانه سفري بعد باجر يعني ما شي وقت

سواحه
حبيبتي عندج كوفي شوب فريند بعد ماتطوفين فندق الخليج وتطوفين شارع العدليه بتلقين جاك ديسونج على يسارج تمشين شوي جدام تلقين الكوفي شوب على يسارج
في غرف وتلفزيون وحياج الله


نور بوظبي
سوق محرق بعيد عن السيف
واجرب فندق له نوفوتيل دقيقتين بالسياره وانتي عنده

السلام عليكم












ممكن أعرف افضل المطاعم البحرية في البحرين لأني رايح بعد بكره وسمعت ان في البحرين مطاعم بحرية رهيييييييبه:24:

اخوي حسين عندك سي فود ماركت في شذى تاور قريب من شارع المعارض
عندك مطعم سي فود في البندر
لامرين ايام الاجازات اعتقد بوفيه واهو في البديع قريب من الدوار الي يدخلك على مطعم لانترنس وبرجر لاند
فندق جولدن توليب عندهم مطعم سي فود واعتقد انه بوفيه
وفي الفنادق بعض المطاعم تقدم بوفيه وتلقى في احد ايام الاسبوع يكون في بوفيه سي فود
وحياك الله

السلام عليكم


لو سمحتم عندي بعض الاسئلة اتمنى ان اجد الاجابة عليها كما عهدناكم من متابعتي لكم

باذن الله بزور البحرين في اوائل نوفمبر لحضور مؤتمر .. والمؤتمر مدته ثلاث ايام .. يبدأ من الصباح للساعة 6 المساء ..

وبودي ازور محمية العرين .. هل بالامكان زياراتها بعد الساعه السادسة مساء ؟ وهل ممكن ازورها يوم

الجمعه بعد الساعه 3 العصر ؟

كيف استطيع الحصول على سيارة بسائق مدة اقامتي 4 - 5 ايام ؟ هل مكاتب تأجير السيارات لديها هذه الخاصية ؟


من اين يمكنني استئجار لانش او قارب لمدة ساعة ( علما ان اقامتي لن تكون في اي منتجع ) ؟ وهل هناك

شروط معينه للايجار ؟ وهل يشترط وجود رب الاسرة علما اننا مجموعة نساء لوحدنا ؟


كذلك الجت السكي .. من اين يتم استئجاره ؟


هل توجد عروض للدلافين ؟ اين ؟ وماهي مواعيد العمل ؟


كيف حالة الطقس بنوفمبر ؟



اعتذر عن الاطالة .. لكم جزيل الشكر

قوه ........

شلون اوصل لسوق المحرق

اللي فيه محلات الحلويات الشويطر وغيره

وياليت يكون الوصف ونا جاي من السيف

شكرآ مقدمآ للي بيرد والي مايبي يرد ..

مرحبا فيكم ...






وبودي ازور محمية العرين .. هل بالامكان زياراتها بعد الساعه السادسة مساء ؟ وهل ممكن ازورها يوم

الجمعه بعد الساعه 3 العصر ؟



الرد في هالموضوع: http://www.arabtravelersforum.com/travel165572/






كيف استطيع الحصول على سيارة بسائق مدة اقامتي 4 - 5 ايام ؟ هل مكاتب تأجير السيارات لديها هذه الخاصية ؟



والله أختي الكريمة .. يبغى لج تشيكين ... فيه خدمة تاكسي تحت الطلب ... وفيه سائقات بحرينيات ... بس لازم بالطلب ... دخلي على هالموقع: http://www.sabtco.biz/opening.htm

راح تشوفين خدماتهم .... وأرقام هواتفهم ... ونصيحة احجزي قبل لا توصلون البحرين ... لأنهم غالبا يكونون مشغولين بكثرة ...







من اين يمكنني استئجار لانش او قارب لمدة ساعة ( علما ان اقامتي لن تكون في اي منتجع ) ؟ وهل هناك

شروط معينه للايجار ؟ وهل يشترط وجود رب الاسرة علما اننا مجموعة نساء لوحدنا ؟

كذلك الجت السكي .. من اين يتم استئجاره ؟



ان شاء الله باقي الأعضاء يفيدونكم ... لأن ما عندي خبرة بهالأمور للأسف ..







هل توجد عروض للدلافين ؟ اين ؟ وماهي مواعيد العمل ؟



في في دولفين بارك ... أوقات عملهم من 8 صباحا حتى 10 مساءاً ... وللتأكد هذا رقم الاتصال: 0097317290900






كيف حالة الطقس بنوفمبر ؟



الجو جدا حلو ورائع بشهر نوفمبر ...

حياكم الله ... وسامحونا من التقصير ... :101:

المشاركة الأصلية كتبت بواسطة sain
http://www.arabtravelersforum.com/tr...9/#post2427649

قوه ........

شلون اوصل لسوق المحرق

اللي فيه محلات الحلويات الشويطر وغيره

وياليت يكون الوصف ونا جاي من السيف

شكرآ مقدمآ للي بيرد والي مايبي يرد ..

مرحبا فيك أخوي ..

الوصف الدقيق في هالموضوع: http://www.arabtravelersforum.com/travel195517/

وحياك الله ..

السلام عليكم ورحمة الله وبركاته

كيفكم اخواني وخواتي عندي كم استفسار ياليت تساعدوني فيه لانه ان شاء الله راح اكون في البحرين بعد اسبوع :

1- انا داخل من السعودية وودي اروح لم السيف والدانه وهالمجمعات كيف وصفها؟
2_ ابي اروح لسوق عيسى الشعبي.

ووش احلى الاسواق الشعبية اللي ابلقى في الاشياء البحرينيه من ملبوسات وماكولات وتحف وغيرها؟

3_ ابي اروح لم البحر يعين ابي شواطئ حلوة ورايقة وين القاها؟

5_ لو مثلا ادخل االبحرين الصبح من يوم السبت كيف فيه زحمة ؟

(تم تعديل المشاركة من قبل الادارة ... الاستفسار رقم 4 غير مسموح )

الف شكر يالغالية ماقصرتي .. وياليت الاقي اجابه على هذا السؤال ...






المشاركة الأصلية كتبت بواسطة ريمال السفر
http://www.arabtravelersforum.com/tr...5/#post2427355

من اين يمكنني استئجار لانش او قارب لمدة ساعة ( علما ان اقامتي لن تكون في اي منتجع ) ؟ وهل هناك

شروط معينه للايجار ؟ وهل يشترط وجود رب الاسرة علما اننا مجموعة نساء لوحدنا ؟


كذلك الجت السكي .. من اين يتم استئجاره ؟

بعد اذنك يالغاليه ممكن اكتب سؤالي في موضوع منفرد لعلى وعسى الاقي اجابه


لك الف شكر

مرحبا فيك أخي ...






1- انا داخل من السعودية وودي اروح لم السيف والدانه وهالمجمعات كيف وصفها؟



2_

تاخذ ثالث مخرج من بعد الجسر وتطلع على الشارع الرئيسي .. تواصل سيده ... عند ثاني مخرج .. تلقى مجمع البحرين والدانة على اليمين ... ومجمع السيف والستي سنتر والعالي على اليسار ..






ابي اروح لسوق عيسى الشعبي.



الوصف في هالموضوع: http://www.arabtravelersforum.com/travel228926/






ووش احلى الاسواق الشعبية اللي ابلقى في الاشياء البحرينيه من ملبوسات وماكولات وتحف وغيرها؟



سوق المنامة وسوق المحرق .. والوصف تلقاه في رابط في الصفحة السابقة ..






3_ ابي اروح لم البحر يعين ابي شواطئ حلوة ورايقة وين القاها؟



كورنيش المحرق (بجانب جسر المحرق) ...كورنيش الفاتح (بجانب مسجد الفاتح) ... سواحل عامة ... للجلوس على البحر مع مرافق للمشي وجلسات للعائلات ...

ساحل الحد .. بلاج الجزاير ... سواحل عامة على البحر مباشرة ..وممكن السباحة في البحر ...






5_ لو مثلا ادخل االبحرين الصبح من يوم السبت كيف فيه زحمة ؟



الصباح بدري عادة تكون الزحمة أخف ... والله أعلم ...

وحياك الله ..

المشاركة الأصلية كتبت بواسطة ريمال السفر
http://www.arabtravelersforum.com/tr...7/#post2429667

الف شكر يالغالية ماقصرتي .. وياليت الاقي اجابه على هذا السؤال ...


بعد اذنك يالغاليه ممكن اكتب سؤالي في موضوع منفرد لعلى وعسى الاقي اجابه


لك الف شكر

ممكن حبيبتي .... وحياج الله ..

اخواني اعضاء منتدى العرب المسافرون

انا خطيبي مسافر وراح يرجع الشهر الياي بعد غيبة نصف سنه لظروف الدراسه وحبيتكم تدلوني على مطعم رومانسي تكون القعده فيه حلوه والجو هادئ والأكل لذيذ عشان اعزمه هناك

انا ابي اسويله مفاجأه هالعزومه بمناسبة رجوعه من السفر وابيه يكون عشا رومانسي وابغي اطلب من الطاوله تجهيز طاوله عليها شموع وورود

هلا وغلا بالمخطوبين
حبيبتي في عندج مطعم بالرتز كارلتون اسمه بالمز
اكله ستيكات والمكان حلو ورومنسي ولازم حجز لانه دايم فل

في مطعم ثاني بنفس الفندق اسمه ترادر فيكس في قعدات بره تطل البحر والمكان روعه
واكلاته منوعه

في مطعم ايطالي يصير في ام الحصم اسمه روما المكان رومنسي وحلو

مطعم مونسون في العدليه ونوع الاكل من شرق اسيا

لابيرجولا في فندق الخليج واكله ايطالي

هذي المطاعم كلها رومنسيه وكلها لازم تحجزين لج طاوله
وفي وايد مطاعم بس العتب على الذاكره الاسماء ناسيتها
وحياكم الله حبيبتي

مشكوره اختي على الطله الحلوه في موضوعي

بخصوص روما ولابيرجولا ومونسون اعرفهم بس ماياو على بالي

اما مطاعم الريتز فما قط جربتها .. تردير فيكس شنو اكلاته الحلوه؟!!

وعساج على القوة

الف الف شكر يالغالية

طيب انا اسمع عن شارع المعارض ..

هو وش فيه او وش يميزه

ووشلون وصفه من الجسر ..

المشاركة الأصلية كتبت بواسطة **لوعتي**
http://www.arabtravelersforum.com/tr...2/#post2431372

الف الف شكر يالغالية

طيب انا اسمع عن شارع المعارض ..

هو وش فيه او وش يميزه

ووشلون وصفه من الجسر ..

شارع المعارض ... مثل شارع الحب ... رواده 99% من الشباب ... ولا يناسب العائلات ...

ما في شي معين يميزه ... غير ان فيه عدد كبير من المطاعم ... أغلبها فاست فود ...

مرحبا ياأهل البحرين وكل زوار البحرين الغاليه
باسألكم عن مطعم لامازون كافيه ...كيف اكلهم وجلساتهم وهل فيه طرب و رقص وهكذا
الى سبق زاروه يبلغونى لانى ناويه اروح لكن ماابغى طرب ورقص وكذا

الراسيه وش رقصه الله يصلحك بس
اذا بيرقصون اللي بالمقهى مااحد يقدر يقولهم شي

اخبر فيه احد يغني بالليل بس بالنهار ماادري والله

المشاركة الأصلية كتبت بواسطة الراسيه
http://www.arabtravelersforum.com/tr...7/#post2431827

مرحبا ياأهل البحرين وكل زوار البحرين الغاليه
باسألكم عن مطعم لامازون كافيه ...كيف اكلهم وجلساتهم وهل فيه طرب و رقص وهكذا
الى سبق زاروه يبلغونى لانى ناويه اروح لكن ماابغى طرب ورقص وكذا



لاميزووون كوفي شوووب حاله حال الكوفي شوبات الباقية

و بالنسبة لاكلهم جداااا لذيذ الشيف ماااالهم فنااااااااان

و بالنسبة للطرب فيه تلفزيووونات فيها قناااة ميلووودي يعني مثل باقي الكووفي شوووبات

و احياانا في اغاااااني بس مووو دايما ،، مرة رحت في رمضااان و كااان فيه واحد يعزززف بعووود

بس هالشي مووو في قسم العائلات و هي المرة الوحيدة

السلام عليكم
.
.
يعطيكم ألف عافيه على جهودكم

أسئلتي كالتالي :

1- وش أفضل فنادق بالبحرين أسعارها متوسطه لليله من 300 - 400 ريال سعودي وتكون عائليه ونظيفه وحلوه ابغى أسماء محدده لو سمحتوا ؟

2- إيش أفضل مطعم يكون اكله حلو ويكون المكان راقي ولا يكون فيه أغاني أو رقص يعني هاااادي ( هندي - شامي - إيراني - بحرري ) ؟
.
.
يعطيكم العافيه مقدما

السلام عليكم


حبيت اسأل بالنسبه للملاهي المائيه"اعتقد اسمها دلمون"

هل فيه يوم مخصص للنساء؟ ومتى اوقات دوامهم؟

المشاركة الأصلية كتبت بواسطة معاذير
http://www.arabtravelersforum.com/tr...2/#post2432672

السلام عليكم
.
.
يعطيكم ألف عافيه على جهودكم

أسئلتي كالتالي :

1- وش أفضل فنادق بالبحرين أسعارها متوسطه لليله من 300 - 400 ريال سعودي وتكون عائليه ونظيفه وحلوه ابغى أسماء محدده لو سمحتوا ؟

2- إيش أفضل مطعم يكون اكله حلو ويكون المكان راقي ولا يكون فيه أغاني أو رقص يعني هاااادي ( هندي - شامي - إيراني - بحرري ) ؟
.
.
يعطيكم العافيه مقدما

حياك الله أخوي ..

تفضل بزيارة الدليل السياحي المثبت ... وفيه كل المعلومات اللي تبغيها بصورة مفصلة جدا ...

وحياكم الله ...

المشاركة الأصلية كتبت بواسطة مسافر مختب
http://www.arabtravelersforum.com/tr...7/#post2432777

السلام عليكم


حبيت اسأل بالنسبه للملاهي المائيه"اعتقد اسمها دلمون"

هل فيه يوم مخصص للنساء؟ ومتى اوقات دوامهم؟

مرحبا فيك أخوي ...

جنة دلمون المفقودة هو اسم الحديقة المائية ...

أوقات الدوام من 10 صباحا إلى 5 مساء ...

أمافترة النساء .. في يوم الخميس .. من الساعه 6 المسا حتى 12 منتصف الليل ..

وللمزيد من المعلومات ... تفضل بزيارة هالصفحه: http://www.arabtravelersforum.com/travel197231/

السلام عليكم ورحمه الله وبركاته
يا اهل البحرين ممكن مساعده
عن افضل مطعم ( كباين ) فى البحرين ويكون راقي جدا
وياليت لو تحطون تلفونه ( طماع )

عندك مطعم الابراج الي بمجمع العالي كذلك مطعم مرمريز 0

عندهم كبائن 0

امممم
ابو علي

أختي أنا عارفه بس الموضوع المثبت فيه أنواع وأشكال ولاأعرف أسعارها ولاعندي إمكانيه بالإتصال عليهم فضلاً لاأمرا أبغى شي بمعرفتك شخصيا تكون غرفه لي ولزوجي بفندق شقق فندقيه اللي هو بس يكون حول المجمعات تكون 4 نجوم او 5 بس سعرها يتراوح بين 200-300 لاني رحت للموضوع المثبت وانحست ماعرفت ولاشي

والمطاعم بعد أبي تشورين علي خصوصا بماأنك من أهل البحرين بتكونين ادرى بالصوره كامله أبي مطعم حلوو ويكون مافيه رقص وهالخربطه وتنصحيني فيه خصوصا ان الزياره ماراح تكون طويله ابي شي مميز ماانساه أتمنى أسامي معينه
.
.
وكل هذا من عشمي فيكم ياأهل البحرين وفي طيبتكم
.
.
أسفه أختي لو ثقلت عليك

السلام عليكم ورحمة الله وبركاته ...

مساء الخير أخواني أخواتي الأعضاء ، حبيت استفسر عن جنة دلمون المفقودة ، يوم الخميس رايح لها إن شاء الله ...

لدي بعض الاسئلة :

1- متى أوقات الدوام لجنة دلمون المفقودة .

2- السعر هل هو باقي مثل السابق 13 دينار ولا تغير .

3- أحد أصدقائي مايعرف يسبح نهائيا ولاعمره شاف بحر خخخخ الرجال راعي بـــر هل يستطيع الاستمتاع معنا يعني هل الاحواض عميقة .

4- هل يوجد ملابس بحر في جنة دلمون المفقودة وماذا عن أسعارها .


أخوكم / سعودي اوكيه

اخوي سعودي
يوم الخميس يكون مخصص للنساء من الساعه ال7 وحتى منتصف الليل
اما الصبح لي الساعه 6 المساء مخصص للرجال

باقي الايام للرجال

الاسعار مثل ماهي ماتغيرت

يوجد ملابس سباحه ولكنها غاليه الثمن
يعني لو تاخذون لكم من اي سوق اخر ارخص بكثير

والمكان يصلح للغواصين ولراعيين البر

وحياك الله

الاخ سعودي اوكيه

كل الاجابات موجودة في هالرابط في مواضيع جنة دلمون ...http://www.arabtravelersforum.com/travel197231/

السلام عليكم


متى تكون ايام الصيانة بالنسبة لمنتزة عذاري ؟؟؟ ( راجعت المواضيع المتعلقه بالمنتزه ولم اجد اجابة )


هل قرية الدلافين تفتح ايام الجمعه والسبت ؟


لكم الشكر

المشاركة الأصلية كتبت بواسطة ريمال السفر
http://www.arabtravelersforum.com/tr...1/#post2447361

السلام عليكم


متى تكون ايام الصيانة بالنسبة لمنتزة عذاري ؟؟؟ ( راجعت المواضيع المتعلقه بالمنتزه ولم اجد اجابة )


هل قرية الدلافين تفتح ايام الجمعه والسبت ؟


لكم الشكر

مرحبا أختي ...

ما في أيام للصيانة في منتزه عين عذاري أختي .... المنتزه مفتوح طول أيام الاسبوع ...

وعرض الدلافين ... نعم .. موجود أيام الجمعة والسبت..

السلام عليكم اخواني الأعزاء

من يدلني عن موقع المطعم :114: (((((هونج كونج الي في ام الحصم )))))))) ويكون الوصف من منطقة السيف او شارع الملك فيصل واكون شاكر له

انا في انتظاركم والله يحفظكم :106:

هونج كونج البديع، أم الحصم
728700 17

الأخ /// كآرديآل


مشكور يالغالي ولكن اتمنى وصف للطريق وشكرا لك .

اخواني معقوله محد يعرف وين موقعه انا سمعت انه في المنامه بس وووووين ؟ هل الوصف اليه معقد ؟ اتمنى الأجابه وشكرا لكم .

اخوي والله ما اعرف الوصف لكن انا بحثت لك في النت ولقيت الرقم ..

اتمنى تفيدك الاخت الغاليه لانها المشرفة في البوابة هنا ..

انا اعرف موقعه اخوي .. مطعم هونغ كونغ في وسط ام الحصم يعني تطلع من شارع كورنيش الملك فيصل لي حد جسر المحرق المنامة ( جسر الشيخ عيسى ) وتاخذ يمين .. وتمشي تطوف الاشارة الاولى ( فندق الدبلومات ) والاشارة الثانية ( نادي النجمة ) والاشارة الثالثة ( جامع الفاتح ) والرابعة تاخذ يمين .. وبعدها تمشي على طول وتترك اول اشارة وتدخل من اليسار فاللفة اللي بعدها وتلقى دوار وراح تلقى المطعم على يمين الدوار تحياتي

المشاركة الأصلية كتبت بواسطة abc99abc
http://www.arabtravelersforum.com/tr...6/#post2448036

الأخ /// كآرديآل


مشكور يالغالي ولكن اتمنى وصف للطريق وشكرا لك .

اخواني معقوله محد يعرف وين موقعه انا سمعت انه في المنامه بس وووووين ؟ هل الوصف اليه معقد ؟ اتمنى الأجابه وشكرا لكم .

مرحبا أخي ...

الأخ محمد ما قصر .. وصف لك المطعم ....

وممكن تشوف هالموضوع: http://www.arabtravelersforum.com/tr...1/#post2169170

نعم تم الافتتاح من فتره .. واتوقع وقت دوامهم من 10 لين 10 وافضل وقت العصر او المغرب عن حرارة الشمس

المشاركة الأصلية كتبت بواسطة مزون البحرين
http://www.arabtravelersforum.com/tr...1/#post2448131

نعم تم الافتتاح من فتره .. واتوقع وقت دوامهم من 10 لين 10 وافضل وقت العصر او المغرب عن حرارة الشمس



وين حرارة شمس

اليومين اللي فاتوا الجو خيالي جدا جدا :surf

المشاركة الأصلية كتبت بواسطة محمد الحمادي
http://www.arabtravelersforum.com/tr...8/#post2448038

انا اعرف موقعه اخوي .. مطعم هونغ كونغ في وسط ام الحصم يعني تطلع من شارع كورنيش الملك فيصل لي حد جسر المحرق المنامة ( جسر الشيخ عيسى ) وتاخذ يمين .. وتمشي تطوف الاشارة الاولى ( فندق الدبلومات ) والاشارة الثانية ( نادي النجمة ) والاشارة الثالثة ( جامع الفاتح ) والرابعة تاخذ يمين .. وبعدها تمشي على طول وتترك اول اشارة وتدخل من اليسار فاللفة اللي بعدها وتلقى دوار وراح تلقى المطعم على يمين الدوار تحياتي




بيض الله وجهك اخوي محمد ماقصرت وجزاك الله خير .

السلام عليكم
ناوي ازور البحرين بعد اسبوعين ل4 ايام ارجو التكرم
بجدول للمنتزهات العائليه والمطاعم والشقق
مع مراعات انني من السعوديه ولا ارغب بالاختلاط
وشكرا:113:

السلام عليكم

بغيت احداثيات مجمع مودا واحداثيات شقف اليت 1 لجهاز القارمن

مع العلم اني زرت موضوع الاخ زاري عتيج جزاه الله خير بس مو ذاكر احداثيه هذا المجمع
ويا رين معلومات عن المجمع اذا مافيها ازعاج

ومشكورين يا اهل البحرين

أخوي أنا ما لي خبرة بالإحداثيات وهالسواف، لكن بكل بساطة من مجمع السيف:

وانت جاي من ال Highway تمشي سيده على طول لين ما توصل لهذي:



هذلين الأبراج هم مجمع مودا مول، وهو مجمع متخصص في الماركات العالمية ولذلك فهو من المجمعات الفخمة

المشاركة الأصلية كتبت بواسطة tonga
http://www.arabtravelersforum.com/tr...2/#post2476502

شكرا على هالخدمه العظيمه...اختى الغاليه ...عندي سؤال سيدتى عن سينمات ستي سنتر المجمع اجديد ...متى ستفتتح ؟...ولماذا تاخرت كل هذا التاخير ؟.....وانا سمعت ان نظام الصوت فيه مشاكل ...وانه سيطول اصلاحه ...فهل هذا صحيح ...اعذرينا اختى فنحن متشوقون...للسينمات... ولا نطيق الانتظار ...وشكرا مرة اخرى

مرحبا فيك أخونا ...

والله حسب المعلومات اللي سمعتها عن الستي سنتر ... انهم فاتحين الآن بصورة جزئية وتدريجية ...

المجمع بيكمل على عدة مراحل ... وبيكتمل وبيكون في صورته النهائية في عام 2009 ...

وصالات السينما بتكون من ضمن المراحل المقبلة إن شاء الله....

أما عن وجود مشاكل في الصوت .. فما عندي فكرة عن هالموضوع ..

وحياكم الله ..

السلام عليكم

اختي بغيت اسال عن محلات للماركات العالميه للشنط مثل : ديور + Lv + Gucci

+ بيربري

وين موجودين باي مجمعات ؟ وهل كلهم عندكم ؟ كل ماركه ياليت تقولين لي وين موجوده باي مجمع

ومشكوووره

المشاركة الأصلية كتبت بواسطة [ملاك الروح]
http://www.arabtravelersforum.com/tr...4/#post2479814

السلام عليكم

اختي بغيت اسال عن محلات للماركات العالميه للشنط مثل : ديور + Lv + Gucci

+ بيربري

وين موجودين باي مجمعات ؟ وهل كلهم عندكم ؟ كل ماركه ياليت تقولين لي وين موجوده باي مجمع

ومشكوووره

مرحبا أختي ...

ماركة غوتشي .. موجودة في مجمع العالي

ديور .. لوي فيتون .. وغيرها الكثير موجودين في مجمع مودا مول (الملاصق لفندق وأبراج الشيراتون)

وبتشوفين الوصف في رد الأخ warrior within ..

وحياج الله ..

السلام عليكم

ان شاءالله ناوية ازور البحرين الشهر القادم، و السكن راح يكون في جراند ميركور، اذا تكرمتوا ابي وصف الطريق الى عين عذاري بالتفصيل اذا امكن و لكم جزيل الشكر

المشاركة الأصلية كتبت بواسطة Roomaa
http://www.arabtravelersforum.com/tr...7/#post2480427

السلام عليكم

ان شاءالله ناوية ازور البحرين الشهر القادم، و السكن راح يكون في جراند ميركور، اذا تكرمتوا ابي وصف الطريق الى عين عذاري بالتفصيل اذا امكن و لكم جزيل الشكر

حياج الله أختي في البحرين ...

وصف الطريق الله يسلمج ... بعد ما تطلعون من الفندق ... تطلعون على الشارع الرئيسي .. كأنكم رايحين السعودية ... بس ما تاخذون المخرج اللي عليه لافتة السعودية ...

تاخذون المخرج اللي بعده .. بينزل فيكم الشارع عاليمين ... وتاخذون الطريق سيده على طول ... لا يمين ولا يسار ... وانتوا رايحين بتشوفونها على يدكم اليسار ملاهي كبيرة ... وألعاب ...

توصلون لين التحويلات وأعمال الطرق .. وترجعون للملاهي ..

وممكن زيارة هالصفحات للحصول على معلومات أكثر:

http://www.adharipark.com.bh/howtoreachadhari.html

http://www.arabtravelersforum.com/travel197231/

وحياكم الله ...

السلام عليكم

اعزائي
ابغى مطعم عواااااااائل في البحرين يقدر الواحد ياخذ راحته:112: يفتح في الصباح افطر فيه انا والمدام. وييييييييييين ؟؟؟؟؟:110:

والله يجزاكم خيييييييييير

مممممم فيه مطعم ومقهى لاميزون دو كافيه فرعهم العدليه وفيه اماكن كثيره باالعدليه عندهم فطورر الفنادق بعد عندهم افطاار

الله يعطيك العااااااااافيه يافاررررررسه،
لاميزون هذا زرته كم مره بس بصراحه جلساته ماعجبتي وماتنفع فطووور .
الظاهر مالنا الا الفنادق ؟

المشاركة الأصلية كتبت بواسطة تارك
http://www.arabtravelersforum.com/tr...9/#post2481789

السلام عليكم

اعزائي
ابغى مطعم عواااااااائل في البحرين يقدر الواحد ياخذ راحته:112: يفتح في الصباح افطر فيه انا والمدام. وييييييييييين ؟؟؟؟؟:110:

والله يجزاكم خيييييييييير

مرحبا فيكم أخي الكريم .. انت والمدام ... وحياكم الله في البحرين ...

عندك فيرندا كافيه ... مش اللي في العدلية ... لا .. اللي جنب منتزه عذاري ... مكان عائلي بالدرجة الاولى ... ومعظم روداه من السيدات والعوائل ... وأنسب الأوقات منتصف الأسبوع ... ولا أحلى ولا أهدأ من كذا ..
يبين واضح من الشارع الرئيسي ... وانتوا جايين من الجسر بتشوفونه على اليسار ... بس المهم انكم تتخطون التحويلات وترجعون للشارع .. عشان تقدرون تدخلون له من اللفة اللي قبل عذاري ...


والخيار الثاني ... عندك الفود كورت في مجمع جواد التجاري ... فيه العديد من المطاعم ... وهالمكان هادئ وجميل وخاصة فترة الصباح .. و99% من رواده العائلات ... أو الطالبات والطلاب اللي كل واحد ماخذ له ركن ويدرس ... تقدرون تاخذون لكم ركن منعزل ... وتاخذون راحتكم ... جدا حلو المكان ..

ممكن تشوف هالمشاركة: http://www.arabtravelersforum.com/post2479203-8/ فيها المطاعم الموجودة ..

وهذي المشاركة فيها وصف المكان: http://www.arabtravelersforum.com/post2302636-4/

أو هذا الموضوع إذا كان وصفي مو واضح: http://www.arabtravelersforum.com/travel213086/

وحياكم الله ...

المشاركة الأصلية كتبت بواسطة الغالـــية
http://www.arabtravelersforum.com/tr...9/#post2480459

حياج الله أختي في البحرين ...

وصف الطريق الله يسلمج ... بعد ما تطلعون من الفندق ... تطلعون على الشارع الرئيسي .. كأنكم رايحين السعودية ... بس ما تاخذون المخرج اللي عليه لافتة السعودية ...

تاخذون المخرج اللي بعده .. بينزل فيكم الشارع عاليمين ... وتاخذون الطريق سيده على طول ... لا يمين ولا يسار ... وانتوا رايحين بتشوفونها على يدكم اليسار ملاهي كبيرة ... وألعاب ...

توصلون لين التحويلات وأعمال الطرق .. وترجعون للملاهي ..

وممكن زيارة هالصفحات للحصول على معلومات أكثر:

http://www.adharipark.com.bh/howtoreachadhari.html

http://www.arabtravelersforum.com/travel197231/

وحياكم الله ...

يعني لما اطلع من الفندق روح الشارع العام و يكون مجمع السيف على يمسني و مجمع البحرين يساري و اكمل سيدة؟ تالي ما اخذ مخرج السعودية لأ اكمل سيدة الى المخرج الثاني؟ هالمخرج مو مكتوب عليه شي؟ اسفة للازعاج و شكرا على التوضيح و المساعدة

المشاركة الأصلية كتبت بواسطة Roomaa
http://www.arabtravelersforum.com/tr...1/#post2483141

يعني لما اطلع من الفندق روح الشارع العام و يكون مجمع السيف على يمسني و مجمع البحرين يساري و اكمل سيدة؟ تالي ما اخذ مخرج السعودية لأ اكمل سيدة الى المخرج الثاني؟ هالمخرج مو مكتوب عليه شي؟ اسفة للازعاج و شكرا على التوضيح و المساعدة

هلا عيوني ...

لاما فيها أي إزعاج أبد ... وانتي في وصفج ماشيه صح ...

أعتقد بنسبة 90% انه مكتوب عليه (وسط المنامة) و (مدينة عيسى)

ان شاء الله حد يتذكر بالضبط يذكر اللي مكتوب ...

وحياج الله عيوني .. وآسفة من التقصير ..