الموضوع: لطرح الاستفسارات عن الأسواق والمطاعم والأماكن الترفيهية في البحرين تفضلوا هنا

السلام عليكم ورحمة الله وبركاته ..

حياكم الله في بوابة البحرين ...

وضعت هذا الموضوع لتنظيم الاستفسارات عن الاماكن الترفيهية والمطاعم ...

وفضلاً ... أرجو منكم الاطلاع على ...

الموضوع المثبت عن الأماكن الترفيهية: http://www.arabtravelersforum.com/travel197231/


أيضاً ... كإجراء تنظيمي .. ابتداءً من يوم الأربعاء 1 أكتوبر 2008 سأقوم بنقل جميع الاستفسارات المتعلقة بالفنادق لهذا الموضوع ...

حتى تتركز الإجابات في موضوع واحد ..

راجية تفهمكم وتعاونكم للارتقاء ببواتكم .. بوابة مملكة البحرين ...

وحياكم الله ...

مواضيع عشوائيه ممكن تكون تعجبك اخترناها لك:

• القرقيعان
• كيف دوام الاسواق في البحرين في العيد
• استفسار بسيط
• استفسار
• ساااااااااااعدووووني عندي ترانزيت بمطار البحرين ساعات وين أرووووووح ؟؟؟؟
• معرض الخريف الدولي من يناير إلى فبراير
• دقيقة للخروج من مواقف البحرين سيتي سنتر
• يالنشامااا ربي يسعدكم
• عاجل ك استفسار عن التنقل ببطاقة الهوية الوطنية للسعوديين
• الاتصالات السعودية الوحيدة التى تتقدم لحيازة الرخصة الثالثة للجوال في البحرين
• افضل المقاهي في البحرين
• المساعدة لعائلة سعودية
• شلون اروح محل المروج؟؟؟
• كم سعر رافلز سيتي البحرين
• مقهى أريزونا
• ما هي أفخم فنادق البحرين حالياً ؟
• خروج المراءه للبحرين
• عنوان سفارة كازاخستان في البحرين
• عشى في سفينه
• فزعتكم ياعضاء المنتدى الكرام

الغاليه .. مشكوووووووره فديتج ع هالمرجع المهم ..

بس يا ليت لو حد من الخوات او الإخوان

يحطون لنا بالضبط الأماكن الزينه للعبي والشيل.. انا يوم سرت البحرين.. واايد اتلعوزت.. وما دليت وين الأماكن بالضبط

سرت بو كواره.. بس.مووووووووووووليه ما عيبتني المحلات

قالوا لي في أماكن ثانيه أحلا عن جي.


مشكووووره ...

اختي (( الغاليه )) .. هل الدخول لجنه الدلمون يقتصر على العوائل فقط او العزاب ايضا ..؟؟

المشاركة الأصلية كتبت بواسطة كآرديآل
http://www.arabtravelersforum.com/tr...4/#post2375144

اختي (( الغاليه )) .. هل الدخول لجنه الدلمون يقتصر على العوائل فقط او العزاب ايضا ..؟؟

مرحبا اخوي .... الدخول مفتوح للجميع ...

ماعدا في اليوم النسائي طبعا ... يقتصر على النساء والأولاد حتى عمر 10 سنوات ..

[size="5"][color="Purple"]الف شكر لك يالغلا ..

الغاليه ..

اشكرج حبوووبتي ع اهتمامج .. انتوا شرات ما قلت لج قبل

ذووووووق في ذوووووق ونحن في دبي نتعلم من كشخة البحرينيات.. وعبيكن الغاااويه.. ^____^

وش فيه حفلات غنائيه في العيد ؟؟ ومتى

الف شكر لك يالغلا ..

درب السلامة أخوي ... وحياك الله

الغاليه ..

اشكرج حبوووبتي ع اهتمامج .. انتوا شرات ما قلت لج قبل

ذووووووق في ذوووووق ونحن في دبي نتعلم من كشخة البحرينيات.. وعبيكن الغاااويه.. ^____^

حبيبتي .... حنا أهل وحبايب .... وهل الامارات عزيزين وغاليين على قلوبنا .. وما عليج زود أختي ...

وش فيه حفلات غنائيه في العيد ؟؟ ومتى




أخوي ... تابع هالموضوع: http://www.arabtravelersforum.com/travel96452-4/ إلى نهايته ... وبتشوف الأخبار اول بأول ...

مرحبا

جنة دلمون بكم تذكرت الدخول وينها باي منطقه هل تستاهل الروحه لاننا اثنين كبار مامعنا اطفال

وش رايكم احجز عن طريق النت الفنادق او مباشررررره ورشحو لي فندق نظيف وراقي وحق عوايل

وثانكيو

المشاركة الأصلية كتبت بواسطة نوف2008
http://www.arabtravelersforum.com/tr...9/#post2376369

مرحبا

جنة دلمون بكم تذكرت الدخول وينها باي منطقه هل تستاهل الروحه لاننا اثنين كبار مامعنا اطفال

وش رايكم احجز عن طريق النت الفنادق او مباشررررره ورشحو لي فندق نظيف وراقي وحق عوايل

وثانكيو

مرحبا فيج أختي نوف ...

جنة دلمون حديقة مائية ... وتذكرة الدخول 13 دينار للشخص .. وموقعها في العرين ..

هي تستحق الزيارة ... بس المكان مختلط ... ما عدا الليلة النسائية للنساء والأطفال فقط ..

وممكن اختي تلقين كل الإجابات على أسألتج اللي تختص جنة دلمون .. والفنادق في هالرابط: http://www.arabtravelersforum.com/travel225681/

أما بالنسبة لطريقة الحجز ... الطريقتين أوك ... بس تشوفين حسب السعر الأنسب لك ...

وحياكم الله ..

ممكن أعرف اين أجد الشواطي ؟

المشاركة الأصلية كتبت بواسطة فلاي أيمرت
http://www.arabtravelersforum.com/tr...7/#post2377627

ممكن أعرف اين أجد الشواطي ؟

مرحبا أخوي ...

إذا كان قصدك على الشواطئ العامة للسباحة ....

- بلاج الجزائر ... وهذا موقعه جنوب البحرين ... أقرب لجنة دلمون المفقودة ..

- ساحل الحد .. في منطقة الحد .... قريب للحوض الجاف ... وفيه جزء صغير مخصص للسباحة ...

- ساحل البديع ... في منطقة البديع ... شمال البحرين ... قريب لجسر الملك فهد ...

الشواطئ الخاصة التابعة للفنادق ..

- فندق الريتز كارلتون يمتلك شاطئ من أجمل الشواطئ .. مخصص لنزلاء الفندق .. أو أعضاء النادي الصحي ..

- فندق الدانة نوفوتيل ... عنده مساحه صغيره من البحر مخصص للسباحة لنزلاء الفندق ...

هذي اللي يحضروني حاليا ... وأي أسألة عن التفاصيل ... لا تتردد..

اضيف للفنادق التي لديها شاطيء منتجع البندر وسي لوفت في امواج

السلام عليكم ورحمه الله وبركاته

اخواني و اخواتي الاعزاء

ابارك لكم بقدوم العيد اعاده الله علينا بالفرح و المسرات

كل عام وانتم بخير و يارب ينعاد عليكم وانتم في صحه وسلامه

عندي استفسار بخصوص دلمون ؟

هل القريه المائيه مفتوحه خلال ايام العيد ؟
هل القريه المائيه مفتوحه يوم السبت القادم في تاريخ 4/10/2008 ؟؟

تحياتي لكم

المشاركة الأصلية كتبت بواسطة ببسي
http://www.arabtravelersforum.com/tr...0/#post2381650

السلام عليكم ورحمه الله وبركاته

اخواني و اخواتي الاعزاء

ابارك لكم بقدوم العيد اعاده الله علينا بالفرح و المسرات

كل عام وانتم بخير و يارب ينعاد عليكم وانتم في صحه وسلامه

عندي استفسار بخصوص دلمون ؟

هل القريه المائيه مفتوحه خلال ايام العيد ؟
هل القريه المائيه مفتوحه يوم السبت القادم في تاريخ 4/10/2008 ؟؟

تحياتي لكم

وعليكم السلام ورحمة الله وبركاته ...

مرحبا فيكم .... وكل عام وانتوا بخير وصحة وسلامة ان شاء الله ...

نعم القرية مفتوحة أيام العيد ...

ونعم بتكون مفتوحة يوم السبت ان شاء الله ....

وحياكم الله ..

* عيدكم مبارك وكل عام وأنتم بخير *
" ياأهل البحرين "

عندي أستفسار بخصوص سوق الرفاع(بوكوارة)

انا انشاء الله نازله البحرين لمدة يومين وحابه اعرف من الاخوات

* هل فيه دراربع جاهزه يعني مو تفصيل

* واذا فيه اسماء بعض المحلات يكون افضل

* اخيرا شو الاسعار مناسبه ام غاليه

المشاركة الأصلية كتبت بواسطة Emirates77
http://www.arabtravelersforum.com/tr...5/#post2381965

* عيدكم مبارك وكل عام وأنتم بخير *
" ياأهل البحرين "

عندي أستفسار بخصوص سوق الرفاع(بوكوارة)

انا انشاء الله نازله البحرين لمدة يومين وحابه اعرف من الاخوات

* هل فيه دراربع جاهزه يعني مو تفصيل

* واذا فيه اسماء بعض المحلات يكون افضل

* اخيرا شو الاسعار مناسبه ام غاليه

مرحبا فيج أختي ....

بالنسبة لأسألتج..

نعم فيه دراريع جاهزة ... المحلات متنوعة ... مثل: كبرى القصير - دار أنمار - قرية الفنون ومحلات كثيرة ما تحضرني أسماءها ...

الأسعار متفاوته والله .... فيه بـ 40 و 50 و 60 وحتى 100 و200 دينار ....

أختي .. سوق المحرق فيه محلات للدراريع بعد ... وأسعارها في نظري مناسبة أكثر من البوكوارة ..

وحياج الله ..

المشاركة الأصلية كتبت بواسطة essam.alahmed
http://www.arabtravelersforum.com/tr...2/#post2383512

السلام عليكم ورحمة الله

أنا عضو جديد وسعيد جداً بالإنضمام إلى هذا المنتدى الرااااااااائع بمعنى الكلمه

سؤالي:

أين يقع مجمع مودا مول ؟؟

وشكراً

موقع مودا مول .... ملاصق لفندق وأبراج شيراتون البحرين ...

ارجو من الاخوة الكرام ان يدلوني علي مطعم اوكافتيريا تسمي النورس وفي اي مكان او شارع اومنطقة في البحرين وهذا هام وعاجل جدا واللة يعطيكم العافية اخوكم من مصر

المشاركة الأصلية كتبت بواسطة امين محمود امين
http://www.arabtravelersforum.com/tr...0/#post2390730

ارجو من الاخوة الكرام ان يدلوني علي مطعم اوكافتيريا تسمي النورس وفي اي مكان او شارع اومنطقة في البحرين وهذا هام وعاجل جدا واللة يعطيكم العافية اخوكم من مصر

مرحبا فيك أخي ...

بحثت ولقيت مطعم النورس موقعه في المحرق ... ورقم تلفونهم مع فتح الخط: 0097317345258

راح ازور البحرين لمده 3 ايام انا والاهل

وش الاماكن الترفيهيه اللي تنصحوني بزيارتها

اخوي عندك المجمعات السيف والدانه فيها سينما
للتسوق عندك السيف ومجمع البحرين مجمع الدانه والسيتي سنتر ومودا مول كلهم قريبين من بعض
منتزه عين عذاري وعندك جنه دلمون المفقوده حديقه مائيه
اعتقد في هال3 ايام تقدر تسوي هالبرنامج

وحياك الله

اخوي البحار :

الاخت الماسة السوداء كفت ووفت بس ازيد عليها مجمع العاصمة للاسر المنتجة .. وسوق المحرق الشعبي بعد .. لو كنت تحب المشتريات الشعبية.

ولا تنسى متحفنا لانه حلو ترى ..

وترى البحرين صغيرة وحلوة لانه كل شي فيها يم بعضه

السلام عليكم ورحمة الله وبركاتة
أختي الغالية .....الغالية.....

مساء الخير لكي وعلى الجميع المتواجدون في هذي البوابة الغالية على قلوبنا

هذي اول زيارة لي حبيت اشكركم على الجهود المبذولةو اتمنى لكم المزيد من التقدم والرقي

لا حرمناك محتاجة منك خدمة حبيت اعرف سوق الجملة للأكسسوارت ولوازم الخياطة وكذلك الشنط
ابغي اعرف كيف اوصلها اناجايه من السعودية

المشاركة الأصلية كتبت بواسطة moon14moon
http://www.arabtravelersforum.com/tr...0/#post2399960

السلام عليكم ورحمة الله وبركاتة
أختي الغالية .....الغالية.....

مساء الخير لكي وعلى الجميع المتواجدون في هذي البوابة الغالية على قلوبنا

هذي اول زيارة لي حبيت اشكركم على الجهود المبذولةو اتمنى لكم المزيد من التقدم والرقي

لا حرمناك محتاجة منك خدمة حبيت اعرف سوق الجملة للأكسسوارت ولوازم الخياطة وكذلك الشنط
ابغي اعرف كيف اوصلها اناجايه من السعودية

مرحبا فيج أختي الكريمة ... وحياج الله في البحرين ...

العفو عزيزتي ما عملنا الا الواجب ....

بالنسبة لاستفسارك ... سوق جملة ما أعتقد ان موحود عندنا ...

بس في كذا محل للاكسسوارات والشنط ... مثلا مجمع اللولو فيه محلات كثيرة ... وأسعارها مناسبة ...

سوق المنامة وسوق المحرق كذلك ...

لوازم الخياطة ... عندنا محل مشهور وكبير في سوق المنامة ... اسمه (حسن مكي) عنده لوازم خياطة واكسسوارات الخياطه ماشاء الله ...

إذا حبيتي تعرفين أماكنهم ... خبريني أختي ... وحاضرين لج ..

أختـــي العزيزة......الغالية

ماشاء الله عليك كذا المشرفين ولا بلاش من عندي انا لك وسام التميز على ردك السريع
و يجعلها الله في ميزان حساناتك..تعجز كلمات الشكر والتقدير عن وصف شعوري تجاهك
بالنسبة لمحل حسن مكي هل اسعاره جملة لأني ابحث عن محلات جملة بحيث تكون ارخص
من عندنا وكذلك اشياء مميزة وحلوة والله يعطيك الصحة والعافية

المشاركة الأصلية كتبت بواسطة moon14moon
http://www.arabtravelersforum.com/tr...6/#post2403296

أختـــي العزيزة......الغالية

ماشاء الله عليك كذا المشرفين ولا بلاش من عندي انا لك وسام التميز على ردك السريع
و يجعلها الله في ميزان حساناتك..تعجز كلمات الشكر والتقدير عن وصف شعوري تجاهك
بالنسبة لمحل حسن مكي هل اسعاره جملة لأني ابحث عن محلات جملة بحيث تكون ارخص
من عندنا وكذلك اشياء مميزة وحلوة والله يعطيك الصحة والعافية

هلا بج أختي ...

الله يجزيج خير على هالكلام الطيب ... والله خجلتيني .... ما عملت الا الواجب ... وحاضرين لكم في أي وقت ...

بالنسبةلمحل حسن مكي ... أسعاره جدا جدا جدا معقولة ... مقارنة بباقي المحلات اللي على نفس شاكلته ... وبضاعته (لوازم الخياطة والكلف) اللي عنده مميزة وجميلة وراقية ......

بس هل أرخص من عندكم ... ما عندي فكرة والله عزيزتي .... لأن الفكرة السائدة اللي عندنا ان الاسعار في السعودية أرخص بكثير ...

وحياج الله ...

مساء الخير ياشباب وبنات البحرين القائمين على المنتدى عندي كم استفسار ولا تخيبوني:

1- ابي اعرف الطريق الى بوابة البحرين من واين؟

2- متحف البحرين الوطني اين يقع ومتى اوقات الزيارة؟

3- ابي مطعم حلو عائلى لانه اول زيارة لي واتمنى انكم ماتضيعوني؟

اتمنى الرد منكم في اقرب وقت ولو يحصل الطريق بالتفصيل الممل لانى مو خبير في الطرقات.

ولكم جزيل الشكررررررررررررررررررررررررررررر.

تقبلوا تحياتي.

يمكن الأخ يقصد (باب البحرين)؟

إذا كان هو المقصود ... فموقعه في مدخل سوق المنامة ... قريب لفندق الريجنسي انتركونتننتال ..

وحياك الله..

يعطيكم الف عافية على التجاوب السريع وزي ماقالت الاخت الغالية اقصد فية سوق المنامه


ويعطيك العافية اخوي كارديال.

اخوي كارديال ممكن حبة حبة معاي الله يخليك انا ابي بالتفصيل الممل الى الطريق الى متحف البحرين الوطني

واذا كان هناك صور ارشادية عن طريق برنامج القوقل او رسم توضيحي لا تبخل علينا وتعبتك معاي شوووووووي

بس ادري عنكم اهل البحرين قدها وقدود.

انتظر اجابتك على احر من الجمر.

واذا كان في خريطة سياحية للبحرين توضح الطرق والاماكن لا تبخل علينا.

تقبل تحياتي.

السلام عليكم

انا ودي اسال عن موقع سيتي سنتر , و كذلك موقع مطعم موسون


ودي وصف الطريق من السعودية يعني بيجي السيف على اليسار لما اتجه للمنامه

على ما عتقد :101:

ترى نا مو دليله في البحرين :108:



شكرا لكم لجهودكم الرائعه

المشاركة الأصلية كتبت بواسطة العاطب
http://www.arabtravelersforum.com/tr...2/#post2407192

السلام عليكم

انا ودي اسال عن موقع سيتي سنتر , و كذلك موقع مطعم موسون


ودي وصف الطريق من السعودية يعني بيجي السيف على اليسار لما اتجه للمنامه

على ما عتقد :101:

ترى نا مو دليله في البحرين :108:



شكرا لكم لجهودكم الرائعه

مرحبا فيج أختي ...

صح .. بيجي السيف على اليسار .. بعد ما تاخذون ثالث مخرج من بعد ما تطلعون من الجسر ..

الستي سنتر ... يصير بعد السيف .. كبير جدا وواضح ...

مطعم مونسون ... خلكم ماشين على نفس الطريق من بعد السيف ... تواصلون سيده على الشارع العام ... عند رابع إشارة ضوئية تلفون يمين ... عند فنادق الكراون بلازا والدبلومات ... وبعد تواصلون سيده ...

لحد ما توصلون عند ثالث إشارة ضوئية عند فندق الخليج .. تلفون يمين ...

في هالشارع ... عند الاشارة الضوئية الثانية ... تلفون يسار ... وبعد ما تدخلون الشارع .. تدخلون أول لفة عاليسار ... وبعدها أول لفة عاليمين على طول ... وتروحون سيده .. عند مطعم مونسون ...

وحياكم الله ..

المشاركة الأصلية كتبت بواسطة جوال2005
http://www.arabtravelersforum.com/tr...8/#post2406318

اخوي كارديال ممكن حبة حبة معاي الله يخليك انا ابي بالتفصيل الممل الى الطريق الى متحف البحرين الوطني

واذا كان هناك صور ارشادية عن طريق برنامج القوقل او رسم توضيحي لا تبخل علينا وتعبتك معاي شوووووووي

بس ادري عنكم اهل البحرين قدها وقدود.

انتظر اجابتك على احر من الجمر.

واذا كان في خريطة سياحية للبحرين توضح الطرق والاماكن لا تبخل علينا.

تقبل تحياتي.

أخوي ... متحف البحرين الوطني موقعه في المنامة بجانب الجسر المؤدي للمحرق ...

تخلي مجمع السيف على يدك اليسار وتواصل سيده ... عند رابع إشارة ضوئية تلفون يمين .... الحين تمسكون الخط اليسار ... عشان تلفون وتدخلون جسر المحرق ...

بتشوفون فندق الدانة نوفوتيل على يدكم اليمين ... لفوا يمين عنده ... وبعد لفوا يمين ... بتمشون في طريق فرعي ... بتشوفون المتحف على يساركم ....

بتعبك معاي اختى الغالية:

سوق المنامة ووووووووووواين يصير بالتحديد من بعد الجسر المودي الى السيف؟

من اي اشارة الف له؟؟؟؟؟؟؟؟؟؟؟؟؟؟؟؟؟؟

وووووووووووووشكرا

السلام عليكم يا اهل البحـــــــرين.....

كيف الحال؟؟

سؤالي عن محل لوي فيتون (Louis vutton) وطقت الماركات الثانية شانيل وديور وقوتشي وبيربري وين ألقاها في البحرين في اي سووووق؟؟؟

ارجوووو الاجابة بسرعه ولكم جزيل الشكر.......:101:

المشاركة الأصلية كتبت بواسطة جوال2005
http://www.arabtravelersforum.com/tr...7/#post2407607

بتعبك معاي اختى الغالية:

سوق المنامة ووووووووووواين يصير بالتحديد من بعد الجسر المودي الى السيف؟

من اي اشارة الف له؟؟؟؟؟؟؟؟؟؟؟؟؟؟؟؟؟؟

وووووووووووووشكرا

تعبك راحة اخوي ....

من بعد ما تمشي عن السيف وتطلع على الهاي وي (الطريق السريع) ...

الإشارة الأولى جنب فندق الريجنسي انتركونتننتال ....

المشاركة الأصلية كتبت بواسطة حبيبه قلبه
http://www.arabtravelersforum.com/tr...5/#post2407825

السلام عليكم يا اهل البحـــــــرين.....

كيف الحال؟؟

سؤالي عن محل لوي فيتون (Louis vutton) وطقت الماركات الثانية شانيل وديور وقوتشي وبيربري وين ألقاها في البحرين في اي سووووق؟؟؟

ارجوووو الاجابة بسرعه ولكم جزيل الشكر.......:101:

مرحبا أختي ..

مجمع مودا مول الملاصق لفندق وأبراج شيراتون البحرين ...

وموقعه: من بعد ما تخلين مجمع السيف على يسارج وانتي عالشارع الرئيسي السريع ... بتشوفين برجين ضخمين على يمينج وبينهم مراوح كبيرة من اهم معالم البحرين الحديثة ...

تحت هالبرجين يقع المجمع .. لا يمكن تخطئينه ..

مشكورررررررررررررررررررررررررة يالغالية والله لا يحرمنا من ردودك السريعه.


يعطيك مليووووووووووووووووووووووون عافية.


تقبلى تحياتي.

عفو بالنسبة للمحلات اللي بسوق المنامه متى اوقات الدوام عندهم ممكن؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة جوال2005
http://www.arabtravelersforum.com/tr...2/#post2409352

عفو بالنسبة للمحلات اللي بسوق المنامه متى اوقات الدوام عندهم ممكن؟؟؟؟؟؟؟؟؟؟؟؟؟؟؟؟؟؟

تختلف من محل إلى محل .... بس عموما ... تفتح الصبح من 9 تقريبا إلى 12 ونص أو 1 تقريبا .... والعصر من 4 إلى 8 أو 9 المسا ..

وحياك الله ..

السلام عليكم
يسعد لي مساكم بكل خيـــــر

السبو ع الجاي ان شاء الله باجي للبحرين
واتذكر البحرين فيها هالمطعم ناندوز المطعم البرتغالي
وبحكم ان اكله لذيذ ومايتفوت خصوصا محروميا يا اهل الرياض عنه
فياليت وصف المطعم الي في البحرين اتذكره كان في السيف سابقا ثم تغير للاسف
اتمنى احد يوصف لي المطعم لاني سمعت في العدليه اسم زي كذا بس ماعرف وين مكانها بضبط
واكون شااكر ومقدرر

اخوي مطعم ناندوز عندك منه اثنين ..

واحد في شارع العدلية .. راح ادليك اياه .. من اول ماتخلص الجسر تمشي على طول لغاية تقاطع ميناء سلمان بعدين تلف على الاشارة يسار .. وتوصل لي حد فندق الخليج وتدخل منها لشارع العدلية وراح اتلاقيه يم كنتاكي وحبارى.

وفي واحد ثاني على شارع الجفير .. نفس الطريق من بعد تفاطع ميناء سلمان وفندق الخليج وجامع الفاتح بس لف على المسجد الفاتح .. وبعدها اول كسره يمين وبعدين نهاية الشارع لليسار وبعدين اول لفه يمين وتمشي تكمل الشارع وبعدها تلف يسار.

تحياتي

٨٨٨٨٨٨٨٨٨٨٨
تسسسسسسلم ياغالي على الوصف
لا هنت وكثر الله من امثالك

السلام عليكم ورحمة الله وبركاته

مثل ما قريتو من العنوان سؤالي هو مطلوب مطعم عائلي نظام كبينات للعوائل يكون هندي واذا مش هندي اي شي بس حلو ونظيف

ادريبكم هل البحرين ما تقصرون انتظركم

مطعم مرمريز ومطعم الابراج عندهم اكل هندي روعه ونظام عوايل ....

وعندك بوفيه راندفو في السيف فيه اكل هندي وعندهم كبائن ايضا

أخوي صقر البحرين ما قصر
حياك الله في البحرين

اختي عندج مطعم لانترنس هندي عند دوار البديع
في عندهم غرفه للعوائل بس يفضل انج تحجزينها قبل لان دايم محلهم فل ما شاء الله والطلب عليه زايد

أختي ...

مطعم قيصر في منطقة العدلية .. فيه كابينات للعوائل ... وأكله حلو ... عالمي والاطباق الهندية عنده حلوة ..

وبعد .. كل فروع مطعم الأبراج فيها كابينات للعوائل ....

وحياج الله

المشاركة الأصلية كتبت بواسطة صقر البحرين
http://www.arabtravelersforum.com/tr...5/#post2412015

مطعم مرمريز ومطعم الابراج عندهم اكل هندي روعه ونظام عوايل ....

وعندك بوفيه راندفو في السيف فيه اكل هندي وعندهم كبائن ايضا



مع إحترامي الشديد الأبراج ماأقول إنه شين بس للأسف تغير شوي عن الأول

مرمريز يعني

والله عندي يم يم تري اللي في السيف بالذات يسوي كبسات وغوزي لذيذ

بالنسبه للبرياني الصح في نظري وودي أحد يشاركني

في فندق الهمبرا مطعم إسمه كوبر شندي هذا البرياني الصح

المشاركة الأصلية كتبت بواسطة Abu-Turki
http://www.arabtravelersforum.com/tr...9/#post2416459

مع إحترامي الشديد الأبراج ماأقول إنه شين بس للأسف تغير شوي عن الأول

مرمريز يعني

والله عندي يم يم تري اللي في السيف بالذات يسوي كبسات وغوزي لذيذ

بالنسبه للبرياني الصح في نظري وودي أحد يشاركني

في فندق الهمبرا مطعم إسمه كوبر شندي هذا البرياني الصح



كوبر تشيمني في ام الحصم فعلا ممتاز

المشاركة الأصلية كتبت بواسطة بلادي البحرين
http://www.arabtravelersforum.com/tr...9/#post2416479

كوبر تشيمني في ام الحصم فعلا ممتاز



الخبرا أكدوا خلاص إنتهينا:113::24::106::109:

عندهم برياني روبيان وروبيان تندوري الله لذيذ

ســــؤال عن مطعم يبي حمام محشي مثل حق مصـــر
هل يوجد في البحرين الحبيبه ولالا ؟

السلام عليكم ورحمة الله وبركاته

كيفكم اخواني وخواتي عندي كم استفسار ياليت تساعدوني فيه لانه ان شاء الله راح اكون في البحرين بعد اسبوع :

1- المراكز التجاريه مثل السيف وسيتي سنتر متى تفتح ومتى تقفل؟

2- الاسواق الشعبيه مثل المحرق متي ايضا تفتح وتقفل؟

3- الجو كيف في الليل يعني برد ولا حر بالنسبه للاطفال ؟

4- السينما هل يسمح للاطفال بحضور افلام للكبار ؟

5- هل الفتره هذه خاليه من الازدحام ؟

المشاركة الأصلية كتبت بواسطة jojo22
http://www.arabtravelersforum.com/tr...1/#post2418501

السلام عليكم ورحمة الله وبركاته

كيفكم اخواني وخواتي عندي كم استفسار ياليت تساعدوني فيه لانه ان شاء الله راح اكون في البحرين بعد اسبوع :

1- المراكز التجاريه مثل السيف وسيتي سنتر متى تفتح ومتى تقفل؟

2- الاسواق الشعبيه مثل المحرق متي ايضا تفتح وتقفل؟

3- الجو كيف في الليل يعني برد ولا حر بالنسبه للاطفال ؟

4- السينما هل يسمح للاطفال بحضور افلام للكبار ؟

5- هل الفتره هذه خاليه من الازدحام ؟

اهليين وسهلللللين خيتو ياعمري انا مو من البحرين بس اللي اقدر عليه بفيدك فيه

1- المراكز التجاريه بالبحريت تفتح من الساعه 10 الصباح لين 10 بالليل

2- الاسواق الشعبيه اظن انها تفتح الساعه 9 الصبح لين 12 الظهر ومن 4 العصر لين 9 بالليل

3- الجوو معتدل جدا ومافيه برد على الاطفال

4- اذا كان الفيلم مكتوب عليه للكبار فقط ماراح يدخلون اطفال واذا مو مكتوب عادي يدخلون مع انه من سياسه السينما ممنوع دخول الاطفال عشان الازعاج بس انا اللي اشوفه عادي كثير اطفال يدخلون

5- ياعمري اذا كانت جيتك البحرين في نهايه الاسبوع اكيييييييييد انها زحمه عشان كيذا تعالي من بدري عشان تتحاشين الزحمه اما اذا كانت بوسط الاسبوع لالالا:108:مااظن انها زحمه

وانشاء الله اكون عطيتك المعلومات اللي تحتاجينها

يعطيك العافيه اختي الفاررسه على الرد والف شكر على المعلومات القيمه

مشكورين وما قصرتو ؟؟؟ يا ريت تساعدوني في اختيار سوق شعبي حلو اعرف انه في وايد بس لضيق الوقت ابغي ازور افضلهم واكبرهم وايضا افضل مركز تسوق واحلاهم ...؟ انتظركم لانه ما باقي شي على السفر

بغيت اسأل وين فيه مطاعم حلوة بالبحرين فيها كباين ؟؟؟


ادري ان مو مكان الموضوع بس ما عرفت وين احطه

اشلون اقدر اروح حق سوق بوكوارة اللي بالرفاع

انا ادل الرفاع لما يكون البنديرة يميني و انا اخذ اللفة يمين و بعدها اكمل سيدا بييني على اليمين محطة بترول و عقبها وين اروح ؟؟؟


انا اعرف الطريج اللي يوصل حق لولو هايبر ماركت

المشاركة الأصلية كتبت بواسطة بنت الكويت1
http://www.arabtravelersforum.com/tr...3/#post2421723

اشلون اقدر اروح حق سوق بوكوارة اللي بالرفاع

انا ادل الرفاع لما يكون البنديرة يميني و انا اخذ اللفة يمين و بعدها اكمل سيدا بييني على اليمين محطة بترول و عقبها وين اروح ؟؟؟


انا اعرف الطريج اللي يوصل حق لولو هايبر ماركت

هلا حبيبتي ...

بعد ما توصلين محطة البترول تكون على يمينج صح ... الحين عند الإشارة الضوئية تلفين يسار ....

وبعدها عند الاشاره الضوئية الثانية ... تلفين يمين ... وتواصلين سيده ..

أوك ... عندج خيارين الحين ...

الأول ... انج تواصلين لين توصلين أول تقاطع فيه لفه عاليمين ... تلفينها ... وتروحين سيده لين الاشارة .. وتلفين يسار .... هذا شارع البوكوارة من نهايته ...

الخيار الثاني ... انج تروحين سيده كللش ... لحد ما توصلين آخر إشارة ضوئية ... وتلفين عندها يمين ..تواصلين لحد الاشارة الي بعدها وتلفين عندها يمين ... هذا شارع البوكوارة من بدايته ....

حياج الله ..