الموضوع: إستفسارات لخبراء نيوزلندا

بسم الله الرحمن الرحيم

السلام عليكم ورحمة الله وبركاتة وبعد

أنا بإذن الله بطلع لنيوزلندا قريب وفيه بعض المشاكل والأستفسارات حاب أتعرف عليها وكيف طريقة التعامل معها

أنا حددت المعهد اللي بروح له وعندي عنوانة وموقعة وكافة التفاصيل عنه بس. . .

أنا بروح لمدت ثلاثة أشهر هل لو زدت شوي مثلاً 10 أيام أو أقل يحاسبوني ؟

وهل لو أردت أني أجلس 4 أو 5 أشهر هل المعهد يستخرجلي الفيزة ؟ ومعلوماتي تقول أنه مافيه قنصلية سعودية لنا هناك ؟

ولو طلعت فيزة من الرياض كم المده اللي تطلع فيها الفيزة من السفارة ؟ وماهي شروطهم ؟ وهل يريدون مني شروط معينه مثل الـ i 20 أو القبول بالمعهد ؟

أنا كلمة وسيط هنا بالسعودية لكن حسيت أنه نصاب ويبي يضحك علي يقولي أن المبلغ لازم تدفعه كاش عشان نحوله لهم كامل المده سواء 3 أو أربع أو أكثر وأن المعهد مارايح يرسلي القبلو ألا بعد ما أسلمهم الفلوس فهل هذا صحيح ....... فقررت أني أطلع هناك وأتوجه للمعهد بنفسي هل الشي هذا فيه خطر أو مخاطرة ؟ هل فيه إحتمال أن المعهد مايستقبلني أو يقبلني عنده مع العلم أن هذا الوسيط هو وكيل لهم وهم محوليني عليه ؟

ماهي الشروط للدخول إلى نيوزلندا ؟ هل يطالبونك بشي بالمطار مثلاً أو أي مبلغ مالي ؟


وإذا فيه أي معلومة قيمة تكفوووون حطوها تراي مدري وش أسوي وطالب فزعتكم .


أخوكم قمر 15

مواضيع عشوائيه ممكن تكون تعجبك اخترناها لك:

• بعثـهـ
• اهل الخير
• معد جيد رأيكم بـ معهد ؟؟
• الله يوفق من يساعدني بالدنيا والاخره تكفووون
• هل احتاج الى فيزا انا سعودي لدخول نيوزيلندا سياحه
• مهم جدا جدا جدا اخواتي واخواني الاعضاء
• ريان في جنوب الأرض لم يكتمل
• ابي طريقة للحجز من مدينة أوكلاند إلى مدينة أخرى عن طريق المطار عاجل
• الصحف النيوزلندية تتحدث عن تميز النادي السعودي في مهرجان الثقافات المتعددة
• كم سنة ماستر تسويق ؟
• الاجواء الوقت الحالي
• المنطقه الشرقيه
• تكفوووووووووووووووووون ادخلوا
• الالتهاب الكبدي ب هل يمنع صدور الفيزا رجاءا الاجابة
• ¯`· نيوزيلاند صور ¯`·
• استفسار هاااااااااااااااااااااااااام
• استفســـار مهم للجميـــع
• تردد قناة ابوظبي بلييييييز للي بنيوزلندا
• مسافر الى نيوزلاندا جزاكم الله خير الجزآء
• بخصوص الفيزه الى نيوزلندا

اخوي / قمر
حياك الله معنا وإن شاءالله راح تلقى إجابة جميع ماطلبته .. وإن شاءالله تروح وترجع سالم غانم ومع اللغة فاهم ...

عزيزي طالما انه معك قبول من المعهد فلا خوف عليك ...
الفيزا مايحتاج تستخرجها من هنا لانها راح تآخذ بما لا يقل عن 20 يوم لانه راح يرسلونها إلى دبي .. غير ذلك لما تروح للسفارة النيوزلاندية في الرياض راح ينصحونك انك تسافر مباشرة إلى أوكلاند ومن خلال المطار تحصل على فيزة سياحية مدتها شهر ... طبعاً بعد ماتروح للمعهد اللي سجلت فيه وتآخذ من عندهم الموافقه على الدراسة بالمدة المطلوبه .. تروح لمكتب الهجرة في المدينة وتطلب فيزة طالب بالمدة التي ترغب وماعليك أي خلاف أبداً ..

اخوي طالما ان المكتب أو الوسيط نفسه وكيل للمعهد فلا خوف أبداً عليك بل بالعكس راح توصل هناك وكل أمورك منتهيه وبعدين اللي اعرفه ان الوسيط ما يآخذ منك ولا هلله ... السمسرة من المعهد ... حتى لو رحت لموقعهم بالأنترنت وأطلعت على تفاصيل التعرفه لديهم لكل أسبوع وشهر وحسبتها راح تلاحظ انه نفسه المبلغ الذي طلبه منك الوسيط ... يعني نم وتطمن اخوي ..

طبعاً اخوي خذ معك كردت كارد ولو حصل كشف حساب عن آخر 3 شهور فقط للحيطه ليس إلا .. ومافيه اي شروط جوازك ودراهمك معك وسلام ياصاحبي ...

اخوي مر على جميع المواضيع المطروحه من قبل الأخوه حول نيوزلندا والدراسة فيها وراح تحصل كل ما تبيه ..

تمنياتي لك برحله موفقه

مرحبا اخوي
هل ممكن تحدد لي اسم المعهد وفي اي مدينه ... وان شاء الله ما يكون في اوكلاندا

بخصوص الفيزا ... افضل لك انك تطلعها من هناك ... قبل ماتنتهي الثلاث شهور عط المعهد خبر وهم يخلصون كل امورك ... ويجددونها 3 شهور اخرى على فيزه سائح

بخصوص الوسيط اللي هنا انصحك تحجز عنده شهر واحد فقط ... واذا حصل اقل يكون افضل ... لأن الوسيط راح يريحك من ناحيه الاستقبال في المطار واعداد السكن والامورهذه ... لكن لو فرضنا انك تبي تاخذ شهر واحد من عنده اول ما يخلص الشهر انت خلاص تكون عارف كل شي وتبيقى تجدد مع المعهد من هناك اسبوعيا او شهريا او تغير المعهد اصلا ... اهم شي راااااااااااحتك

مشكورين يالغالين على المعلومات وأنا رحت وجيت والحمد لله كل شي صار على ما أبي وأبي أعدل شي بالموضوع وهو أني قلت الوسيط نصاب وهو وربي خدمني خدمة الله يجزاه عني كل الخير

شكراً لكم جميعاً ونيوزيلندا خلصنا هنا ألحين والحمد لله

من تجربتي في المعاهد افضل شي تروح بنفسك وتشوف المعهد بعدين تسجل وفيه بعض المعاهد تقدر تسجل اسبوع وتمدد بعدها احسن لك من السماسرة والمكاتب السياحية

الأخ المايسترو..
للأسف ما اعرف اسماء معاهد معينة في نيوزلندا،، لكن لفت نظري انك ماتفضل الدراسة في اوكلاند،، وهذا هو عين العقل :107: ..
ومن معرفتي بنيوزلندا،، فأنا انصحك بمدينة كرايسشيرش (الجزيرة الجنوبية).. ويكون سكنك والمعهد في وسط المدينة، قريب من حديقة المدينة..
مدينة كلاسيكية تقليدية هادئة ومافيها تعدد جنسيات زي اوكلاند،، وغير كذا الحديقة بتستمتع فيها كثير خصوصاً ان شلة الاجانب اللي بيكونون معك في المعهد بتطلع انت وياهم للحديقة كل عصريه وتمارسون الرياضة بأنواعها مثل كرة القدم والغولف،، اضافةً الى الجري حول الحديقة،، فتخفف اذا كنت دُب :109:..
وفي نهاية الاسبوع تقدر تتمشى في اي من المدن الجميلة في الجزيرة الجنوبية،، ولو بغيتوا تحمّلون عزبتكم وخيامكم وتخيمون،، برضوه حلوه :109: ..

واي معلومات تبغى عن نيوزلندا انا حاضر..
تحياتي لك..

والله نصيحتي لك الشباب أنهم يروحون بنفسهم للمعاهد ويدورون على المعاهد بنفسهم ويشوفون القاعات والمدرسين
ووضع المعهد ويستفسر من الطلاب أكيد بيلقى على الاقل عرب فيه .. ويشوف مرئياتهم ويستخير ربه ويختار على عينه
أما أنك تروح من بلدك عن طريق مكتب فسوف تزيد عليك التكاليف كثير وقد تفاجئ بأن المعهد غير مناسب ولا تستطيع ان ترد فلوسك في ذاك الوقت .

أتمنى لكم التوفيق أن شاء الله