الموضوع: وينك بو عمر انقذني

السلام عليك بو عمر

كل اللي سويته طلع فاشل لا حجوزات طيران ولا حجوزات فنادق .. وهاك القصة اول شي حبيت اثبت للجروب اني قدها واروم اسوي كل شي بروحيزيلامسي و جارمش ...و ميونيخ وعلتين ماشي بالمرة حجوزات بسبه المهرجان اللي عندهم

وحتى طيران الامارات لا تذاكر لتاريخ 139


والحين اباك تنصحني طيران الالماني ينفع اسافر عليه و لو تقترح او تعرف شقق متوفرة ف هالمناطق نحن 5 ماشالله علينا و احتمال نصير 7 ... تراهم وايد متأملين خير فيني هههه

صح نسيت ..بوعمر شو الاحسن اخذ معاي الجارمن ولا توم توم ... و لا اخذ موتر بنفجيشن
تراني ناوية احجز من المطار للمطار وشو افضل موقع احجز منه الموتر...

وبخصوص اليوروبا بارك انا مصرة اسير لها لو اسوق 5 ساعات ...السفر بدون خبال ومغامرات ماسميه سفر..انزيييين من وين اسير لها احسن ميونيخ ولا جارمش ولا سالزبورغ ولا زيلامسي ..لان هالمناطق اللي ناوية ازورها في 15 يوم ..
اممم سامحني ع كثرة الاسئلة و اعتبرها اختبارات الثانوية العامة ..والله لايحرمنا من اجاباتك

مواضيع عشوائيه ممكن تكون تعجبك اخترناها لك:

• متورطه وارجو المساعده بليز
• الوصول لــ مطارات المانيا هل يسألون عن إثبات الإقامة لأول ليلة ؟
• هذا ماقاله موظف الخطوط بخصوص الفيزا الغير المانيه
• اول مره اسـافر اوروبــااا
• هل يقبلون البطاقة الائتمانية بألمانيا
• حاب ترشحون لي فنادق
• استفسار انا حالياً بميونخ ابي احداثيات تسليم السيارة وبعض الاستفسارات
• جدول ايام في ميونخ
• اجمل الصور لمدينة ميونخ الالمانية
• لو سمحتوا يا أهل الخبرة نظموا لي رحلة ممكن
• اختيـــار الخطـوط الجويـة من الريــاض إلـى المـانياسوسيرااسبانيا
• الورقة التي وضعت مع جوازي عندما استلمته اليوم من المركز الموحد
• اخواني هل جرب احد منكم استأجار سيارة عن طريق موقع حجز الفنادق بكنق ؟؟؟؟
• ســـــيارتــــــين والا ثــــــلاث ســــــــــــيارات
• أقرب محطة قطار
• استفسار عن تدقيق بخصوص السكن من قبل جمارك مطار ميونخ ساعدوني بليييز
• ترانزيت قليل لميونخ
• نجـآح المقابله وأخذ التأشيره الرفض
• مارأيكم في خط السير وفي القياده بالمانيا
• ارجو منكم يا اخوان مساعدتي فانا بامس الحاجة

حياج الله ...

اولا ... لماذا لغوا الفيزا .. هل من اجل انها فاضيه مثلا ..

ثانيا الجواب ..

الطيران الالماني اللوفتانزا... من افضل شركات الطيران بالعالم .... انصح فيها ,,, واذا نبون خليجيه شوفي القطريه

ثالثا .. القارمن من بلدكم افضل حتى تخزنون الاحداثيات الموجوده لدينا بالمنتدى .. .. اذا نحبون تحجزون من مطار ميونخ وترجعونه لمطار ميونخ .. اختار ما بين شركة يور كار ... وسيكست .. وهيرتز ..كلهم ممتازين ....

رابعا مدينة يورب بارك الملاهي بعيده عن المخطط .. هناك ملاهي كثيره قريبه من ميونخ مثل سكاي لاين وليكو لاند للاطفال اكثر ....

لكن لو حابين تزورونه اجباري .. يكون المخطط ميونخ راحه يوم ثم الى روشت مدينة الملاهي ثم غارمش ثم زيلامسي ثم ميونخ ومنه الى المطار ... هذا الجدول بشكل مبدئي .. من ميونخ الى روشت ( الملاهي ) 4 ساعات تقريبا الا ربع

اما بخصوص السكن فهو كثير جدا جدا .. وراح افصل بالراوبط الي كتبتها تفضل هنا ميونخ وغارمش

http://www.arabtravelersforum.com/travel419288/

وهنا زيلامسي ..
http://www.arabtravelersforum.com/travel354556/

هنا شقق كابرون المميزه وطبعا كابرون قريبه من زيلامسي طالما معاكم سياره وجميله

http://www.booking.com/hotel/at/aven...20&aid=1329869

http://www.booking.com/hotel/at/aven...20&aid=1329869

شقق ممتازه وكبيره وسشوي بعيد عن سنتر كابرون

http://www.booking.com/hotel/at/resi...20&aid=1329869

وهذي احد افضل الشقق بكابرون

http://www.booking.com/hotel/at/exkl...20&aid=1329869
وهذي رقم واحد بكابرون

http://www.booking.com/hotel/at/ssg-...20&aid=1329869

ولو تبين بعد في .. ولو حبيتي تسكنون بمدينة روشت متوفر فيها شقق بس لو نغير المخطط شوي ..


انقاذ سريع بنتظاركم

ماتقصر يالطيب بس ممكن اترتب لي الجدول و كل منطقة كم تستحق نيلس بها وان شالله السفر ع الالمانية بتاريخ 13 والعودة 27 ،ودخيلك ابا اروح يوروبا بارك يعني اباها من ضمن الجدول .. والله يعطييييك الف عافية

هلا فيج .. هو ممكن لكن المسافات طويله ..

لكن بشرح لج .. وانتي شوفي ما يناسبكم .. وقبلها معاكم اطفال صغار ..؟؟

النزول مطار ميونخ وراحه يوم اما بجانب المطار او بالسنتر ... ثم الى روشت بلدة الملاهي 3 ايام يومين الملاهي ويم ممكن انزور بادن بادن ... المسافه بين ميونخ وروشت 4 ساعات الا ربع ... من ثم الى سالزبورخ 3 ايام .. المسافه 5 ساعات من روشت الى سالزبورخ ... ثم من سالزبورخ الى زيلامسي او كابرون 5 ايام المسافه بينهم ساعه وثلث ( كثرنا ايام زيلامسي تى نرتاح وهي تستحق لانها ريفيه وعلى طلبكم وحتى انزور ما حلولها ) ثم اخر يومين او 3 بميونخ للتسوق وزيارة غارمش من زيلامسي الى ميونخ ساعتين و40 دقيقه ... هذا انسب جدول ممكن عمله لكم علشان ندخل الملاهي بالمخطط .. ممكن نقص يوم او انزيد بمكان ما تحبونه ....


اذا اوكي حتى اختار لكم سكن بروشت وبشكل مبدئي افضل انواع السكن هذوله ..

http://www.booking.com/hotel/de/elzp...20&aid=1329869

http://www.booking.com/hotel/de/feri...20&aid=1329869

http://www.booking.com/hotel/de/gaes...20&aid=1329869

ملاحظه ممكن تواجهكم صعوبه بايجاد شقق بسالزبورخ لهذا عندكم 3 خيارات ..

1- هو السكن بفنادق

2- السكن بقرى قريبه من سالزبورخ بحدود 20 الى 40 كيلو متوفره ان شاء الله

3- او الانتقال من روشت الى وزيلامسي مباشره بدون سالزبورخ .. المسافه من روشت الى زلامسي 6 ساعات الا ربع

لكن قبل هذا هنا شقق بسالزبوخ اذا حصلتوا بها حجز كان بها او واحد من الخيارات الثلا بالاعلى ..

http://www.booking.com/hotel/at/abc-...20&aid=1329869


شوفي ما يناسبج وابشري


تحياتي

اشكرك ..حيل حيل ...والبرنامج روعة بس ممكن الرجعه من روشت انظيف جارمش يوم ولايومين وبعدها لسالزبورغ ومن ثم زيلامسي

لا الافضل ما كتبت من ميونخ انزور غارمش,,,

او لتحبون تضيفون غارمش بعد روشت تلغون اما زيلامسي او سالزبورخ ... علشان الجدول ما يكون في كثرة تنقلات ومشاوير

تحياتي

ليلة ميونيخ... 3 ليالي رشت .... ليلتين سالزبورغ...5 ليالي كابرون او زيلامسي ...ليلتين ميونيخ.. من ثم العودة

بس للا سف ولا مقترح من مقترحاتك للسكن متوفر ... بعدني ادور بموقع بوكينج ما اثق بغيره

وين السكن مو متوفر ...

ميونخ ... ؟؟ او اي مدينخ تقصدين

اسفة اذيتك باسألتي ... شو رايك اخر يومين اقضيهم بجارمش ومنها ع طول المطار لو يعني المسافة مب طويلة للمطار

اولا وين ما حصلتي سكن ؟؟


ثانيا ممكن السكن بغارمش وتستاهل والله .. خصوصا لو كنتم تحبون الاجواء الريفيه اكثر من المدن .. ولا تكثرون عن يومين .. من غارمش الى المطار تقريبا ساعه ونصف ..

السؤال المهمه الساعه كم تتطير الطياره من مطجار ميونخ ؟؟

ماحصلت في رست ولا ميونيخ ..و طيارتنا 3 الظهر..عيوني طلعت من كثر مادور نحن 5 و طفل واللي حصلته غرف عائلية يعني مب مفصولة عن بعض

اذا كانت الطياره بالعوده تطير الساعه 3 العصر .. ممكن تسكنون بغارمش وتطلعون منها يوم المغادره الساعه 10 الصبح مو اكثر ...

اذا عاجبج تسكنين بغارمش اخر يومين شوفي موسوعة السكن بغارمش في شقق وفي فنادق انا كاتبهم .. ادخلي التواريخ ..


اما روشت انا ادورلج ابشري .. عطيني التواريخ وعدد الاشخاص ... واذا في اطفال اذكري اعمارهم .. وهل ينفع نأخذ شقتين ؟؟؟

تحياتي

امم تراني على مخططك يوم راحة في ميونيخ وبعدها على رشت... الوصول لميونيخ تاريخ16 يعني رشت 17 و الطلعة20 ثلاث ليالي و نحن 6 و معانا طفل و عادي لو السكن بفندق بس المشكله ماشي حجوزات بموقع بوكينج انزييييين شو رايك نتوكل و نحجز هناك!!!!! صدق انا مستحية منك. احسن اني كثرت بالاسئلة*

ما في بروشت بسبب ان قدومكم يوم الجمعه والسبت والاحد لهذا روشت مليانه ..

عموما حصلت هذا السكن جيد جدا .. مستوى 3 نجوم وهي قريبه من الملاهي في شقق ل 4 اشخاص واخر شقتين

http://www.booking.com/hotel/de/arnd...20&aid=1329869

او لو نغير نخلي اول كم يم بميونخ وبعدين الى روشت

الحجز من هناك بيصعب المهمه لما ذكرت فوق

تحياتي

هلا بو عمر ..اول شي اشكر متابعتك لموضوعي و اهتمامك بالرد على جميع المتوهقييين مثلي..
ثاني شي تراني حجزت 5 ايام ف كابرون من تاريخ 20 ..يعني ماعندي غير 4 ايام قبل ..شكلي باخذ اي فندق واللي فيها ..بس ما اتراجع عن يوروب بارك. وبخبرك باخر المستجدات ..تسلم وماقصرت يابووووعمر

خبرني قبل الحجز وخصوصا ميونخ ... شوفي منطقة اربيلا بارك بميونخ


تحياتي

ماشفت ردك...اممم حجزت في ميونيخ بفندق اسمه hotel wallis
دخيلك لا تقول مب شي ... اسعاره معقوله و موقعه ممتاز وبعدين الا هي ليلة

خليني اشوفه بالاول

حجزتيه من بوكنق اذا نعم اكتبيلي رابطه من بوكنق . علشان اشوفه موقعه


تحياتي

http://www.booking.com/hotel/de/wall...ml?aid=1329869

خيار جيد .. عل فئة 3 نجوم موقعه ممتاز ... وكلها ليله ...


تحياتي لج

صباح الخير... اليوم بسير يورب كار اللي عندنا في دبي و محتارة أأجر دفع رباعي ولا صالون ... ومن وين تنصحني استلمها و لوين اسلمها... لا تظايج بو عمر من زود الاسأله...ماعندي غيرك بعد الله وانا معتمدة على نصايحك و اختياراتك اعتمااااد كلي ... اممممم الله يخليك للمنتدى و يجزيك الف خير

اجروه من مطار ميونخ والعوده للمطار .. لانه بتفيدكم كثير ...

او ممكن تردونه اول يوم للوصل بميونخ عند مكتب يورب كار في المحطه الرئيسيه

ولا تترديين بالسؤال اختي ... .ترى ما في ازعاج

تحياتي

تسلم بو عمرك و ماتقصر ... بغيت اسالك رشت اشوي مزدحمة في الويك اند شو المناطق القريبه منها عشان السكن... و لو الغي سالزبورغ من المخطط واطلع ع طول لكابرون من رشت ... لان الكل خبرني الويك اند ماتندخل الحديقة من الزحمة فقلت ليش ما اطلع عليها تاريخ 19 وتم 4 ليالي و بالمرة ازور الغابة السودة!!!!!

هاااا شورايك

هذا الي قلته لج بالاول ... الويك اند زحمه جدا روشت والملاهي ... حاولي تغيرين التواريخ .. لان افضل شيئ السكن بروست ..

ملاحطه من روشت الى زيلامسي وضحت انها بعيده كما ذكرت لكم بالمسافه ...
الحين تبين تغيرين السكن وله نغير التواريخ

مثلا نجعل بعد ميونخ غارمش بالويك اند ثم نطلع منها الى روشت نوصل يوم الاثنين ونجلس بها 3 او 4 ايام ثم دايركت الى زيلامسي بس اعيد واكرر بعيده

بنتظاركم

ما عليك متعودة ع المسافات البعيدة ... بشوف الفنادق و بخبرك قبل الحجز

اوكي والله يوفقكم


تحياتي

السلام عليكم
عساك بخير بو عمر..
وين اقرب جارمش لرشت و لا ميونيخ؟؟؟؟

لا طبعا ميونخ ساعه من غارمش


تحياتي

مافهمت... يعني ميونيخ اقرب!

اي نعم ميونخ اقرب الى غارمش ..

اممم انا اقصد اروح لرشت من ميونيخ ولا غارمش اقصد لو روحتي لغارمش بطول الدرب ,,, بلاها بتم فميونيخ 3 ايام و بعدها بطلع ع رشت ...

امممممممم وصل المعنىّّ

توني حجزت هذا الفندق في رشت وااايد عيبني وكانت اخر شقة
http://www.booking.com/hotel/de/haus...ml?aid=1329869

هلا فيج

تطلعون من ميونخ الى روشت افضل واقرب بكل تأكيد ...

السكن المذكور بروشت جيد جدا .. والخيارات قليله .. توكلي على الله واحجزي


تحياتي

انت كفيت و وفيت يا بوعمر وانا كلي ثقه ان السفرة بتكون شي اخر و صدق ساعتها بقول سافروا معاي و انتوا امغمظين .... بس هذا مب معناه اني بوقف اسأله امممممم وكلما بتوهق بشي برد استشيرك و ماخاااااب من استشار ... صح نسيت اقول مبارك عليكم العشر الاواخر و الله يبلغكم ليله القدر والله يجعل افعالكم الطيبه بميزان حسناتكم

علينا وعليج ... واسئلي على راحتج ..

على الرحب والسعه


تحياتي

السلام عليك بو عمر...عساك بخير ... بغيت اسألك لو عندك فكرة على رخصه السياقة ... لازم احول ليسني دولي ولا عادي يمشي الموضوع

وعليكم السلام

استخرج اجازه دوليه افضل وخصوصا انها ماتحتاج شيئ ..

حتى لو اجازتكم مكتوبه بالانجليزي ..

مع اخذ الاجازتين الدوليه والمحليه

تحياتي

اخوي سأل عندنا في مرور دبي و قالو له رخصة دبي دوليه و ماتحتاج تحويل ... ترانا بنأجر سيارتين لي و لاخوي ... صدق نسيت اخبرك كبرت الشله و صرنا 12 شخص ههه بس ماحصلو شقق عدله وحجزوا اي كلام .

ما تحول .. تستخرج اجازه دوليه ..

اسئلي اكثر اختي ..

تحياتي

المشاركة الأصلية كتبت بواسطة ALI_Q8_77
http://www.arabtravelersforum.com/tr...8/#post4198778

ما تحول .. تستخرج اجازه دوليه ..

اسئل اكثر اخوي ..

تحياتي



انا الجوهريه كيف يعني اخووووي!! قول اختي أصح•••

ولا تزعلين غيرتها ..

بعد خطأ مطبعي

ههه هي جذي ... انزييين شو المنطقة الوسط بين ميونيخ و رشت .. الصراحة اتراجع عن كلامي اني بقدر اسوق مسافة طويله ربيعتي خبرتني ان المسافة 6 ساعات مع الوقفه والراحة في الطريج و الحين لما زادوا النفرااااات و يابو معاهم هاليهال الشياطين اشك اني اتحمل كل هالمسافة ...

هلا اختي ,,,

في مدينة شتوتغارت ,, لكن ما اشوفها سياحيه .. وبعدين لو رحيتو يوم بيكون ايضا خيار غير جيد نظرا لعددكم وتنزلين الشنط ومن ثم ثاني يوم نفس الطريقه تحميل الشنط والانطلاق الى روشت ...

من ميونخ الا روشت فقط 4 ساعات ولو اخذنا راحه لمدة نصف ساعه يعني 4 ساعات وتكونون واصلين


تحياتي

للاسف توني اشوف ردك... انا حجزت يومين 17 و 18 في شتوتغارت

الله وياكم ... ممكن انزور بعض الاماكن والراحه اشهر مكان انصحكم به للتسليه

Wilhelma Zoo



تحياتي

اممم زين بيستانسون عيال اختي

اقف اجلالا واحتراما لاخي ابو عمر ,,,انسان خلوق لابعد درجه ,,,, يعني متابع معاه جميع الردود ماشاء الله عليه مايمل من الاجوبه ووسيع الصدر الله يحفظه ,,,,,,,,, واعتذر لاختي صاحبة الموضوع على المداخله ,,,,,,,

ان شاء الله بيستانسون .. عموما هي قريبه الملاهي .. من سنتلا غارمش بحدود 4 كيلو

وعندكم خوش اسواق بسنتر مدينة شتوتغارت مثل

Königstraße






المشاركة الأصلية كتبت بواسطة samaya
http://www.arabtravelersforum.com/tr...6/#post4203266

اقف اجلالا واحتراما لاخي ابو عمر ,,,انسان خلوق لابعد درجه ,,,, يعني متابع معاه جميع الردود ماشاء الله عليه مايمل من الاجوبه ووسيع الصدر الله يحفظه ,,,,,,,,, واعتذر لاختي صاحبة الموضوع على المداخله ,,,,,,,



الله يسلمك وشكرا على ما سطرت ...

ولك تقديري واحترامي ... وان شاء الله نكون على طول نتواصل وبدون ملل

تحياتي

صدقت اخوي ماشالله عليه الظاهر علي مايرقد الليل اذا مارد ع جميع الاستفسارات وانا ما مقصرة معاه بالاسأله تقول استاذ و طالب ...عيني عليك باردة يابو عمر والله يحفظك و يخليك لاهلك

المشاركة الأصلية كتبت بواسطة الجوهرية
http://www.arabtravelersforum.com/tr...3/#post4199523

ههه هي جذي ... انزييين شو المنطقة الوسط بين ميونيخ و رشت .. الصراحة اتراجع عن كلامي اني بقدر اسوق مسافة طويله ربيعتي خبرتني ان المسافة 6 ساعات مع الوقفه والراحة في الطريج و الحين لما زادوا النفرااااات و يابو معاهم هاليهال الشياطين اشك اني اتحمل كل هالمسافة ...





Metzingen outlet

منطقة للتوقف والتسوق بين موينخ ورشت تقريبا" في متصف الطريق وراح تدعون لي

المشاركة الأصلية كتبت بواسطة essa11
http://www.arabtravelersforum.com/tr...3/#post4204563

metzingen outlet

منطقة للتوقف والتسوق بين موينخ ورشت تقريبا" في متصف الطريق وراح تدعون لي



مشكور اخوي ان شالله لو لقيتها بالدرب اكيد بزورها*

....تخيل بو عمر رفظت القنصلية معامله 2من خواتي وقالوا لازم الوالدة و الوالد يحظرون المقابله يوم الاحد ...الله يستر لو ماطلعت الفيزا خلال اليومين راح يخرب موضوع الحجز للفنادق و تذكرة الطيران و خاصة الفندق اغلب الفنادق اللي حجزتها في البداية ما اقدر اغير الحجز و لا اقدر ألغيه و السبة مهرجانهم المصيبة .... يعني من اول خبروا ان مايصير الا بمقابله مب كل يوم تطلبون شي و لما اتي حزة السفره تقولون لا مايصير ..باقي المعاملات والله 3 ايام و خالصة ...ما قول الا الله يعين و تطلع الفيزا ولا بيقلبونها الجماعة ع راسي

ان شاء الله خير ... ننتظر معاكم

الحمد الله اليوم سرنا مكتب تابع للسفارة الالمانيه وخلصنا في عشر دقايق كله على بعضه سؤالين وسلمونا الجوازات بالفيزا ...مابقى شي ع السفر و ان شالله مايخرب الترتيب و يصير شي لاسمح الله..مشكور بو عمر ع المتابعة.. *

الحمدلله وبالتوفيق بالسفره

ولا شكر على واجب

ما عليج امر ذكرني بالمخطط .. وبالظبط تبين احداثيات شنو ... وشنو عندج

وانا حاضر

المخطط يقول... يوم الوصول لميونيخ و المبيت فيها ليلة... من ثم الى شتوتغارت و المبيت ليلتين...بعدها رست 4 ليالي...اممم كابرون 5ليالي..واخر ليله المبيت بالقرب من مطار ميونيخ فندق هوليدي ان اكسبرس.

انزين من روست الى كابرون .. ايعد من ميونخ الى روشت كما ذكرنا ..

عموما احداثيات كابرون تجدينها هنا الاماكن السياحيه

http://www.arabtravelersforum.com/travel379481/

يبقى لدينا روشت الملاهي قريبه منكم .. بعد وين تبين تبون ستراشبورخ الفرنسيه تتسوقون بها .. ويوم اتزور بادن بادن

كنت ابا اسير الغابات السودة...و اخر همي التسوق عندي اكتفاء ذاتي من الشوبينغ خاصة هالفترة..ابا استانس بالطبيعة جبال شلالات انهار يعني ماشابه ..وصح كلامك من رست لكابرون وايد بعيد الدرب و انا اتخربط لما حجزت و خاصة لما زاد العدد و قرب الوقت و قلت الحجوزات..يلا الله يستر للحين ما يعرفون الجماعة بالدروب و المسافات ههه بحطيهم جدام الامر الواقع

مرحبا بو عمر ممكن رابط لاحداثيات الاماكن السياحة في رشت و ضواحيها