الموضوع: المالديف و ما أدراك ما المالديف

السلام عليكم جميعا ,,
احب ان اشارك الجميع رحلتي الصيفيه المالديفية :surf

الرحلة كانت على الخطوط الجويه الاماراتيه اخذنا باكج شامل تذاكر سفر على الدرجة الاولى + الاقامة في منتجع الفورسيزن لاندا قيرافارو (( الفور سيزن الجديد)) 4 ليالي مع المواصلات الطائرة المائيه + الاقامه في دبي 4 ليالي في فندق الانتركونتيننتال فستيفل ستي
اقمت ليلتين منفرديتن في المالديف في فندق خارج الباكج وهو بنيان تري لكن تقلصت المده الى ليله وحده و الاسباب سوف اذكرها فالتقرير

:108:

اوقات الرحلة الى المالديف كانت صعبه شوي يعني كان لابد يكون فيها تعب مع ان الرحلة قصيره يعني لازم يصير في الساعه 3 الفجر مثلا كان في خيار ان نطلع من البحرين الى دبي 3:50 فجرا و بعدين10:20 دبي مالي او تطلع من البحرين 5:50 دقيقه مساء و تطلع من دبي 3:25 يعني فالحالتين مافي نوم فقررت اطلع من بيتي هالوقت ارحم :114:

طلعنا للمطار الساعه 2:30 بعد ما طرشنا الشناط قبلنا عشان نرتاح اكبر وقت ممكن فالبيت

:24:

على عادتها طيران الامارات طارت على موعدها و عندهم نظام جديد مسوينه عشان رحلات المتابعه البوابه تغلق قبل 35 دقيقه و لا يقبل الصعود للطائره قبل 15 دقيقه من موعدها عشان تطير في موعدها ورحلات المتابعه ما يتبهدلون و الصراحه هالشي عجبني
صعدنا على الطائرة و كنت كل شوي اطالع الشباك و اشوف الشمس وهي تطلع شوي شوي و الصراحه كان منظر حلو

وبما ان الرحله مدتها قصيره ما ان اقلعت الطياره الا قدمو لنا وجبة الريوق (( الافطار بما تسمونه)) :101:

وصلنا دبي و توجهنا لقاعه الدرجة الاولى و النوده ضاربه حددددددها لكن بعد ما نمت تمسكت عشان ماحب انام الا بالطقوس يعني اكون مرتاحه هههههههههههههههه و مستقره

القاعه حلوة و كبيره و مرتبه و موجوده في مبنى خاص لطيران الامارات في مطار دبي الدولي فيها جميع انواع الجلسات و الاطعمه غير المطاعم والكوفي شوبات تحس كانه مجمع ماهي قاعه

و بعد انتظار نادونا للصعود الى الطائرة ,,, اووف ما بغينا بصراحه تعبت و اول ما طلعنا من القاعه ,, قمت ادور البوردنغ كارد ما لقيته اسال زوجي ووووووينه يقول مادري :109: بغينا نجن اتاريه نساه يوم ينسدح بالكرسي قبل لا يروح للبزنس سنتر و يقعد على النت ورجعنا ندوره ما لقيناه :110: قلبت جد الطياره عقب دقايق و البوابه بعيده ,, قلنا لموظفة الاستقبال كلمت الطياره عشان تخبرهم اننا جايين و طلعت لنا بدالهم و قالت لي هالمره حطيهم في شنطتج :110:
ركبنا الطياره بعد طول عناء و ضغط اعصاب وقلت الله يستر بس


بعد ما طارت الطياره نمت و ما قدرت اكابر بس للاسف نمت الا ساعتين بس احسن ما ماميش ,, بعد شوي بدأت الطائرة الهبوط التدريجي و ابتديت اشوف الجزر و الماايااا و الهوى

اخيرااا حطت الطائرة وكانت درجة الحراره 28 ,, بصراحه اول مره اسافر منطقه شرق العالم تعودت اصيف في ديره ابرد من كذا بس هالمره حبيت اسويها ديرة استجمام و راحه يعني ابي شي غير

نزلنا المطار وشفت النرسات متلثمين و يعطونا ورقة و هذه آثار فلونزا الخنازير ذبحونا هههههههههههه حتى فالمالديف و هذا اللي خلانا نتوجه للمالديف عشان مكان مفتوح وما فيه مشاكل صحيه ولا فلونزا و لاوجع قلب
بس كان كل اللي يبونه ورقة تمليها اذا حد يكح او حد فيه مشكله صحيه و رقم الرحله و خلاص يعني دقايق و طلعنا من المطار البسيط و لقينا مندوب الفندق ينتظرنا واخذنا فالسيارة الى مطار الطيارات المائيه اللي يبعد بالسياره دقايق عن مطار طيارات الهواااااااا :106:
و للتقرير بقية ,,,,,,,,

مواضيع عشوائيه ممكن تكون تعجبك اخترناها لك:

• الرجاء المساعدة للوصول الي جزر المالديف من الكويت
• جزر القمر
• اختار اي من المنتجعين ؟
• لوسمحتوا كيف انتقل بين منتجعين في المالديف ؟
• بعض الاسئلة قبل زيارة المالديف
• جزر الفارو
• شهر عسل
• مساعده لشهر العسل في الموريشيوس
• إستفسار عن سيشل
• مساعده اخرى يا ابوعزيز
• تكفون نبي نحجز وششون ؟
• مساعده من اهل الخبره بالجزر
• استفسار لخبراء موريشس
• طلب عاجل الى المبدع الأخ أبو عزيز
• استفسار ارجوا منكم المساعدة خصوصا ابوعزيز
• منتجع الشيرتون هل هو ممتاز ويوجد فيه خصوصيه
• ايام في المالديف ل افراد
• تذكرة الرياض موريشس ب ريال معقوله
• آآآآآآآآآآآآآآآآآآه يالمالــــــــــــــالديف
• ارقام السائقين في موريشيوس

مشاء الله موفقين يارب
في أنتظار ماتبقى ,,

اشكركم جميعا على المرور و والتعقيب ,, و انشالله يعجبكم ما تبقى من التقرير

بدايه جميله متابعينك

روعه واصلي

الله وناسه الصور كملي يا فراوله

رد سترووبري


تقريرك
ورحلتك روعه ماشاء الله
متابعينك :24:

تقرير ممتاز وصور جميله الله يعطيك العافية منتظرين باقي القرير ودمت باخير

عجيبببببببببببببببب الربيان يعور القلب لوووول خصوصا برمضان

شكراً red strawberry
تقرير متكامل ماشاء الله الله يهنيكم انشاله

ناطرين تكملت التفرير على احر من الجمر

المشاركة الأصلية كتبت بواسطة abutalal7777
http://www.arabtravelersforum.com/tr...5/#post3269715

حلو التقرير مشالله بس ما طلعتلي الصور في الصفحه الاولى شوفت الصور بالصفحه الثانيه مشالله روعه التصوير ومناظر ...................ز




يا جماعه مدري وش صار بالصور حتى انا ما تطلع لي مع اني اول ما سويت التقرير يطلعون ههههههههههههه لاحول ولا قوة الا بالله ,, شكلهم صايمين :113:

بجد جتني مشكلتك ,, باحاول احلها لك و انزلهم مره ثانيه :24:

و بعد طووووووول غياب ,, اكمل لكم التقرير :24:


اول نهار لنا بالمالديف حبينا يكون استرخاااء على الآخر و ما يكتمل الإسترخاء الا بالمسااااج :106:
و فعلا توجهنا انا و بوعبدالرحمن الى جلسه مساج خاص لشخصين ((Couples massage )) , و المساج يكون اما في فيلا شاطئيه او في فيلا مائية و طبعا الفيلا المائيه اروع ,, و لحسن الحظ لقينا فيلا مائيه

مدخل الفلل المائيه الخاصه بالمسااج




وهذا لزم الحمام مابعد المساج و يزنونه بالورود و بالريحه اللي تعجبك :x1:






اول ما توصل يعطونك غرفه خاصه للتبديل وخزانه للملابس




و اخيرااا غرفة المساج ,,,,



منظر ولا اروع تحط راسك و الماي من امامك و اذا نزلت راسك تشوف البحر بعد تحتك ,, انا شخصيا شفت السمك اثناء المساج ,, و كانت سمكه طويله لونها ازرق و اصفر :24: وهذي اللي يخلي مساج المالديف غيرر ,,





خلصنا المساج اللي خذناه لمدة 90 دقيقه ,, و يكلف للشخص الواحد 190 دولار ,, على قولة ريا وسكينه ((قطييييييييعه محدش بياكووولها بالسااااهل )) :109:

صوره خذتها اول ما خلصنا المساج من السبا تقدر تشوف على اليمين ال Beach Bungalows




وهذي النخله منتشره فالمالديف ومنها ياخذون جوز الهند اللذيذ و صورتها اول ما طلعت



وووووووو بعدين و حنا فالطريق لفيلتنا شفت وحده من Beach Bungalows مفتوحه وينظفونها طلبت من زوجي ندخل و نلقي نظره وبالفعل دخلنا

هذي المدخل



وهذي عقب ما تدخل وتقدرون تشوفون الموظف اللي ينظف من الشباك يطالعني باستغراب وانا هاجمه عليهم تصوير



وهذي الحووش وفيه البركه الصغيره و جلسه مقابله البحر



وهذا الحووش من ناحية ثانيه وباينه فيه الفيلا اللي يسمونها Beach Bungalows مع انها ما تفرق عن الفيلا بنظري شي ابد غير مساحة الحووش



و هذي الساحل من حساب البيج اللي تقدر تشوفه انه ماهو رمل ناعم يعني مو مثل الفيلا الشاطئية اللي تكون مفروشه بالرمل و السعر يفرق ها هنااا



و اخيرااا هذي من داخل



بعد ما خلصنا التفحص و التصوير :114: اتجهنا للفيلا وطلبنا الغداا في الفيلا و ارتحنا بعد المساج الرائع
بعدهاا صارت الدنيا مغرب وطبعا حان موعد العشااء وقررنا نحجز في مطعم البركات اللي يكون مطعم وكوفي شوب لبناني - مغربي و بصراحه ما عجبني كثير يمكن لان مطعم اول ليله كان اروع و يمكن لان ما كان فيه ناس غيرنا و عايلة اجانب ويمكن لاني شدخت فيه :109: و هي كلمه بحرينيه قح و تعطي طحت ههههههه وانا نازله على الدرج و انقص وجهي قدام زوجي :109: واخر الاسباب اللي ماخلتني احبه اني للاسف نسيت الكاميرا :110: و ماقدر اصور بس عندي له صورة اخذتها في وقت لاحق و كان الصباح ,, وكنا قاعدين في الطابق الثاني فالجلسه الخارجيه اللي تبين بالصوره





وبعد العشا كالعاده رجعنا الفيلا نتمشى ,,,


وللتقرير بقية ,,,

يعطيك العافية على هالتقرير الحلو

وصحه وعافية هالربيااااان

بغيت اٍسأل عن اللغة هي هي عائق

لانه محسوبك لاانجليزي ولا هم يحزنوون

حتى العربي اكسر فيه ....

وكم اسعار الفلل بالفور سيزون

مشالله تقريرك اكثر من رائع انا والدي الله يطول بعمره يعشق شي اسمه المالديف سنويا يزورها وانشالله باجر مسافر لمده عشر تيام هو واخواني بيرحون 3 فنادق ون اند اونلي وهافن فوشي والفورسيزن وانا بوصلهم باجر المطار طيارتهم الساعه سبعه صبح ............................. وهو يقول سيشل حلوه وموريشس بس وايد صخر بس المالديف ما فيها وانا روحتها السنه الماضيه وايه وحبيتها وايد وانشالله اذا رجه ومصور حلو بنزل تقرير عنه عاد هو يحب الفعاليات مره مره

المشاركة الأصلية كتبت بواسطة مساااافر 2009
http://www.arabtravelersforum.com/tr...0/#post3282150

يعطيك العافية على هالتقرير الحلو

وصحه وعافية هالربيااااان

بغيت اٍسأل عن اللغة هي هي عائق

لانه محسوبك لاانجليزي ولا هم يحزنوون

حتى العربي اكسر فيه ....

وكم اسعار الفلل بالفور سيزون

الله يعافيك و مشكور على المرور و التعقيب :115:
وعن اللغه اتوقع ماهي عائق كبير يعني انت و مستواك ممكن تطلب مترجم و فنادق كبيره مثل الفور سيزن اكيد عندهم هالخدمه و بعد فوق هذا كله الفندق فيه عدة موظفين عرب يعني هذي شي بعد نسيت لا اقوله يوم رحنا مطعم البركات الشيف كان مصري وطلع لنا و حايانا و قال انه عازمنا على الحلو و بالفعل عطانا ايسكريم بالبقلاوه لكن شغل عددددددل :24:
و عن الاسعار فهي تعتمد مثلا في موقعهم ممكن يبتدي السعر من 800 دولار للبانقلو اللي حطيت صورهم في اخر تقرير لي و للفلل المائيه يمكن يزيد عليها 175 دولار في كل ليله و هذي الفلل المائيه اللي تواجه الشروق و طبعا يعطونه فلل الشروق المائيه وفلل الغروب المائيه و ترا من وجهة نظري ما تفرق ابد انا كنت في فلل الشروق احس انها اروع يعني طول النهار الفيلا اضاءتها عجيبه ولا تسوى الزياده و الاثنتين تلاقيهم مقابلين بعض ,, وانا رحت الفورسيزن كان فيه عرض 3 ليالي و4 مجانا :113: و هذا غير الهاف بورد يعني الاقامه تشمل فطور و عشا و تقدر تختار اي مطعم للعشا و تطلب اللي تبي مقبلات وجبه رئسيه و حلو و كله شامل الهاف بورد شفتوو دلال زي كذا :x1:

بس ان عليك ان تدفع مشروباتك ,,

المشاركة الأصلية كتبت بواسطة abutalal7777
http://www.arabtravelersforum.com/tr...9/#post3282279

مشالله تقريرك اكثر من رائع انا والدي الله يطول بعمره يعشق شي اسمه المالديف سنويا يزورها وانشالله باجر مسافر لمده عشر تيام هو واخواني بيرحون 3 فنادق ون اند اونلي وهافن فوشي والفورسيزن وانا بوصلهم باجر المطار طيارتهم الساعه سبعه صبح ............................. وهو يقول سيشل حلوه وموريشس بس وايد صخر بس المالديف ما فيها وانا روحتها السنه الماضيه وايه وحبيتها وايد وانشالله اذا رجه ومصور حلو بنزل تقرير عنه عاد هو يحب الفعاليات مره مره




يروح و يرجع بالسلامه انشالله ,,, هالمره لا يروح الا وانت معه :24:
بس اتمنى يجلس في الفورسيزن الجديد لاندا قيرفارو :24: لانه اكبر من القديم و احدث منه و شفت سياح هناك قالو انهم جاو من القديم و قالو نفس الشي بس ان الجديد اكبر والاكل ألذ :109:

عاد بانتظار باقي التقرير اختي هو يندل كل فنادق سنويا يروح لالا هو رايح اليديد ويحب ينوع لما يروح السنه اللي طافت لما سرنا ما حصلنا حجز غير في باروس بس كان حلو وهادي وتعتبر احسن جزيره في مالديق لقضاء شهر العسل وعيد الزواج حتى ممنوع يدشوها اطفال وهدوء مره يالله كملي التقرير نتريه

انا اسير وايه ام طلال قالت لالالالالالا والف لالا لانه تونا رادين من سويسرا ولدندن وما صار لنا الا اسبوع ونص ............... عاد مره الجايه ترى هما سايرن رحله شبابيه مسكين يالس يحيلني قلت له لالا رمضان ويهون على ازعل ام طلول ............................... وصدقتي بالفعل اللي يروح المالديق يعشقها عشق ماله حدود

المشاركة الأصلية كتبت بواسطة سونيتا
http://www.arabtravelersforum.com/tr...9/#post3282529

تقرير رائع ما شالله ...

عندي سؤال يالغلا بالنسبه للمساج انتي وزوجك كيف كان كل واحد بمكان ولاكيف ؟؟؟




سؤااااااااال قميييييييييييييييل ,,, مثل ما تشوفين المساج بمكان واحد بس ماحد يدري وش يدور حووله في عالم آخر ,, كل واحد راسه تحت يشوف السمك و دااايخ من المساج :106:

منتظرين البقيه

سجليني من المتابعين ...

بس ما أدري ليش الصور ماطلعت عندي في الصفحه الاولى ) :

تقرير جميل
في إنتظار التكمله !

اشكركم على المرور و انشالله اكمل لكم التقرير بس رمضان ماثر علي من قلب ,, و الصور قبل لا انزلها يبي لي اضبط مقاسها يعني شغله شوي ,, بس انشالله اكمل ,, و مادري وش سالفة الصور لان حتى انا ما قامت تطلع لي لي

نكمل التقرير (( ادري بطيت عليكم بس صدقوني في رمضان كل الجدول يتغير ))

في اليوم الثاني لنا بالمالديف كان الجدول حافل بالبرامج يعني من بروقرام للاخر وكل واحد احلى من الثاني

قعدنا من غبشه










والمنظر اللي تشوفه و انت تفطررررر





و بعد ذلك كان اول شي نسويه snorkelling الغوص على سطح البحر و التمتع بمناظر الاسماك و الشعب المرجانيه ,, و الحقيقة الواقع مع ان البحر كله قواقع الا انني لم اشارك في هذه التجربه اكتفيت بالتشجيع عن بعد ,, لاني اخاف و من خاف سلم




بس صارت قصه عجيبه ان في وحده هنديه جايه مع زوجها شهر العسل وكانت تقنعني بالنزول والتجربه وتقولي انها المره الاولي لها بعد ,, بس انا التزمت بموقفي وماهي الا دقايق بل ثواني بعد ما نزلت البحر هههههههههههههه رجعت و قالت لي الموج كان قوي وماقدرت هههههههههه ما كان من الاول ليه تسوين روحك عنتره لا وتنصحيني بعد

وهذا ما انتعله بو عبدالرحمن عشاااان السنووووكلنغ ,, يماااااااااااامي




و بعدين توجهنا لفيلتنا و استرحنا قليلا و طلبنا لنا الغدااا فالفيلا مع ذاك المنظر الاكثر من رائع و الاكل و لا اروع ,, بعد الغدا قررنا نتمشى و توجهنا الى شاطئ البحر و بالضبط الى مكان الرياضات المائية ,, يكون يمين الصوره بعد الفلل المائية





و الصراحه شفت شي ولا اروع شفت شاطئين بحر كل شاطئ يدخل في الشاطئ الثاني والسبب راس من الجزيره ينوجد ويختفي بحسب حالة المد او الجزر والصراحه شي ولا اروع




تخيل نفسك تمشي بالنص تجربه خيااااااالية ,, هذي وقت المد





و طبعا مع الفورسيزن لازم الرفاهيه ما تفارقك ابد اول ما تقعد على الكراسي و تقابل هذي المنظر ,, يهب اليك بالفوط البارده و الماي مع بخاخ مااايااا باردااااااا لووجه



و طبعا ما قدرنا نقاوم الرياضات المائيه خذنا لنا جت سكي و مشاخط بالبحر وفعلا استانسناااااااااا ,, و في شي عجبني لو تستاجر جت سكي لازم يطلع معاك واحد عشان يتاكد من سلامتك ويراقبك من بعيد لو يحصل شي بعيد الشر يكون قربك ,,,

اما المساااااااااااااااااااااااااء ,, تمنيت ان نروح رحلة صيد سمك في وقت الغروب بس للاسف ما كان في مجل وانهررررررررررت بمعنى الكلمه اهم شي كان خاطري فيه الصيد فالمالديف ,, بس قلنا لهم ان لو في اي شخص بيهون ماهو برااااااايح حطونا مكانه بليززززز



بالفعل بعد ما رجعنا لفيلتنا اتصلو علينا وقالو لنا قلطوووووووووووووو معانا برحلة الصيد ,, و فعلا تجهزنا وانطلقنا الى الدهوني عشان نطلع منه للصيد



و بعد ابحار بالسفينه لمدة 15 دقيقه الكل قط خيطه و يدعي هههههههه انه يكون اول من يصيد ,, تصورو اني اول من اهتز خيطه ههههههههههههههههه وبقوه بعد بس خفت يكون بيبي شارك هههههههههههههههه و صرخت للنجده و من قوة الهزه و السحب انجرح صبعي و هديت الخيط وطبعا هربت السمكه ,, يعني طلع الفلم كله على الفاضي

بس بعد فتره و بعد ما صاد الياباني اكثر من سمكه (( هل اليابان شاطرين بكل شي حتى السمج ))

صدت لي سمكه لا وصورتها بعد


و قالو لنا لكم 5 دقايق اخيره و بو عبدالرحمن قاط خيطه ولا صاد شي ويقولي في شي يلعب بخيطي صبري علي هههههههههه وبعد ما قالو لنا خلص الوقت
بعد ما خلصنا من رحلتنا جااو يسالوني اذا احب اكل السمكه اللي اصدتها و قلت له طبعااااااااا وابيها مشويه بعد وقاللي في اي مطعم تحبين تاكلينها او بالفيلا وطبعا اخترت الفيلا كغداء كل يوم

جا وقت العشااااااااااااا و توجهنا على طول الى مطعم الشوااءfuego grill لانه بصراحه عشا واحد كان غير كافي اطلاقا فيه لان اكله كان خياااااااااااااالي لذيذ بدرجة امتياز مع مرتبة الشرف الاولى

طلبت عصير احبه جدا و هو عباره عن اناناس مع حليب بارد pina colada



و طلبنااااااااااااا لوبستر ام الربيان مشويه و كانت عذاااااااااااااااااااااااب

اللي صايم يغض بصرررره





وللتقرير بقية ,,,

عشنا جو المالديف معاك تقرير غايه في الجمال في انتظار البيقيه

ماشاء الله تصوير حلو واسلوب اروع

وناطرين البقيه

ام عبدالرحمن تقريررررررررررر خيالي واصلي

اشكركم جميعا على التشجيع و تراه مهم جدااا بالنسبه لي عشاااااااااان جذي انتظروووني مع اليوم الاخير في فندق الفورسيزن بعد قليــــــــــــــــــــل

اكمل لكم تقريري ,,

في اليوم الاخير في هذا المنتجع كان الجو غير شكل ,, يعني بصراحه عجيب كله غيوم ,, اول ما نزلنا في مطعم البوفيه للافطار نزل علينا المطر وفجأة و كان ثقيل كانه المطر اللي بالافلام الهنديه هههههههههه

و بعد عدة دقايق وقف ولا كانه في مطر ,, صوره خذتها بعد الصوره الاولى بدقايق

الفاكهه في المالديف لها طعم غريب غير اللي ذقته هني يعني تحس ان الفاكهه فيها سوائل كثيره ,, مادري يمكن عشان بيئتهم كلها امطار و رطبه ,,,

بعد الافطار ,, انطلقنا الى رحلة مشاهدة الدلافين و اول ما وصلنا ما شفنا حد موجود سالنا قال لنا الموظف انتوو محظوظين انتم لحالكم ,, قلنا طيب خلنا ننطلق و انطلقنا في نفس المركب الدهوني ,, و قلت اجلس فوق السطح عشان اشوف الدلافين

بعدين شفت منظر قلت لازم اصوره لكم ,, البحر لونين لون فيروزي و لون غامق و السحاب فالمالديف ما يكون بعيد عن الافق دايما يكون ملاصق للبحر سبحان الخالق

قربنا من جزيره و كنت اسال عنها قالي الموظف انها جزيره تابع للفندق و انها تستخدم كجزيره خاصه لقضاء يوم كامل فيها بس ما فيها مبيت وانهم حاليا يجهزون جزيره ثانيه جديده ,,

وصورة اقرب للجزيره

مررررررر الوقت وانا انتظر الدلافين واتلووووووفت عن يمين و عن شمال والشمس صقعت راسنااا سالت اخووونا قلت له ووووووير دوولفيييييين قال still لحين ,,
وانا انتظر بعد فترة سالت قلت له ووووين قال مافي ضمان نشوفهم اييييييييييييه وين الحظ ما غير انك صكيتنا بعيييين ما نبي غيرهااا ,,,

و رجعنا الى ديارنا سالمين غانمين من غير دلافين

وهذي صورة بحرية خذتها للفلل المائية وحنا راجعين

رجعنا لفيلتنا وطلبنا الغداااااااااااا وطبعا وش ينتظرنا بالغدااااااااااااااااااااا

سمكتي اللي صدتها امس كلتها اليوووووووووووم ,, و الله خووش مثل ,, طلبنا معاها fish & chips وكان طعم الاثنين شي يعووور القلب

المشاركة الأصلية كتبت بواسطة ريناز
http://www.arabtravelersforum.com/tr...5/#post3309115

واااااااااااااااااااااااااااااااااااااااو الصراحه صورة البح عجبتي اذا تسمحيلي اخذ وحده واحطها دسك توب


بالنسبه للدلافين ماعليه ان شاء الله تروحين مره ثانيه وتشوفينهم لان منظرهم وااااايد حلو
من المتابعين وانطر البقيه




ما تغلى عليج وان بغيتيها اطرشها لج ملف بعد من غير توقيع و تحطينها دسك توب وسكرين سيرفر بعد

بعد الغدااااء اللذيذ ,, استرخينا في فيلتنا الجميله ,, وبعدين انطلقنا الى المشاركه في رحلة جديده الى زيارة قريه محلية ,, و طبعا ما ان طلبنا السياره الا و جرس الباب اليدوي يدق ويقول انا هنااااااااااااااااا هووووووووووووو

و كانت رحلتنا بعد في مركب الدهوني هههههههههههههههه اللي ما نفارقه من امس الي اليوم الين حفظنا كل اللي يشتغلون فيه

هذي صوره تبين احد افراد الطاقم و المرشد السياحي حسن ابو علي وهو من اصل مالديفي و سالته اذا كانت هذي قريته وقال ان قريته بعيد يبي لها طياره



وهذي صوره للجزيره من بعيد ,, قبل اكتشااافها




نزلنا وكانت في فقر شديد شي يعور القلب حتى شوارع ما عندهم ولا سيارات ولا حتى مكيفات يعني عايشين فالحر و الفقر وقلة الحيلة ..

قريه صغيره على جزيره في عرض البحر



وكانت فيها بيوت صغير تكاد ان تكون غرف و الناس فيها يطالعونا باستغراب , بس اغلب البنات اللي هناك متحجبات و شعبها مسلم 100% و فيها مساجد و هذي صورة لمسجد الرجال



وفي مسجد للنساء بعد بس ما كانت صورته واضح كان نص هذي المسجد ,, ب

عدين رحنا للمتحف ووووو يا لهوووي على المتحف دار صغيره و الصراحه ما دخلت له كان مكان صغير وكله اجانب خفت من افلونزا الخنازير هههههههههههه

هذي صوره للمتحف من بره




بعد ما طلعو الاجانب وقفت عن الباب وصورت هالصوره لكم





وهذي الاستراحه اللي عند باب المتحف ,, مكان ما كنت جالسه



وهذي بيت يقولون افخم بيت على الجزيره




وهذي صوره لساحل البحر من الجزيره و تقدروون تشوفون القباقب منشررررررررررررره



و كان اخر مكان نروح له محل لبيع التحف التذكاريه تشوفه ديكور و مكيف يعني للزوار من قلب و اسعاره مثل اسعار المحل اللي بالفندق تقريبا لا وراعيه كان يلاحقنا طول مدتنا وحنا نتجول بالجزيره شكله متفق مع مستر حسن ,,

اخيرا ركبنا قاربنا و توجهنا لفندقنا اللي فعلا كان شي لا يقارن بالفقر وبساطة العيش اللي يعيشونها هالناس ,,





الحمدلله على النعمه اللي حنا فيها اللي ما نقدرها الا اذا شفنا حالة اللي اقل منا

سبحان الله و بحمده عدد خلقة ورضا نفسه و زنة عرشة و مداد كلماته ......

يعطيك العافية اختي فراولة على هالتقرير
وبصراحه نظم ممتاز


بس ابي انبهك ترا الصور بالصفحه الاولى مو باينه
جربت باقي الصفحات حلوة كثير الصور

وشكرا لك ,, ومن المتابعين

يعطيك الف عاااااااافيه
ومستمرين معاك

اخواني اللي ردوا علي و شجعوووني اشكركم على التشجيع و اهديكم الجزء الاخير من تقريري المالديفي الصيفي في فندق الفورسيزن

واااااااااااااااااااااااااااااااااااو

الله يعطيج العافيه

والصراحه قاعده انطر على احر من الجمر

تحياتي

حلووووووووووووووه الصور منتظرين بنيان تري

يعطيك العافية
0
0
0
شكرا على هذا التقرير

قاعده انتظر منتجع بنيان لانه مافي احد تقريبا تكلم عنه اذا عجبني يمكن نختاره لشهر عسلنا

على فكره الصفحه الاولى الصور الي نزلتيها ماتفتح عندي موظاهره فقط الصفحه الاولى الباقي اوكي ... اذاا عندك وقت ومافيها ازعاج ومافيها تعب تنزلينها من جديد

ما شاء الله التقرير حلووووووووووووووووو
بس الصور في اول فحة موووو طالعين
و الرحلة ممتعة في رحلة الصيد و الوبستر خيالي و الفندق غالي و الجو خيالي
ان شاء الله ارووح للمالدبف باسعار رخيصة
تابعي احنا متابعين خطوة بخطوة

يعطيك العافيه بس للاسف الصور مو طالعه عندي

مشالله كل عام وانتي بيخير ..... يالله نتريه باقي التقرير بفاغ الصبر

تقرير رائع وممتاز

عسى المانع خير وين هالغيبة ؟؟


واااصلي وايد حلو تقريرج الله يسعدكم

الله يعطيج العافيه
تقرير رائع
بانتظار باقي التقرير

ودمتي بخير

مشكورين ما قصرررررررررتو الصراحه وايد اشيا شغلتني بس اعود لكم من جديد مع اخر جزء من تقريري راح اكتب لكم كل شي اليوم

وسامحوني على التاخير

وبعد طول غياااب اواصل لكم التقرير ,,

اصبحنا في اخر يوم لنا في الفورسيزن و توجهنا االى البوفيه عشااان نتريق

اولا مدخل الفيلا



اول ما ندخل الفيلا تكون على اليسار و هي تشبه الفيلا المائيه من حيث التصميم اللي يفرق مساحة الحوش او الحديقه الخارجية ,, و البركه تكون اكبر اكيد ماشالله حجمها يعني ضعف البانقلو و الفيلا المائية




الارضيه مفروشه بالرمل بس ما تخلى ,, وعشان هيك افضل الفيلا المائية






وهنا يبين البحر شلون مفروش بالرمل عكس البانقلو يعني تدفع و تلقى خدمات اكثر و شغل عدل



و اخيرا فيو من جهه اخرى معاكسه

بعدين حان موعد رحلتنا و نطلقنا بالبوت السريع الى القاعده اللي نصعد منها الى الطائرة



و وصلناااااااا وركبنا




و انطلقنا الى المطااار عشان نتجه الى وجهتنا الثانيه بنيااان تري اخترته لانه حسب تصنيفات موقع تريب ادفايسر رقم 1 و شفت الصور و حسيته مغري يعني مافيه الا فلل شاطئية حسيت انه ممكن يكون غير

اول ما وصلنا لقينا البوت السريع بانتظارنا




وبعد رحلة دامت 25 دقيقه ((الرحلة كانت غير مريحه يعني بالطاشره ما تحس بالموج و هو يلعب بالبوت مع اني توقعت ان البوت يكون امان اكثر بس الطائره اريح مليون مره )) وصلنا للمنتجع اللي كان صغير فوق ما تصورته يعني تقدر تفره مشي كله بعشر دقايق

هذي مكان ما توصل بالبوت



وهذي الممر تمشيه عشان توصل للاستقبال , يبين من الصوره كيف الجزيره صغيره ,,




اول ما وصلنا صورونا و يقولون هالصوره يعطونا اياها اذا طلعنا تذكاريه يعني ,, و قدمو لنا شراب مادري وشو ما صورته

وبعدين وصلووونا الى فيلتنا ,,,,

و اليكم الصووور

صورة داخليه للباب الخارجي




الجاكوزي و هو مغطى عن الحشرات




عند الباب فيه نوع الجره فيها ماي كل واحد يغسل قبل يدخل الفيلا و جرتنا فيها نمله غرقاااانه




اما الآن نبتــــــــــــــــدي صدمات قويه ,, اول ما دخلنا الفيلا اللي كلكم ممكن تشوفون صورها العجيبه في موقع بنيان تري تلاقي ظهر السرير على طول في وجهك ,,



وعشان اكون حقانيه صورت لكم عصير الاستقبال برتقال مخلوط مع ماي ,, الحقيقه ما قدرت اشربه



و السرير وهو مزين ,, حلاتك بس تشوفه لا تقعد عليه ,, ويص ويص ويص ,, غير مريح ابدا بالاضافه انه يوصوص هههههههههههههههه

وراح بعده المساج ابو 370 دولاااااااااار



و طبعا في هذي الاثناء قمت اقول وين حطو الشناط وين خزانة الملابس وين الكبت يا ناااااااااس ,, طلع الكبت مع دورات المياه خارج الفيلا ااا خارجي له اطلاله خارجية و انواع الحشرات و النمل
جبت شنطتي و حطيتها ورى السرير لانه المكان الوحيد فالغرفه اللي فيه متر عشان اسدح فيه شنطتي !!


نجي لدورات المياه هذي الباب داخل الفيلا يودي لدورات المياه ويبين حجم الفيلا المحبط




صورتها لكم خارجياااا ,, المرايا اللي على جنب هذي الخزانه




اقسم بالله كان اسوء يوم في حياتي كرهت نفسي و قلت ابي اهج ابي ارجع الديره
رحت وكلمت المدير العام وقلت له تصرف ابي فيلا مائيه عالاقل ما فيها حشرات هالفيلا اللي كنا فيها دااار ماهي فيلا حشا حتى الغدا طلبناه مافي طاوله ناكل فيها بالغرفه اصلا الروم سيرفس حطوه على قطعة سجاد قبال السرير قمة المأساه ,, و كلناه بره

صور متفرقه للمنتجع مع الاحباط الشديد ,, فلل شاطئية و غير مواجهه للبحر تماما مثل الفورسيزن



ما يميز هالفندق ان في الساعه 5 العصر تجي اللخمات عشان تاخذ اكلها و طبعا في شخص خاص يعطيها الاكل و شكلها يخوووف و غريب صورت لكم وهي توصل



و زادوو و ينتظرون الاكل



و ياكلونهم



في هذي الاثنااااااء رد علينا المدير وقال ممكن اساعدكم في منتجع ثاني تابع لهم ومقابلجزيرتنا بس مافيه فلل مائيه روحو شوفوه ,,بس هو 4 نجوم ههههههههههه مأساه منكر ونكير قمت اتفاهم معاه لازم حل قلت له نبات ليله و ترجعون لنا المبلغ اكثر من الف دولار بالليله على هذي الحاله لا و كانت الفيلا اللي ماخذتها ديلوكس ارفع مستوى عندهم ,, بعد المشاورات رضى و طبعا قبل لا يرضى انا سويت اتصالات و قلت ارجع دبي يعني اضيف ليله دبي ارحم بكثير من هالمكان ,,

و فعلا قدمنا رحلتنا لدبي يوم و دفعنا ليله اضافيه لفندق دبي و بعدين حسيت بالراحه و زوجي بعد ,, بس اللي صار كيف نقضي الوقت كل شي كئيب بالفندق ,, طلعنا رحلة صيد سمك عالاقل نقضي الوقت و من بعد الفورسيزن حبينا صيد السمك ,,

بوت بنيان تري حسيته احلى من الفورسيزن اللي كان الدهوني القديم ,, بس الحق ينقال الصيد في بنيان تري كان اكثر بكثير من الفور سيزن ,,
وصدت سمكه و عطيته لوحده كانت من المنتجع الثاني القريب ما صادت شي و كسرت خاطري عطيتها اياها و هم بعد كانو بيسافرون معانا دبي على نفس الطياره ,,,

صور خذيتها للغروب و يبين فيها جزيرة المنتجعين



و صورة اخرى




وبعد رحلة الصيد رجعنااا عشان نتعشا و تفاجأنا ان العشا كان منيو ثابت للي ياخذ فول بورد مافي خيار غيره و ما عجبني اطلاقا ,, طلبنا شي غيره وقالو انه غير شامل و قلنا ما عليه بس ناكل شي حلوو عالاقل و الاكل كان حلو بس مو بحلاة الفورسيزن و الحق ينقااااااااال

و بعدين رجعنا فيلتنا عشان ننام فالسرير اللي يوصوص و صوت السحالي أعوووذ بالله وانا ادعي من الله ما يجيني شي مع انهم رشو المكان كله بعد ما تذمرت عليه بس بعد في تمام الساعه 4 و النصف فجرا سمعت صوووت سحليه تغررررررد و حسيت ان قلبي بيوقف بس الحمدلله رحلة المغادره كانت الصبح وافتكينا من هالمنتجع ورحنا دبي ,, وكانت نهايه حزينه لرحلتي بس حبيت اذكرها عشان الكل يستفيد ,, وانشالله ما يجيكم ما جاااني ,,,

بصراحه صدمه قويه في بنيان تري

أنا شايفه صور له روعه

هو فيه منتجعين بنفس الاسم :

Banyan Tree Madivaru


والثاني

Banyan Tree Vabbinfaru

انت أي واحد سكنتي ؟

أذكر شفت صور له خارج الفلا فيه زي الممر خشبي تابع للفلا نفسها ياخذك على زي مطل أو بلكونه فيها قعده مباشرة على البحر بصراحه أنا أكثر ما أعجبني فيهم هي هذي الحركة هل هو موجود ؟


ويعطيك العافيه أختي

المشاركة الأصلية كتبت بواسطة 【ツ】أنا【ツ】
http://www.arabtravelersforum.com/tr...8/#post3384768

بصراحه صدمه قويه في بنيان تري

أنا شايفه صور له روعه

هو فيه منتجعين بنفس الاسم :

Banyan Tree Madivaru


والثاني

Banyan Tree Vabbinfaru

انت أي واحد سكنتي ؟

أذكر شفت صور له خارج الفلا فيه زي الممر خشبي تابع للفلا نفسها ياخذك على زي مطل أو بلكونه فيها قعده مباشرة على البحر بصراحه أنا أكثر ما أعجبني فيهم هي هذي الحركة هل هو موجود ؟


ويعطيك العافيه أختي




هلا اختي انا سكنت في
Banyan Tree Vabbinfaru اما الاول هذا خيام بس يعني اكيد بيكون الوضع العن من هذا و الممر اللي شفته خذيت هالغرفه بس مثل ما تشوفين بالصوره وين البحر و وين الممر يعني صدمه غير غير غير الصوره ,, وقلت هالكلام للمدير و سكت ما علق

المشاركة الأصلية كتبت بواسطة red strawberry
http://www.arabtravelersforum.com/tr...8/#post3382938

و اليكم الصووور

صورة داخليه للباب الخارجي




الجاكوزي و هو مغطى عن الحشرات




عند الباب فيه نوع الجره فيها ماي كل واحد يغسل قبل يدخل الفيلا و جرتنا فيها نمله غرقاااانه




اما الآن نبتــــــــــــــــدي صدمات قويه ,, اول ما دخلنا الفيلا اللي كلكم ممكن تشوفون صورها العجيبه في موقع بنيان تري تلاقي ظهر السرير على طول في وجهك ,,



وعشان اكون حقانيه صورت لكم عصير الاستقبال برتقال مخلوط مع ماي ,, الحقيقه ما قدرت اشربه



و السرير وهو مزين ,, حلاتك بس تشوفه لا تقعد عليه ,, ويص ويص ويص ,, غير مريح ابدا بالاضافه انه يوصوص هههههههههههههههه

وراح بعده المساج ابو 370 دولاااااااااار



و طبعا في هذي الاثناء قمت اقول وين حطو الشناط وين خزانة الملابس وين الكبت يا ناااااااااس ,, طلع الكبت مع دورات المياه خارج الفيلا ااا خارجي له اطلاله خارجية و انواع الحشرات و النمل
جبت شنطتي و حطيتها ورى السرير لانه المكان الوحيد فالغرفه اللي فيه متر عشان اسدح فيه شنطتي !!


نجي لدورات المياه هذي الباب داخل الفيلا يودي لدورات المياه ويبين حجم الفيلا المحبط




صورتها لكم خارجياااا ,, المرايا اللي على جنب هذي الخزانه




اقسم بالله كان اسوء يوم في حياتي كرهت نفسي و قلت ابي اهج ابي ارجع الديره
رحت وكلمت المدير العام وقلت له تصرف ابي فيلا مائيه عالاقل ما فيها حشرات هالفيلا اللي كنا فيها دااار ماهي فيلا حشا حتى الغدا طلبناه مافي طاوله ناكل فيها بالغرفه اصلا الروم سيرفس حطوه على قطعة سجاد قبال السرير قمة المأساه ,, و كلناه بره

صور متفرقه للمنتجع مع الاحباط الشديد ,, فلل شاطئية و غير مواجهه للبحر تماما مثل الفورسيزن



ما يميز هالفندق ان في الساعه 5 العصر تجي اللخمات عشان تاخذ اكلها و طبعا في شخص خاص يعطيها الاكل و شكلها يخوووف و غريب صورت لكم وهي توصل



و زادوو و ينتظرون الاكل



و ياكلونهم



في هذي الاثنااااااء رد علينا المدير وقال ممكن اساعدكم في منتجع ثاني تابع لهم ومقابلجزيرتنا بس مافيه فلل مائيه روحو شوفوه ,,بس هو 4 نجوم ههههههههههه مأساه منكر ونكير قمت اتفاهم معاه لازم حل قلت له نبات ليله و ترجعون لنا المبلغ اكثر من الف دولار بالليله على هذي الحاله لا و كانت الفيلا اللي ماخذتها ديلوكس ارفع مستوى عندهم ,, بعد المشاورات رضى و طبعا قبل لا يرضى انا سويت اتصالات و قلت ارجع دبي يعني اضيف ليله دبي ارحم بكثير من هالمكان ,,

و فعلا قدمنا رحلتنا لدبي يوم و دفعنا ليله اضافيه لفندق دبي و بعدين حسيت بالراحه و زوجي بعد ,, بس اللي صار كيف نقضي الوقت كل شي كئيب بالفندق ,, طلعنا رحلة صيد سمك عالاقل نقضي الوقت و من بعد الفورسيزن حبينا صيد السمك ,,

بوت بنيان تري حسيته احلى من الفورسيزن اللي كان الدهوني القديم ,, بس الحق ينقال الصيد في بنيان تري كان اكثر بكثير من الفور سيزن ,,
وصدت سمكه و عطيته لوحده كانت من المنتجع الثاني القريب ما صادت شي و كسرت خاطري عطيتها اياها و هم بعد كانو بيسافرون معانا دبي على نفس الطياره ,,,

صور خذيتها للغروب و يبين فيها جزيرة المنتجعين



و صورة اخرى




وبعد رحلة الصيد رجعنااا عشان نتعشا و تفاجأنا ان العشا كان منيو ثابت للي ياخذ فول بورد مافي خيار غيره و ما عجبني اطلاقا ,, طلبنا شي غيره وقالو انه غير شامل و قلنا ما عليه بس ناكل شي حلوو عالاقل و الاكل كان حلو بس مو بحلاة الفورسيزن و الحق ينقااااااااال

و بعدين رجعنا فيلتنا عشان ننام فالسرير اللي يوصوص و صوت السحالي أعوووذ بالله وانا ادعي من الله ما يجيني شي مع انهم رشو المكان كله بعد ما تذمرت عليه بس بعد في تمام الساعه 4 و النصف فجرا سمعت صوووت سحليه تغررررررد و حسيت ان قلبي بيوقف بس الحمدلله رحلة المغادره كانت الصبح وافتكينا من هالمنتجع ورحنا دبي ,, وكانت نهايه حزينه لرحلتي بس حبيت اذكرها عشان الكل يستفيد ,, وانشالله ما يجيكم ما جاااني ,,,



ههههههههههههههههههههههههههه اول مره اسمع سحليه تغرد !!

اختي طيحتي اسهم البنيان تري في الحضيض ههههههه ماظن احد يفكر يروح هناك الا اللي خاطره يقابل السحليه خخخخ بس خساره المفروض تصورينها
p:

اشوا انج استانستي في الفورسيزن واظن لو رايحه البنيان تري قبل الفورسيزن كنتي مابتحسين انه سيىء الى هالدرجه خخخخ


ماتعرف قديري الا اذا جربت غيري مقيوله

تسلمين على التقرير الحلو

ابي اعتذر لجميع اللي وصلو التقرير و لا شافو صور الصفحة الاولي ,, بالفعل كنت بارجع انزل صور التقرير لاني مسحت الصور من البوم الصور ولا كنت ادري ان الصور تروح معاها بس للاسف الصور مسحتها من الكاميرا معتمده ان الصور موجوده فالكمبيوتر و سويت له فورمات و راحو
اكرر اعتذاري وانشالله الصور والرحلات جايه و خيرها بغيرها

تقرير رااااائع

المشاركة الأصلية كتبت بواسطة لعبة الأيام
http://www.arabtravelersforum.com/tr...1/#post3670611

تقرير رااااائع



شكرا و الاروع مرورك

تقرير روعه ومعلومات ولا اروع

ما طلعت معي الصور ؟

المشاركة الأصلية كتبت بواسطة waleed8818
http://www.arabtravelersforum.com/tr...4/#post3684964

تقرير روعه ومعلومات ولا اروع

ما طلعت معي الصور ؟



بالنسبه للصفحه الاولى انا حذفت الفايل بالخطا و راحت الصور و ماهي موجوده عندي للاسف و اللي تابع تقريري من بدايته اكيد شاف كل الصور اما لباقي الصفحات في مشكله في المنتدى كله مع الصور ما عليه يمكن تنحل وترجع الصور و انشالله تستفيد و اي استفسار حاضرين

تقرير رائع والفندق راقي جدا
الله يهنيكم وتعيدونها من دون سحالي


سلمت يداك

المشاركة الأصلية كتبت بواسطة basbosah1
http://www.arabtravelersforum.com/tr...0/#post3692190

تقرير رائع والفندق راقي جدا

الله يهنيكم وتعيدونها من دون سحالي

سلمت يداك

اشكر مرورج اختي الغاليه