السلام عليكم ورحمة الله وبركاته
عــــــودة بعد غياب طويل وغير مقصود
الجزء هذا راح يتكلم عن مكان ممتع جداً جداً للأطفال على أنه صغير بس فيه أقسام حلوه ، وللكبار اللي يحبون يدققون فالتفاصيل وكيف تكونت هذي النماذج راح يعجبهم كثييييير ، مع أن ماكنا منتشجعين بس قررت نزوره لأن محد ذكر هالمكان فالمنتدى ، ولقيت بروشوره في ( سي لايف ) كانوا يوزعونه عند شباك التذاكر فقررنا نزوره ونكتشف .
المكان يقع في منطقة دويسبرق وبالسيارة تاخذون تقريباً 45 دقيقة ، لكن يعيبه عند وجود الباركات القريبة منه ، توقفون بعيد شوي وتاخذونها مشي لحد هذا المكان .
بسم الله نبدأ :
بعد ماوقفنا السيارة ومشينا للجهة المقصودة مرينا على
وشفنا اللافتة اللي توضح الإتجاه للوجه المقصودة ، واعتقد عرفتوا احنا وين رايحين
مجسمعات عند البوابة الرئيسية
المدخل الرئيسي
عند شباك التذاكر
بداية الجولــــــــة
قاعة كلها مجسمات مصغرة عن معالم مهمة وأحلى شي ان المكان يظلم وتنو الأجسام عشان تشوفونها كيف فالليل والنهار
بعد هالجولة ننتقل لقسم الإستوديو أو سينما ال4D ، روووعه وأحلى شي فالمكان وكل تأثيرهات الفلم تحسون فيها ، وقت الماي يرشون عليكم ماي و وقت الثلج والبرد تحسون بهوا بارد وتنزل عليكم رغوة عساس أنها ثلج ........ إلخ
بعد ماينتهي الفلــــم ومدته 15 دقيقة فقط ، نطلع على قاعة المجسمات للتصوير
باتمــــــان
الكنيسة اللي مدينة كولون ( الدوم )
شخصيات فلم هاري بوتر
آينشتاين ( نفس المجسم موجود في ملاهي ليقو لاند القريبة من ميونخ )
بعدها نروح في جولة داخل قصر الأميرة ، الجولة قصيرة بس حلوه وتبين لنا الحياة شلون كانت في العصور القديمة مع إضافات بعض التأثيرات اللي تخلي الجولة ممتعة ، وللأسف ماقدرت أصور أكثر لان التصوير ممنوع
بعدين انتقلنا لقسم المصنع ، نشوف شلون يصنعون قطعة الليقووو ، وهذي بوابة الإنتظار وفيها توقيت للعد التنازلي عشان تفتح البوابة
على يمين البواية ، ونفس هالأركان موزعة في كل مكان عشان الأطفال مايملون الإنتظار مع أن الإنتظار بسيط وماتحسون بالوقت
وعلى يسار البوابة
داخل المصنع
وبعد نهاية الجولة يقدمون للأطفال اللي مشاركين فيها قطعة ليقوو مختومه بختم المصنع إثبات انهم زاروا المصنع
بعد جولة المصنع ننتقل مباشرة حق قسم البحر والقراصنة وحق هالقسم يعطونكم ( كوين ) عشان تلعبون لمرة وحده بس
هذي السفن الشراعية اللي تلعبون فيها
بعدها وآخر جولة ننتقل لقسم الأدغال والمكان يتكون من دورين بس مشكلته مظلم والصور والفلاش ظالمه المكان ، بس المكان روعه ومسوينه بطريقة متقنة
ضفادع تتحرق وتولع فالظلام
بحيرة كلها تماسيح
قسم فيه اهم الألعاب اللي انتجها المصنع من أول إنشائه
طاولات مخصصة للعب ومنتشرة بكثرة
بعدها ننزل على قسم الألعاب والمطعم وللأسف الألعاب ماقدرت أصورها
وصلنا للمطعم وكل الصور اللي بحطها موجوده في قسم المطعم
وأخيراااااااااااااااااا محل التسوق صغير بس حلوووو ومن الزحمه ماقدرت اصور لكم أكثر من هالصورة
بعدها قررنا نركب هالوزات بس للأسف كانوا صاكين ومكانها بالضبط بالضبط على يمين الليقو لاند وتروحون لها مشي ومايحتاج تقطعون الشارع لأنها على نفس الرصيف
صورة أخيرة لزرافة الليقو لاند
----------------------------
انتهت جولتنا عند هالصورة ، وبما أن احنا في دويسبرق وانا دايماً اسمع عن ايكيا بس مادخلته ولا مره قررت ادخل اللي في المانيا ، وافرعه منتشره بكثرة بس اخترنا فرع دويسبرق ، وكان اختيار موافق
طبعاً وقت التسوق مافي تصوير
---------------------------
تابعوني في جزء قادم ، وعلى فكرة قرب التقريــــــر يخلص للأسف
وحيدة اهلها :
إن شاء الله ربي يسمع منك واكتب عن سفراتي الجايه
مشكورة حبيبتي عالتعليق والحمدلله دخلتوا جو معاي
لأن هذا اللي كنت أبي أوصل له من خلال هالتقرير ومن خلال
الوقت اللي ضاع فالتصوير وكثرة التوقف وانا مسافرة
كابرون :
لا والله مارحنا البر ولا شفته
وجزء بلجيكا نزلته بش شكلك مب متابعنا عدل
yas599 :
الله يسلمك أخوي ، وعن الأسعار انا ذكرت من أول التقرير
أني مراح اكتب الاسعار لان كان صعب علي ادون واصور
وزوجي كان هو اللي يدفع فلما اسأله يقول مش متذكر
وعن تستاهل ولا ماتستاهل بالنشبه لي استمتعنا فيها
فحسيتها تستاهل المشوار ، وتراها مو بعيد تقريبا ساعه
او أقل اشوي .
انت اذا عندك اطفال تستهويهم هذي الأشياء ويحبون يتفحصون
ويشوفون ومايملون خذهم لهالمكان ، لكن اذا مايحبون لاتتعنى
وتروح له ، او خله اخر شي بعد ماتنتهي من الاماكن السياحيه
المهمه وصار عندك وقت روح له ، احنا هالشكل سوينا
NoOnEe :
العفو حبيبتي مروركم ومتابعتكم هي المميزة
بخصوص الموفي بارك هي مدينة ملاهي فيها قسم يصلح للصغار والكبار
وقسم ثاني خاص بالكبار فيه ألعاب خطره
بالإضافة إلى محلات تسوق خاصة بشخصيات الموفي بارك
وبالإضافه إلى استديوهات تبين لكم شلون يصورون الأفلام ، توصير حي ومباشر
كل اللي عليكم تسونه اول ماتدخلون تطلبون بروشور لوقت هالعروض عشان
مايضيع عليكم الوقت وانتوا تلعبون وتروح عليكم هالعروض
فالنهاية أنصحج بزيارتها هي وفانتازيا لاند
هذا الجزء قصير وبيتكلم عن منطقتين الأولى في ألمانيا والثانية في هولندا
اليوم الأول كان خاص بالتسوق وزرنا ( الكافهوف + كرشتاد + سي آند أي ) يصيرون في نهاية شارع الملوك تقطعون شارع رئيسي وتنتقلون حق منطقة ثانية فيها هالأسواق الكبيرة ، تقريباً مشي من بداية شارع الملوك لين هذي المحلات تاخذون نص ساعه .
طبعا وقت التسوق مافي تصوير الكل لاهي
بعد ماخلصنا من التسوق وبدا الجوع ينتصر علينا وهذي صور بسيطة منها .
وعلى طول على أقرب مطعم فاتح
هذا اسم المحل وصورة للشارع الحيوي بعد مانام
--------------------------------------
الجزء القادم عن مدينة فينلو الهولنديه
ساسو :
اللاب توب لقيناه الحمدلله ، طلع سواق التاكسي امين ورجعه ثاني يوم للفندق
uae_good_man :مثل ماذدكر اللاب توب لقيناه
ورقم السايق ماتحتاجه دام معاك النفيقيشن + السياره المستأجرة
المسافر-1 :
وفيك يارب
كابرون 1 :
جاري إكمال الموضوع هههههه
مابقى الا جزء بسيط وتوديع لألمانيا على
أمل اللقاء في أقرب وقت إن شاء الله
anoos :الله يعافيك يارب ، مروركم وطلتكم وتشجيعكم هم الأروع
مســـــــــاء الخيـــــر عالجميـــــــــع
ومســـــــــاء الخير على جزء ( هولنـــــــدا )
بالتحديد ( دان هاق + شاطيء شخيفنينجن )
قبل كل شي اللي حابين يزورون هالمنطقه لازم ينامون فيها لان الطريق طويل وبيضيع اليوم كله فالطريق فما يسوى تتعبون على نص يوم + لو تحبون البحر وراح تسبحون فيه تعنوا للمنطقه اما غيره ماأنصحكم .
والمنطقه يغلب عليها طابع المدينة الحديثة الصناعية بعكس المدن الهولندية اللي على حدود المانيا فهذي بيكون فيها شبه كبير من المدن الألمانيه
بالعربي انا ماحبيتها وايد وكان الجو حار والطريق متعب وزحمه هههه يمكن هذي الأسباب اللي خلتني ماأحب المنطقه
بس خلنا مع الصور واحكموا والناس أذواق
صـــــور من الطريق وبعض المناظر الحلوه والخضرة اللي تفتح النفس وهونت علينا تعب الطريق والحر
وصلنا دان هــــــاق ولاحظوا شكل المباني الحديثه وشلون الشوارع خاليه وكئيبة والعالم في اشغالها ، كان نص الاسبوع بس الدنيا ميته وهذا اللي سبب لنا إحباط أكثر ، كل هالمسافه وندخل مكان كأنه مهجور
وفجأه لقينا منطقه كلها بوابات صينيه وزينه صينيه وفيها حركة خفيفة واتضح انها منطقة الاسواق عندهم
هذا الشارع كله مباني بهالطريقه وهي اسواق ، من برع ماتشجع وكئيبه بس من داخل بضاعه ولا اروع عموماً لاحظت سوق هولندا أحلى وأغلى من سوق المانيا
قررنا نطلع من السنتــــر ونروح للبحر يمكن تعتدل النفسه اشوي
الأخت العزيزة / روح المسك و الاخوة الاعزاء الاعضاء،
بعد يومين را ح أكون بأذن الله تعالى في ديسلدورف أنا وعائلتي و ذلك لمدة ستة ليالي تقريبا , بس ولغاية الحين ما أنهيت برنامجي هناك ، وذلك بسبب تنوع البرامج السياحية ، واهم سؤال لي هو متى مدن الالعاب والملاهي هذي تغلق أبوابها للزوار بحيث يتم مغادرتها :
- موفي بارك
- فنتازيا لاند
- ليجو لاند
اتمنى ممن لديه أي معلومة بهذه الخصوص أن يفيدنا بالاجابة بأسره وقت.
أحترااااماتي
مالك شبيه
المفضلات