+ الرد على الموضوع
صفحة 1 من 4 123 ... الأخيرةالأخيرة
النتائج 1 إلى 60 من 232

الموضوع: تقرير دوسلدوورف وماحولها م تقرير

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    تقرير دوسلدوورف وماحولها م تقرير


    بســم الله الرحمــن الرحيــم



    مثل ماهو واضح من العنوان إن التقرير راح يتكلم عن سفرتنا خلال صيف 2010 م ( لدووسلدورف والمناطق والبلدان اللي حولها ) بعد مشاورات كثيره بين السكن في كولون أو دووسلدورف استقرينا على الأخيره ، وبعد مشاورات كثيرة بين ميونخ وبين دووسلدورف استقرينا على الأخيرة ولسبب واحد ان في صيف 2007 م زرنا ميونخ والمناطق والبلدان القريبة منها ، والحمدلله اختيارنا خلانا نطلع بسفرة حلوة وموفقة من جميع النواحي .
    والأكيد التخطيط للسفرة يبتدي من منتدى العرب المسافرون وقوقل وغيرها من المنتديات ، وبعد ماستقرينا بلشنا بالحجز قبل السفره بشهر والحمدلله كل شي كان تمام اللهم الفندق كنا نبي في الإنتر كونتيننتال بس مالقينا طول مدة السفرة فاستقرينا على الهوليدي إن .
    راح احط لكم المختصر الخاص بالحجوزات :
    منطقة السكن : دووسلدورف duesseldorf .
    اسم الفندق : هوليدي إن سيتي سنتر Holiday Innduesseldorf city centre koenigsallee .
    الخطوط : الإماراتيـــــة .
    مسار الرحلة : الدوحة - دبي - دووسلدورف - دبي - الدوحة .
    التاريخ : 21/7/2010 م حتى 9/8/2010 م نوصل قطر : 10/8/2010 م
    وقت الإقلاع :9:45 صباحاً بتوقيت قطر ، وقت الوصول : 7:30 مساءاً بتوقيت دووسلدورف .
    وقت العودة : 3:00 عصراً بتوقيت دووسلدورف ، وقت الوصول : 2:30 فجراً بتوقيت قطر .
    بسم الله نبدأ تقريرنا لدووسلدورف

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    رجعنـــــــــــــــــــــــــا

    البداية كانت في مطار الدوحة الدولي سوينا التشك إن وعلى طول رحنا على صالة الإنتظار ، وماقدرت أخذ الا صورة 1 ، والقاعة حلوة وهادية بس تبقى الصالات اللي في مبنى القطرية الخاص بالدرجة الأولى والبزنس أحلى وأشرح وفيها خدمات أكثر


    وبعدها رحنا للبوابة عشان تبتدي رحلتنا إلى دبي ، والحمدلله كانت رحلة خفيفة وموفقة وماعانينا من شي اللهم ضيق الكراسي ، طول مدة سفرتنا من إلى كانت الطيارات صح كبيرة بس الكراسي ضييييقة للأسف اللي هي اصغر حجم .
    وهنا أول ماوصلنا مطار دبي بتلقون خدمة عربات الأطفال في كل مكان ومجاناً وتسلمونها عند باب الطيارة أو في الأماكن المخصصة لها

    طبعاً مطار دبي كبير وحلو وفيه خدمات لاتعد ولا تحصى ، من أروع المطارات ، ونزلت طيارتنا عند المبنى الجديد وانطلقنا لصالة الإنتظار وكانت ماشاء الله كبييييره ومليانه ناس وفيها خدمات حلوووه بس عيبها الحررررر لانها مفتوحه من كل مكان على الدور الأول + ان الزجاج منفذ سهل وقوي للشمس فكانت حاااااره بشكل لايطاق ويالله لقينا فتحات تكييف وقعدنا تحتها ، ومن الزحمه ماقدرت اصور الا صورتييين لكن هالصورتين ظالمين جمال الصالة


    وبعدين حان وقت الإنطلاق إلى

    عن طريق الخطوط الجوية الإماراتية

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    صـــــــور من داخـــــــــل الطيـــــــارة


    وزعوا علينا هالعلبه وفيها لزقات تتلزق عالكرسي بالشي اللي تبونه ومجرد يشوفه المضيف بيعرف إيش المطلوب منه مع قناع العين الخاص بالنوم

    بسم الله بلشنا رحلتنا

    وهذي وجبة الغداء مع السويت


    وطبعاً طول مدة السفرة قضيناها مع الأفلام والبعض بالنوم والبعض مع الألعاب والرسوم المتحركة

    ترى الفلم حلو ويصيح
    ومازلنا ننتظر وقت الوصول بالسلامة

    الحمدلله هانـــــــــــــــــت


    ------------------------------------------

    وبكـــــرة اكمــــل لكم البـــاقــــــي

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    ماشاالله من البدايه مبين عليه تقرير راقي

    متابعه لاني احب ديسلدورف هالمدينه الراقيه

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    ماشاء الله بداية رائعه ومررررتبـه

    بأنتظار باقي التقرير وياليت تستعجل لان سفرتي لديسلدورف باقي عليها ايام
    وابي استفيد من تجربتك

    خالص التقدير

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    النوري q :
    نورتينا حبيبتي النوري وخلج متابعه
    وإن شاء الله تلقين اللي يعجبج في التقرير

    الرحال السعودي :
    نورت اخوي ، وانا بحاول انزل جزء كل يوم وإن شاء
    الله تكون هالأجزاء مفيدة لك وتنفعك في سفرتك

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    حسن الحمادي 1 :

    مشكور اخوي عالمتابعة ويعطيك العافيه
    نورتنااااااااا

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    متابعين بشغف ..
    بصراحة انا متحمسة .. وفي انتظار البقية


    والحمدلله على السلامة

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    متااااااااااابع


    وتقرير مشووووق للغاية ...

    الحمدلله ع السلامه

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    متابعين
    ياليت تكلم التقرررررير

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    نور دبي :
    الله يسلمك حبيبتي وشكراً عالمتابعة

    الرحال السعودي :
    شاكره لك متابعتك واهتمامك
    بس امس كان في مشكلة وماقدرت انزل الجزء الثاني
    إن شاء الله اليوم بنزل الجزء الثاني

    اسير السعودية :
    منووور اخوي
    والله يسلمك

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اليـــوم الثـــاني ( اكتشاف اشهر الأماكن الموجودة في دووسلدورف وتكون مزدحمه بالسياح واهل البلد )


    فالبدايه أول شي سويناه قبل مانطلع من الفندق ، سألنا الرسبشن عن اللاب توب اللي نسيناه في التاكسي وللأسف مافي خبر ، بس بيني وبين نفسي حاسه انه بيرجع وان ربي مراح يخيب ظني ، فتوكلنا على الله وبدينا يومنا .

    هنا حديقة صغيرة تعتبر نقطة عبور عشان توصلون لشارع الملوك وهي موجوده بالضبط جدام الفندق ، او ممكن تطلعون من الفندق وتروحون يمين واول إشارة تصادفكم تلفون يسار وبتلقون نفسكم في شارع الملوك .




    فطلعنا من الفندق ورحنا حق محل تأجير السيارات AVIS عشان نستلم السيارة وقالوا لنا جايين بدري والسيارة للحين ماوصلت فتعالوا عالساعة 1 الظهر .

    هذي صور من الطريق لمحل التأجير



    ولو تدققون بتشوفون علامة محل التأجير باللون الأحمر




    ولما شفنا باقي 3 ساعات على وقت استلام السيارة قررنا نروح المدينة القديمة مروراً بشارع الملوك ، وواضح من العلامات اللي فالصورة ، المدينة القديمة ( آلتشتاد ) وشارع الملوك ( كونقس آلي )




    وهذي البحيره اللي تتوسط شارع الملووك وعلى يمينها ويساراها المحلات والمطاعم والمجمعات التجارية وفندق الإنتر والبنوك ، بس المحلات والمطاعم تصير على جهه وهي اللي يكون فيها الحركه وزحمة الناس والجهة الثانية فيها البنوك وغيرها من المباني وفندق الأنتر




    وهنا وصلنا المدينة القديمة ، واحنا دخلنا لها من جهة الاكشاك ( هالمكان روعه ويفتح النفس ) وفيه كل شي حلو وغريب واهم شي الورود والفواكه الطازجه ، والمخابز واللحوم والمطاعم .




    واترككم مع الصور الخاصة بأكشاك البيع











    صابوووووون وأدوات العناية بالجسم



    حلوياااااات وكيك وبساتيييك أشكال وألوان



    حفر على الخشب وادوات ثانية مصنوعة من الخشب بمهاره





    مكسراااااااااات



    واحنا نتمشى ومازلنا في منطقة الاكشاك شمينا ريحة بهارات هنديه قويه ، فقلنا أكيد هالريحه طالعه من مطعم هندي ، وفعلاً في عربه تبيع الأكل الهندي بس ماجربنا الأكل عندهم لان المكان زحمه على طووووووول وخذت هالصوره في آخر يوم لنا في دوسلدورف وكان المحل فاضي لأنهم قربوا يصكرون



    -----------------------------

    ومع هالجزء تنتهي جولتنا في منطقة الاكشاك وبندخل على المدينة القديمه ، مع العلم انهم جنب بعض وانتوا فالاكشاك تشوفون المدينة القديمة وماتدخل السيايير في هالمنطقة فقط للمشاه

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    وهالصور بتوضح لكم المدينة القديمة ( عباره عن مدينة كبيرة وفيها ممرات وتفرعات كثيره وتتميز بوجود المطاعم والمقاهي بكثرررررة وفيها طبعاً الحانات وبكثره ( الله يهديهم ) وفيها محلات للتسوق ، يعني مكان رووعه وكل يوم راح تكتشفون فيها شي حلووو وجديد وفعلاً على مدح الأعضاء في تقاريرهم المنطقه وايد حلوه وشرحه وفيها حياه وناس .
    بس تجنبوها فالويك إند من بعد الساعة 10 ونص فالليل ، لكن فالايام العاديه نقعد فيها لين الساعة 11 او 11 ونص بالليل .
    وللأمانة الصور ظالمه المكان لأن حلاته هالمكان تشوفونه عالطبيعه ، وعلى كثر مانروحها مازهقنا منها .












    هذي 3 مطاعم لبنانية جنب بعــــض



    وهذا سوبر ماركت مفتوح 24 ساعة ومنتشر بكثرة في المانيا ، وهنا موقعه عند الاكشاك



    -------------------------------------

    بعد اشوي بنطلع على منطقة النهر ( للعلم مازلنا في اليوم الثاني وكان الجوو روعه براد ومطر )

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    من خلال المنطقة القديمة تطلعون على النهر ، وفي جزئيين للتمشي عند النهر ، المنطقه اللي فووق وتكون بس للتمشي ومافيها مطاعم ، والمنطقه اللي تحت هذي اللي يكون الكورنيش فيها ملاصق للنهر ومرسى العبارات وهالمنطقه مليانه مطاعم بس مافيها مطاعم عربية

    نشوف الجزء اللي فوق








    هذي المنطقة اللي تنزلون لها بالدرج وملاصقة للنهر






    واااااو وناسه ملاهي عالجهه الثانية من النهر وكانت موجودة من تاريخ ( 17/7 حتى 25/7 ) وأكيد زرناها وبحط لكم صورها فالأجزاء الجاية )




    وأحلى شي تشوفون كل وسائل المواصلات في نفس الوقت ( السيارات والقطار عالجسر ) والطيارات وقت الإقلاع والهبووط ، والنهر والعبارات اللي فيها ، منظظظر حلوو كل شي فيه يشد الإنتبااه



    بعدها رجعنا مره ثانية للمنطقة القديمة عشان نتغدى غدا خفيف ونروح نستلم السيارة ، واخترنا ناكل في مطعم لبناني وهو موجود من ضمن ال3 مطاعم اللي حطيت صورتهم فوق ، ونظامه تختارون الأكل وهلب يوور سلف اما الباقي لا تطلبون بالمنيوو والأكل يوصلكم لحد الطاوله .









    وبعد هالغدوه الخفيفه طلعنا من المنطقة القديمة ورحنا نستلم السيارة ، وخذت لكم صور سريعه لمحل حلويات جنب المطعم اللبناني ، ومشهوره هالماركة في المانيا وعجبتني الحركات اللي مسوينها وطريقة العرض وللعلم للبيع بعد مش بس للعرض وكنوع دعاية للمحل .






    والحمدلله استلمنا السيارة وخذنا جولة في شوارع دووسلدورف وكانت جوله فيها 100 غلطه ويبلشونا واحنا نشتري الكرسي ، بس غيره ماصارت لنا اي مشكله معاهم .

    المهم بعد ماستلمنا السياره وشفنا الأغلاط قامت تزيد رجعنا باركات الفندق وخليناها ترتاح هههههه وقلنا بنطلع فيها للمسافات الطويله اما داخل دووسلدورف مراح نحتاجها ، بس بعد التمكن استخدمناها داخل دووسلدورف وخارجها وصارت رفيقتنا في كل مكان مع ملاحظة ( ان كل المناطق اللي زرناها السواقه في شوارعها سهله اللهم دووسلدورف اشوي يبيلها تركيز وبلجيكا يبيلها تركيز من كل اللي فالسياره لأن مافي التزام بقواعد المرور وكل واحد يطلع في ويه الثاني والإشارة تكون حمره وعادي يمشون )
    فالنهاية انصحكم وبشدة بتأجير سيارة ولا تفوتون متعة هالشي .

    وطلعنا من الفندق ورحنا جهة فندق ( شتايقنبرغر ) عشان نروح الحديقة ، ولو تتطلعون على تقارير الأعضاء بتلقون المنقطة جدام الفندق حلوة ومرتبة بس احنا يوم رحنا شفناها بهالصورة



    وهذي صور للحديقة ، بس للأسف نسينا ناخذ أكل للبط لكن رجعنا لها كذا مره بعديين وأكلنا البط






    ومن الحديقة رجعنا لشارع الملوك مره ثانيه عشان نتسوق ورحنا KO جاليري مجمع صغير وفيه سوبر ماركت تحت وكانت هذي مشترياتنا ، اهم شي النوتيلا



    وطول ماانتوا تتمشون في شوارع دووسلدورف بتلقون المحلات المتخصصه بالأدوات المنزليه والمطبخ موجوده بكثره وكل محل عنده اشياء احلى من المحل الثاني






    ولما ظلم الوقت قررنا نرجع للمدينة القديمة عشان نتعشى ونرجع الفندق نرتاح ، وهذي صور من الطريق للمدينة القديمة ، وبعد وقع اختيارنا على مطعم لبناني غدا وعشا مع العلم ان المطعم يصير واحد من المطاعم ال3 اللي ذكرتهم فوق










    وهذي صورة ليلية للمدينة القديمة ( ياحلاتها فالليل )



    وفالطريق للفندق شفت مطعم القرود ( ذكرته إحدى العضوات في سفرتها لدووسلدورف ومدحت اكله بس احنا ماجربناه محد تشجع بس انا كنت متشجعه لكن للأسف ماجربته ) وقريب من فندقنا ، بس تطلعون من بوابة الفندق راح تشوفون عماره عاليسار طويله وكلها زجاج ، المطعم يصير وراها بالضبط في بناية لونها أبيض .




    ---------------------------------

    ونشوفكم بكرة إن شاء الله في الجزء الخاص باليوم الثالث

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    تقرير مميز جدا ..


    بس اسمحيلي انقل الموضوع لواجهة البوابة لان هنا ماراح احد ينتبه له *

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    حمدلله على السلامة






    جلســــة ثانية ( والباب اللي ظاهر فالصورة ) يوديكم على حمام السباحة + الباركات رقم 2 وتسخدمون الأصنصير للوصول لها + الغرف ( اعتقد الغرف في هالقسم كبيره او يمكن سويتات )



    الباب الموجود في الصورة يودي على غرف الستاندرد
    نحن كنا حاجزين غرفة سوبرير دبل ويوم و صلنا قالوا لنا انهم يعملون تجديدات بالفندق وما شي غرف فاضية و عطونا غرفة ستاندرد

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    qatar3333 :يعطيك العافيه وتسلم عالمرور والكلام المشجع

    mzoon :اخذي راحتج مشرفتنا المهم يكون في مكان يستفيدون
    منه كل الأعضاء ، ونورتينا بطلتك الحلوة

    macintosh1984 :مشكور عالمتابعة ، ونفس الجولة احنا رحناها
    بس من غير فرانكفوورت ، وفعلا كانت سفرة
    حلوووة وللحين اتخيل نفسي في دووسلدورف

    الرحال السعودي :الله يوفقك في سفرتك اخوي
    وإن شاء الله تستانسون

    جواهر-uae :اهاااا ، مشكوره عالتوضيح حبيبتي
    بس حسيت الممرات في هذي الجهه
    اشوي تجيب الضيقه وغير شرحه
    تسلمين عالمرور

    شاي عاقد :فعلاً دووسلدورف حلوه واللي محليها وقوعها
    بين عدة مناطق ومدن رووووعه ، وكثير
    أماكن سياحية قريبة عليهاااااااا

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    مشالله تقرير روعه
    متابعه لج

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    سميتك غلاي :
    مرورك الأروع عزيزتي
    وشكراً عالمتابعة

    ali_q8_77 :شكراً عالمتابعة مشرفنا
    وإن شاء الله أحاول أخلص التقرير
    في أسرع وقت عشان الكل يستفيد

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اليــــــوم الثالــــــــث ( مازلنا نتمشى في دووسلدورف )


    طلعنا من الفندق عالساعة 12 الظهر ورحنا نتسوق في ( الكافهوف ) هالمحل مشهور ولازم في كل منطقه موجود وفالمنطقه الوحده تلقون فيها من فرعين إلى 3 أفرع لهالمحل ، وفي دووسلدورف اللي انا شفتهم وقريب على فندقنا هم 3 أفرع واكييد في أكثر من هالعدد .
    اللي احنا رحنا له يعتبر قريب على فندقنا ( مجرد ماتطلعون من البوابة الرئيسية تلفون يمين وتمشون سيدة وبتشوفونه على إمتداد النظر واضح ومبين .



    وبعد جولة تسوقية خذت منا ساعتين ونص رجعنا للفندق نرتاح وبعدها رحنا عالمدينة القديمة ، وهالساعة ومحطة الترام لازم بتمرون عليها وانتوا رايحين للمدينة القديمة من جهة الكافهوف اللي يصير على شارع الملوك .



    بعد خذنا جولة تسوقية سريعة وكان وقتها بررررررررد ومطر واخترنا نتعشى في مطعم النورد سي
    ( مطعم متخصص بالسي فود فقط ونظامه هلب يور سلف ) ومافيه منيوو ، الأطباق جاهزة ومطبوخة وانتوا تختارون اللي تبونه وكان هذا اختياري



    هذا سيكل عائلي وموجود فالمدينة القديمة ، في منه اللون الوري واللون الأصفر أو الأخضر ، نسيت اللون الثاني بصراحة



    وكان وقتها 2 يقدمون عرض وكانوا مسويين جوووو



    بعدها رحنا عند النهر عشان نروح بالعبارة لمدينة الملاهي ( وهذي صور توضح لحظة الإنطلاق لين الوصول علماً ان موضوع الإنتقال للجهة الثانية من النهر خذ منا 3 دقائق تقريباً ، والتذكرة كانت روحة فقط وللعودة لازم تقصون تذكرة ثانية )







    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    وصلنــــــــــــا الملاهي

    الملاهي حلوه وكبيرة وفيها العاب تصلح للكبار والصغار + فيها اكشاك لبيع التحف و الأعمال اليدوية + محلات الأكل بأشكالها وأنواعها حلويات وجبات خفيفة وجبات دسمة كيك عصاير كريب .... إلخ )







    هاللعبـــــة ذكرتني بمصر













    وهذي اللعبة تطلعون على سير متحرك يتحرك بسرعه وبعدين تنزلون عالزحليقة



    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    بعد لعبة سباقات الحصن ذكرتني بمصر







    وهذا بس مهمته يراكض ورا الناس ويخوفهم بس كان مسوي جووو وربكه





    محل يبيع صناعات يدوية من الخشب ، وطلع محل لشباب من المغرب العربي وعندهم اشياء حلوة واسعارهم معقولة



    هذي الشواية عجييييبة وريحة اللحم والشواي عجيبة اكثر ، وحجمها كبير واااااايد



    جوز الهند منقعينه في ماي باااااااااااااارد



    حركة الكاتشب والماسترد المعلقين عجبتني ، بس تاخذون الطلب اللي تبونه وتحطون من النوع اللي تبونه



    وهذي آخر صورة للملاهي وكان ودي احط لكم صور اكثر للألعاب بس تعرفون زحمة الناس تخرب الصورة وبعد كان يطق مطر فماقدرت أخذ صور أكثر للألعاب ، عموماً ملاهي حلوة وماتتفوت وبتحسون فيها بتغيير الجو حتى اللي مايلعبون بيستانسون
    وبعدها رجعنا نتمشى في شارع الملوك وتعشينا من مطعم ( صحارى ) لكن تيكآواي
    وموقعه ( تطلعون من الهوليدي إن وتروحون يمين ويصير عند ثاني إشارة عاليمين بالضبط عالزاوية اليمين مقابل مطعم ماريدو )

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    كويتي :
    الله يسلمك أخوي
    وتسلم عالرد المشجع
    وفعلاً هي قريبة من آنسي
    والله يكتب لكم وتزورون دوسلدورف
    فالإجازات الجايه ، تراها ونيسه وجوها أونس

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    روح المسك

    تقرير رائع و متابعين لك عن المنطقة الرائعة دوسلدوف و بانتظار زيارتك الى المناطق الحدودية القريبة منها







    المشاركة الأصلية كتبت بواسطة كوويتي
    http://www.arabtravelersforum.com/tr...0/#post4206250

    حمد لله علي السلامه تقرير جميل وصور في قمه الروعه وشرحك للرحله كان جميل وصور عجيبه

    انا قريت عن دووسلدورف وبسفرتي كنت طالع من باريس ومريت على انسي وكنت اشوف اللوحات على الطريق ومافكرت امرها وبصراحه طافتني وبس نعوضها في السفرات الجايه وناطرين الاجمل وتقبل مروري




    أخوي كوويتي ... دوسلدوف بعيدة جدا عن انيسي و عن باريس ...
    دوسلدوف تبعد عن باريس 500 كيلو و عن أنيسي 820 كيلو ... يعني لو تطلع من باريس و تروح دوسلدوف و بعدين انيسي يكون الاجمالي 1320 كيلو ... بينما الطريق من باريس الى انيسي 560 كيلو فقط

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    انتي تكتبين و انا استرجع ذكرياتي القريبة
    سكنت بنفس الفندق ورحت للاماكن اللي رحتيلها و كم مرة تعشينا من صحارى.................... آه يا دوسلدورف

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    eng90 :
    الله يعافيك يااارب ومشكور عالمتابعه
    وبخصوص الأخ كويتي انا فهمت يمكن أنه يقصد
    مدينة نيوس أو إييسن لأنهم قراب على دووسلدورف

    جواهر-uae :
    ههههههه ذكرتج بالماضي
    والله ياحبيبتي انا نفس حالتج ساعات
    احسب نفسي للحين نايمه في غرفة الفندق
    وبعد اشوي بنطلع نتمشى في شوارع دووسلدورف
    وبعد احنا كذا مره تعشينا في صحارى بس ماحبيت ورق العنب
    والتبولة عندهم حسيتهم مريييين

    ---------------------------

    الجزء القادم بيكون عن بون + دويسبيرغ

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    متشوقين للموضوعج

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    الكعبي :
    مرورك الأروع أخوي

    قطرية 123 :
    وأنا متشوقة أكثر لمتابعتكم
    ومشكورة حبيبتي عالمتابعة


    كابرون 1 :
    الله يرزقكم ويكتب لكم زيارتها السنة الجاية

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اختي روح المسك تسلمين ومنتظر باقي التقرير على احر من الجمر بسرعة عاد هههههههه

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    خلاص اليوم بنزل التكلمه تعرفون عيد وبداية موسم مدارس فكنت مشغوله

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اليـــــــوم الرابـــــــــــــــع ( بون + دويسبرغ )

    طلعنا من الفندق الساعه 11 ، وبما ان بنمسك خط وإحداثيات واسامي أماكن فجهزت مساعدنا فالسفر وصرنا مانستغني عنه



    وهذي صورة من الخط الســريع بس صادفتنا زحمه بسيطه ، والطريق من دووسلدورف لين بون خذ منا ساعة 1 بس



    بداية دخول بــــون ، وهالشوارع اللي مظلله بأشجار موجودة بكثر في ألمانيا



    وصلنـــــا بـــــون ، والمنطقة المسورة فكرناها حديقة لكن طلعت مقبره



    بداية دخلونا سنتر بون ، بتشوفون هالمبنى وخلفه حديقه كبييييره أو الأصح مسطح عشبي وبتشوفون صوره بعد اشوي



    لافته توضح وصولنا للسنتر ( خذنا الأحداثيات من موضوع العضو مهندس كويتي خاص بالإحداثيات وبتلقونه في قسم التقارير وبالضبط وصلنا للمواقف اللي تطلعنا عالسنتر )



    اول شي لفت نظري هي محلات الورد ، تنسيقهم روعه على انهم صغار بس فيهم تفاصيل وايد وطالعين حلوين



    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    بعد ماوصلنا السنتر خذنا جولة فيها ودخلنا بيت ( بتهوفن ) وشفناه صدفه بس للأمانه ماتذكر شلون عرفنا ان هالإتجاه يوصلنا لمنزل بيتهوفن
    البيت من برع صغير بس من داخل كذا قسم وفيه غرف كثير ، والأحلى تسمعون صوت الخشب وانتوا تمشون فتحسون انكم صج في بيت قديم ، وللأسف التصوير ممنوع داخل البيت لكن خذت لكم صوره وطاحت علي الموظفه وعصبت ، لكن تصوير المنزل من الخارج + الحديقه عادي مب ممنوع .
    بالإضافه ان البيت في محل تذكارات صغير يبيعون كل شي يخص بيتهوفن .







    هذي الصورة اللي حصلت هوشه بسبتها



    هذي الصوره تبين لكم ان البيت اللي يشوفه من برع مايقول ان فيه حديقه وكذا قسم ، فالبداية فكرته عماره صغيره من 3 ادوار





    وبعدها كملنا جولتنا في السنتر








    سباق دراجات كانوا مارين وسط السنتر



    وهذي خلفيه كبيره شكلهم كانوا حاطينها من أيام كاس العالم تشجيع للمنتخب الألماني













    وفي وسط السنتر كانوا مسوين كذا ملعب رملي حق لعبة الطائرة + عروض تسويق لسيارات جديدة
    ومخصصين فعاليات حق الأطفال والكبار بس من الزحمه في الصور ماقدرت ادرج لكم الا هالصورة وتعتبر اوضح صورة

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    بعدها قررنا نتغدى ورحنا ماكدونالدز ، وكانت وجبة الهابي ميل عندهم على سبونج بوب ، كل شي على سبونج بوب حتى الشعب صاير عنده إدمان شي اسسمه سبونج بوب



    والوجبات الثانية عندهم أشكال وانواع مب موجوده عندنا وماتوقع ينزلونها عندنا ، وخذنا ربيان



    بعدها قررنا نروح الحديقة اللي ورا المبنى الأصفر ( ياريت اللي يعرف هذا مبنى شنو يقول لنا )













    وهذا ممر مشجر يفصل بين الحديقة + قسم الألعاب ( قسم الألعاب فيه مراجيح وزحليقات والعاب رمل )





    ----------------------------------

    وعند هالصوره تنتهي جولتنا في سنتر بون ، وبعدها نطلع لدويسبرغ
    ملاحظة :
    بعضهم يعتبرون دويسبرغ هي بون ، ويقولون احنا ساكنين في بون مش دويسبرغ ، والبعض يسمي بون بالأرقام ، يعني بون 1 بون 2 بون 3 ، بس هذي كلها تسميات قديمه .
    والسنتر اللي احنا فيه + دويسبرغ ماعرف كانوا يتسمون ب( بون 1 او بون 2 او بون 3 ) طبعاً هالمعلومة خذناها من ناس لهم خبرة في بون وسنوياً لازم يمرون على بون
    ودويسبرغ يكثر فيها الخليجين والعرب اللي جايين للعلاج وتتعبر منطقة صغيرة وسنترها صغير وفيها محلات عربيه وتركيه كثيرة ، حتى الشقق المفروشة لافتاتها كلها بالعربي واساميها عربية ، والموظفين العرب موجودين فيها وبكثثثثثثثثثثثرة

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    منظرين المزيد الله يعطيج العافية تسلمين اختي روح المسك مجهود تشكري عليه

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    بارك الله فيك

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    الاخت العزيزه روح المسك صوره البنايه اللي كنتو جنبها اليوم واللي صورتيها هذي هي مبنى جامعه بون او جامعه راينشه فريدريش ويليامس يونيفيرستي وهذا اسمها القديم اما اليوم تعرف بجامعه بون تم البدء ببنائها سنه 1914 وانجز البناء سنه 1918

    تمنياتي لكم بسفره سعيده

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    والله ايام كانت حلوة

    تذكرت دوسلدروف المدينة الجميلة رحتها مرتين لما كنت في اخن والله من احلى المدن ومن احلى الاماكن الي زرتها واستمتعت فيها

    خاطري ارجع هناك والله ودي ازورها مره ثانية وحاطها في بالي اذا الله احياني خاطري اجرب البطاطا الي كلتها هناك يمي يمي في احد المطاعم المختصه بالبطاطا خخخخخ لين هاليوم اذكر طعمها

    يعطيج العافية عالموضوع والصور الحلوة

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    منتظرين اكمال التقرير تسلم الايادي

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    كابرون :
    الله يعافيك يارب
    وتسلم عالمتابعة المشجعة

    حزين قطر :
    الله يعافيك أخوي
    وبخصوص دووسلدورف صح عجبتنا
    وايد مع ان ماعليها اقبال وايد
    نفس ميونخ لكن ماتقل عنها جمالاً
    ولها ميزة غير عن باقي المناطق اللي زرتها
    وللأسف ماذكر كلت من مطعم متخصص بالبطاطس

    ابابيل :
    مشكور عالمساعده والمعلومة
    يعطيك العافيه

    العاشور :
    جزاك الله خير
    ويعطيك العافيه عالمرور والرد

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    بعد ماخلصنا من سنتر بوينت والاماكن اللي فيه طلعنا على دويسبرغ ، وخذنا فالطريق أقل من ربع ساعه بالسيارة



    واخترنا اقرب موقف للسنتر و وقفنا فيه ، واستغربت في معظم مواقف المانيا وجود باركات مخصصه للنساء فقط ، وفي باركات مخصصه للعوايل اللي عندهم عربات تسهل نزولهم وركوبهم السيارة ، بس للحين ماعرفنا سر المواقف المخصصة للنساء



    وكانت المدينة نايمه كل شي صاك لان الويك إند بعكس سنتر بون ، وهذي المدينة اللي ذكرت لكم يكثرون فيها العرب والخليجين بشكل ملفت للنظر وان المحلات اغلبها مكتوبه لافتاتها بالعربي ، والشي اللي يضايق فيها كثرة الناس اللي يطلبون فلوس ومساعدة ، حسيت أني في وحده من الدول العربية





    هذا مجمع سينمات



    وهذا الطريق اللي يودي لسنتر يقعدون فيه الخليجين وبكثررررره ، صج في هالمكان بتنسون انكم في اوروبا ، بس وقتها مثل ماقلت كل شي صاك وكان عددهم محدود لكن مسيطرين عالمكان هههههه







    وبعدها طلعنا وقررنا نرجع دووسلدورف ، وفالطريق كان في عرس لناس مسلمين ، والأخ يصور الزفه



    واذا شفتونا تعشينا من هالمطعم اعرفوا ان رجعنا هلكانين وقررنا نقعد فالفندق ونسنغني عن التمشي في دووسلدورف من كثر التعب ، بس ابتعدوا مثل ماقلت لكم قبل عن التبوله و ورق العنب لان فيهم طعم مروره



    ------------------------------------

    اليوم الخامس :
    للأسف للأسف اني صورته بالتلفون والتلفون اخترب وبعد مصوره فيه كم لقطه حق الأيام الجايه وراحت كل الصور علينا للأسف لكن كل شي مصكر لان كان الأحد فأخترنا نروح مدن صغيره نضيع اليوم فيها و زرنا Recklinghausen سنترها حلو على انه صغير بس كالعاده في محلات مشهورة وطلعنا منه رحنا حديقة حلووه للتمشي والقعده اسمها ruhrfestspielhaus كلها مسطحات خضره واشجار عاليه والناس تلعب كوره واللي فارش مع اهله وياكل + فيها حديقة حيوانات مصغره والعاب كأنكم في مزوعة .
    وبعدها رحنا Haltern am see تبعد عن المدينة السابقه 10 دقايق وقررنا نروح البحيره بس وصلنا عالساعه 6 وكل الفعاليات صاكه للأسف .
    فرجعنا دووسلدورف وكملنا باقي يومنا في شارع الملوك والمدينة القديمة


    تقريرنا الجاي اللي هو اليوم السادس عن كولون ( تابعونا لأنها مدينة روعه واللي يكون قريب منها لايفوت زيارتها )

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    تحياتي لج اختي العزيزة

    والتقرير ولا اروع و فادني كثيييير لاني رايح انشالله الاسبوع القادم


    الله يعطيج العافيه ما قصرتي

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اختي روووووووووووووح المسك قومي من النوم مبجر شوي هالتقرير بسميه التقرير المسكر والمسكت بعد ههههههه تسلمين ومتابع تقرير عن كولون بس لا تقولين كل شى مسكر ترى ما اتابع تقايرج هههه

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    كابرون :
    ههههه لا والله بس هالأيام اللي
    يصادف فيها الأماكن مصكره يكون ويك إند
    وفي المانيا يوم الأحد يكون قمة الملل لان ماتعرف
    وين تروح كل شي مصكر والأماكن السياحيه تكون
    فل وزحمممممه وماتاخذ راحتك .
    اللهم البحيره صج غلطنا يوم وصلنا لها الا هي صاكه للأسف
    وعن كولون لا اطمنك اخترنا نزورها وسط الاسبوع عشان يكون كل شي مفتوح


    عادل :
    الله يعافيك أخوي وتسلم عالمرور الطيب
    اهم شي الإستفاده من اللي طرحته


    المري :

    تسلم عالمرور والكلام المشجع

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    الف الف شكر لك روح المسك على هذه المعلومات والتقرير الرائع

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    حلووو
    يغطيك العافيةبس وين كولون

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    الاخت العزيزه روح المسك ما شاء الله عليك بطريقتك في طرح التقرير والترتيب والتنسيق
    ياليت مخرجين المسلسلات الخليجيه يتعلمون منج شوي بطريقه اخراج الموضوع والتنيسق كنا اطورنا شوي

    المهم مشاركتي كالعاده هي احاول اجيب على الاستفسارات اللي بتطرحيها في التقرير
    وكان اخر استفسار عن السبب الحقيقي اللي يجعل الالمان يخصصون مواقف خاصه بالنساء
    فلو لاحظتي اختي العزيزه تحت كل قطعه مكتوب فيها مخصص للنساء فقط ان المربع المرسوم على الارض يعني المساحه اللي مخصصه للسياره هذي بتكون كبيره اكبر من المواقف الاخره لان الالمان عارفين ان قسم كثير من الانساء الله يستر سياقتهم على قد الحال وخصوووووووووصا في الباركات لما بيوقفون السياره عشان كذا وتجنب للحوادث والاشكاليات خصصو لهذه الشريحه من النساء باركات مساحتها اكبر وحجمها اكبر حتى توقف فيها براحتها ولا اتحجج يوم تصدم السياره اللي جنبها ان المكان ضيق ههههههههههههه

    وثاني شي توجد باركات مخصصه للعوائل اللي معاهم اطفال صغار ويستخدمون عربه الطفل او سرير الدفع حق الطفل وبتكون صورتها موجوده في القطعه المخصصة لو لاحظتيها بتكون قريبه من مدخل البنايه او مدخل السنتر لان عاده العوائل اللي يكون معاهم اطفال وعندهم عبرات دفع يصعب عليهم التجوال باماكن بعيده داخل البارك خوف لتعرضهم لحادث خصوصا ان باركات السيارات في المانيا ماشاء الله مساحه شاسعه فيخلون باركات مخصصه لهذا الغرض قريبه من مدخل البنايه

    على فكره الجوال اللي اخترب لا ترمين شريحة التخزين اللي فيه لان في اماكنيه استخراج الصوره اللي فيه حتى وان اخترب الجوال يعني الصور حق اليوم الخامس بنشوفها بنشوفها ما باذننا ماي ولا تحاولين
    وكانه لقينالج طريقه بتراوينا الصور
    وبناتضار اكمال التقرير والاستفسارات الاخرى

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    منتظر التقرير وتسلمين

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    يعطيج العافية والله تقرير رووعة وأسلوبج بالتقرير أروع

    واصلي الإبداع متابعين معاج

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    الملك بوفون :
    الله يعافيك مروركم وردودكم الأروع
    شكراً عالمتابعة

    كابرون 1 :
    تابعنا وفالك طيب

    ابابيل :
    شهادة اعتز فيها وهذا بعض مما عندكم
    وأخيراً عرفت سر المواقف الخاصة بالنساء
    وخلاص بشيل الشريحة وبركبها عالتلفون الثاني
    وإن شاء الله تطلع الصور .
    بس شسوي في حالة اني اكتشفت ان صور مجمع
    اوبر هاوزن مش موجودة لا فالكاميرا ولا عالكمبيوتر
    شسوي فهالحاله ههههههههههه
    شكلي كل يوم بكتشف صور ممسوحه للأسف الشديد

    بوفهد :
    العفو اخوي ولا شكر على واجب
    مثل ماستفدنا من المنتدى لازم انفيدكم

    روز ماري 1980 :
    الله يعافيك ، كولون جايه فالجزء اللي بنزله بعد اشويات

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    رووح المسك عيني على الشاشتين اللي مولعة يمين هههههههههههه منتظر التقرير

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    في هاليوم قررنا نزور ( كــولــــــــــون )

    لما طلعنا من الفندق كان الجو بااااااااااارد ومطر مطر قوي من قلب ، واساساً يومها مقررين نروح كولون بالقطار وعطينا السيارة إجازة ، توكلنا على الله وخذنا تاكسي ورحنا محطة القطار ( وهذي صور توضح شلون كان الجو ) مع ملاحظة ان كل نص ساعه يتحرك قطار من دووسلدورف رايح لكولون .





    وصلنا محطة القطار ، وكبيره ماشاء الله وزحمه من قلب



    ورحنا نقص تذاكر والنظام بالترتيب ، تاخذون رقم وتوقفون عند الخطوط السوده والبيضه ماتعدونها ، وتنتظرون لين يطلع رقمكم فالشاشة مع رقم الكاونتر وبعدين تقدرون تروحون للكاونتر وتقصون التذكرة .







    هذا مجسم لمحطة القطار ، تحطون فيه اعتقد 1 يورو وتلعبون



    بعدها قررنا نطلع فوق عشان ننتظر القطار ، وطبعاً وقتها زاد المطر وزادت برودة الجو ( عموماً يومياً كان يطق مطر في دووسلدورف بس هاليوم كان واحد من أكثر الأيام اللي طق فيها مطر وايد وكان الجو بارد )



    لاحظوا شلون المطررررررررررررررررررررررر والضباب



    الحمدلله وصل القطار وفالطريق إلى كولون الساحره



    محطة كولون حلوه وفيها محلات وايد بس ممراتها اضيق من محطة دووسلدورف ، وهنا في طريقنا للدوم متبعين الإشارات في المحطة



    -----------------------------

    بكرة أكمل لكم إن شاء الله المناظر اللي خارج محطة القطار

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    اختي روح المسك منتظرينك ما قول الا الله كريم ننتظر وامرنا لله وتسلمين على اكمالك التقرير

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    ما زلنا بإنتظار كولون

    وعندي سؤال سريع لج إختي روح المسك بما إنج جربتي تأجير السيارة والقطار أي وحدة فضلتيها أكثر

    خاصة إني أحب إستعمال القطارات والإندرقراوند أكثر بالسفر

    بس ما يمنع نعرف رايج وأي وحدة ترتاحين وتفضلينة أكثر ؟

    فنادق عطلات


  54. #54
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    كابرون 1 :
    غصبن عني ماقدر انزل كل شي مره وحده
    لأن ضيق الوقت والدوامات والمدارس
    يخلون الواحد مشغول وماعنده وقت

    الملك بوفون :
    اكيد السياره احلى بمراحل ، في صيف 2007
    استخدمنا التكاسي والاندر قراوند والقطارات
    وفي هالصيف اجرنا سياره ، بصراحه في هالسفره
    حسيت صج صج اني سافرت اوروبا ، يعني اللي
    ماأجر خل يعتبر سفرته نااااااااااااااقصه ، كفايه تطلع
    على راحتك وتتخلص من زحمة القطارات والإنتظار
    اللي يضيع الوقت + في اي وقت تقدر توقف بسيارتك
    فالمنطقه اللي تعجبك بعكس القطار يمشي وانتوا
    تودعون المناطق الحلوه بعيونكم من غير ماتنزلون فيها
    أنا انصحك اتأجر سياره

    فنادق عطلات


  55. #55
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    طلعنا من محطة القطار وفيه بوابتين تطلعون منها ، احنا طلعنا من بوابة ستار بكس واخترنا طريق الدوم اللي يصير على يسارنا ، شفنا الكنيسه الضخخخخمه وجدامها ساحه كبيره



    هذا اسم الفندق اللي عند ماكدونالدز وتقطعون له شارع







    تفاصيل دقيقه على الجدران الخارجية ، وباحجام وأشكال مختلفه



    بعد ماطلعنا فوق عند الكنيسه صورت لكم محطة القطار + الساحة الكبيرة اللي جدامها ومع الجو المغيم والبروده يصير المكان روعه وشرح



    عند هالتمثال او النصب التذكاري ، بالضبط ماعرف شسالفته وقفنا وكانت الكنيسه ورانا ومقابلنا القطار + الباص السياحي ، وعلى يمينا فندق وماكدونالدز ويومها تغدينا فيه وعشان توصلون لهم تقطعون شارع ، وعلى يسارنا فندق هذا بالضبط يصير فالساحه ماتقطعون له شارع + شارع مشاه بتشوفونه بدايته ضيقه وبعدها يكبر الشارع وفيه محلات لاتعد ولا تحصى بس اول مره ماكان الجو يساعد لأن كان مطر وثاني مره انشغلنا بالتسوق فمستحيل بنصور
    ملاحظه فيه قطارين ، 1 ياخذكم حق حديقة الحيوان وحديقة الورود والثاني جولة في كولون مع مصنع الشوكولاته والمتحف الأولمبي ، قبل ماتقصون التذكرة سألوهم عن القطار اللي تبونه .







    بتشوفون من هالشخصيات وايد في كل مناطق المانيا ، يترزقون بطريقه غريبه وصامته



    بعدين خذنا القطار اللي يودينا مصنع الشوكولاته وللأسف يومها كان صاك واعتقد كان يوم الاثنين او الثلاثاء ، وخذنا جولة في شوارع كولون بس ماكان الوضع يساعد عالتصوير لان القطار كان يهتز بطريقه فضيعه
    وللأسف فاتني اكثر شي كنت احن عليه اللي هو المصنع ( وهذي صور من جولة القطار )





    هذا مجمع يصير عالجهة الثانية من شارع المشاه اللي كله اسواق ( روعه وماتتفوت ) واللي يميزها انها كلها جنب بعض وعلى شارع 1



    بعدها رجعنا عند ساحة كنيسة الدوم وتغدينا في ماكدونالدز واخذنا جولة خفيفه ، وركبنا القطار اللي يودينا حديقة الحيوان ( حديقة حلوه ومرتبه وكبييييييره لاتفوتون زيارتها ) ومقابلها حديقة الزهور ( فلورا بارك ) من بوابتها يبين انها حلوه لكن المطر خرب علينا يومها وماشفنها + من نفس المكان تركبون التلفريك اللي يقطع فيكم النهر ، سألوا عن مكانه وبيدلونكم



    مثل ماهو واضح من الاسم ان هي حديقة حيوان + قسم اكواريوم صغير يصك عالساعه 6

    فنادق عطلات


  56. #56
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    عند المدخل بتلقون عربات للتاجير حق الأطفال + اغراضكم



    وبعدها تبتدي جولتنا فالحديقة ، ولاحظوا السور عند بعض الحيوانات ( الله يعزكم ) مجرد سلك حديد















    لا حظوا الفهد يمشي على هالخط رايح راد ومايطلع عنه









    فنادق عطلات


  57. #57
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    في طريقنا حق الفيل ، ولاحظوا السور نفس جلد الفيل





    الفيله موجوده في مكان مصكر ( والريحه لا تطاق ) وعالجهه الثانيه موجوده في مكان مفتوح







    بعدها دخلنا عند الغوريللا ، نظراتهم تخوووووووف ومن الخوف ماخذت لهم صور حسيتهم حاقدين لكن صورت لكم المكان المصكر اللي هم فيه



























    فنادق عطلات


  58. #58
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير



    هذا الخط معناته ممنوع الدخول ( فقط لموظفين الحديقة )



    واهم اهم شي فيها العاب أطفال ( هذي الالعاب كنت اسميها برنامج غصبن عنك )









    و وقت ماكنا عند الالعاب طق مطر قووووي فطلعنا من الحديقه ، ورحنا نتسوق بس نهائي الجو مايساعد ، لكن خذنا فكره عن السوق والمحلات وقررنا نرجع لكولون مره ثانيه ( نصيحه اللي يحب الناس والحشرة والحياة يسكن في دووسلدورف او كولون والمسافه بينهم نص ساعه بالسيارة والقطار )
    بعد مازاد المطر والبرد قررنا نرجع حق حبيبتنا دووسلدورف





    الحمدلله وصلنا وخذنا تاكسي عشان يوصلنا مطعم ( كرشنا ) مطعم هندي لذيييذ يصير في نهاية المدينة القديمه ، بحط لكم صوره في الأجزاء الجاية



    وبعدها رجعنا الفندق مروراً بشارع الملوك وهذي صورة ليلة له ، مش واضحه بس عموماً إضاءة الشارع تكون بهالطريقة في الليل



    مروراً بالحديقة اللي مقابله الفندق ، اللي كراسيها تولع في الليل



    --------------------------------

    مع السلامه واشوفكم فالجزء الجاي
    بس نصيحه اللي بيروح كولون لايفوت زيارة حديقة الحيوان ممتعه للصغار والكبار حتى اللي مايحبون الحيوانات ( الله يعزكم ) مثلي ، بيستمتعون فيها خاصه لو شافوا الفرحه في عيون الصغار

    فنادق عطلات


  59. #59
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    جزء طويل ويبرد الجبد

    حسافة أحس راح يومكم على الفاضي كل شي مسكر بسبب المطر

    بالديرة أنطر المطر نطرة بس لما أسافر ما أتمنى يطق مطر كلة بسبب دراستي ببريطانيا كل يوم مطر وكل شي متوقف مع المطر وما تقدر تسوي شي

    أما حدائق الحيوان بالنسبة لي ما أقرب يم الشارع إلي إهيا فية إن كانت بأي دولة رحت أجمل حدائق الحيوان وكل حدة يتيبلي الملل أكثر من إلي قبلها لما أكست عليهم ألحين لو شنو مدحوها لي ما أطبها


    متابعين إبداعك في التقرير

    فنادق عطلات


  60. #60
    عضو مسجل
    تاريخ التسجيل
    Dec 2014
    المشاركات
    1,962,485

    رد: تقرير دوسلدوورف وماحولها م تقرير

    متابع معاج والله يعطيج العافية على مجهودج ووقتج

    فنادق عطلات


+ الرد على الموضوع
صفحة 1 من 4 123 ... الأخيرةالأخيرة

المواضيع المتشابهه

  1. تقرير ولا اروع بالصور والاسعار النمسا ،المانيا ، فرنسا
    بواسطة Robot في المنتدى النمسا العرب المسافرون فيينا سالزبورغ انسبروك زيلامسي
    مشاركات: 95
    آخر مشاركة: 02-03-2015, 10:14 AM
  2. تقرير سفرتي للمالديف الرائعه في اجازة العيد مرفق ب صوره تقرير مميز
    بواسطة Robot في المنتدى بوابة الجـزر المالديف موريشيوس بوكيت
    مشاركات: 98
    آخر مشاركة: 02-03-2015, 07:53 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X