الموضوع: بكرة السفرة ومحتار اين اذهب في البحرين

السلام عليكم ورحمة الله وبركاته

انا بكرة جيكم في البحرين وحاجز في فندق بوابه الخليج وعندي عده اسئله

1- الفندق نظافته من جميع النواحي وانتوا فاهميني .
2- وين ابروح وين اتمشى فيه غير السيف ......
3- ابي طلعه بحر شوي وسباحه وياليت فيها خصوصية شوي يعني ابي الزوجه تاخذ راحتها .

معلومة ترى الزوجه معي ولوحدنا

مواضيع عشوائيه ممكن تكون تعجبك اخترناها لك:

• مساعده لأخوكم محمد المصري
• بوشيدو البحرين
• إلى فتيات البحرين
• شالية بالعيد
• إحداثيات سيتي سنتر البحرين
• ابي اروح البحرين في العيد ان شاء الله احد يساعدني
• مبارك عليكم زواج الشيخ ناصر ياهل البحرين
• الخطوط الجوية الماليزية تطلق أولى رحلاتها المنتظمة إلى البحرين
• شقق اليت هل يوجد بها انترنت وكم سعر الشقه
• استفسارات ابغى اقضي يومين سياحية حلوه
• سؤال بسيييط الرجاء الإجابه
• استفسار عن بانيان تري ياخبراء البحرين
• أنا وعائلتي
• شكر من الاعماق لأعضاء البوابة
• فورمولا البحرين؟؟؟
• شباب انا في البحرين اتمنى المساعده عاجل
• النصيحة الله يخليكم
• أفضل فندق خمس نجوم بالبحرين؟؟؟؟
• عاجل يالنشاما
• الحلوى البحرينية تحتفظ بنكهتها التراثية الأصيلة

المشاركة الأصلية كتبت بواسطة kmn
http://www.arabtravelersforum.com/tr...8/#post2382496

السلام عليكم ورحمة الله وبركاته

انا بكرة جيكم في البحرين وحاجز في فندق بوابه الخليج وعندي عده اسئله

1- الفندق نظافته من جميع النواحي وانتوا فاهميني .
2- وين ابروح وين اتمشى فيه غير السيف ......
3- ابي طلعه بحر شوي وسباحه وياليت فيها خصوصية شوي يعني ابي الزوجه تاخذ راحتها .

معلومة ترى الزوجه معي ولوحدنا

حياكم الله اخوي ...

1- فندق بوابة الخليج غير عائلي بالمرة ...

2- تفضل بالاطلاع لى دليل البحرين السياحي فيه أماكن كثير كثيرللتمشية غير السيف ... السيف مجمع تسوق ..

3- طلعة بحر وسباحة للمدام ... بصراحه صعبة .. ما في محلات خاصه للعائلات ... الا لو حبيتوا تسكنون في فندق له بركة سباحه خاصة .. أو فندق الريتز له شاطئ خاص ... بس بيكون مرتفع السعر جدا ..

وحياكم الله ...

انتبه اخوي لازم تحرص على السكنن

افضل لك فنادق 5 نجوم

مرحبا اخوي ..

لو تبي بحر صناعي .. انصحك بجنة دلمون المفقودة .. او تروح فندق الدانة نوفوتيل ترى فيه جزء مطل على البحر او مثل ماقالت لك الغالية شاطئ الريتز كارلتون.

الفندق اللي اشرت له .. اوعى على قولة اخوانا المصريين تراه كارثة حقيقية .. افضل تحجز في اي فندق من فنادق أليت لانها عائلية وبدون خربطة وخمور.


تحياتي

سمعت عن ها الفندق كثير وحسب ماسمعت بانه لا يصلح للعائله اطلاقآ وانت فاهم طبعآ

انا الحين في البحرين والوضع في بوابه الخليج زي ما قلتوا لكن اللي مطمني انه فيه سعوديين بعوائلهم بالفندق صحيح انه عادي لكن اسعاره اشوى من غيره ( يعني لازم يبي له ميزانية دوله ) وانا ابي الفندق للنوم بس ....

اما عذاري رحنالها وانتوا ما قصرتوا والسيف والدانه ماخليناها ..

لكن انا ابي اجلس على البحر الشاطئ وابي اشوي ( باربكيو ) وين احسن مكان للجلوس .

المشاركة الأصلية كتبت بواسطة kmn
http://www.arabtravelersforum.com/tr...2/#post2387342

انا الحين في البحرين والوضع في بوابه الخليج زي ما قلتوا لكن اللي مطمني انه فيه سعوديين بعوائلهم بالفندق صحيح انه عادي لكن اسعاره اشوى من غيره ( يعني لازم يبي له ميزانية دوله ) وانا ابي الفندق للنوم بس ....

اما عذاري رحنالها وانتوا ما قصرتوا والسيف والدانه ماخليناها ..

لكن انا ابي اجلس على البحر الشاطئ وابي اشوي ( باربكيو ) وين احسن مكان للجلوس .



مرحبا اخوي لو كنت تبي شاطئ وقعدة على البحر وباربكيو .. بس انت تسوي كل شي .. عندك عدة اماكن ابرزها ساحل جسر الشيخ خليفة بن سلمان ال خليفة الفاصل بين الحد والجفير وتدخل من صوب الحد .. بس لازم انت تسوي كل شي بروحك ..

واذا بغيت بحر للسباحة عندك :

1. بلاج الجزائر ودور عليه فيه تقرير عنه ( بعد حلبة البحرين الدولية بعيد شوي ).
2. شاطئ شركة أسري ( مدينة الحد - الحوض الجاف - بعد الجسر مباشرة ).
3. النادي البحري .. بس الدخول بفلوس. ( المنامة )
4. منتجع البندر .. الدخول بفلوس .. ( سترة )


تحياتي ...

مرحبا اخوي لو كنت تبي شاطئ وقعدة على البحر وباربكيو .. بس انت تسوي كل شي .. عندك عدة اماكن ابرزها ساحل جسر الشيخ خليفة بن سلمان ال خليفة الفاصل بين الحد والجفير وتدخل من صوب الحد .. بس لازم انت تسوي كل شي بروحك ..


هذا ابي الوصف بالضبط لو تجي الاحداثات يكون احسن لأن معي قارمن .....
انا انتظر ردك وشكرا على هذا التفاعل معي .....

المشاركة الأصلية كتبت بواسطة kmn
http://www.arabtravelersforum.com/tr...2/#post2387342

انا الحين في البحرين والوضع في بوابه الخليج زي ما قلتوا لكن اللي مطمني انه فيه سعوديين بعوائلهم بالفندق صحيح انه عادي لكن اسعاره اشوى من غيره ( يعني لازم يبي له ميزانية دوله ) وانا ابي الفندق للنوم بس ....

اما عذاري رحنالها وانتوا ما قصرتوا والسيف والدانه ماخليناها ..

لكن انا ابي اجلس على البحر الشاطئ وابي اشوي ( باربكيو ) وين احسن مكان للجلوس .



نعم فية عوائل عادي وكثير من الفنادق اللي لها سمعة مش ولا بد ايضا فيها عوائل كل في حالة ويرجعون يسكنون مرات ثانية بعد لان كثير من العوائل الخليجية تحب تسكن في منطقة السوق. اهم شيء ابتعد عن بو نجمة ونجمتين اللي في المعارض والسوق والقضيبية والحورة.

اذا بغيت تشوي بروحك علي البلاج مع الرملة والهدوء والجو الشاعري عند الغروب اقترح بلاج الجزائر (بحر مفتوح) او الحوض الجاف(نص نص). اما اذا بغيت قعدة حلوة علي الكورنيش ومنظر البحر وابنية المنامة امامك (منظر رائع) فاقترح ساحل الغوص الجديد في المحرق. طبعا لازم اول تمر تاخذ لك تكة وكباب وبيبسي من احد المحلات الشعبية(اقترح ابل) وتبسط قبل المغرب بقليل وتستمتع في جو البحرين الجميل هالايام.

شكرا لك من ساهم في اسعادي في هذه البلاد الحبيبه ...الصراحه اول مرة استانس .........طبعا مشينا على كلام محمد الحمادي وبالفعل كانت الجلسه هادية وحلوة وطبعا لوازم الباربكيو موجودة معي واخذنا راحتنا في الشوي .


واخيرا الحمدلله على السلامه وانا اليوم راجع الى بلادي وسعد باستقبالك لي .....