الموضوع: قصتي قبل الســـفر

بسم الله الرحمن الرحيم

السلام عليكم ورحمة الله وبركاتة

صباح/مساء الخير

أولاً اشكر كل من دعالي في هذه الرحلة وجعلها الله في ميزان حسناتكم وبصراحة سارت احداث في هذه الرحلة الغريبة واود ان اشرح لكم الرحلة من الألف إلى الياء:

اولاً خط السير (الدمام-البحرين-دبي-أوكلاند) الرحلة من الدمام الساعة الحادية عشر مساءً ليوم السبت إلى البحرين - ومن البحرين الساعة الثالثة وخمسون دقيقة صباحاُ ليوم الأحد إلى دبي - ومن دبي الساعة العاشرة صباحاً ليوم الأحد إلى أوكلاند

طبعا انا أعمل في منطقة الدمام وقلت لمكتب الحجز أبي اروح عن طريق البحرين!(ويعطوني بطاقة مواقف السيارات المجانية) يعني كلم الخطوط وعلمهم إني بسافر من البحرين (لأني لو حجزت من البحرين على أوكلاند التذكرة تكون أغلى)فسبحان الله أزيد خط سير وتتخفظ سعر التذكرة!!! المهم
الساعة الثانية عشرة صباحا من يوم الأحد إتصلت على الوالدة المتواجدة في منطقة مكة المكرمة أدامها الله للإسلام والمسلمين وودعتها والدعوات تتلو بعض والوصايا بالصلاة فقط وعدم إهمالها, واتصلت على الاشقاء اخواني واحدأً تلو الآخر ولكن كلهم مقفلين إتصالاتهم! شكلهم محزنين عليه ولا يبوني اروح ! وكان الاصدقاء عندي في المنزل ودعتهم وبعد ماخلصت منهم كل شوي واحد يتصل فيني ويقول شوف لي الوضع يمكن الحقك ههه المهم..
ركبت سيارتي الموقره متجهاً إلى البحرين وتوقعت إني متأخر! ومسرع أبي الحق الرحلة! وصلت (جسر المحبة) وفتشوني تفتيش ما قد حصل غريبة والله مع العلم دائماً اسافر عن طريق البحرين ولا آخذ في التفتيش عشر دقايق!! بس المرة هذي حتى سألوني عن ماركة سيارتي الموقرة وهي قدامهم!! المهم..
انهيت إجراءات التفتيش ودخلت مملكة البحرين وأول مرة اطالع البحرين بنص عين ماهي مالية عيني(أبروح أوكلاند!!)هههه
والإشارات أوقف عندها يوم تنور بالأصفر والعادة تلقاني مسرع واقطعها احيانا وهي حمراء (برستيج اليوم!!)... المهم
رحت المطار ووقفت السيارة في المواقف وأقول لهم انتبهو للسيارة من الشمس!! مع العلم المواقف كلها بدون مظلات!!
وانتظرت الباص ويوم وصل قلت للسائق الهندي: ليش تتأخر؟********مسوي مسؤول ههه
قال: اركب اركب بس
قلت: طيب شيل الشنطة !
ركبت الباص ورحت المطار الدولي بالبحرين الساعة في ذلك الوقت كانت تشير إلى الثالثة صباحاً ! يعني باقي على الرحلة 50 دقيقة!! بصراحة كنت متخوف قلت الرحلة راحت عليه ودخلت الصالة وأنا مسرع وأسحب حقائبي الثلاثة خلفي ولا أنظر لأحد ويقابلوني الموظفين وانا مسرع قالوا امسكوة هذا شكلة يبي يفجر المطار أفاااااا !!! الحين انا ابي اسافر وإلا افجر؟
ويمسكوني ويفتشوني تفتيش! تفتيش! ما حصل!
ماخلصو مني إلا وباقي على الرحلة 30 دقيقة وإللي خوفهم زيادة انهم شايفيني ابغى الرحلة هذي لا محالة وكل ماقالو وين بتروح أقول ابغى طيران الإمارات ********(قبل شوي مسؤول والحين بيترجاهم) ههه المهم...
انهيت إجراءات التفتيش ورحت لموظف المطار علشان انتهي من كل شي وأساااااااافر (إذا كان هذا أولة ينعاف تالية) وصلت للموظف وجرى الحوار التالي:
الموظف: على وين ياخوي
البرستيج: نيوزلندا
الموظف: ممكن التذكرة والجواز
البرستيج: اكيد .. تفضل
الموظف: اييييواااااااه طيب وين الجواز القديم
البرستيج: ليه؟
الموظف: بس
البرستيج: انتهى وأتلف وهذا الجديد وش فيه؟
الموظف: يعني أول مرة تسافر على هذا الجواز؟
البرستيج: بإستغراب ايوه ايوه اول مرة اسافر به ليش؟
الموظف: بس حبيت اتأكد من المعلومات
البرستيج: اوكي
الموظف: وين الفيزا
البرستيج: حالة صمت!!!!!!!!!!!!!!
الموظف: الفيزا الفيزا وينها
البرستيج بيسير حزين: مافي فيزا !!!
الموظف: ليش لازم يكون معاك فيزا
البرستيج سار حزين: ياخوي الرحلة ما باقي عليها إلا 20دقيقة وانت تقول الفيزا؟ أوكي أوكي حبيبي اللي أعرفه إن السعودي المسافر على نيوزلندا لمدة شهرين أو ثلاثة مايحتاج فيزا!!
الموظف: طيب كلامك صحيح بس الرحلة هذي تروح على استراليا قبل نيوزلندا
الحزين: اهااااا يعني صاحب المكتب على قول البدو (يحوق في مزرعة مافيها علف) مايدري عن شي وانا ادفع الظريبه هذي؟ حبيبي انا حاجر ترانزيت من دبي على أوكلاند وسألت المكتب قبل كل شي إذا مافيها فيزا احجز لي وإذا عليها فيزا لاتحجز وشوف لي طيران غيره وتأكد لي المكتب وقال مسجل عندنا إن الرحلة من دبي _ أوكلاند (مباشر يعني)
الموظف: حالة ذهول وإستغراب وشكله توقع إني اعرف عن مستجدات لم يسمع بها!! وراح ونادى السوبر فايزر وجاء اخونا في الله الهندي المكشخ البرستيج وقام يرطن عليه بكلام ما أدري والله وش يقول (أجل انا ليش رايح نيوزلندا؟)بس فهمت من قصده عن الرحلة إنها تروح استراليا قبل أوكلاند ولازم فيزا وانا اسويي فاهم وفي الاخير قلت للموظف وش يقول؟ عرف السوبر فايزر إني ما اعرف انجليزي وقام يتحدث مع الموظف والثاني يترجم لي لزززقة ههه
وباقي على الرحلة 15 دقيقة !!!

وأكمل القصة الغريبة قريبا إنشاء الله.......

مواضيع عشوائيه ممكن تكون تعجبك اخترناها لك:

• شروط الموافقة للعسكري بمرافقة زوجته الحاصلة على بعثة للدراسة بالخارج
• اخى العزيز المايسترو والاخوة الاعزاء رواد المنتدى
• وصلت والحمدلله بس ابي مساعدة
• نيوزيلاندا ام كندا
• تستاهل و لا ؟
• اسئلة عن اوكلاند
• شوفوا تخطيطي كيف؟
• وصلت نيوزلندا وبعد شهر هذا رايي
• هل يوجد معهد أو كورسات للآطفال ينصح بها ؟
• استفسااااااااااااار
• بشرى ساره لااهل نيوزلندا من السعوديه
• ذاهب الى بلاد الكيوي ولدي استفسارات؟
• مكتب يجيب قبول بالجامعات النيوزلينديه عااااااجل
• كانت كالحلم واصبحت حقيقة لم يكتمل
• استفسار عن الجو في نيوزيلاندا
• الاخوة الاعزاء ارجو افادتي عن ماجستير الهندسة الميكانيكية في نيوزيلندا
• استفسار عن الطقس في نيوزيلاندا
• استفسار عن التجوال الدولي في نيوزلندا
• لا تحرمونا مداخلاتكم المفيده
• افتتاح الملحقية السعودية

[B][FONT="Arial Black"][SIZE="5"]تروح وترجع بالسلامة يا الغالي





اهم شى لا تنسى دينك وصلاتك وعداتك وتقاليدك واهم شى انبسط قد ما تقدر وحط في بالك انها حتكون احلى شى عملته في حياتك....

لا حول الله ..

كثيـر من الشباب صارت لهـم نفـس قصتكـ ..

الله يعينـكـ ..


عمومــاً أخبـارنـا , أنت الآن شكلك ماسافرت ؟!


عندي طلب يالغالي , وهو أنك تقوم بإكمـال القصـة في موضوع غيـر هذا ..
لأن هالموضوع من عنوانه مبيـن أنه وداعـي ..
وأنت الآن بتعطينـا الي صار معك ..

عمومــاً .. أنا ممكن أنقل الجزء السابق في عنوان جديد , ونعونه بعنوان جديد تختاره أنت ..
ومن ثم تعطينـا الي صار معك أول بأول ..


بالتوووفيق يالغالي ,,

لا حول ولا قوة الا بالله ...

اصحاب المكاتب هذول مع احترامي لا ذمة ولا ضمير حسبي الله ونعم الوكيل

وانتظر وش صار معك وربي يوفقك

السلام عليكم ورحمة الله وبركاتة

اخوي ابن محفوظ الله يعطيك العافية وواشكرك على مرورك

وحيالله مشرفنا وغالينا حمودي وانت ماتطلب انت تآمر أمر وغالي والطلب رخيص وممكن نغير الموضوع بإسم (قصتي قبل السفر)

اوكلاند يسعدني مرورك وانت اهل للأحداث وإللي سار معاك يشهد فيه الكل يعني أكيد مافيه شي غريب عليك

شكرا لك على الموضوع المهم
بس عندي سؤال هو سألك عن الفيزا هل يقصد فيزا لـ نيوزيلاند أو فيزا لأوستراليا ؟!

هلا اخوي ومرحبا فيك

طبعاً الموظف يقصد عن فيزا لأستراليا .

بانتظار البقية
ولكن مالفيزا التي يقصدها الموظف ؟ هل يقصد فيزا لنيوزيلاند أم يقصد الفيزا لأوستراليا أم للدولتين ؟

اخوي عرب شكراً على مرورك

والفيزا اللي طلبها مني الموظف يقصد بها فيزا لأستراليا طبعا لأن نيوزلندا مايحتاج لها فيزا إذا كانت الرحلة اقل من ثلاثة شهور

ألف شكر لك

لــكن هــل لــك أن تــخبــرنـــا عــن ســـعـــر الـــتذكرة لأنـــي أفـــكر أروح ســـياحة وأزور أوكلاند وكرايست وكوينز تاون
بـــــــــــلــــــــــــيـــــــــز كم سعر التذكرة ؟؟؟؟

أشكرك يالغالي على هذه القصة وإلي يبين إنها رائعة من بدايتها

منتظرين باقي الأحداث بس لاتطول علينا يالغالي

أخوك أبوحمد

المشاركة الأصلية كتبت بواسطة ahmad
http://www.arabtravelersforum.com/tr...1/#post2835811

جزاك الله خيـر يالغالي ,,

وبإنتظــار المزيــد ,,



حيا الله مشــــرفنا وشكــــــــراً على مــــــرورك

ولك مثلها دائماً:24:

إنشاء الله قريباً .... ويسعدني آراءك ومشورتك انت والاخوان

المشاركة الأصلية كتبت بواسطة الحر الجريء
http://www.arabtravelersforum.com/tr...2/#post2837352


بصراحة الغلط انا اعتبره مني انا شخصياً لاني مابحثت جدياً وسألت هنا في المنتدى بس لسوء الحظ:110: ولا احد سافر قريب على الأماراتية! وسمعت إن الامارات وقعت عقداً مع نيوزلندا بشأن دخول طائراتها مباشرة :114: والمكتب مسجل عنده الرحلة من دبي إلى اوكلاند ومايدري على حسب قولة !

السلام عليكم

يخوك انا اعرف الرحلة اللي تقصدها وهي تكون علي السيستم الخاص بنظام الامارتيه رحلة مواصله اي توقف فقط من 35 الي 45 دقيقة للتزود بالوقود ثم تعاود الاقلاع واساسا ما تنزل من الطيارة ....

وياخوك انا اللي ما لي علاقة مباشرة بشركات الطيران اعرف افرق بين المطلحات اللي تكون علي نظام جالليو او اميدوس( الانظمة المستخدمة في مكاتب الحجز والطيران)..
فتكون الرحلات علي احد الانماط التاليه:
-رحلة مباشرة
-رحلة مواصله
-رحلة متعدده

وايضا للعلم فقط فاستراليا هي الدوله الوحيدة التي لا تسمح بالهبوط علي اراضيها بدون فيزاء لاي شخص مهما كانت صفته الاعتباريه ...

عموما يالغالي انت لست مخطئ وانما الموظف الذي بالابدي انه يعرف الانظمة ويفهمها وان شاء الله ما حدث لك ما هو الا شيء عابر قد يكون فيه الشيء الكثير من المتعه حين ما تعيد الذاكره له ..

وبالتوفيق وانتظر ما اذا فعلت بعد هذه القصه..

وعليكم السلام ورحمة الله وبركاته
شكرا لك يا أخوي على هالموضوع اللي باين أنه رائع ومتابعين لك يالغالي

بسم الله الرحمن الرحيم

صباح/مســـاء الخير

اولاً :أشكر كل من تابع الموضوع وشاركني فيه بالتعليق على الأحداث وآرائة النيرة , فالمستفيد الأول والآخــر هو القارئ الكريم ,
ثانيا : آسف على التأخير وبكل صراحة لم أجد الوقت الكافي لكي أســــرد بقية هذه القصة وإنشاء الله اكون قد عملت العمل الذي يرضي الضمير (والفائدة عامة),

ونكمل القصة الغريبة وقد وصلنا عند (باقي على الرحلة 15 دقيقة)

كان الموظف وهو يستمع للهندي الكشخة ويترجم لي (طبعاً الهندي الحين ماهو معطيني وجه! يعني شاف إنه مهم !!) وانا بعد ماشفت المنظر الغريب وهو إنه مايكلمني جالس يكلم الموظف
قلت: حبيبي انا الرحلة هذي طالع عليها وانا المسؤول الأول والأخير!!! انا اتحمل كل شي! انت سوي اللي عليك وإلا شوف لي سوبر فايزر أعرف اعطي وآخذ معاه , الموظف قام بالدور الذي لابد ان يقوم به وهو وصول رأيي إلى الهندي الكشخة! بعدين قال لأ ! انا قلت مايطلع !!!!
قلت: طيب حبيبي انا قاطع هذه التذكرة بدون إسترجاع ولو ماسافرت تلتغي!! يعني ادفع رسوم إضافية علشان أغيّرها وإلا ما استرجع المبلغ (تتحملها انت؟)
قال : لا انا مالي دخل!!
بصــــراحة رأيت أمامي (أبليس) اعوذ بالله منه وكنت في شعور بصراحة لا يحتمل! فقمت بالرد عليه بأنك لست المسؤول عني بل انت ممن تفوم بواجبي فلا يهنأ لي اليوم إلا بالطلوع على هذه الرحلة وتعالت الأصوات في المطار !! كان حينها يوجد في صالة المطار مسافرون أوروبيّــــون وكان المنظر (لا أحسد عليه) رأيت هذا يشتم الهندي والآخر يوّبِخ والآخر يحاول ان يهدّي مما انا فيه من إنفعال! وانا اصرّيت ان اركب الطائرة وإلا ان يأتي مسؤول آخر لكي اتحدث معه على بيّنة!********قريبه في سفارة البحرين ههههه
المهم.....
كانت الاصوات مرتفعة ولحسن الحظ اجتمع من كان يعمل في المطار! وتضاربت أراؤهم واحد يقول إحنا شاكين في هذا المسافر! والثاني يقول الرجل يبي يسافر وانتم مسوين زحمة على روتين فاضي! والثالث يقول المشكلة من اخونا الهندي
المهم اجتمعو من كان في المطار وجاني رجل وقال ممكن تتفضل معانا؟ قلت: من انت؟وبصراحة قلت في بالي رحت في خبر كان !!! أنا كذا مزعج للسلطات وأمن والمطار و..و..و..و عزالله رحت وطي ههههههه
قال: انا المسؤول عن الصالة, قلت: هلا حبيبي انا ابي اطلع على الرحلة هذي وهذا رافض من لا شيء قال: الرحلة تأجلت شوي ممكن تتفضل معاي؟ قلت: اوكي بس اطلع ؟ قال: أوكي تطلع وعلى مسئوليتي وش تبي عاد؟ بس تفضل معاي شوي قلت: اوكي وبكل صراحة الرجل كبير في السن ومحترم وقال: وش المشكلة؟ وشرحت له القصة من ألالف إلى الياء! وقال: انا ممكن اطلعك على هذي الرحلة وتتوكل على الله بس لو تسمع نصيحتي وانا ابوك إسمعها وقول إللي تبي ومايسير ,خاطرك إلآ طيب قلت: اوكي تفضل قال: انا عارف كل واحد يحجز يتعب لين يحصل الحجز ويرتب أمورة كلها وفي الاخر يطلع له مشكلة تخرب عليه كل مارتبت له! لعلها خير إرجع ورتب أمورك وتعال وأنا اخدمك باللي تبيه؟
قلت: وجهك ابيض وماقصرت ياعم بس انا لي أسبوعين وانا ادور الحجز هذا! وإجازتي بدأت! والتذكرة لا تسترجع! وأمور كثيرة غيرها!
قال : حصل خير وبسيطه وكل شي ملحوق والتذكرة ترجع وتستبدل وعلى مسؤوليتي ولوتبيني اطلعك تفضل بس لابد تعرف إنك لازم توقع على وثيقة تتحمل كل ما يحصل لك لو رجعوك!!! تتحمل مسؤوليت نفسك ولو تبي نصيحتي راح يرجعوك في دبي
قلت: علشان الفيزا هذي تكنسل رحلة كاملة؟ قال : هذي ماهي من عندنا هذي نظام من السلطات ومعروف فيها
قلت:طيب مافي من هنا من المطار نقطع فيزا؟ جلس الشايب يضحك ويقول كان فيه من أول بس الحين لا!!!! بصراحة إنكســـــر خاطري
وقلت: طيب ليش الواحد مايتكلم بأسلوب حلو مثلك ويفهم كل مسافر ماعنده علم ويرجع وهو مقتنع أحسن من يرجع وهو متوتر بسبب المعاملة من الموظف(السوبرفايزر)الكريم
قال:هذا راح ياخذ له لفت نظر لأنه لم يتعامل حسب المتبع(طبعاً معاه جهاز مززززعج يكلمني دقيقة ويرد على الجهاز دقايق)
وفي آخر لحظة قال: هاه تبي تطلع وإلا إرجع وأستخير لعلها خير وخلص الفيزا ولا راح تآخذ منك فترة إنشاء الله بما انك لاتريدها سوى للعبور
قلت: لا أرجع وأستخير أحســــن


قال :هي توكل على الله وإعرف إنك مزعج ولو جيتني مره ثانية لأحش رجولك حش !!!!!!

وعذراً على التقصير ولكن والله تعبت (أكمل القصة قريباً).........

والله الله يعينك انا لو في مكانك مدري ايش بسوي

حبيبي أنا مستغرب من الموقف هذا

لأن السفارة الأسترالية متواجده في دبي

فليش ماتطلع لدبي علشان تفيز بالسفارة هناك وتطلع على نيوزلندا

وللعلم بأن أستراليا هي الدولة الوحيده في العالم التي تتطلب فيزا لركاب الطائرات حتى لو ماينزلوا من الطائرة

فعلاً الأمر غريب

المشاركة الأصلية كتبت بواسطة دلة رسلان
http://www.arabtravelersforum.com/tr...4/#post2843424

حبيبي أنا مستغرب من الموقف هذا

لأن السفارة الأسترالية متواجده في دبي

فليش ماتطلع لدبي علشان تفيز بالسفارة هناك وتطلع على نيوزلندا

وللعلم بأن أستراليا هي الدولة الوحيده في العالم التي تتطلب فيزا لركاب الطائرات حتى لو ماينزلوا من الطائرة

فعلاً الأمر غريب



شكـــراً على مرورك:101:

وانا عارف بأن السفارة الأسترالية في دبي!!! بس المشكلة ماعندي خبر إن الطائرة تعبر حدود أستراليا!!:112:
انا توقت إن الطائرة من دبي إلى أوكلاند ترانزيت وإلا يمديني طلعت فيزا من قبل أسبوعين

والله قابلت لكـ شخـص محتـرم جـداً ,,

بس فعـلاً يمكنهــا خيــرهـ ..

ونحــن بإنتظـار المزيـد الجديـــد ,,


تحيـــــــــــــــاتي ,,

السلام عليكم

اعانك الله وانتظر جديد هذه القصه التي قد يكون التأخير فيها خيرة

[SIZE="4"]ahmad
Aukland2007

شكــــــراً على مروركم ويشرفني آرائكم وإنشاء الله فيها كل خير

السلام عليكم أخوي الحر الجرئ

منت ناوي تكمل القصة ترى ناطرين

المشاركة الأصلية كتبت بواسطة دلة رسلان
http://www.arabtravelersforum.com/tr...4/#post2845984

السلام عليكم أخوي الحر الجرئ

منت ناوي تكمل القصة ترى ناطرين



أتشرف بمتابعتك وإنشاء الله قريب جدأ بس أحصل الوقت الكافي ماراح انتظر

ســـــــــرد روعه ماشاءالله عليك اخوي

في انتظار التقرير القادم

على احر من الجمر

أولا : أحب أشكر أخوي الحر الجرىء على موضوعه الجميل وأقول لا تطول علينا .

ثانيآ : أحب أن أذكر أخوي الحر أن ( إن شاء الله ) تكتب هكذا وليس كما كتبت إنشاء الله لأنك كتبتها بما لا يقل عن الخمس مرات وأتمنى التعلم للجميع حتى لا يتغير المعنى الصحيح للكلمه .. وأكرر شكري لك .

اتمنى تكون هالقصه عظه وعبره لكل من ينوي يسافر بعد كذا
لانه في اغلب الاحيان ننبه المسافرين
ونقول لهم مطلوب فيزا
ويرجع يرد ويقول لا ماهي ضروريه
وهو المتضرر في الاول والاخير

عموما عساها خيره وانا اخوك

كمل نبي نعرف ايش صار
حاسس انك بطلّت تسافر بحكم انك موظف ووقتك محدود

ribery
الله يجزاك خير وماشاء الله على قوة الملاحظة والله يمكن من سرعة الكتابة! وإلا مايحتاج عندي الإملاء عال العال ولكن ماقصرت ونتقبل النقد المفيد بكل إحترام....
حساس
على قول البدو تفاول بالخير (فال الله ولا فالك) إن شاء الله رايح الله لا يعقب شر خخخخ

الله يعطيك العافيه
وخيره ان شاء الله
ومتى رحلتك بتكون
وايش بتسوي مع اجازتك بالعمل
وكم ناوي تقعد ان شاء الله في نيوزلندا
؟
واتوقع للتقرير اللي راح تكتبه اثناء عودتك او تواجدك هناك بيكون رائع
كل التوفيق لك

ماشاء الله ..
بالرغم من بساطة القصـة , لكـنك جعلتهـا رواية ..

بالتوفيـق يالغالي ..

وفي إنتظـار آخـر المستجدات ..

ما شاء الله قصتك على أنها تضيق الصدر

الا انها راح تفيد كثيرين بعدك

عندي سؤالين لاهنت ...

يوم تعبي الفيزا هل وجدت خيار ان تكون زيارتك متعدده لأستراليا

يعني الفيزا تشمل الذهاب والعوده ؟؟؟


وكم قعدت الفيزا على ما تاصل ( المده ) ؟؟؟



:11ughboun

ماشاء الله
وياخوك كل تاخيرة فيها خيرة

حساس
الله يعافيك وألف شكر على المرور
والرحلة القادمة يوم الأربعاء المقبل إن شـاء الله,
ومن ناحية العمل الأمور تسر خاطرك والأخوان متعاونين وما راحو يقصرون,
وناوي أقعد ثلاثة شهور إن شاء الله قابلة للزيادة لو توفرت لو زانت الأمور,
والتقرير إللي راح أكتبة سواء عند العودة أو وانا متواجد هناك ماراح يزين إلا بمشاركتك وطلتك يالغالي
ahmad
حيا الله المشرف الغالي ولك كل الشكر والتقدير على المرور الكريم وانت اهل للقصص والروايات وما نحن إلا مٍمّن يستفيدون منك ومن تجاربك
Auckland2007
شكــــراً لك أخوي على المرور ويعطيك ربي ألف عافية

المشاركة الأصلية كتبت بواسطة المظلوووم
http://www.arabtravelersforum.com/tr...9/#post2849589

ما شاء الله قصتك على أنها تضيق الصدر

الا انها راح تفيد كثيرين بعدك

عندي سؤالين لاهنت ...

يوم تعبي الفيزا هل وجدت خيار ان تكون زيارتك متعدده لأستراليا

يعني الفيزا تشمل الذهاب والعوده ؟؟؟


وكم قعدت الفيزا على ما تاصل ( المده ) ؟؟؟



:11ughboun

المظلوم

تسلم على المرور
نعم حصّلت خيارات كثيرة ومن ضمنها ماتفضلت إذا ماخانتني الذاكرة ولكن التأشيرة تأشيرة مرور فقط!(على ما رأيت فيه ثلاثة نماذج الأولى نموذج سياحة والثانية نموذج دراسة لمدة سنة والثالثة نموذج تأشيرة الدخول )
نعم الفيزا تشمل الذهاب والعودة على ماقيل لي
الفيزا إلى الآن لم تصل ولكن كما تحدثت سابقاً المدة (ثلاثة أيام عمل) يعني نقول إن شاء الله اليوم أو بكرة بإذن الله.:114:

والله انقهرت ’’’

بس ان شاء الله خيره ’’

بالتوفيق ’’

ءإلـى هنـا إنتهـت القصـة ؟!



:114:


ماهـذا البخــــل ؟

**فعلا مصائب قوم عند قومٍ فوائدُ **
كان الله في عونك . وكل تأخيرة فيها خيرة والحمد الله على كل حال .
ياليت غيرك يستفيد من اللي حصل معك . ويرتب امور السفر على اكمل وجه .
شكرا لك وتقبل اطيب تحياتي
وننتظر تقريرك بالتفصيل ......

السلام عليكم
مســـاء / صباح الخير
ههههه
احمـــــــد أبشر بكل خير وانت ادرى بكل الاحداث عموما انا ماراح أنسى فضل هذا المنتدى بتاتاً ولكن الحين انا متواجد في نيوزلاند في منطقة(coromandel) وامور الدراسة انت ادرى فيها!!!!!!
ولكن عما قريب سوف ترى مايثلج الصدر ويبرئ الذمم بكل جد واحداث السفر من الالف إلا الياء نقطة بنقطة

وشكـــــــراً.......