الموضوع: عزمنا على زيارة البحرين لمدة ايام شهر ديسمبر

السلام عليكم اخواني واخواتي

كما جرت العاده لي ولزوجي ان نزور دولة خليجية في اجازه الاتحاد لدولتي الغالية الامارات

وهذا العام وقع الاختيار على البحرين العزيز

بس اللي احلى في هالسنه انه راح نكون قروب كبير نوعا ما

مكونه من عائلتي الصغيره اللي هي عباره عني انا وزوجي خخخخخ

وعائله اختي المكونه من اختي وزوجها وعيالهم ال7 .. طبعا كلهم كبار ماعدا طفل عمره 9 سنوات

وعائلة بنت اختي اللي مكونه من شخصين


طبعا السفر راح يكون بالسيارة رغبة منا بالتغيير من ركوب الطيارات ومنها نستفيد من السيارة بدل ما ناجر :113:


طبعا بما اني انا صاحبه الفكره ... فالمطلوب مني اني احط جدول كاااااااااامل للرحلة من طا طا للسلام عليكم

ولي بعض الاستفسارات لكم اخواني

1. اولها .. كيف الجو راح يكون في شهر 12 .. هل هو برد وايد والا حلو

2. طبعا بما ان عدننا كبير فراح نحتاج شقق بدل الفندق ابي اقتراحاتكم اي شقق مناسبه للعوائل ونظيفه .. و يكون سعرها بالمعقول يعني بحدود ال 500 درهم

3. وهل يكون احسن لو حجزنا الفندق عن طريق المكتب السياحي اللي في الجسر ..؟؟

4. وهل ممكن تعطوني الاماكن اللي ممكن نزوها ؟؟ ما نبي نفوت شي في البحرين ... نبي ندورها حته حته

5. وعندي استفسار بخصوص جنة دلمون ... هي عبارة عن شنو ؟ مدينة العاب مائيه والا كيف ؟ يعني شرات الوايلد وداي والا عادي نروم نحن الحريم نلعب بعد ؟ :surf

6. وبغيت احلى المطاعم اللي موجوده .. وتكون شعبيه بعد ... مب كلها بعد التنويع حلو ... يعني مثلا يوم سرنا كويت واااااااااااايد عيبنا مطعم فريج صويلح .. هل في مطعم شبيه عندكم في البحرين ؟؟


7. نحنا عائله تحب تستانس بالمكان اللي رايحتنه اكثر من الشوبينغ .. بس هذا مايمنع نروح الاسواق الحلوه واللي ما تتفوت .. يعني غير السناتر وهالاماكن ...؟؟ مثل ما تعرفون دبي والشارجة مكوده سناتر ... نحن طبعا بنروح السيف و السيتي سنتر .. بس بعد نبي اسوق شعبيه حلوه


ادري طولت باسئلتي بس مالي غيركم يجاوبني

ودتم سالمين " جلبت على سبيس توون خخخخخ" :109:

مواضيع عشوائيه ممكن تكون تعجبك اخترناها لك:

• الله يخليكم ساعدوني مسافر للبحرين يوم ذالحجه ولمدة أيام أنا والمدام والميزانيه
• نصيحة للعوائل المحافظة التي تبحث عن سكن ملائم في البحرين
• استفسار عن فيزة الخادمه
• افتتاح جسر الملك فهد مساء اليوم الاربعاء
• دخول البحرين بكرت العائلة ؟؟؟
• فندق برج السفير خيار عائلي مناسب تقرير مصور
• فندقي الدملومات ، والشيراتون البحرين
• استقسار عن زائر أجنبي للسعودية عن طريق البحرين ؟؟؟
• سيارة في البحرين
• استراحة للايجار اليومي للعوائل
• اهل البحرين طلبت منكم هالخدمه ؟؟
• اريد فندق جميل وغرفه راقيه
• أي الطريق أفضل للوصول للمعهد الأمريكي عاجل جداً
• العملة السعودية وش قصتها
• هل افتتحت كل محلات ستي سنتر؟
• فندق بالبحرين سعره ريال
• سين سؤال لأهل البحرين الشقيق الكرام
• الأعزاء في بحرين المحبة
• السن القانوني للسفر
• استفسار بالنسبة للدخول

وعليكم السلام ورحمة الله وبركاته ... وحياكم الله في البحرين .. :101:

الإجابات ...

.




اولها .. كيف الجو راح يكون في شهر 12 .. هل هو برد وايد والا حلو



والله في ديسمبر عادة يكون الجو بارد ... بس مو مثل يناير وفبراير .. بس احتياطا .. جيبوا معاكم جاكيتات أو شالات ..






2. طبعا بما ان عدننا كبير فراح نحتاج شقق بدل الفندق ابي اقتراحاتكم اي شقق مناسبه للعوائل ونظيفه .. و يكون سعرها بالمعقول يعني بحدود ال 500 درهم



الدليل السياحي ... في خيارات متعددة ومميزة ... وجميعها عائلية ومجربة ... ونظيفة وحلوة ...

والترشيح دائمل يكون لفنادق إليت .. بحكم سمعتها وخدمتها ... وطبيعتها العائلية ...


3




. وهل يكون احسن لو حجزنا الفندق عن طريق المكتب السياحي اللي في الجسر ..؟؟



ما عندي فكرة عن هالموضوع ...






4. وهل ممكن تعطوني الاماكن اللي ممكن نزوها ؟؟ ما نبي نفوت شي في البحرين ... نبي ندورها حته حته



بعد الدليل السياحي بيخدمكم في هالنقطة ... الاماكن الترفيهية .. الأسواق .. المجمعات ... المطاعم ...

والمواضيع الرائعة المثبته .. هم بتفيدكم كثير ..






5. وعندي استفسار بخصوص جنة دلمون ... هي عبارة عن شنو ؟ مدينة العاب مائيه والا كيف ؟ يعني شرات الوايلد وداي والا عادي نروم نحن الحريم نلعب بعد ؟ :surf



نعم .. هي مثل الوايلد وادي ... بس مب متاكدة بتكون مفتوحة في ديسمبر اولا ؟!






6. وبغيت احلى المطاعم اللي موجوده .. وتكون شعبيه بعد ... مب كلها بعد التنويع حلو ... يعني مثلا يوم سرنا كويت واااااااااااايد عيبنا مطعم فريج صويلح .. هل في مطعم شبيه عندكم في البحرين ؟؟



المطاعم ... في الدليل السياحي ... والمواضيع الرائعة .. نخبة جميلة من المطاعم ... بس المطاعم الشعبية ... ماعرف غير مطعم الصواني اللي يقدم أكلات بحرينية ... وموقعه بجانب متحف البحرين الوطني ...





7. نحنا عائله تحب تستانس بالمكان اللي رايحتنه اكثر من الشوبينغ .. بس هذا مايمنع نروح الاسواق الحلوه واللي ما تتفوت .. يعني غير السناتر وهالاماكن ...؟؟ مثل ما تعرفون دبي والشارجة مكوده سناتر ... نحن طبعا بنروح السيف و السيتي سنتر .. بس بعد نبي اسوق شعبيه حلوه



سوق المنامة ... سوق المحرق ... هم اشهر الاسواق الشعبية في البحرين على الإطلاق ... وراح تستانسون فيهم .. وبالأخص سوق المحرق ...

وحياكم الله :101:

. اولها .. كيف الجو راح يكون في شهر 12 .. هل هو برد وايد والا حلو


يكون الجو بارد وللاحتياط لازم تأخذون معاكم جاكيتات.

2. طبعا بما ان عدننا كبير فراح نحتاج شقق بدل الفندق ابي اقتراحاتكم اي شقق مناسبه للعوائل ونظيفه .. و يكون سعرها بالمعقول يعني بحدود ال 500 درهم

عندج مجموعة اليت ( اليت رسورت - اليت غراند - وغيرها)
وبعد عندج شقق ميركيور غراند ( موقعه ممتاز عند مجمع السيف)
بس الاسعار تختلف لان في اجازة الويكند ترتفع الاسعار

3. وهل يكون احسن لو حجزنا الفندق عن طريق المكتب السياحي اللي في الجسر ..؟؟

اختي اهو الكل ايقول احسن لكن في احتمال ماتحصلون حجز اذا كان في الويكند.

4. وهل ممكن تعطوني الاماكن اللي ممكن نزوها ؟؟ ما نبي نفوت شي في البحرين ... نبي ندورها حته حته

منتزه عين عذاري ( ملاهي حلوة للاطفال والكبار وتوجد فيه مطاعم ) لازم اتروحونها.
محمية العرين ( حديقة الحيوان وايد حلوة وتستاهل الزيارة)
ممكن اتروحون متحف البحرين الوطني
وتوجد الكثير من القلاع والبيوت التراثية والمعابد

5. وعندي استفسار بخصوص جنة دلمون ... هي عبارة عن شنو ؟ مدينة العاب مائيه والا كيف ؟ يعني شرات الوايلد وداي والا عادي نروم نحن الحريم نلعب بعد ؟ :surf

اهي نفس الوايلد وادي لكن اعتقد انهم راح ايكونون مسكرين في فصل الشتاء.


7. نحنا عائله تحب تستانس بالمكان اللي رايحتنه اكثر من الشوبينغ .. بس هذا مايمنع نروح الاسواق الحلوه واللي ما تتفوت .. يعني غير السناتر وهالاماكن ...؟؟ مثل ما تعرفون دبي والشارجة مكوده سناتر ... نحن طبعا بنروح السيف و السيتي سنتر .. بس بعد نبي اسوق شعبيه حلوه [/FONT][/B][/COLOR]

سوق المحرق توجد فيه وايد اشياء ( العبايات - الدراريع - الحلوى البحرينية - المتاي - وغيرها ) وبصراحة يستاهل الزيارة.


وبالتوفيق ان شاء الله في رحلتكم واي سؤال لاتترددين.

زوريناااااااااااااا بالخبرررررررر وخلو سفرتكم 4 بالبحرين والباقي بالسعوديه

رحلة سعيدة

وماشالله الاخوان ماقصرواااااااااااااااااا...

ماشاء الله الاعضاء عطوك كافه المعلومات بس اللي احب اضيفه واقولك عليه لاتسكنون الا في مجموعه فنادق اليت هي افضل شي اما شقه كبيره تكفي لكم كلكم مااتوقع فيه الا اذا اخذتوا شقتين وبالنسبه للمطاعم اذا تبين مطاعم حلوه روحي منطقه العدليه كلها مطاعم ومقاهي وخذي بالك ترى شهر 12 الجو بارد لازم لبس شتوي شوي