الموضوع: مهم رأيكم في فنادق اخترتها

السلام عليكم..
سفرتي في اكتوبر الى ايطاليا و انترلاكن ان شاء الله..
3 بالغين و 1 طفل 12 سنه
يارب يكون الجو جميل ولا يصير بارد.

روما:
من 3 -8 اكتوبر
اولا فندق: Hotel Parlamento**
سعره مناسب لي بس خايفه من كونه غير نظيف او غير امن خصوصا اننا عائله, ايش رايكم؟؟

ثانيا:شقق Residenza Al Saraceno
اممم سمعت عنها ولكنها بدون فطور

ثالثا: فندق Hotel Madrid***
موقعه مميز ولكن سعره غالي بالنسبه لميزانيتنا



أنا حجزت في كل هذه الفنادق لكن محتاره ايهم اعتمده.

فلورانس
من 8-11 اكتوبر
اولا : شقق Relais Piazza Signoria
مشكلتها بدون فطور


ثانيا: فندق Hotel Perseo***
وقعت في غرامه بيد ان سعره ارخص من اللي فوقه مع الفطور

وأخيرا
البندقيه
11-13 اكتوبر
حجزت في فندق Riallto
لان اغلب الفنادق ممتلئه في نفس فترتي ولكن سعره غالي جدا 1700 ريال لليله اذا في اقتراحات جميله واقل سعر بشرط ماتكون بدواعيس صعبة الوصول اليها

مساعدة اخيره::
ابي احجز القطار من البندقيه الى انترلكن قبل ان اسافر , من وين؟



شكرا شكرا مقدما لمن يتكرم بالرد ولو بمعلومه بسيطه

مواضيع عشوائيه ممكن تكون تعجبك اخترناها لك:

• ترتيب جدول لروما وميلان الله يخليكم
• برجاء الافادة بخصوص استخدام القطار فى ميلانو
• وش رايكم شهر عسل بإيطاليا في اكتوبر
• الرجاء المساعده رحله لايطاليا لاول مره
• اسئله بخصوص السفر لايطاليا في شهر
• أهم أسواق ايطاليااااااااااا
• هل إيطاليا تنفع لشهر العسل ميلان و فينيسيا
• شفت المنتدى بصراحة جننى رائع رائع اتسجلت عليه بس ياااااااااريت مسااااااااااااااااعدة
• السفارة رفضت إستخراج الفيزا بسبب تعدد الفنادق الحل يا جماعة ؟؟؟
• افزعوا معي يا إخوان
• الذهاب إلى فينيسا عن طريق السيارة
• مسافر جديد واحتاج جدول بميلان اربع ايام
• ز لز ا ل ايطاليا والهــــــــــــزات الارضيــــــــــــــــــــــــــه
• عاجل فنادق في روما وميلان فينيسيا
• باركولي وساعدوني
• استفسار عن السفر
• وشرايكم بخط السير والخطوط؟؟؟؟؟؟
• وش الحل ؟
• مين جرب هالخطوط ؟؟؟؟؟؟؟؟
• مساعدة في ترتيب رحلة بسيطة أوروبية

نفس موعد سفرتي ان شاءالله
روما
الاوتيل الاول حلو وان شاءالله مافيه خوف وكل شي آمن
الشقق مرتبه وحلوه وعجبتني اكثر من الاوتيل
الاخير اذا مايناسب ميزانيتكم لاتضغطين نفسك احسن واريح

فلورانس
الاول جمييييل
الثاني بعد حلو وموقعه نفس الاول وسعره حلو مرا وميزته عن الاول الفطور احس تاخذين هذا احسن*_*

فينس
شوفي هذولي
Grande Albergo Ausoin & Hungaria Wellness & SPA
Venetian Apartments
Cosy Apartments

وبخصوص الجو بنروح وان شاءالله يكون حلو ولو برد بنتحمل

شكرا جزيلا عزيزتي على الرد ممتنه

اتمنى اجد اراء اكثر بهذا الخصوص .. انتظر المزيد من الاراء من الموبايل

بالنسبة للقطار من فينيسيا الى انترلاكن مافيه مباشر لازم تبدلون القطار مرتين .. وبتاخذون تقريبا 7 ساعات ..

ميلان ماهي على خط سيركم ؟

لا والله ماراح نمر ميلان..
الايام ماتكفي وخاطرنا بإنترلاكن...تعتقد الوضع صعب يعني؟؟
انا حاطه لفينيسيا يومين قلت يوم كامل نتمشى واليوم الثاني يصير طريق لإنترلاكن.. من الموبايل

اذا بخاطركم تسوق انصحكم بميلان ومنها على لوقانو وتوصلون بعدها انترلاكن .. فينيسيا جولة بالجندول وساحة سان ماركو هذا اهم شي وناس كثير يروحون لفينيسيا من ميلان بالقطار ويرجعون بنفس اليوم ..

في سويسرا راح تستأجرون سيارة ولا قطارات ؟؟

العمر كله احلم بفينيسيا اخاف اروح لها بنفس اليوم وارجع اتحسف
وميلانو رأيي اننا بنروح روما 6ايام وفلورنس 3ايام و فينس يومين بنصير شبعنا من المدن ونبي ريف...والاسواق احسها بكل مكان...مع ان خاطري بكومو ولوغانو بس افضل نسكن بالريف على طول بدل نروح يوم ونرجع.
بالنسبه لانترلاكن بنعتمد على القطارات خمس ايام ..بنسكن ثلاث ليالي بفندق Bellevue على النهر وثلاث ليالي بفندق
Brienzersee على البحيره...شرايك

وهل لهذه الدرجه الطريق لإنترلاكن طويل ومتعب ؟انصحني الله يجزاك خير من الموبايل

ليش ما تاخذون 3 ايام من روما وتخلونها في ميلان .. وبالنسبة للاسواق .. آوت ميلان افضل شي للتسوق .

واختيار موفق لفنادق انترلاكن

اولا اشكرك على الرد.. لا اريد ان انتقص من روما من اجل ميلان , يهمني زيارة الاماكن الكثيره في روما اكثر من التسوق في ميلان..
شكرا لك..


الان الاسئلة التي لم اجد اجابات مباشره عليها:
1_ هل السفر من فينيسيا الى انترلاكن بالقطار متعب جدا؟ وكيف احجز التذاكر قبل ان اغادر السعوديه؟
2_هل التنقل مجدي في فندقين انترلاكن بحيث يكون ثلاث ليالي بفندق Bellevue على النهر وثلاث ليالي بفندق
Brienzersee على البحيره...ولا الموضوع مايسوى؟ونخليها كلها بفندق بيليفيو
3_هل يمكنني زياره ريميني وريتشوني من فلورانس ليوم واحد؟
4_هل من سبيل لزياره كومو ,علما باني لن اسكن ميلانو؟
شكرا

متعب اذا كان عددكم كبير واطفال والشنط .. لانه تبديل مرتين ومسافة طويلة ..
انترلاكن انا افضل Brienzersee
ريميني وريتشوني بعيدة عن فلورنس صعبة يوم واحد تزورونها وترجعون .. اسكنوا في سان مارينو او خذو لكم ليله في ريميني اذا حابين
بالنسبة لكومو تقدرون توصلون بالقطار الى لوقانو 3 ساعات ونص من فينيسيا وتوقف واحد ... ومنها تكسي على كومو

عددنا ثلاث كبار وطفل..الله يسهل
وبالنسبه لفندق Brienzersee ماحصلت فيه حجز ابداا الا ثلاث ايام الاخيره...وانا حابه موقعه،هل يسوى ابدل فنادق ولا اخليها بس زياره لبحيره برينز
.......
جدا ممتنه لتواجدك هنا شكرا اخي. من الموبايل

دام الغالبية كبار ان شاء الله وضعكم سهل ..

اخاف اقولك قسمو الست ليالي وتتحسفين وتقولين ليتنا ما غيرنا ... لكن لو علي انا بغير طبعا وبقسم الليالي
شوفي اللي معاك ورغبتهم ..

ماذا لو اخذنا طياره من فينيسيا الى زيورخ ومنها الى انترلاكن ..مو اريح؟؟
خفت من سالفه تبديل القطارات خصوصا انها بتكون اخر الرحله و الشنط بتزيد.

وابي بديل مناسب عن فندق ريالتوا الغالي جد..
تاريخ 11-13اكتوبر من الموبايل

الطيران اكيد اريح .. عندكم الالمانية حلوة

بالنسبة للفنادق مدري كم ميزانيه حاطينها لكن هذي الفنادق في سان ماركو بنفس تاريخكم .. اختاري اللي يعجبك وانا اقيمه لك

http://www.booking.com/searchresults...ml?aid=1329869

اطلعت على الطيران الاقتصادي لم اجد مايوصل بين فينيسيا و زيورخ
يوجد طيران مرتفع التكلفه يوصل بينهما.
حصلت على طيران"ايزي جت" من فينيس الى جنيف ولكنها لا تصل الا العاشره مساء وهذا متأخر جدا..

يبدو انه لامفر عن القطار،يامسهل
-----------
سكن فينس:
وجدت :
Venetian atmosphere
شقه ليلتها 1050 ريال

والاخرى:

Antica Casa Coppo مع الافطار ليلتها 1300

..شكرا... من الموبايل

جربي air berlin ..



الفندق شوفي هذا
http://booking.com/060cc752ec4efc664

و رابط الجيش و الغوا اجازاة الضباط...و حيتلغي كل شي .. وتوته توته خلصت الحتوته
الحمد لله على قضاءه و قدره لعل الله رادنا عن شر .. شكر جزيل للاخ tab. El
واسأل الله ان يعوضنا برحله اجمل و وقت انسب اصلا اكتوبر برد :d من الموبايل

المشاركة الأصلية كتبت بواسطة fatemh
http://www.arabtravelersforum.com/tr...9/#post8037959

و رابط الجيش و الغوا اجازاة الضباط...و حيتلغي كل شي .. وتوته توته خلصت الحتوته
الحمد لله على قضاءه و قدره لعل الله رادنا عن شر .. شكر جزيل للاخ tab. El
واسأل الله ان يعوضنا برحله اجمل و وقت انسب اصلا اكتوبر برد :d من الموبايل



يوووه هههههههههههههه


كل هالتعب .. يالله خيرره ...