الموضوع: خطوط كاثي سيفيك بعض الاستفسارات

السلام عليكم
الله يعافيكم انا اليوم حجزت عند مكتب # بالرياض على خطوط الكاثي سيفيك ... وسعرها بــ 6100 ريال ذهاب وعوده

عندي بعض الاسئله ياليت احد يوضحها لي ...
1/ هل هذا السعر مناسب او لا ؟
2/ اريد مقعد عند النافذه كيف استطيع فعل ذلك ؟
3/هل هناك مكتب للكاثي سيفيك بالرياض ؟


ارجو من الجميع يكتب جوابه يا اخوان الفايده لي والي بيسافرون بعدي ... وشكرا

مواضيع عشوائيه ممكن تكون تعجبك اخترناها لك:

• عاجل يا اخوان حفظكم الله
• يووم سفري
• قضاء أجازه صيفية في نيوزيلاند
• خاص الى نيوزلند وعام لجميع
• الاخ العزيز المايستروشكرا
• بجي اشتغل في الملحقيه السعوديه الجديده وش تنصحوني فيه
• ابي مساعدة العمر
• اسابيع في دراسة سيآحة مع كثير من الفهاوة
• استفسار بخصوص السفر لنيوزلندا والله يوفق كل من يساهم بمعلومه ويجعلها في موازين حسناته
• معاهد اوكلاند
• ياشباب جزيرة واهيكي من يعرف عنها ؟؟؟؟ رحلتي بعد ساعات
• خبر اليوم مستجدات غرق الطالب السعودي
• لخبراء كانتوبري كرايس تشيرتش
• سؤوال عن الجوـو
• ايش أفضل مدينة في نيوزلندا؟؟؟
• اي خطوط احسن لذهاب الى كوينزتاون
• ماهي سؤال لكل من لديه اي خلفيه عن الجامعه
• كاس العالم
• سؤال عن التجارة في نيوزيلندا
• استفسار عن السياحه في نيوزلندا

^^^^^
^^^
^^
^

1/ هل هذا السعر مناسب او لا ؟

استفسر من الخطوط السنغفوريه , والماليزيه (على حد علمي , هذه هي الخطوط التي تسير رحلات إلى نيوزيلندا , بالإضافه إلى الإماراتيه - ولكن تحتاج فيزا -) عن اسعارهم , وبالتالي احجز على الأرخص .


2/ اريد مقعد عند النافذه كيف استطيع فعل ذلك ؟

بعض الخطوط توفر هذه الخدمه لعملاء الحجز عبر النت , ولكن اذهب غلى المطار بوقت كافي قبل الرحله , واطلب من موظف الخطوط , الذي سيعطيك بطاقه صعود الطائره ماتريد .


3/هل هناك مكتب للكاثي سيفيك بالرياض ؟

اتصل على 905 وخذ منهم الرقم , وتحدث إليهم

يفيدونك الاخوان بإذن الله ..

بس بخصوص مكانك في الطائرهـ .. أنصحك تاخذ بجانب الممر ..

علشان ماتنحرج من اللي جمبك في السفر ..


لأن السفر طوووويل .. وراح تروح لدوره المياهـ ربما أكثر من مره .. وربما تقوم مابين فتره وفتره لتحرك الدوره الدمويه ..



لكن إذا مصر تاخذ عند النافذه .. خذ المكان اللي يكون عند باب الطوارئ .. لأن ماراح يكون احد امامك فتاخذ راحتك بتمديد رجولك + ماتنحرج من اللي جمبك بالقومه والقعدهـ ..




والله يسهل أمرك ..

ولاتنسى تكتب تقرير عن رحلتك .. وتفيد الأخوان في المنتدى

ابشر بعزك . ^^^^^^(( التقرير)

انا اليوم لقيت الفرع حقهم واخذت مكان عند النافذه تعرفون اول مره اركب طياره وابغى اطل كل شوي

موفق بإذن الله ..

ولاتنسى تقرأ دعاء السفر ..



ولأن الرحله طويله نوعاً ما ..
فلاتنسى تاخذ معك مايسليك ويبعد عنك الملل ..

مثل القرآن الكريم ..
أو قراءه كتاب معين ...

المشاركة الأصلية كتبت بواسطة تذكر زمان اول
http://www.arabtravelersforum.com/tr...4/#post2992932

السلام عليكم
الله يعافيكم انا اليوم حجزت عند مكتب # بالرياض على خطوط الكاثي سيفيك ... وسعرها بــ 6100 ريال ذهاب وعوده

عندي بعض الاسئله ياليت احد يوضحها لي ...
1/ هل هذا السعر مناسب او لا ؟
2/ اريد مقعد عند النافذه كيف استطيع فعل ذلك ؟
3/هل هناك مكتب للكاثي سيفيك بالرياض ؟


ارجو من الجميع يكتب جوابه يا اخوان الفايده لي والي بيسافرون بعدي ... وشكرا



مشاء الله السعر حلو

اليوم انا سئلت عنها حصلتها بقيمة 6400

المشاركة الأصلية كتبت بواسطة تذكر زمان اول
http://www.arabtravelersforum.com/tr...1/#post2996501

ابشر بعزك . ^^^^^^(( التقرير)

انا اليوم لقيت الفرع حقهم واخذت مكان عند النافذه تعرفون اول مره اركب طياره وابغى اطل كل شوي




يسعد أيامك أخوي
ممكن لو تكرمت تخبرنا وين موقعهم ؟
وشلون كان حجزك بـ 6100
أنا لقيته بـ 6450 قبل إسبوع

ربي يرعاك

يا شباب طلعو عن طريق البحرين قيمة التذكره على نفس الخطوط 5200 ريال تقريبا توفر مبلغ مو بسيط بس الله يعين اهل الرياض على السفر من الرياض إلى البحرين

3/هل هناك مكتب للكاثي سيفيك بالرياض ؟



مكتبهم في الملز على شارع الأحساء
لو تخلي مكتب جرير على يمينك يجيك مجمع صغير فيه داجن هاز و برجر كنغ ,,, المكتب بنفس المجمع :101:

المكان يالغالي مثل الاخ الي قال الوصف ..^^^^^^^^

وعلى السعر هذا لقيته عند مكتب # .. بعد ماتتعدى كلية المجتمع خذ الملف اليمين الي بعدها ثم امش 60 متر تلقى مكتب مؤيد ...

اذا تبي شوري لا تروح معهم

لأن الكراسي ضيقه والطريق طويل

20 ساعه لا زم تكون في مكان مريح

وأنصحك تروح مع السنغافورية أو الاماراتيه

والله يوفقك ولا تنس التقرير

اخوي اسد انت مجرب خطوط الكاثي بسيفيك قلي لاني ناوي احجز عن طريقهم

الله ييسر لك أمرك أخوي (تذكر زمان أول )

بس انا ما اعرف ليش اشكك فهالطيران كونه صيني .
يعني أكلهم يناسبنا احنا كمسلمين ؟
وكيف تعاملهم ؟
يعني اللي اعرفه عن الصينيين انهم ياكلو اشياء ما تخطر على البال ، وانه تعاملهم جاف.
بس بصراحه أسعارهم مغريه .
فاللي عنده فكره عن اسئلتي رجاء يوضح لي .
ومشكورين كلكم على هالتعاون

^^ ^^
^^

قبل 12 سنه !!

عزيزي االعالم يتغير في لحظات مو 12 سنه

الإخوان هنا اغلبهم مايمدحون هذه الخطوط

دمتم بود جميعاً

انا اليوم اكدت الحجز وخلاص كل شي تمام .. بس ابغى استفسر انا من الرياض الى هونغ كونغ لي رقم رحله . ومن هونغ كونغ الى اوكلاند رقم رحله اخر .. هل هذا يعني اني بغير الطياره ولا نفسها ....

وثانيا ياخوان على وقت الاقلاع .. انا ماشفت وقت للاقلاع في التذكره ... وكيف اعرفه وشكرا ...

والي خوي معي يوم 10/7/2009 يعلمنا يا اخوان ترا مالها داعي 24 ساعه على الصامت ...

وثالثا يا اخوان اذا جيت ابلغ المعهد عن موعد الرحله هل ارسل لهم صوره من التذكره عشان يعرفون رقم الرحله وكل شي ولا كيف ؟؟؟؟

وياليت احد يجاوب باسرع وقت يا اخوان ومشكورين وماقصرتو ....

واحد يجاوبني ^^^^^^^^

تذكر زمان اول******** اسمك يذكرني بمطلع القصائد الشعبيه , صراحه ...... النك دمار شامل

نجي للمهم .....

- في العاده الطائره تتغير

- مواعيد الإقلاع والهبوط مكتوبه على التذكره , دقق في التذكره وانت تحصل المواعيد

- من ناحيه مالها داعي 24 ساعه على الصامت , فهو فعلاً مالها داعي , ولكن وش رايك ......... ماينفع خوي على الرحله اللي بعدها بيومين ...... خخخخخخخ .... إن شاء الله تحصل خوي , وإن ماحصلت مايهمك , شف اللي جالس جنبك , وادخل فيه عرض

- لو ترسل لهم صوره التذكره افضل , ولو تعطيهم تاريخ وصول الرحله اعطهم اياه بتوقيت الطيران ..... اقصد على 24 ساعه , مثلاً من الساعه الواحده ظهراً , لاتقل لهم الواحده بعد الظهر , قل الساعه 13 , وهكذا .....


ارجو من الأخ تذكر زمان اول ******** مغرز عند النك , التماس العذر للإخوان رواد البوابه , فالكل مشغول اما بعمل واما بإختبارات , وإما بدراسه في الخارج , ولايوجد لديه انترنت في محل إقامته ....

دمتم بود جميعاً

فيه سؤال مهم عند التوقف لتبديل الطائرة بالنسبه للشنط هل اذهب استلمها في هونق كونق وانتظر حتى تاتي رحلة اوكولاند واشحنها ؟؟؟

المشاركة الأصلية كتبت بواسطة heroooo
http://www.arabtravelersforum.com/tr...7/#post3022277

فيه سؤال مهم عند التوقف لتبديل الطائرة بالنسبه للشنط هل اذهب استلمها في هونق كونق وانتظر حتى تاتي رحلة اوكولاند واشحنها ؟؟؟



عزيزي بالنسـبة للشنـط ..
تسلمهـا في مطـار الإقـلاع ..
الريـاض مثـلاً ..

وتستلمهـا في مطـار أوكلانـد ,,


ماراح تحتـاج تستلمهـا في هونج كونج ..