المشاركة الأصلية كتبت بواسطة هتومي
http://www.arabtravelersforum.com/tr...6/#post3946746
الاخوة الكرام... جزاكم الله خيرا على جميع ردودكم المميزة.
من فضلكم اريد برنامج سياحي عائلي لبلاد المغرب الطيبة حيث ان سفرتي بالعائلة تستغرق 20 يوم اعتبارا من 12سمبتبر بعد شهر رمضان المبارك.
السلام عليكم ورحمة الله وبركاتة
هلا أخوي هتومي انا اخوك سعودي من الخبر وبقولك نصيحتي بكل امانة انا سافرت المغرب 5 مرات شبابية( 3 مرات منها لما كنت عزوبي ومرتين بعد الزواج برضو شبابية) لكن والله لو ظروفي المادية كويسة كان أخذت العائلة لأن العائلة لما تكون معاك فرق عن لما تكون مع الشباب لأن مع الشباب بتسكنون في شقة وبتأكلون من اي مكان يعني مايهم مطعم فخم ولا سندويتشات من اي بوفية او محل ولا طبخ كبسات وطواجن في البيت وهذا اوفر بكثير عن لما تكون مع العائلة لازم تسكن بفندق 5 أو 4 نجوم علشان الراحة والأمان لأغراضكم الشخصية ومستحيل انك بتروح توقف عند اي مطعم يبيع سندويتشات على الماشي في الشارع ورخيص لازم تروح مطاعم هاي وجلسات هادئة وهذي بتكون غالية برضو طبعاً هذي وجهة نظري الشخصية . لكن مادام ميزانيتك حلوة انا اقولك روح ولا تتردد والله شعب طيب وماعندة مشاكل مع احد ولو تكون مع عائلتك راح تشوف الاحترام والتقدير اكثر من لو انك عزوبي . طبعاً مافي مقارنة مع ماليزيا او تايلند او اندونيسيا من ناحية المدن الترفيهية والمجمعات التجارية لكن إللي يميز المغرب إن كل مدينة تختلف عن الثانية مو مثل شرق آسيا كلها خضار في خضار ما تحس في فرق وبعدين اهم سبب يميز المغرب ان اهله مسلمين وعرب وشعب كريم ومضياف جداً جداً وهذي مو مجاملة والله
المفضلات