الموضوع: أول مره اسافر المانيا بليز

الله يعطيكم الصحه والعافيه على هالمنتدى

الي الكل يشكر ويمدح فيه

واتمنى استفيد مثل مستفاد غيري

أحنا 3 شباب


ناوين نروح بأذن الله

بتاريخ

10/10/2010

دوحه - باريس - ألمانيا - زلامسي - ألمانيا -دوحة





حجزنا التكت والفيزا

راح نجلس في باريس 4 او 5 ايام


15/10

بنطلع بالقطار من باريس ولا طياره ولا سياره الشباب يقلون قطار والناس يقلون تعب

ومحتارين نطلع من باريس على دسلدروف ولا ميونخ



وناوين نجلس أسبوع بالمانيا

ونبي نروح زلامسي يومين ولا 3 أيام

وابي رايكم

وأذا بنأجر سياره وين نأجر من ميونخ ولا دسلدروف

وللعلم رجعتنا على مطار ميونخ في

26 /10

ومتى نروح زلامسي



اتمنى تفدوني

وين تنصحوني بالاماكن بميونخ ودسلدروف

وزلامسي

نبي أماكن حلوه والشبابيه والكوفي شوبات

والاماكن الي تستاهل الواحد يزورها

واماكن تجمع الخليجين


المشكله مب عارفين نسكن وين بدسلدوف وبميونخ

ولا ريف ميونخ


وأختلافنا نجلس بدسلدوف ونروح ميونخ بسياره ولا

العكس


ومتى بنروح زلا مسي وكم يوم نجلس فيها

واحنا نحب السهر بليل وهل في اماكن ولا كل شيء

يسكر 6 بليل

واتمني تدلوني اماكن شبابيه وكل مكان حلو من مطاعم

وكوفي

شوب واماكن غريب ووناسة

وياليت تنصحوني


((ببرنامج شبابي))


لان نحب الفرفشه ووالوناسه واحنا شباب

بليز بليز لاحد يبخل علي برايه

أول مره أسافر حق ألمانيا

مواضيع عشوائيه ممكن تكون تعجبك اخترناها لك:

• ترتيب المدن وخطة السير والتنقل ؟؟
• ايش رايكم بخط الرحله؟
• من قطر إلى ألمانياشكر وتقدير
• مخططي مع الفنادق استشارة عاااجلة
• استفسار عن الفيزا
• استفسار اين جد عبوات الغاز المستخدمة في الرحلات في ميونخ يوجد صورة
• الله يوفقكم خطة رحلة
• عااااااجل فيزة شنغن للخادمة
• بخصوص دوسلدورف وماحولها أسئله متجدده
• بخصوص استئجار سيارة
• كم بلجيكا إلى المانيا والنمسا
• مساعده لايجاد شقه بميونخ
• شو افضل بطاقة هاتف في ألمانيا ؟؟
• ارجو المساعده
• ممكن اتساعدوني
• بسافر الى ميونيخ في عطلة الربيع وشرايكم؟؟؟
• شقق فندقيه في هايدلبيرغ
• مشتت محتاج مساعدة
• صور الفيزا للنساء
• الفزعه الى خبراء ميونخ

هلا فيك اخوي الكريم ..

الرحله من باريس الى ميونخ بالقطار عليك اتشوف القطار الاوربي .. وهناك حلين اخرين اما التوقف بدوسلدروف لمدة يومين ثم الى ميونخ 3 ايام زيلامسي 3 ايام ثم ميونخ يوم والعوده منها .. او من باريس الى ميونخ طيران داخلي ثم من مطار ميونخ مباشره الى زيلامسي المكوث بها 4 ايام ثم ميونخ 4 ايام والعوده منها ...

انشوف المخطط وان شاء الله نكمل الباقي

القطار الاوربي هنا

http://www.arabtravelersforum.com/re...e-world.com%2F

المسافه بالقطار من باريس الى مينوخ دايركت بدون توقف وعلى القطار السريع تستغرق 6 ساعات وربع وهي اقل وقت ممكن تحصله بالقطار وهذي مسافه متعبه ومرهقه لذلك اقترح عليك الانتقال بالقطار من باريس الى كارلسروهه Karlsruhe بالقطار من باريس 3 ساعات فقط مباشرة بدون توقف تستأجرون منها سياره و تسكنون فيها يومين وهي قريبة من بادن بادن نصف ساعه بالسياره وقريبه من مدينة ستارزبيرق الفرنسيه ساعه فقط وقريبة من مدينة الالعاب اليورب بارك في روست ساعه فقط (الالعاب تصلح للشباب وممتعه جدا ) ولكم الخيار ايضا بالسكن في بادن بادن وبعد زيارة الاماكن المذكوره تنتقلون الى ميونخ المسافه اقل من 3ساعات وبالنسبه لالمانيا لايوجد مكان محدد لتجمع الخليجين مثل باريس ولندن وجنيف وخصوصا ان وقت سفركم ليس بوقت التجمعات ودامكم شباب متعة اوروبا ليس بالسهر بل بالتمشي بالسياره من مدينة لمدينه والمرور عبر القرى والاماكن الطبيعية والسياحيه تحياااااااااااااااااااااتي

Marhaba fi tayaran rakhis men paris la elmanya .www,.airberlin.de
wa http://www.germanwings.de
http://www.ryanair.de
ana r7t düsseldorf paris bi 100 euro zihaban wa iyaban

3achan al sahar la al chabab fi ktir partys wa düsseldorf fiya nightlife betjanen ana saken fiya
beltawfi2 chabab

ALI_Q8_77

daayem1

DUSSELDORFER

تسلمون ياقلبي على المعلومات

قررنا انا وشباب نطلع من باريس على دسلدروف
بطياره والمشكله الموقع الطيارن مقاعده تعطيني السعر بتاريخ 16/10 يفصل معاي
مدري اذا عندكم خلفيه ون ويه
وان شاء الله نكمل من دسادروف الى ميونخ بالقطار وعلى زلامسي من ميونخ بالقطار

بس المشكله احنا يوم حجزنا التكت حجزنا
دوحه -باريس -ميونخ-دوحه

فايذا انا بنروح ميونخ وعقب زلامسي وبرنجع ميونخ عشان الرحله
احس حرام نقطع تكت فقريت تقرير احد الاعضاء انه في مدينه اسمعها سلسبروغ فيها مطار
شرايكم اخلي العوده للدوحها منها

وياليت تعطوني مواقع للطيران الدخلي غير الي عطتوني اياه لان مايضبط معاي واسمحولي
اذا تعبتكم معاي ياقلبي

اخوي انا جربت طيران ryanair وطيران easyjet وطيران vuling واستخدمتها في اوروبا لانها طيران اقتصادي ورائع علشان كذا حاولت اشوف الشركات هذي من باريس لكن مع الاسف محطاتها في المانيا قليلة لذلك ما حصلت الى ميونخ او ديسلدروف (مع اني ما اؤيدك تروح لدوسلدروف بعيده من ميونخ ) وكذلك شيكت لك على باقي الطيران مثل جيرمني وينق وما حصلت الا باسعار غالية فوق 550 دولار للشخص الواحد واذا تبي نصيحتي جدولك يحتاج تعديل وخصوصا في العوده من ميونخ (ليش مركز عليها ؟؟) ودامك راح تسافر على القطرية انا شيكت لك من القطرية وافضل خط سير لك هو العوده من زيورخ (سويسرا ) بحيث يكون برنامجك كالتالي الدوحه باريس ومن باريس الى جنيف طيران على طيران easyjet في تاريخ 15 سعر التذكره 46 يورو + 11يورو لشحن الشنطه المجموع 56 يورو مدة الرحلة ساعه واحده وهناك 3 رحلات انسبها الساعه 4 عصرا تقريبا (15:55) تصل الى جنيف الساعه 16:55تجلس بجنيف 2 او 3 ليالي بعدها تغادرون بالقطار الى انترلاكن (وهي افضل من زل امسي ) والمسافه بين جنيف وانترلاكن بالقطار 2:40 دقيقه تجلسون في انترلاكن 3 او 4 ايام تنتقلون بعدها الى زيورخ والمسافه بين انترلاكن وزيورخ بالقطار اقل من ساعتين تجلسون فيها 2او 3 (3 ليالي اذا كنتم ترغبون زيارة اليورب بارك مع اني انصحك تزور العاب دزني في باريس وراح تغنيك عن اليورب بارك )وترجعون من زيورخ مباشرة الى الدوحه وبالنسبه لاسعار القطار سوف تكون مجاننا اذا استخدمت سويس باس وهو عبارة عن تذكره تشتريها عند وصولك لسويسرا وراح تكون جميع تنقلاتك بالقطار والباص والسفن على البحيرات مجانيه بالاضافه الى خصومات 50% على اسعار تذاكر الاماكن السياحيه مثل القمم الجبلية وغيرها وراح يكلفكم لمدة 8 ايام الشخص الواحد 320 فرنك = 1190 ريال قطري تقريبا (وانا اخترت 8 ايام لان الخيارات 4 او 8 او15 او 22 او شهر كامل واتوقع 8 ايام كافيه لكم بحيث تبداء من صباح ثاني يوم لوصولكم الى جنيف واذا تبي تستمع اكثر انت والشباب استئجروا سياره من مطار جنيف وسلموها في مطار زيورخ راح تحصلون سياره لمدة اسبوع بسعر 1500 ريال وفي هالحاله تستغنون عن السويس باس لانكم لستم في حاجة قطارات او باصات وتستبدلونه بالسويس هاف باس وهذ يعطيك خصم 50% على الاماكن السياحة والرحلات بالسفن داخل بحيرات سويسرا ويكلفكم 100 فرنك سويسري للشخص الواحد اتمنى اني ساعدتك واذا عندك اي تعديل او استفسار انا حااضر اجلس مع ربعك وشاورهم وشوفوا الخيار الافضل لكم ولازم تقررون بسرعه لكي تحصلون على اسعار سكن وتذاكر طيران جيده تحياااااااااااااتي