نكمل معاكم بادن بادن الجميله
احلى ما يحليها الهواء النقي و الصراحه فعلا تحس تاخذ نفس عميق و الهوااء غير المناطق اللي رحتها كلها هواء نظيف لان السيارات فيها قليله جدااا و اغلب المناطق ما تمر فيها السيارات حتى السوق وبنشوف معاكم
فريج الهوتيل
اول ما نطلع من الفندق يكون الكازينو و هو المركز امامنا
وفيه مطعم و كوفي شوب و قعدت فيه اتقهوى وكان يوم الاحد " ولا اقولكم شنو جفت عيايز كاشخين كشخه في حياتي ما جفت شي هلون الا فالافلام "
و طبعا ما قدرت اقاوم و قعدت و طلبت هالسويت
و المنظر كااان رائع ,, كان فيه كونسرت و كان في واحد يغني " تذكرت فينا " و الجمهور
و المنظر البديع وراء المسرح " سبحان الخالق"
وبعد في حديقه مخصصه للمشي ولا ترا المكان كله حدايق اخترت منه هالصورتين " للاسف كاميرتي مافيها مكان كبير للصور و قمت اختصر التصوير لاني نسيت اييب الواير اللي ينقل الصور للكمبيوتر
"
اما بعد المسرح يصير هالممر اللي فضلت اصوره لكم فالليل عشان تشوفون اضاءته و فيه محلات
وبعدين نوصل الى السووق و الكوفي شوبات هالاثنين يمنا
و اخترنا العشاء في Bistro اللي يصير على جهة اليمين و القعده على اليسار
و بعدين كملنا تمشيه و وصلنا الى مركز المدينه هالنافوره الجميله و هني كنا نشوف الباصات تمر بين الحين والاخر مافي شارع مزدحم وهذي اجمل ما فيها
و صور متفرقه من السوق
المبنى الكبير اللي عليه العلم هذي " ووقنر " احلى مكان للتسوق في بادن بادن مجمع صغير بس حلو
وفي ورا مكدونالدز محل ايسكريم لا يقاوم
** زيارتنا لبادن بادن كانت مده طويله و اغلبها كانت عائليه بس اجرنا سياره ورحنا اماكن حلوه و انشالله تشوفونها في بقيه التقرير
و اكيد للتقرير بقية ,,,
المفضلات