نكمل معاكم تقريرنا ,,
وصلنا الى زيارتنا لمدينة سترازبرغ الفرنسية
strasbourg
و الصراحه كانت رحلة جميله لا تنسى ,, بداية احب اذكر شلون تعرفت على هذي المدينه اولا كانت محطتنا في بادن بادن طويله نوعا ما و خفت يروح علينا الوقت و حنا ما شفنا المناطق المجاوره ,, فرحت و بحثت في الخرايط و النت و لقيت ان منطقه سترازبرغ الفرنسيه قريبه جدا منا " خدت منا اقل من ساعه في السيارة " وفيها نهر يقسم المدينه و يمر فيها مثل فنيسيا بس على طريقه ثانيه .. و تعتبر ايضا من المناطق الجميله الاوروبيه و خصووصا ان فيها ريحه فرنسيه فتوكلنا على الله و اجرنا سياره بس للاسف ما كان موجود سياره مع النافيقيشن اضطرينا الاعتماد على الخرايط و الطريقه القديمه و الصراحه ما ضيعنا وصلنا على طوول و الحمدلله ,,,بس المشكله لما وصلنا داخل المدينه ما عرفنا وين نبتدي ,, وبعد ما حسنا شويه حووسه وصلنا الى مواقف مركز المدينه دخلناها و طلعنا على
اييه نسيت اقولكم ان اليوم كان ممطر بس جمييييييل جدااا
السووق و جاليري لافاييت ايضا هناك و الاحلى ان اسعاره اقل من كــــان و اقل من برلين يعني قمت اقارن بينهم طلع هو الاقل و ترا تختلف اسعاره من فرع لاخر
الساحه و توجد في مركز المدينه ايضا
تغدينا في مطعم تركي و كان بين الدواااعيس وشاورمته لـــــذيــــــــــــــذه
و اخيرا و صلناا للمكان اللي رايحه سترازبرغ عشان اجووفه النــــــهر ,,,
و رحلة بحريه بس للاسف تاخرنا فالسوق وايد وماقدرنا ناخذها
و استرحنا اخيره في كوفي شوب جميل مع هالمنظر و احلى مشرووووووووبات " ترا اللي عليها الكريمه هي كووفي كريم , وهذي قهوه فرنسيه معروووفه يعجز قلمي عن وصف حلاوتها
وبعد يوم مليء بالمناظر الحلوه ودعنا الاراضي الفرنسيه و رجعنا فندقنا و ريحنا شوي وبعدها تمشينا في شوارع مدينتنا الالمانيه بادن بادن و قررنا ناكل عشا خفيف في capri و هو مقابل الكوفي شوب الاول صديقنا BISTRO
و اكيد لبادن بادن بقية ,,,,,
التعديل الأخير تم بواسطة hibaa ; 02-12-2017 الساعة 11:43 AM
التعديل الأخير تم بواسطة hibaa ; 02-12-2017 الساعة 11:44 AM
اكمل معاكم بادن بادن و ما حولها
في هذا اليوم راح اتكلم عن رحلتنا الى
اوروبا بــــــــــــــــــــارك
وكانت قريبه من بادن بادن 40 دقيقه في السياره باتجاه الجنوب , الصراحه الشوارع سهله و منظمه و حلوه و الكل كان متحمس لزيارتها
للاسف ما قدرت اصور صور وايد لان مشكله الكاميرا و الصوره المليااانه على الاخر بس حاولت اغطي اهم الاشيا
بالنسبة لسعر التذكر للكبار 45 يورو و شريناهم من عند البوابه + 10 يورو للموقف و يعطونا عمله ناخذها مع التذاكر و نحطها في طلعتنا من الحديقه عشان تفتح بوابة الخروج
و الى الصووور
من بعد بوابة الدخول تشوف السوق " ذكرتني بدزني لاند باريس" بس هذي اكبر منها بكثير
طريقة الحديقه مقسمه على دول اوروبيه بريطانيا و فرنسا و هولندا و سويسرا و هكذا
كان فيها استعراض وايد حلوو بس احس ان دزني احلى ,,, " تعجبني شخصياتهم اكثر" بس ما يمنع ان استعراضهم اكثر من ممتاز
من الالعاب اللي لعبناها
الالعاب الهاديه عشان حماني و الماي والجنون لنا في لعبه ما صورتها بس اذكر انها دوخت بو العيال هههههههههههه silver star و طلعت صورتها من النت , هي من الالعاب الرولر كوستر الجديده و اذكر تمتد اعمدتها الى الباركات
وبهذا انتهى اليوم وكان يوم جميل و رائع في اوروبا بارك ,,,
و لتقريري بقية اكيد ,,,
و اخيرا
صار لازم نقول الوداع لبادن بادن خلصت الستة ايام كانها يومين !! مامدااانا
و حبيت اذكر آخر يوم للتجول فيها وشفنا شي مميز و هووو
خصوصا ان الجو حلو و غيوم و غابات ,, حسيت اني ساندريلا رايحه القصر للامير هههههههههههه بس الفرق ان اميري كان معاي
خذنا فيها جوله مع السايس الكشخه مو اللي في اسطنبول مبهدل و حالته حاله هههههههههههه لا تعليق
جولتنا كانت لمدة نص ساعه ب50 يورو و مرت كانها 5 دقايق انااااسه فعلا
و في وسيله ثانيه للي يبي يفر الديره ,,,
القطار
بس احنا اكتفينا بالعربه ,, و كان غدانا في مطعم سمك مشهور في كل المانيا و في بادن بادن كان له فرعالصورة ماخوذه من فرعهم في فرانكفوت لاني نسيت اصوره في بادن بادن " بس اللي بيدور في تقريري بيلقى له صوره من بعيد
و طلباتنا كانت
و بعدين صار وقت الرحيل ,,, و اجرنا سياره ميني فان توصلنا الى فرانكفورت و كان سعرها 300 يورو ,, و اخذت مننا الرحلة حوالي ساعتين ,,,
و لتقريري تكلمه من فرانكفورت ,,,
المشاركة الأصلية كتبت بواسطة fab u lus
يا سلام عليج يا سندريلا تستاهلين الاسم ....يوروبارك من امنياتي انا وبناتي ان شاء الله نروح لها ............وهذا مطعم السمك اللذيذ انا اكلت منه في الريم اركادا في ميونخ اكله يعجبني ............عليكم بالعافية
تسلمين يالغاليه ,, و بالفعل السمك لذيذ بس ترا الربيااان ارووووووع
التعديل الأخير تم بواسطة hibaa ; 02-12-2017 الساعة 11:46 AM
المشاركة الأصلية كتبت بواسطة أبو تركي
الاخت المبدعه فراولة حمراء
ماشاءالله عليك وعلى ابداعاتك سواء في تقريرك عن اسطنبول او عن كان والان مع التحفه الالمانية
صور رائعه واخراج محترف من مبدعه مثلك
تقبلي وافر التحية والتقدير اختي الكريمة
اخي العزيز بو تركي ,, اسعدني تواجدك و متابعتك المستمره لي ماقصرت بكل ما تعنيه الكلمه
التعديل الأخير تم بواسطة hibaa ; 02-12-2017 الساعة 11:46 AM
ابتدي معاكم الجزء الاخير من رحلتي الصيفيهو المحطه الاخيره فيهافـــرانــكفـــورت
كان السكن في فندق ممتاز و هو
Steigenberger Frankfurter Hof
من 5-8 الى 8-8
كانت وجهة نظر بوحمني ان نستريح ما نطلع من بادن بادن على المطار على طول بس انا لزمت نقعد فيها نشوفها دايم امر فرانفكورت ترانزيت ولا نشوفها ,,, و بالفعل شفناها و كانت احلى مما توقعت ,,
نبتدي بصورة الفندق من الخارج
الغرفه ,, حسيت الفندق من فنادق باريس " اللي يكون قصر و حولوه الى فندق"
و طبعا اول يوم كان للتمشيه في فريج الهوتيل بس للاسف ما مداني اصوره صور وايد مادري نسيت هههههه و الصور مليانه بس كل اللي اقدر اقوله ان موقعه ممتاز كل المطاعم يمه و مقابله على طول ستار بكس ,,تعشينا اول ليله في مطعم الفندق اللي يبين من الصوره الرئيسية للفندق يطل على الشارع وهذي صورته فالنهار مره ثانيه
وكانت طلباتنا
سوشي " اللي يمووت فيه بوحمني "
و سلطوةقواقع مادري شنهي الصراحه مالي فالسلطات
وستيك
الاكل تاخر علينا وااايد ,, و ماكان بالمستوى المتوقع ,,, و السعر غااالي ,, احلى ما فيه جلسة المكان و الجو الحلو
بعد العشا حبينا نتمشى و كعادة كل مدن المانيا كل شي مسكر من وقت ,,, و رجعنا للفندق ,,
و لفرانكفورت بقية ممتعه ,,,, انتظروووها
المشاركة الأصلية كتبت بواسطة fab u lus
واااااااااااااو الفندق مبين عليه روعه والمطعم شكله يونس بس احلى شي في اطباقكم الستيك لاني ما احب السوشي والقواقع اسعارها غالية ما ادري على شنو هههههههه مما احبهم شسوي............المهم نحن في انتظار البقية
ايه والله صاجه مادري من اي زاويه ينأكلون ,, و انشالله البقية قادمه ,,
التعديل الأخير تم بواسطة hibaa ; 02-12-2017 الساعة 11:47 AM
نكمل معاكم ما بقى من فرانكفورت
فريج هوتيلنا كما ذكرت كان السوق و كان موقعه استراتيجيوكان يبعد عن شارع الزايل Zeil Street خطوات قليله و انواع المحلات و المجمعات التجاريه والصراحه فرانكفورت مثاليه للتسوق فيها الكثير الكثير من المحلات ,, و اللي لاحظته ان في فرانكفورت المحلات تفتح مده اطول شوي في الاجازات عن المدن الالمانيه الثانيه
واليكم صوره عالسريع من شارع الزايل
في هالساحه فيه بعد
واذكر ان تعشينا في المطعم اللي يبين من بعيد مظلته حمرا و صفرا و اسمهMAREDOواكلهم كان لذذذذذذذذذيذ و شوفو و احكمو بنفسكم
و بعد من اجمل المطاعم اللي لابد اتطرق لها في تقريري مطعم تركي لذيذ يصير باخر الشارع و هم تقريبا 3 مطاعم تركيه احلاهم DOY وانصح الكل بترجبة الشاوما و الكباب فضييع
نجي الى كوفي شوف حبيب على قلب الكل خصوووصا بعض الناس مدمنين الشوكولاته وهو جار فندقنا على طووول
GODIVA COFFEE SHOP
,,,,
اما باختصار عن اجمل المناطق السياحيه فيها ,,
منطقة الروميربيرج ,, منطقه جميل جدا و رحنا لها مشي من فندقنا قريبه جدا وفيها كنايس و بيوت على الطريقة الالمانيه القديمه " واذكر زرناها يوم السبت وشفنا معاريس
وجارها على طول نهر السين اخذنا فيه رحلة بحريه كانت ممتعه لمدة ساعه
للاسف خلص بارت فرانكفورت وهو الاخير ,, الايام مرت كلمح البصر و جزء فرانكفورت كان قصير جدا لان الصور عندي على الاخر بس ترا فرانفكورت مدينه سياحيه جميله ليست مدينه للاعمال كما يقال , كان فيها حديقة حيوان كبيره بس للاسف الوقت ما ساعدنا خصوصا ان الايام قليلة و اغلب الوقت كان فالتسوق اللي اجمل ما يميز المانيا ,,
و اخيرااااا ,, و صلت الى النهاية
و مثل ما تقول فيروووز
انا صار لازم اودعكم ,,, و السلام فالختام
واللي يحب يستفسر عن شي تراني حاضره
,,,,,,,
المشاركة الأصلية كتبت بواسطة fab u lus
يعطيك العافية على التقرير الجميل وخلاني افكر يزبارة لضواحي المانيا كلها تشوق من صورك وكلامك عتها.............نحن بانتظار لتقاريرك القادمة وان شاء الله كل سنة تروحون مكان
تسلمين حبيبتي ,, فعلا المانيا تستحق الزياره انا عجبتني بدرجة الامتياز ,,
و انشالله التقارير جاااايه بس انتم خلكم متابعين
التعديل الأخير تم بواسطة hibaa ; 02-12-2017 الساعة 11:48 AM
التعديل الأخير تم بواسطة hibaa ; 02-12-2017 الساعة 11:50 AM
اعزائي .. كل اللي مر على سلسلة تقاريري لهذا الصيف و عجبته هالتقارير حبييت اضيف لمسه اخيره من التقرير حبيت اذكر شئ مهم و هو اسعار الفنادق و تذاكر الطيران الداخلي
اولا الفنادق
ميونخ
Le Meridien Munich
*****
خمسة نجوم و السعر كان للغرفه الواحده 228 دولار بدون الافطار
برلين
Hotel Concorde Berlin
*****خمسة نجوم و سعر الغرفة الواحدة 146 دولار بدون افطار
بادن بادن
Dorint Maison Messmer Baden-Baden
*****
خمسة نجوم ايضا و سعر الغرفة 288 دولار للغرفة مع بوفيه افطار
فرانكفورت
Steigenberger Frankfurter Hof
*****والغرفه الواحد 182 دولار بدوون الافطارو كان الحجز لجميع الفنادق عن طريق الانترنت و موقع
وكان السعر الافضل بعد المقارنه مع كل المواقع و مكاتب السفريات
,,,,
ثانيا التذاكر
بالنسبة لتذكرة الطيران من نيس الى ميونخ , ميونخ الى برلين , برلين الى ستوتقارت كانت جميعها على اللوفتنزا و اشتريناهم من موقع اللوفتنزا و كان السعر التقريبي للشخص الواحد 600 دينار على درجة رجال الاعمال ,,
وحبيت اذكر اننا اشترينا التذاكر و الفندق قبل اكثر من شهر من موعد السفر ...
اي استفسااار حاضرين ,,
المشاركة الأصلية كتبت بواسطة الملك بوفون
ودي أعرف الموقع إلي حجزتوا منة هل امن مثل بوكينج وهل في فرق كبير بالأسعار ؟؟
أنا ما جربت غير بوكينج والصراحة موقع امن ومتخوف أجرب واحد ثاني بصراحة
بس على حجي الأعضاء إنها هناك فروقات كبيرة بين بوكينج والمواقع الباجي
من ناحية الامان فهو آمن جدا و اصلا لو تفتح موقع ترب ادفايسر هو من اهم المواقع فيها و ترا الاسعار تختلف كثير من موقع لاخر ,, وهذي اللي لاحظته ,, موفق انشالله
التعديل الأخير تم بواسطة hibaa ; 02-12-2017 الساعة 11:50 AM
فعلا احلى فندق واحلى غرف وبادن بادن اختيار موفق وقريب منها ستراسبورق الفرنسيه
الصراحه كان لذيذ بس اول ما حطوووه سمعنا اسمنا فالمايكروفون ينادونا حق الطياره ههههههههههههههه كل الركاب ركبو الا احنا و طيرااااااااااااان على الطياره و خذيت الساندويج في يدي و خليت الهوت جوكلت اللذيذ
وبعد اقل من ساعه وصلنا مطار ستوتقارت
وهذي بعد الصور له من بعيد
والمدينه من بعيد
و قمنا ندور صديقنا التكاسي الميني فان و للاسف مالقينا ,, رحنا اجرنا سياره مع سائق عشان يودينا الى بادن بادن و كانت 270 يورو !! الصراحه كان طريج بس شنسوي ما كان فيه الميني فان اللي تعودنا عليهم , و بعد ساعه ونص اذا مو اكثر لان الشوارع كانت تحت الصيانه وصلنا الى
بادن بادن
30-7 الى 5-8
و الفندق كان
Dorint Maison Messmer Baden-Baden
و تقيمي له ممتاز من كل ناحية و الافضل في بادن بادن من الموقع و الفخامه و كفايه فيه جدتنا الحبيبه الله يطول في عمرها ويحفظها لنا قووولوووووو آميــــــــــــــن
و الغرف
وكانت غرفتنا تطل على المنظر الداخلي
و اكيد لتقريري بقيه ,,,[/QUOTE]
التعديل الأخير تم بواسطة hibaa ; 02-12-2017 الساعة 11:51 AM
التعديل الأخير تم بواسطة hibaa ; 02-12-2017 الساعة 11:53 AM
المشاركة الأصلية كتبت بواسطة ليبيا ـ البيضاء
ألف ألف شكراً لهذا التقرير الرائع ، ولكن عندي سؤال أنا ماشي خلال شهر ديسمبر وما أحب ألف المدن يعني حدي مدينة واحدة لمدة 10 أيام وأريد استوق منها للملابس الشخصية ((شباب طبعاً خلينا نعيش كل التسوق للبنات بس ههههههههه)) ، كما ذكرت التسوق واحب المشي والمقاهي ،، فقط لا أكثر ولا أقل .. ماهي في رأيكِ ؟؟؟
بما انك راح تروح مدينه وحده بس انصحك بميونخ فيها التسوق رائع بالمجمعات و الاوت لت اللي ذكرته في تقريري و فيها واحد ايضا يبعد ساعه ما ساعدني الوقت اني اروح له ,, وومكن اذا طولت فيها تتجول بالمناطق القريبة بالقطار تروح مثلا سالزبرغ وزيلمسي و انشالله راح تستمتع ,, و موفق باذن الله
التعديل الأخير تم بواسطة hibaa ; 02-12-2017 الساعة 11:54 AM
تقرير رووعه وحماس اكثر الله يعطيك العافيه
أنا صراحه ولامره سافرت لدول اوربيه احترت وين اروح سويسرا ولا المانيا ولااسبانيا ولا ايطاليا ولا انطلق مره وحده لكندا وامريكا
بجد من كتر مااشوف تقاريركم اتحمست للسفر اكتر وحاليا
افكر اروح شهر عسل لكني محتاره وين اروح وكيف اقنع خطيبي ؟
سؤالي
كاول سفريه لي الى اروبا
تنصحيني اختار اي دوله من هالدول لشهر عسل لمدة اسبوعين؟ (طبعا زواجي حيكون في ابريل)
المشاركة الأصلية كتبت بواسطة نهى87
تقرير رووعه وحماس اكثر الله يعطيك العافيه
أنا صراحه ولامره سافرت لدول اوربيه احترت وين اروح سويسرا ولا المانيا ولااسبانيا ولا ايطاليا ولا انطلق مره وحده لكندا وامريكا
بجد من كتر مااشوف تقاريركم اتحمست للسفر اكتر وحاليا
افكر اروح شهر عسل لكني محتاره وين اروح وكيف اقنع خطيبي ؟
سؤالي
كاول سفريه لي الى اروبا
تنصحيني اختار اي دوله من هالدول لشهر عسل لمدة اسبوعين؟ (طبعا زواجي حيكون في ابريل)
اولا مبروك مقدما و ثانيا ,, انصحج و بقوة في اوروبا ,, اولا جوها رومانسي خصوصا لو كانت زيارتج لها الاولى , ثانيا ممكن تاخذين اكثر من دولة
مثلا تروحين ميونخ للمناطق الطبيعية القريبه منها و التسوق وباريس للسهر والكوفي شوبات لان بالنسبه لي باريس هي قلب اوروبا النابض و فيها السهر بس مشكلة دول اوروبا الثانيه ما عدا لندن كل شي يسكر بدري بس حلو انج تروحين ميونخ و تطلعين منها على مناطق من النمسا برحلة يوم واحد سواء كانت رحلتج من محطه القطار من تخطيطج او تبع مكاتب السياحة ,, بس اكيد راح تستمتعون , و موفقين انشالله ,,
التعديل الأخير تم بواسطة hibaa ; 02-12-2017 الساعة 11:55 AM
المشاركة الأصلية كتبت بواسطة red strawberry
اولا مبروك مقدما و ثانيا ,, انصحج و بقوة في اوروبا ,, اولا جوها رومانسي خصوصا لو كانت زيارتج لها الاولى , ثانيا ممكن تاخذين اكثر من دولة
مثلا تروحين ميونخ للمناطق الطبيعية القريبه منها و التسوق وباريس للسهر والكوفي شوبات لان بالنسبه لي باريس هي قلب اوروبا النابض و فيها السهر بس مشكلة دول اوروبا الثانيه ما عدا لندن كل شي يسكر بدري بس حلو انج تروحين ميونخ و تطلعين منها على مناطق من النمسا برحلة يوم واحد سواء كانت رحلتج من محطه القطار من تخطيطج او تبع مكاتب السياحة ,, بس اكيد راح تستمتعون , و موفقين انشالله ,,
الله يبارك في حياتك
تسلمين يالغلا
احاول اقنع خطيبي وان شاءالله يوافق واذا قررت السفر لاي دوله حرجع استشيركم..
دعواتكم
التعديل الأخير تم بواسطة hibaa ; 02-12-2017 الساعة 11:56 AM
التعديل الأخير تم بواسطة hibaa ; 02-12-2017 الساعة 11:56 AM
المشاركة الأصلية كتبت بواسطة ALI_Q8_77
اختي المحترمه
red strawberry
تقرير كان اكثر من رائع واخذتينا معكي الى مدن المانيه جميله .... ابداع في ابداع .. ولهذا تم تنجييمه ب5 نجوم تستاهلين
تحياتي
تسلم مشرفنا الغالي و انشالله جايه تقارير احلى واحلى عن مدن اوروبيه في زياره قريبه و جديده من نوعها ,,, و يسعدني مروركم جميعا )))
وانتظروووني
التعديل الأخير تم بواسطة hibaa ; 02-12-2017 الساعة 11:57 AM
التعديل الأخير تم بواسطة hibaa ; 02-12-2017 الساعة 11:58 AM
المشاركة الأصلية كتبت بواسطة ABO_RAKAN
مشاء الله تقرير روعة ومن افضل التقارير الي قرأتها ...
يسلمو على هالتقرير الرائع ....
-------------------------------------------
يلا عقبالي .. انا طالع على ميونخ مابين 2- 15 ابريل 2011م
الله يعين على البرد ...
تسلم عالمرور و اتوقع تعجبك برلين جدا تحس فعلا انها العاصمه كبيره و شوارعها واسعه بس عيبها تسكر بدري , و انشالله ما يكون برد كثير وبيكون الربيع انشالله و تستمع و ننتظر تقرير
التعديل الأخير تم بواسطة hibaa ; 02-12-2017 الساعة 12:03 PM
التعديل الأخير تم بواسطة hibaa ; 02-12-2017 الساعة 12:04 PM
المفضلات