الموضوع: اتصال اليوم شوش افكاري في الرحله لاوكلاند

السلام عليكم ورحمة الله وبركاته
بالأول احب اشكر كل من ساهم في نجاح هذا المنتدى الاكثر من رائع من مشرف الى اقل عضو مشاركه .

اخوان بعد التطلع في هذا المنتدى من مده تقارب 3 اشهر قررت الذهاب الى اوكلاند لتعلم اللغه في معهد الورلد وايد .. وضبطت اموري مع المعهد وجاني القبول ودفعت التذكره وكل شي ... وتو جاي من السوق جالس اتقضى الرحله بقا لها 9 ايام .. ما اطول عليكم

وانا راجع جاني اتصال من احد الاقارب يبلغني انه سيتم قبولك في البعثه لامريكا :114:..
وعطني الاوراق حقتك اقدمها ... تلخبطت الامور في وجهي :110:
قلت ياولد انا رحلتي بعد حوالي اسبوع ... قال هذا العلم واحتمال في شهر 8 تقديم الاوراق ...


انا تلخبطت الدنيا بوجهي ولا ادري ايش الوضع .. قلت طيب لو خلاص قبلت متى الرحله قال ما ادري .. قلت طيب لو اروح واجي قال ما ادري (( طبعا الرجال موصى من واحد ولا يدري ايش السالفه ))

قلت مافيه الا الاخوان هنا اهم بيفيدوني ...

تكفون يا اخوان الحين وش السواة .... البعثه لها وقت محدد يعني لازم تجي من كذا الى كذا ولا اقدم او في اي وقت قدم اروراقك ورح .. الي اقصده هل هناك مده معينه للبعثات او المجال مفتوح طول السنه ...

يعني لو اروح على الاقل 6 شهور في اوكلاند .. ثم اجي هنا بالسعوديه واخلص اوراقي واروح ولاا راح يقولون لي انتظر السنه الجايه ..

تكفون يا اخوان ترا اختلط الحابل بالنابل عندي ومدري ايش اسوي .. بما اني ما اعرف شي عن البعثات تكفون ساعدوني ايش الحل .. اروح ولا اقعد ولا ايش الوضع وتذكرتي وفلوس المعهد ايش بيصير عليهم لو ما يمديني .. الي عنده حل للمشكله يفيدني ويزيدني


###
المشـرف / يُنقـل للقسـم الأنسـب ..

مواضيع عشوائيه ممكن تكون تعجبك اخترناها لك:

• السفر الى جزر الكوك عبر استراليا أو نيوزيلندا
• موعد تدقيق أوراق الماجستير والدكتوراه والزمالة للابتعاث مبروك
• استفسار بخصوص نيوزلندا
• صور من عاصمة نيوزلندا ولينغتون
• سؤال عن العفش الرجاء ثم ارجاء من اهل الخبره يردون علينا
• شباب بسألكم عن العاوئل النيوزيلنديه ؟؟ او العوائل بشكل عام في نيوزيلاند
• احد يجاوبني تكفووون
• سعودي طفشان بالخارج
• ان شاء الله ماشي بكرة الى نيوزلندا على الكاثي باسفيك لكن ماادري ايش اجراءات هونق كونق
• استفسار عن waikato وهل هي مدينة أم قرية
• تقريـر الإسلام والمسلمـون في نيوزيلنـدا
• اللابتوب في نيوزلندا ؟
• نيوزلاندا يوم فقط
• يا شباب كيف اعرف القبلة في كراست شيرش
• إستفسار عن مدينة هاميلتون
• تكفون والله محتاج مساعدتكم بخصوص اوكلاند
• يـا شـبـاب بـاآاقي يومـين على الرحـلة وأنـا متوهق
• لأهل الخبره بكرايستشيرش
• فنادق وشقق نيوزلاند عاجل جدا
• افكر بالسفر االى نيوزلاندا اتمنى المساعده

اول شي الي اعرفه 10-7 يفتح باب البعثات التسجيل بعدين تقريبا بعد اسبوعين يطلع المقبولين بعدها بمده تجي تدقيق الاوراق والمقابله الي لازم تحظر ...

هذا الي اقدر افيدك

عزيزي أولاً / إستخـر ربك ..
إستخـر , إستخـر ..

ثانيـاً / طيـب لو مثـلاً تكلم خالك وتقوله أنه ممكن أسافـر نيوزيلندا وأنـت من هنـا تضبط أمـوري , أو يلزم حضـورك ؟
لأنـه لو أنـت دافـع تكلفة الدراسـة كاملـة ماأتوقـع يرجعون لك المبلـغ !


أمـور كثيـرة لازم تحسبهـا صح ..
ولازم أنـت إلـي تتخـذ قرارك وتكـون رآضـي عن القـرار حتـى ماتنـدم بكـرة .. وتقول ياليـت وياليـت !



هذا إلـي أقـدر أفيـدك فيه , وربـي يوفقك ..

السلام عليكم
يالغالي / إنت إبتعاثك تبع إيه ؟
هذا رابط إبتعاث التعليم العالي ,,
وراح يبدأ في شهر 8 هجري


http://www.mohe.gov.sa/Arabic/News/Pages/n537.aspx


أما بالنسبة للتقديم , فبإمكانك تقديمها إلكترونياً
وأعتقد إن التقديم إكتروني فقط ومن موقع التعليم العالي
ولما يجي القبول راح يتصلوا فيك وبعدها يعملوا معك مقابلة ..
وتاريخ البعثة بعد القبول يكون في السنة الجديدة ..

بإمكانك السفر / والعودة إن تم إستدعائك للمقابلة
ولك أنت الخيار ..

بالتوفيق

والله ماعندي فكره ان شاء الله الاخوان هنا يفيدونك ولو صار عندي فكره ان شاء الله ماراح اقصر معك اخوي

ولكن زي ماقالك الاخ احمد استخر ربك ماتدري وين الخيره بتصير لك فيه والمكان الي ترتاح له توكل على ربك ورح له

وتفائلو بالخير تجدوهـ

وبالتوفيق

يالغالي السؤال هو :

أنت دفعت للمعهد المبلغ كامل أو لا ؟

وبعدين التسجيل للبعثات بـ 10 - 8 يعني باقي وقت لأتخاذ القرار

والله يوفقك وييسّر أمورك وين ما رحت ..

وعليكم السلام ورحمة الله وبركاته

أخوي نصيحتي البعثه ثم البعثه ثم البعثه

والأمر راجع لك ..


شف راسل المعهد بخصوص استرجاع الفلوس لأن أضن فيه أمكانيه .. وكلم الخطوط اللي بتطير عليها وكلمهم بخصوص استرجاع الفلوس ..

أنا أتوقع تقدر تسترجع بس ياخذون عليك غرامه

أخوي البعثه لا يمكن تتأجل .. بس سفرة تعلم اللغه ممكن تتأجل ..


أستخر ..

والله يكتب لك اللي فيه الخير

تحيتي‘ . .لك

الله يوفقك .
حقيقة حيرة ..
لكن استخر الله سبحانة وتعالى .





السلام عليكم
يالغالي / إنت إبتعاثك تبع إيه ؟
هذا رابط إبتعاث التعليم العالي ,,
وراح يبدأ في شهر 8 هجري


المرحلة الخامسة لـ بعثات التعليم العالي


أما بالنسبة للتقديم , فبإمكانك تقديمها إلكترونياً
وأعتقد إن التقديم إكتروني فقط ومن موقع التعليم العالي
ولما يجي القبول راح يتصلوا فيك وبعدها يعملوا معك مقابلة ..
وتاريخ البعثة بعد القبول يكون في السنة الجديدة ..

بإمكانك السفر / والعودة إن تم إستدعائك للمقابلة
ولك أنت الخيار ..

بالتوفيق



كلام واضح , ومقنع ,,,
وعلى فكرة إذا حسمت الأمر , ترى أمر اللغة مو مهم أبدا , مقارنة بالبعثة ..

يعني يا اخوان اتوكل على الله وامشي لاوكلاند واخلي احد الاخوان يقدم اوراقي هنا ومتى ماتم استدعائي اجي .. بس اخاف اروح ويتصلون بعد شهر يقولون تعال ...

السلام عليكم
اخوان تكلمت من قبل انه سيتم قبولي في البعثه الى امريكا علما انني سجلت في احد المعاهد في اوكلاند من قبل واختلط علي الامر .
فقررت اني اروح نيوزيلاندا وادخل من هناك على حساب الحكومه وما ادري ايش الطريقه للالتحاق بالبعثه .. تكفون يا اخوان انا بدخل جامعة اوكلاند وابغى اعرف الطريقه كيف لكي التحق بالبعثه .. تكفون سوو خير وعلموني افضل الجامعات القويه في نيوزلاند ... الله يعافكم لحد يقرا الموضوع ويسحب علي ردو تكفون

اخوان السلام عليكم
قبل ماتقرا موضوعي اطلبكم طلب الي يعرف معلومه لا يبخل علي فيها ..

اولا يا اخوان اخبرتكم من قبل انه سيتم قبولي بالبعثه الى امريكا مع العلم انني رتبت مع معهد في نيوزيلاندا .. فتوهقت ولا دريت ايش اسوي .. ماخليت واحد الا اساله رايه ايش بالموضوع والكل ايد رحلة الابتعاث ..
على العموم ما اطول عليكم .. من الاشخاص الي سألتهم قال لي شي حلو وابغى اتاكد منكم ..
قال روح على نيويلاندا ورح لمعهدك وابدا دراستك .. وانت في نيوزيلاندا قدم عل احد الجامعات هناك وتكون الجامعه قويه ومعروفه دوليا وادخل فيها بعدين التحق بالبعثه هناك (( انا ابي تخصص هندسه)) ..

قلت فيه مجال .. قال اي الناس يسافرون ويدخلون الجامعات بعدين يلتحق بالبعثه ويبيلها واحد في السعوديه يضبط اوضاعك من هنا ..

اخوان الله يرحم اهلكم عن النار .. الي يعرف الطرق للالتحاق بالبعثه لا يبخل علي ويعلمني الطريقه ويطلب الي يبي .. انا رحلتي مابقى على شي .. بس اسبوع واحد وانا رايح اساسا عشان معهد بدرس عندهم الي دفعته وبكمل جامعه هناك .. تكفون يا اخوان ساعدوني والله معتمد على الله ثم عليكم في الموضوع ..
علموني الطريقه وايش اسوي لاني بسافر وبضبط اوضاعي من هناك ... راسي والله مصدع معد عرفت ايش اسوي .. الله يعافيكم لحد يمر على الموضوع ولا يرد خاصه المبتعثين ..

اخوان تكفون رد واحد على الاقل

انا نقس طريقتك رحلتي الاسبوع الجاي ورايح ادرس في معهد بعدين راح اقدم في البعثه من هناك

وماراح اقدر افيدك الا بالطريقه اللي انا سويتها

اللي هي ترجمة شهادة الثانويه من مكتب وزارة التربيه والتعليم

اسف ما اقدر افيدك بشي وعلى فكرة شعر راسي وقف من كثر ما افكرررررررر

اقلك متى رحلتك

مشكور على الرد يااخوي وعلى المعلومه الحلوه . لكن بسالك لازم اترجم الشهاده ولا اروح لاحد المكاتب المعتمده ..
وعلى الرحله انا يوم الجمعه 10/7/2009 على الكاثي سيفيك ..

وان شاء الله تكون معي بس


اخوان تكفون تساعدو معانا والله ماعرفت انام

عزيزي / تذكر زمان اول ..

أرجـو عدم تكـرار المواضيـع والإلتزام بـ موضـوع واحـد حول محـور واحـد ..


وشكــراً ..

انا رحلتي 3/7 /2009 كنت اتمنى انك معايا

المهم حسب اللي فهمته من هذا المنتدى انه مكتب ترجمه معتمد هو نفسه اللي في الوزارة يعني ما تفرق عاتي

المهم قبل لاتروح تترجم الشهادة اهم شي عشان تقدم للبعثه

بقلك حاجه انا سويتها بس انت مدري اش وضعك هو الختم والتوقيع

يوم ترجمة الشهاده من الوزارة وقع عليها وكيل الوزاره وختمها وارسلني مكان ثاني عشان ختم كمان (( هذا كله عشان
ترجمتها في الوزارة اعيد واكرر لمن تترجمها في مكتب معتمد مدري تحتاج لختم وتوقيع ولا لا هذا كل اللي عندي

اتمنى اني افدتك

السلام عليكم ,,
أتمنى أني اعرف يالغالي عشان أساعدك , ولكن الشكوى لله.
الي أعرفه أني معك في نفس الرحلة .. الله يوفق وييسر .
والله الموفق ..

كل اللي اقدر افيدك فيه اخوي

انك تستخير استخر الله سبحانه
وربي ان شاء الله بيكتب اللي فيه الخير

تقبل ودي وتحياتي

شكل اوكلاند نصها سعودييين