الموضوع: رحلتي وعائلتي الكريمة إلى مملكة البحرين وأكثر من صورة

بسم الله الرحمن الرحيم
السلام عليكم ورحمة الله وبركاته

كل الشكر والتقدير أحس قاعد اقدم برنامج واشكر الراعي الرسمي:109:
الزبدة:- أشكر كل الاعظاء اللي قدموا لي معلومات قيمة عن مملكة البحرين مما سهل علي رحلتي هذه منهم الماسة السوداء والغالية
وأشكر واحد من الاعضاء بحريني غير أعتقد أسمه لأني بايق الخريطة حقته:24:
واللتي كان مخطط لها أن تكون إلى محمية العرين وبعد ذلك إلى السيف مول

- الحلقة الأولى -

المهم أني يوم الاربعاء 5-11-2008 وفي الصباح
خشيت الجوازات بالسيارة
وقلت للمدام يالله مادمت أني في إجازة والناس في اعمالها ومدارسها الخبر مافي أحلى منها هذا الوقت وخذي حسابك أن مافي رجعة للبيت إلا في الليل يعني طلعة مرة وحدة أبي أحلل يوم الاجازة هذا:101:
طلعنا من البيت على الساعة تسعة ونص - عشان نتحاشى زحمة المدراس والاعمال في الساعات المبكرة-
وقلت خلنا نروح كورنيش الشبيلي وناخذ لفتين والجو حلو ويجنن
المدام :- وين بنروح
أبوداحم:- ليش خير عسى ماوراش شي - لكنة تهجمية ترفع الضغط "" لكنة أغلب الرجال ""-
المدام:- وبصوت خافت لا بس حبيت أعرف وين بنروح
أبوداحم:- قلتلج الشبيلي
المدام :- لا اقصد بعد الشبيلي:21:
أبوداحم :- أها بعد الشبيلي أي مكان تمشي فيه السيارة بالخبر ودوارة على البحر كوفي شوب طبعا
المدام:- يعطيك العافية
أبوداحم :- أحسب بعد:36_1_3: صح ياقوي

المهم وبعد لحظات من الصمت
المدام:- أي كوفي شوب
أبوداحم:- قلتلج أي شي أي واحد
المدام :- طيب
أبوداحم:-:109::36_1_19: "طبعا داخليا"
المهم وصلنا كورنيش الشبيلي وخذلك دورة
وبعد كذا
أبوداحم:- أقولج مالي خلق كوفي شوبات
المدام:- ليش
أبوداحم:- مالي خلق بس كذا مالي خلق
المدام:- -- وهي مندهشة من الاسلوب الفض والنفس الخايسة:109:-- أوك براحتك
وقفت كوفي اللي بالمحطة وأخذنا كوفي ودورة على الشبيلي وركبنا الجسر
ودفعنا 20 ريال رسوم الجسر
المدام:- رايحين البحرين
أبوداحم:- شايفة جوازاتنا معانا - بناخذ دورة على الجسر ونرجع حرام يعني-
المدام :- شفيك أنت اليوم أحد مزعلك شي
أبوداحم:- ولاشي
أبوداحم :- بقولج شي بس لاتعلمين أحد
المدام :- قول
أبوداحم:- أخذي جوازج من الدرج وطبقي بسرعة :109::36_15_9:

المدام:- أها ماتجوز من حركاتك هذي
أبوداحم :- فقع ضحك:109:
أبوداحم:- رجع ملامح وجهه زي أول مكشر بتطبقين بسرعة ولا أغير رايي وأرجع:112:
المدام:- تسويها:36_15_24:
وهكذا انفضحت المفاجأة وانكشفت أوراق أبوداحم إلا ورقة وحدة كانت الجوكر:24: أصلح كاتب سيناريو:114::kashkhah: أبوداحم
المهم

كنا على الجسر والساعة العاشرة صباحا

وكان الجسر فاضي بما تعنيه الكلمة

ومن الفضاوة حتى الحفريات سووها

وهذي صورة المغادرة إلى مملكة البحرين ومتع عيونك بالجسر الفاضي

والله شي خيال شوفو الجمارك شلون فاضية من جد وناسة

ولما وصلنا مركز التأمين البحريني قاللولي ياحلو
عليك مخالفة روح سددها في مكتب المرور هناك وبعدين نأمن لك ونمررك
المهم بوداحم ضرب حساباته
أنا عمري ماتهورت ولاسويت مايكل شومخر بالسيارة الجديدة يعني سمعوا عندي موتر جديد -- مطفوق له سنة عندي-
المهم قلت خير إن شاء الله نروح نشوف في مكتب المرور وش السالفة
رحت هناك بالصندقة
صباح الخير
صباح النور
أخوي يقولون أن على مخالفة وأنا مخالف
وهذي أوراق السيارة
[size="5"][color="royalblue"]تشك تتشك تشك تشك تشك

مواضيع عشوائيه ممكن تكون تعجبك اخترناها لك:

• إحداثيات سيتي سنتر البحرين
• مساعدة حول السكن بالسلمانية ؟
• استفسار عن جامعات البحرين لو تكرمتو
• مشلكة في الدخول لمره وحد فقط
• عبور من البحرين
• كم من سأل يا اهل البحرين ؟؟؟
• سيارتي و دخول البحرين
• عروض فنادق
• استفسار عن مطعم عراقي؟؟
• مستوى قصر العرين
• ياصبايا البحرين ياعسل سؤال القمر وصل
• طلب غريب بس تكفون
• بر البحرين الصخير
• ابي فندق شبابي
• اهل البحرين الغالين افيدونا
• الفزعه ياهل البحرين
• ممكن خدمة من الغاليه وبلادي البحرين الله يوفقهم يارب
• ابي صيد في البحرين
• استفســــار عن مخبز ليلوو
• ايام رحلة عمل إلى البحرين إستشارة

حياك الله اخوي والمسلسل بدايته عن جد حلوه ..

لاتطول علينا متابعينك :d

حلو التقرير والاسلوب اجمل ننتظر التكمله بس لاتتاخر

خخخخخ بدون تعليق على سالفه المخالفه حتى 81 يخالفونك عليها:109:
ويعطيك الف عافيه على هالتقرير المشوق
متابعين معاك لي اخر التقرير:24:

مرحبا فيك أخونا ... في البحرين .. انت والمدام ... نورتوا البحرين ..

ولا شكر على واجب ... ما سوينا شي ...

التقرير من بدايته مشوق وباين عليه انه رايح يكون ممتع ... أسلوب حلو ومغامرات ...

منتظرين التكملة ... وشاكرين لك مشاركتك لنا هالزيارة

[center] - الحلقة الثانية -
:11ight:الإختطاف:11ight:
عدنا
وبعد دخولنا إلى البحرين بدأت بتتبع اللوحات الإرشادية لحلبة سباق البحرين "" لأنها هي اللتي توصلك إلى محمية العرين وجنة دلمون المفقودة لقربهم من بعض "
وأول ماجات اللوحة ومع الكوبري يمين المدام استغربت عادة نروح يسار للمنامة والمحرق وضاحية السيف المرة هذي يمين على وين

المدام:- على وين ياحلو
أبوداحم:- رجعنا:105:
المدام:- لابس حبية أسأل طريق أول مرة أشوفة
أبوداحم:- عملية إختطاف فلسنا من الاسهم والغلا قلة بكلم عمي إذا يبي بنته يدفع فدية 2 مليون:24:
المدام:-ماتجوز عن حركاتك هذي
أبوداحم:- كيفي مابي أجوز عنها:105:
وهذي خارطة الطريق أو آسف خريطة الموقع
"" الخريطة مبيوقة من أخوي وحبيبي بحريني غير""




[size="5"][color="royalblue"]المهم لحد يقولي وين المحمية أنت ألحق لوح حلبة سباق البحرين تحت كل حصاة بتلقى وحدة وعلى كل عمود لمبة

روعه تقريرك يابوعبدالرحمن

و انا متابع التقرير الرائعه تحياتي لك عزيزي و في انتظار المزيد

صور حلوه يعطيك العافيه في انتظار باقي التقرير

:106:متابعين

أجمل تقرير قرأته بصراحه وبدون مجاملة ياأخ عبدالرحمن وننتظر جديدك ولاتنسى الأفوكادو :24: وسلملي على محمود :24:

متابعينك اخوي تقرير رائع

المشاركة الأصلية كتبت بواسطة مزون البحرين
http://www.arabtravelersforum.com/tr...7/#post2541187

حياك الله اخوي والمسلسل بدايته عن جد حلوه ..

لاتطول علينا متابعينك



الله يحييك
والله يعينك على حسب الدوام بنزل التقرير
ونتشرف بمتابعتك لتقريري أوه نسيت مسلسلي






المشاركة الأصلية كتبت بواسطة منبع الروح
http://www.arabtravelersforum.com/tr...5/#post2541195

حلو التقرير والاسلوب اجمل ننتظر التكمله بس لاتتاخر



منبع الروح مرورك الاحلى
وابشر من عيويني بعجل بالحلقات






المشاركة الأصلية كتبت بواسطة الماسة السوداء
http://www.arabtravelersforum.com/tr...0/#post2541200

خخخخخ بدون تعليق على سالفه المخالفه حتى 81 يخالفونك عليها:109:
ويعطيك الف عافيه على هالتقرير المشوق
متابعين معاك لي اخر التقرير:24:



:109: شر البلية مايضحك:109:
من جد سالفة المخالفة خربت حساباتي هههههههه
الله يعافيكي وحياكي الله في تقريري نورتيه وشرفتيه






المشاركة الأصلية كتبت بواسطة الغالـــية
http://www.arabtravelersforum.com/tr...2/#post2541282

مرحبا فيك أخونا ... في البحرين .. انت والمدام ... نورتوا البحرين ..

ولا شكر على واجب ... ما سوينا شي ...

التقرير من بدايته مشوق وباين عليه انه رايح يكون ممتع ... أسلوب حلو ومغامرات ...

منتظرين التكملة ... وشاكرين لك مشاركتك لنا هالزيارة



الله يحييكي منورة بأهلها
شرفتينا بالمرور العطر والكلمات اللي اخجلتم تواضعنا بها
وإن شاء الله نكون عند حسن الظن






المشاركة الأصلية كتبت بواسطة dubai112
http://www.arabtravelersforum.com/tr...6/#post2541836

روعه تقريرك يابوعبدالرحمن

و انا متابع التقرير الرائعه تحياتي لك عزيزي و في انتظار المزيد



مرورك الروعة
مع خالص تحياتي لك






المشاركة الأصلية كتبت بواسطة فاررسه
http://www.arabtravelersforum.com/tr...3/#post2541873

صور حلوه يعطيك العافيه في انتظار باقي التقرير



الله يعافيكي
وإن شاء الله يعجبكم المزيد





المشاركة الأصلية كتبت بواسطة الماسة السوداء
http://www.arabtravelersforum.com/tr...3/#post2542303

:106:متابعين



يسعدنا ويشرفنا ويزيدنا حماسة في إكمال التقرير









المشاركة الأصلية كتبت بواسطة سعودي اوكيه
http://www.arabtravelersforum.com/tr...8/#post2542308

أجمل تقرير قرأته بصراحه وبدون مجاملة ياأخ عبدالرحمن وننتظر جديدك ولاتنسى الأفوكادو :24: وسلملي على محمود :24:

سعودي:24:
من جمال مرورك يالغالي
وهذا آخر كاس أفوكادو يوم الاربعاء الماضي


واللي يبي يعرف سالفة العصير الفن هذا ومحلة يشوف تقريري التالي

[size="5"][color="royalblue"]ودعوة خاصة للماسة السوداء





المشاركة الأصلية كتبت بواسطة احلى هاله
http://www.arabtravelersforum.com/tr...8/#post2542658

متابعينك اخوي تقرير رائع



مرورك الاروع ونتشرف بمتابعتك لنا

اخوي دحومي اشهالصوره الي تسيح السعابيل:shocking:

وتسلم على الدعوة الخاصه
دشيت الموضوع والصراحه العصاير شكلها مغرررررررررري

باجر انا في السعوديه بالظبط في محل العصاير
وقول حق اللبناني اذا يبون يفتحون فرع بالبحرين انا باكون المعلمه مالتهم:109:


:24:متابعين....

المشاركة الأصلية كتبت بواسطة الماسة السوداء
http://www.arabtravelersforum.com/tr...3/#post2543133

اخوي دحومي اشهالصوره الي تسيح السعابيل:shocking:

وتسلم على الدعوة الخاصه
دشيت الموضوع والصراحه العصاير شكلها مغرررررررررري

باجر انا في السعوديه بالظبط في محل العصاير
وقول حق اللبناني اذا يبون يفتحون فرع بالبحرين انا باكون المعلمه مالتهم:109:


:24:متابعين....



الله يسلمج أختي
الله يحيج في في ديرتج أنتوا المعازيب وأحنا ظيوفكم
ومشكورة على تلبية الدعوة
وبالنسبة لفرع البحرين
إذا أنتي المعلمة محد بيشرب عصير
كل العصيرات عندج :109:
وشرفتينا يالماسة
أخوك/عبدالرحمن

اقول يابوداحم

اسلوبك مشوق


وعشان كذا لاتطول علينا يرحم امك

واذا عشان المخالفة اهون من سعر مخالفاتنا 300 و900 احمد ربك انها 100

وياليت تقولنا بالتفصيل الممل عن رحلتك والتكاليف بشكل عام من عيشة وطلعات ووو

وبانتظار البقية

- الحلقة الثالثة -
***الدخول إلى محمية العرين ***

سؤال يتبادر إلى كل ذهن من لم يعرف محمية
العرين

ماهي محمية العرين؟؟؟
هي منتزة محميةالعرين تحت إشراف الهيئة العامة لحماية الثروة البحرية والبيئة والحياة الفطرية بمملكة البحرين.
أهدافها؟
علمية وبحثية :- توفر البيئة الطبيعية المناسبة للقيام بلأبحاث العلمية في مجال تكاثر وتنمية الحيوانات والنباتات البرية العربية النادرة والمهددة بالأنقراض.
ثقافية وتعليمية:- تقديم البرامج التعليمية والتثقيفية المتنوعة لزوار المحمية.
سياحية:- اعتبار المحمية مرفقا للسياحة البيئية وتقديم خدمات التسلية والترفيه لزوار المحمية.
حماية:- حماية وتنمية الحيوانات والنباتات والمحافظة على التراث الفطري الطبيعي للمملكة.

موقعها:-
تقع منتزه ومحمية العرين في الجنوب الغربي من مملكة البحرين بالقرب من الزلاق وحلبة سباق البحرين وجنة دلمون المفقودة

وهذه خريطة أخرى لموقعها

.
.
.
.

وتنقسم زيارة المحمية إلى أربع أقسام :-
1- المبنى الرئيسي " وبه قاعة العرض ومركز الهدايا وكافتيريا والمبنى التعليمي".
2- الحديقة المقابلة للمبنى الرئيسي " وبها عدة أنواع من الحيوانات وبحيرة الفلامنجو والحديقة النباتات البرية وخيمة الصقر "
3- الحديقة اللتي على طريق حديقة الطيور "" وهي عبارة عن اقفاص طيور وحظائر كبيرة للحيوانات على امتداد مايقارب 10 كيلوا على يمين ويسار الطريق ويتم التجوال بها بالباص مع المرشد اللذي يعطي شرحا وافيا عن هذه الحيوانات "
4- حديقة الطيور "" حديقة ومتنزه للطيور يتوقف عندها الباص وتأخذ جولة بها على الاقدام واستراحة لمدة نصف ساعة ""

الاحتياطات للذهاب إلى المحمية
في فصل الصيف عليك بلبس الملابس الصيفية الخفيفة والفضفاضة وغطاء للرأس
وفي الشتاء الملابس الشتوية
ومن الافضل لبس حذاء مناسب ومريح للمشي
كافتيريا المحمية بها كل ماتحتاج من سناك واسعارها مقاربه جدا لمايوجد في الاماكن العامة والعادية
تتوفر بالمحمية دورات مياه لكلا الجنسين نظيفة ومناسبة
الباصات مكيفة ومريحة جدا وكراسيها نظيفة ومغلفة بالنايلون ليسهل مسحها وتتنظيفها بين الجولات ولكي لاتتسخ وتتبقع
يمنع اطعام الحيوانات او قطع الاشجار والنباتات
يرجى لكل من يزور هذه المحمية بأن يكون قدوة حسنة لأطفاله وأن يحافظ على البيئة ويضع المخلفات في الاماكن المخصصة لها واللتي تنتشر على جميع ارجاء المحمية

أسعار ومواقيت تحرك الحافلات ومواقيت عمل المحمية بالصورة التالية
.
.

.
.
.
.

نعود للمسلسل
وبعد دخولنا لبوابة محمية العرين
المدام:- جايبنا المحمية
[size="5"][color="#4169e1"]أبوداحم:- لا قلتلج من أول أبي أشيك على صقوري وأشوفهم وأدربهم بعد المقياض [size="4"][color="black"]"" المقياض والتقييض مصطلح عند الصقارة وهو يقصد به العناية بالطير وتدريبة وتنظيف ريش فترة القيض - عز الصيف- "" عبيط ما كأنه قرأ في المنتدى بدينار
الاخ اللطيف :- بدينار الشخص أخوي
أبوداحم:- تفضل أخوي
الاخ اللطيف:- يعطيك العافية وهذي تذاكرك وباصكم الساعة 12 إن شاء الله أنتبه لاتتأخر
أبوداحم :- أوك تسلم أخوي
هو لأني وصلت 11 وخمس دقايق فاتنا باص الساعة 11

وهذي صورة التكت لعيونكم

.
.
.

المهم بوداحم مايخلي لقافته
أبوداحم:- أخوي ممكن ازعجك شوي
الأخ اللطيف:- أفا عليك عادي
أبوداحم:- عطني نبذة عن المحمية وشي أفضل طريقة استمتع فيها
الاخ اللطيف:- الحين أنا أقولك خذ البرشور هذا وشوف فيه الحديقة اللي هنيه خذلك لفة فيها وانبسط على مايجي الباص وبعدين روح تمشى بالباص وعلى الطريق بيشرحلكم المرشد السياحي عن الحيوانات اللي تقابلونها بالطريق الباص يوقف عند كل نوع من الحيوانات ويتكلم عنها المرشد وكذا لما توصلون حديقة الطيور وهناك بتنزلون بالحديقة تتمشون على رجولكم بين الطيور وتجلسون تستمتعون بالاستراحات اللي هناك ولماتخلص النص ساعة بترجعون بالباص ونفس الطريقة المرشد يتكلم عن الحيوانات اللي بتشوفونها على الطريق
أبوداحم:- طيب أخوي فيه خدمات هنا
الاخ اللطيف :- أكيد في الكافتيريا ومحل الهدايا ودورات المياه ومواقعها بالبرشور
أبوداحم:- يعطيك العافية "" ويحس أنه مابرد حرته من اللقافة اللي تحك الراس ""
أبوداحم :- طيب أخوي معليج عندكم خريطة للبحرين وايش الاماكن اللي الواحد ممكن يزورها غير الاماكن الاعتيادية
الاخ اللطيف :- في اماكن وايد عندك ضاحية السيف وعذاري وبيت القران و المتحف
أبوداحم:- يعطيك العافية وفي باله يقول"" كأني قلتله شي غير اعتيادي هذي كلها معروفة وملينا منها كل مانروح البحرين واحنا هناك لما حسينا البحرين بس هذي الاماكن ""
وفي هذا الوقت الاخ اللطيف ماقصر قعد يدو ويحوس لما لقى خريطة وقالي هذي خريطة قديمة شوي لأن الحين تحويلات وشوارع جديدة فكيت الخريطة تبون الصراحة اخذتها مجاملة للاخ اللطيف اللي ماقصر معاي مافيها إلا كم شارع رئيسي.
المهم المدام انبسطت ورحنا على صالة العرض وذاك اليوم من حظنا مافي عرض
رحت الكافتيريا أخذنا سناك وعصيرات
وطلعنا على الحديقة اللي بالقرب من المبنى الرئيسي
وهذي خريطتها من بروشور المحمية

.
.

وهذه صورة تشرح المواقع الموضحة بالارقام لخريطة حديقة المبنى الرئيسي

ونكمل ماتبقى من التقرير
في الحلقة القادمة
ماهي المفاجأة داخل الحديقة الرئيسية والعجوز اللتي سنلتقيها ونتبادل معها الحديث وعمرها 104 أعوام

أخوكم/عبدالرحمن

المشاركة الأصلية كتبت بواسطة عاشق الطعوس
http://www.arabtravelersforum.com/tr...5/#post2543425

اقول يابوداحم

اسلوبك مشوق


وعشان كذا لاتطول علينا يرحم امك

واذا عشان المخالفة اهون من سعر مخالفاتنا 300 و900 احمد ربك انها 100

وياليت تقولنا بالتفصيل الممل عن رحلتك والتكاليف بشكل عام من عيشة وطلعات ووو

وبانتظار البقية

عاشق الطعوس
أخوي الغالي
ابشر واللي يرحم والديك
ماعليك مافي تفاصيل أمل من كذا وأنت تابعنا وفالك المليون
أوه غلطت ومايصير خاطرك إلا طيب يالغالي
أخوك/عبدالرحمن

مشكوراخوي على التقرير وحمستنا نروح لها

واااااااااااااااااااااااااااااااو والله تقريرررررررررررررك اكشن

واحلى شي زوجتك ماتعررررررررررررررررررف الله يخليكم لبعضضضضضض

تقريرك مره مره مره حمااااااااااااااااس ونتتظر سالفة العجوز الله يطول بعمرها وعمرنا

علقتنا يا دحّومي

اسميك وهقه :109:

المشاركة الأصلية كتبت بواسطة *hope*
http://www.arabtravelersforum.com/tr...9/#post2543539

مشكوراخوي على التقرير وحمستنا نروح لها



العفو أخوي ولاشكر على واجب






المشاركة الأصلية كتبت بواسطة نوف2008
http://www.arabtravelersforum.com/tr...8/#post2543568

واااااااااااااااااااااااااااااااو والله تقريرررررررررررررك اكشن

واحلى شي زوجتك ماتعررررررررررررررررررف الله يخليكم لبعضضضضضض

تقريرك مره مره مره حمااااااااااااااااس ونتتظر سالفة العجوز الله يطول بعمرها وعمرنا



بالنسبة لي أحب المفاجآت ورفع الضغط:109:
وشوفي أختي انا لاحماس ولافتح
خلينا بعيد عن السياسة
والعجوز سالفته على الطريق إن شاء الله







المشاركة الأصلية كتبت بواسطة وين رايح
http://www.arabtravelersforum.com/tr...1/#post2543591

علقتنا يا دحّومي

اسميك وهقه :109:



أخوي وين رايح الله يحييك
هههههه والله أنا اللي متوهق
أكتب التقرير من المكتب ومعرض الصور أغلب الوقت يعل مايرفع الصور
والله يعينكم علي

متابعين معك الحلقات المشوقة أخوي ...

وسعيدين باستمتاعك برحلتك للبحرين ..

تقرير مشوق وجميله عاد لاطول علينا

اخوي لاتطول علينا تقريرك رووووووووووووووعه

انا خذيت ركن على سيف موضوعك و قمت اشغل اليامال :109:

صدقني تقريرك هذا خلاني احط البحرين من ضمن الخطه :24: و اذا طولت علي تراني :11ight: افل عن البحرين :109: و ابسّط في الخبر و الكويت بس ترى :109:

المشاركة الأصلية كتبت بواسطة الغالـــية
http://www.arabtravelersforum.com/tr...8/#post2544498

متابعين معك الحلقات المشوقة أخوي ...

وسعيدين باستمتاعك برحلتك للبحرين ..



والله أنا السعيد بمتابعتكم وتشريفكم حلقات موضوعي






المشاركة الأصلية كتبت بواسطة رحاب2008
http://www.arabtravelersforum.com/tr...9/#post2544789

تقرير مشوق وجميله عاد لاطول علينا



من عيوني مني مطول بسرع في اكماله قدر المستطاع





المشاركة الأصلية كتبت بواسطة احلى هاله
http://www.arabtravelersforum.com/tr...1/#post2545051

اخوي لاتطول علينا تقريرك رووووووووووووووعه



مرورك الاروع وإن شاء الله مانطول عليكم






المشاركة الأصلية كتبت بواسطة وين رايح
http://www.arabtravelersforum.com/tr...0/#post2545400

انا خذيت ركن على سيف موضوعك و قمت اشغل اليامال :109:

صدقني تقريرك هذا خلاني احط البحرين من ضمن الخطه :24: و اذا طولت علي تراني :11ight: افل عن البحرين :109: و ابسّط في الخبر و الكويت بس ترى :109:



هههههههه هو يامااااااال أه يبا
لالا ماني مطول بس والله حسب ظروف العمل
ولاتفل عن البحرين والله روعة بس يبيلها روحة بوقت تكون عكس الناس وبعيد عن الزحمة عشان تستمتع وتاخذ راحتك وخصوصيتك

هلا اخوي / عبدالرحمن ،،، اشلونك وماشالله خووووووووش تقرير عن المحمية وسوالفك مع المدام والله يخليها لك

والله الحمدالله انى دخلت بوابة البحرين ولا اشوف تقرير المشوق تري انا حجزت لي تذكرة معاااكم ابي اركب الباص ساعة 12ظ اوكي

وسلام خااااااااص للاهل والحمدالله علي سلامتكم ،،،،،،،،،،،،،،،،،،،،،،،،،،،،،ن

المشاركة الأصلية كتبت بواسطة كويتية وافتخر
http://www.arabtravelersforum.com/tr...3/#post2545483

هلا اخوي / عبدالرحمن ،،، اشلونك وماشالله خووووووووش تقرير عن المحمية وسوالفك مع المدام والله يخليها لك

والله الحمدالله انى دخلت بوابة البحرين ولا اشوف تقرير المشوق تري انا حجزت لي تذكرة معاااكم ابي اركب الباص ساعة 12ظ اوكي

وسلام خااااااااص للاهل والحمدالله علي سلامتكم ،،،،،،،،،،،،،،،،،،،،،،،،،،،،،ن



هلا بأختي كويتية
تمام حمد الله
يوصل الله يسلمج أختي
وحياج الله بالباص يشيل 25 شخص:109:
نتشرف بمتابعتك التقرير ويسرني انه اعجبكم
أخوك/عبدالرحمن

مشكوووور أخوي على التقرير الرائع للمحمية

زياراتي كثيرة ومتكررة للغالية علينا البحرين بس ما فكرت أروح للعرين أحس إنها بعيييدة

بس بعد تقريرك شكلي أبزورها بإذن الله

المشاركة الأصلية كتبت بواسطة كتكات783
http://www.arabtravelersforum.com/tr...2/#post2545622

مشكوووور أخوي على التقرير الرائع للمحمية

زياراتي كثيرة ومتكررة للغالية علينا البحرين بس ما فكرت أروح للعرين أحس إنها بعيييدة

بس بعد تقريرك شكلي أبزورها بإذن الله



حياك الله أخوي ولاشكر على واجب
مافي شي بعيد بالبحرين أبعد مشوار ومع الزحمة ماياخذ ساعة
والمحمية من الجسر "" الجمرك"" بدون زحمة 23 دقيقة هذا على الاشارات والتحويلات والزحف بسرعة 80 كم
يعني مع الزحمة 30 دقيقة
ولأجل الزين البعيد يقرب
أنت شوف باقي التقرير والصور
[size="5"][color="royalblue"]صدقني لو نقلوا المحمية روسيا بتروح لها مشي:109:

ماشاء الله تقرير رووعة يعطيك العافية

والله يخليكم انت والمدام حق بعض

وان شاء الله انبسطتوا في الرحلة المفاجئة

المشاركة الأصلية كتبت بواسطة ترانيم الولاء
http://www.arabtravelersforum.com/tr...7/#post2547587

ماشاء الله تقرير رووعة يعطيك العافية

والله يخليكم انت والمدام حق بعض

وان شاء الله انبسطتوا في الرحلة المفاجئة



من أروع الكلمات اللتي قلتيها ماشاء الله
والتقرير روعة بمرورك العطر
وآمين ومشكورة على الدعوات الجميلة

[size="5"][color="royalblue"]والحمد الله انسطنا لآخر قطرة :109:

- الحلقة الرابعة -
*** السيدة العجوز ذات 104 أعوام ***

"" عدنا ""
بعد ما أزعجت الاخ اللطيف وصجيت راسه لما قال لي
يالأخو عندك بنادول
المهم أخذنا البرشور ورحنا على غرفة العرض اللتي لم يعرض فيها الفلم ولم ننبه لذلك مدري ذاك اليوم مافي فلم خلص هههههههه
أو لأني أذيتهم قالوا خلوه يتصرف ويفكنا
المهم رحنا لصالة العرض وأحنا على الطريق
المدام:- يعطيك العافية على المفاجأة الحلوة
أبوداحم :- أي مفاجأة
المدام:- حقت المحمية نجي ونشوفها
أبوداحم:- أي محمية ؟؟؟
المدام:- المحمية هذي بعد والتكت حق الباص
أبوداحم:- يالاخت أنا جايبك عشان تشوفين طيوري "" كذاب للرمق الأخير ""
المدام:- حست أنه ما مني فود وفضلت الصموت
وبعد قليل
المدام:- الهمهم يعطيك العافية
أبوداحم:- الله يعافيج أختي ..... بس على وشو ؟؟؟
المدام:- صكت فيوزاتها وسكتت
دخلنا صالة العرض واللي تكون بعد الاستقبال يسار
أبوداحم:- يا مدام مال أنا
المدام:- نعم مدري شدخل الجملة بالسالفة
المهم ما أطول السالفة عليكم اتجهنا للخروج للحديقة الرئيسية وأول ماطلعنا من الباب حق المبنى الرئيسي وعلى بعد خطوات من الباب أضنها 11 خطوة وثلث ياهي صعبه هالكلمة نبيهم يطلعون يتحركون نبي نصورهم محد راضي يطلع هالكسالى
المهم وإذا بنا صح يامسلسل عنترة بن شداد
صوت عجوز ورانا تتسحب في مشيتها وتشحب معاها خطاه الثقيلة والتفتنا عليها وهي تمشي من الجليب " البئر" اللي في بيتها إلى غرفتها
أبوداحم:- السلام عليكم
العجيز:- وعليكم الثلام مسكينة ماعندها ظروس وماركبت طقم حنيت عليها
أبوداحم :- أخبارج عساج بخير
العجيز:- بخير الحمد الله نحمده ونشكره
أبوداحم:- كم عمرج
العجيز:- هااه كم عندي
أبوداحم:- بصوت عالي كم عمرج
العجيز:- كم عمري معليج ياوليدي الثموحة العتب على الثمع
عمري 104 ثنين
أبوداحم :- العمر كله في طاعته
العجيز:- الله يثلمك
أبوداحم:-من وين أنتي وشنو اللي يابج هنيه
العجيز:- أنا ياوليدي من جزر حوار ووزني حوالي 95 كيلوا
أبوداحم :- ماشاء الله تبارك الله الله يحفظج ويخليج
عجل نخليج تودين الغداء لبو عيالج
مع السلامة


وهذ صورتها

ومن اللقافة لحقتها لما بيتها وكان أطل عليهم هي وزوجها
كان أشوف هالمنظر



وبعد ماخلصنا من العجيز رجعنا لوسط الميدن الرئيسي وعند الانهار الصناعية وجلسنا نمتع أنظارنا بالخظرة والمياه والطيور المتواجدة هناك وهذه الصور تتحدث عن نفسها




وهذه صورة أخرى لطائر اللقلق على ما أظن محفوف بالحشم والخدم كالملك الأشم


وهنا أنتهت حلقتنا لهذا اليوم
وترقبوا في الحلقة القادمة الهروب الكبير من حديقة الميدان الرئيسي
أخوكم/عبدالرحمن
**سبحانك اللهم وبحمدك أشهد أن لاإله إلا أنت أستغفرك وأتوب إليك ***

حلقة جميلة وحلوة ...

كله بصوب .. والحوار العجيب مع السلاحف المثكينة

متابعين معك بكل استمتاع ..

اخوي ابو دحام حلقه:24:

بس ماعورت قلبي الا المدام
لو انا مكانها اول شي صفعتك بشنطة اليد شنطتها فيها حدايد :109:
ثاني شي اخذ تاكسي وارد السعوديه لو سباحه
ثالث شي اترياك في محكمه الخلع الدوليه:109:

الله يعينها انا اتوقع انها تدش الجنه طوالي بدون حساب




:101:متابعين الهروبــــــــــــــ:11ight:

حلقه روووووعه وخثوثا الثلحفاه العجوث
احنا منتظرين باقي التقرير نبي نعرف من وشو الهروب؟

متابعين معاك للأخير :113:

ماني قايلك واحد أفوكادو وتضبط الأمور هههههههه :109:


والتقرير من البداية وأنا معطيه أجمل تقرير وأسلوبك شيق وجميل ويعتمد البساطة في الطرح والعفوية وهذا الأسلوب يدخل كثير من قلوب الناس لكن يوجد فئة قليلة ترغب بأن يكون التقرير بالعربية الفصحى والألتزام باداب الكتابة والحوار أتمنى لك دوام التقدم والرقي ...

المشاركة الأصلية كتبت بواسطة غيوم ورديه
http://www.arabtravelersforum.com/tr...6/#post2548306

متابعين بعنايه والله يعين المدام بس .....وعندي سؤال تنصح بالحديقه للاطفال مع الشكر




آمين ربي يعينها ويسعدني ويشرفني متابعتكم لي
المحمية حلوة للأطفال وخاصة لماتعلمينهم هننا محمية تحافظ على البيئة والحيوانات والنظافة ومانطق الحيوان ولانهاوشة بل عكس نحافظ عليه ومن هذا الكلام
وحلوة للاطفال أن مافيها ريحة كريهة ولاعفن كثير زي اللي بالحدائق يعني ماتشيلين هم الحساسية والجراثيم اللي بالهواء بل بالعكس هواء نضيف وجو عليل وصحي جدا
وراح ينبسطون أنتي كملي التقرير معاي وشوفي كيف
ولاشكر على واجب أختي





المشاركة الأصلية كتبت بواسطة الغالـــية
http://www.arabtravelersforum.com/tr...2/#post2548622

حلقة جميلة وحلوة ...

كله بصوب .. والحوار العجيب مع السلاحف المثكينة

متابعين معك بكل استمتاع ..



الجميل مرورك وتشريفك لنا
ويسثلج صدري متابعتكم لتقريري المتواضع






المشاركة الأصلية كتبت بواسطة الماسة السوداء
http://www.arabtravelersforum.com/tr...2/#post2548682

اخوي ابو دحام حلقه:24:

بس ماعورت قلبي الا المدام
لو انا مكانها اول شي صفعتك بشنطة اليد شنطتها فيها حدايد :109:
ثاني شي اخذ تاكسي وارد السعوديه لو سباحه
ثالث شي اترياك في محكمه الخلع الدوليه:109:

الله يعينها انا اتوقع انها تدش الجنه طوالي بدون حساب




:101:متابعين الهروبــــــــــــــ:11ight:



مرورك:24:
أول شرط لي عند شراء الشنط تكون كلها قماش:109:
لاتخافين اخلي بوكها بالسيارة واقفل عليه ومفتاح السيارة عندي:24:
وأحلى شي أنها ماتسبح :surf
عشان كذا أجي البحرين:109:

والحمد الله منتي زوجتي كان رحت جوانتناموا الحين:whistling

الله يصبرها
والله مع الصابرين
ويسعدني مرورك ومتابعتك
ولطيف عباراتك وتعليقاتك








المشاركة الأصلية كتبت بواسطة فاررسه
http://www.arabtravelersforum.com/tr...2/#post2548922

حلقه روووووعه وخثوثا الثلحفاه العجوث
احنا منتظرين باقي التقرير نبي نعرف من وشو الهروب؟



مرورك الاروع
وحياكي الله معانا ويارب نكون عند حسن الظن







المشاركة الأصلية كتبت بواسطة سعودي اوكيه
http://www.arabtravelersforum.com/tr...4/#post2549254

متابعين معاك للأخير :113:

ماني قايلك واحد أفوكادو وتضبط الأمور هههههههه :109:

والتقرير من البداية وأنا معطيه أجمل تقرير وأسلوبك شيق وجميل ويعتمد البساطة في الطرح والعفوية وهذا الأسلوب يدخل كثير من قلوب الناس لكن يوجد فئة قليلة ترغب بأن يكون التقرير بالعربية الفصحى والألتزام باداب الكتابة والحوار أتمنى لك دوام التقدم والرقي ...

حياك الله اخوي سعودي ويسعدني ويزيد من حماستي متابتعكم
والله صدقت كان ناقصها كاس يفك الراس بالمحمية
والله أخجلتني جدا بكلمات الرائة ويارب نكون عند حسن الظن
واشكر لك ملاحظاتك القيمة وأكيد هي بعين الاعتبار
لكن زي منت شايف الواحد احيانا يدخل المنتدى يبي يرفه عن نفسه في اطار الاخلاق العامة والاداب الاسلامية
والشخص يبغى يطلع من الروتين والجفاف اللي في المواضيع إلى البساطة والعامية والفكاهة في نطاق الاداب والاخلاق الاسلامية والعامة دون الاخلال بفحوى الموضوع وتناسي الفائدة والمعلومات القيمة

ونحن بحاجة إلى سياحة لمواضيعنا داخل منتدياتنا لنفره عن انفسنا بين هذه المواضع والتقارير اللتي تحمل معلومات جمة وتسكب على القرئ سكب عشوائيا
دون أن تصب في قالب يعطيها شكلها البديع
وتقبل خالص تحياتي وشكري الجزيل لك على دعواتك الطيبة
أخوك/عبدالرحمن

ماشاء الله تكملة حلوة وبانتظار الاحلى

متابعين

اعذرني اخي الكريم لم ننتظر صحينا اليوم بدري والجو ممتاز واجازه : العيال اقنعتهم الصور وانا اقنعني الترتيب والنظافه114:اقترحت على ابو العيال الله يخليه نعمل لهم رحله خفيفه يغيرون فيهاالنمط المعتاد في التمشيه واللي غالبا تكون في مجمع تجاري او ملاهي وتوكلنا على الله ورحنا للمحميه وبصراحه استانسو حييييييييييييييييييييل واحنا بعد انبسطنا وكان الجو العام للمنتزه ممتاز انا كنت احاتي تكون فاضيه ما فيها احد بس بالعكس كان الناس كثير بحرينيين وسعودييين واجانب

ولدي الصغير كان سعيد لتجاوب النعامه معاه بس ياجماعه تراها تلحق انتبهو:109:
وقسم الفلامنجو جميل جدا ونظيف والطيور تجي عند الناس قريب ماتخاف متعوده
اكرر شكري لكم واتمنى منكم زيارة المتحف الوطني البحريني ستجد فيه مواضيع ممتازه للكتابه
اسال الله ان يرزقكم الذريه الصالحه ويمتعكم بالصحه والعافيه
بصراحه المحميه كنت اقرا عنها بس ماتشجعنا نروح لكن التقارير لها دور فعال

بصراحة حمستنا زيادة إني أروح لها ..


واصل وحنا معك متااااابعين ..

المشاركة الأصلية كتبت بواسطة ترانيم الولاء
http://www.arabtravelersforum.com/tr...7/#post2550127

ماشاء الله تكملة حلوة وبانتظار الاحلى

متابعين



أختي الكريمة ترانيم
اشكرك على الكلمات الجميلة
ويسعدني متابعتك







المشاركة الأصلية كتبت بواسطة غيوم ورديه
http://www.arabtravelersforum.com/tr...7/#post2550737

اعذرني اخي الكريم لم ننتظر صحينا اليوم بدري والجو ممتاز واجازه : العيال اقنعتهم الصور وانا اقنعني الترتيب والنظافه114:اقترحت على ابو العيال الله يخليه نعمل لهم رحله خفيفه يغيرون فيهاالنمط المعتاد في التمشيه واللي غالبا تكون في مجمع تجاري او ملاهي وتوكلنا على الله ورحنا للمحميه وبصراحه استانسو حييييييييييييييييييييل واحنا بعد انبسطنا وكان الجو العام للمنتزه ممتاز انا كنت احاتي تكون فاضيه ما فيها احد بس بالعكس كان الناس كثير بحرينيين وسعودييين واجانب

ولدي الصغير كان سعيد لتجاوب النعامه معاه بس ياجماعه تراها تلحق انتبهو:109:
وقسم الفلامنجو جميل جدا ونظيف والطيور تجي عند الناس قريب ماتخاف متعوده
اكرر شكري لكم واتمنى منكم زيارة المتحف الوطني البحريني ستجد فيه مواضيع ممتازه للكتابه
اسال الله ان يرزقكم الذريه الصالحه ويمتعكم بالصحه والعافيه
بصراحه المحميه كنت اقرا عنها بس ماتشجعنا نروح لكن التقارير لها دور فعال

معذورة أختي غيوم
وحمد الله على سلامتكم أهم شي انبسطتوا واستمتعتوا واستفدتوا واستجممتوا ويهه عبدالله بالخير:109:
ولا شكر على واجب
وأشكرك على جعواتك الطيبة الرائعة وجزاكي الله ألف خير
والله مانكتب هذه المواضيع إلا عشان نتشارك التجارب الجيدة والسيئة ليستفيد منها الاخرون ويستمتعون كما استفدنا واستمتعنا أو كي لايصيبهم ما اصابنا
ومانبي منكم غير هالدعوات الصادقة من القلب
شاكر لك متابعتك لي ولطيف عباراتك
أخوك/عبدالرحمن

المشاركة الأصلية كتبت بواسطة أمنية عمري
http://www.arabtravelersforum.com/tr...1/#post2552111

بصراحة حمستنا زيادة إني أروح لها ..


واصل وحنا معك متااااابعين ..



أكيد لازم تروحين
شوفي رد غيوم وردية فوق ردك وشوفي ايش شافت
ويشرفني ويسعدني متابعتك للتقرير
وعلى فكرة أحلى شي يالتقرير آخرة لايفوتج

واااااااااااااااااااصل تقريرك الرااااااااااااااائع باسلوبك الشيق وعفويتك ولا يهمك احد........

المشاركة الأصلية كتبت بواسطة احلى هاله
http://www.arabtravelersforum.com/tr...3/#post2554223

واااااااااااااااااااصل تقريرك الرااااااااااااااائع باسلوبك الشيق وعفويتك ولا يهمك احد........



ابشري ياهالة
بس خليهم يحلون سالفة كيبل البحر الابيض المتوسط
ونكمل التقرير
مرورك الاروع اختي الكريمة
شاكرلك مرورك وكلماتك المشجعة

:thumb_ico شكله التقرير مطول على مايخلص

- الحلقة الخامسة -

*** الهروب الكبير ***

عدنا إليكم أحبتنا
بعد أن قضينا تلك الأوقات الممتعة بين الخظرة ووالجو العليل إلتفت أبوداحم إلى ساعته ووجدها قد قاربت موعد تحرك الحافلة ولم يبقى إلا أقل من ربع ساعة على تحركها
أبوداحم :- يامدامي
المدام:- هلا
أبوداحم:- باقي شوي ونروح الباص :36_7_14: يعني شدي حيلج وسريع سريع ندور الباقي
المدام :- أصلن مابقى شي
أبوداحم:- باقي
المدام :- وشو باقي
أبوداحم :- شايفةة بيت الشعر اللي هناك
المدام:- أيه
أبوداحم:- رحنا له
المدام:- لا للحين مارحنا له
أبوداحم:- يالله نروحله
المدام :- توكلنا على الله
رحنا لبيت الشعر وإذا بنا بهندي هناك ومعاه كاميرا فورية وحاطله شرياس يعني أنه صقر "" صقر الغشام""
المهم وحاط لوحة فيها تسعيرة
تصور بكاميرتك الصقر او بيت الشعر 500 فلس
يصورك العامل على ما أظن بدينار صورة فورية
المهم
أبوداحم:- أقولج يامدام مافي شي جديد ومميز بالنسبة لي ولج
المدام:-:36_1_21: أما صقرك حركااااااات :36_1_19: هذا اللي تبيني أعرفه عشان المقانيص
أبوداحم:- :36_15_24: انحرج ابوالشباب
المدام:- يالله شيله من الوكر وخلني اصورك معاه:36_11_6: شماته
أبوداحم:- لا ماعندي فكة-خردة
المدام:- أفاعليك عندي أنا
أبوداحم:- يالله نمشي نشوف شي ثاني بسرعة قبل ليمشي الباص واحد يصرف
المدام:- يالله نمشيها عشانك
وأحنا طالعين من ركن بيت الشعر وشوي إلا صوت باصين جايين ويوقفون وينزلون منهم أطفال من المدرسة الهندية جايين رحلة أعمارهم 5-7 سنين ويمكن 50 واحد مع 4 مربيات
وأسمع يا ازعاج
أبوداحم:- مدااااااااام
المدام:- نعم
أبوداحم :- حطي رجلج
المدام :- وين
أبوداحم:- أي مكان بعيد عن الازعاج
المدام :- أي والله يالله نهرب
وشلنا عليه راجعين عند الكافتيريا
وأحنا في الطريق
قرا أبوداحم غرفة عليها يافطة مكتوب عليها الغرفة التعليمية
أبوداحم مايخلي لقافته
أبوداحم:-ياسنيورتا مال أنا مدري هندي ولامكسيكي
المدام:- نعم سنيور
أبوداحم:- ندخل هالغرفة
المدام:- أول خش أنت وشوف اذا المكان آمن نخش وراك
أبوداحم:-:24:
دخل أبوداحم وأخذ نظرة سريعة
أبوداحم:- ياسنيورتا - مولانا السنيوريسمح لكي بالخشوش -
طوطو ططوووووووووووط
ودخلت السنيورتا إلى الغرفة التعليمية
وشوفو أيش شفنا
.
.
.
وسط الغرفة

.
أعجبني إستفادتهم من كل شي
تم تحنيط حيوانات المحمية النافقة ووضعت في الغرفة التعليمية
.
.
.
يمين الغرفة

.
.
.
الزاوية اليمنى

.
.
.
.
الجهة اليسرى من الغرفة

.
.
.
.
.

وانتظروني في الحلقة القادة ورحلة الباص
:11ight:ومع أسرع حيوان بري على وجه الأرض بعد الفهد:11ight:
وأعتذر من الجميع على قصر هذه الحلقة وذلك بسب ظروف الانترنت السيئة
أخوكم/عبدالرحمن
*** سبحانك اللهم وبحمدك أشهد أن لاإله إلا أنت أستغفرك وأتوب إليك ***

المشاركة الأصلية كتبت بواسطة الماسة السوداء
http://www.arabtravelersforum.com/tr...5/#post2554795

:thumb_ico شكله التقرير مطول على مايخلص



يالله يالماسة أدعي معاي
ربي يعجل بفرجنا ويسهل علينا هالانترنت اللي تعطلنا بسببه ويتصلح العطل عشان نرفع باقي الصور ونكمل التقرير

ترى توني ماخلصت الربع الأول من تقريري ههههههههههه

لازلت من المتابعين :24: بس ماوريتنا الهندي ماادري الصقر :114:

المشاركة الأصلية كتبت بواسطة ترانيم الولاء
http://www.arabtravelersforum.com/tr...7/#post2556767

لازلت من المتابعين :24: بس ماوريتنا الهندي ماادري الصقر :114:



يسرني ويسعدني أنك من متابعيني صح عليه اللي عنده جمهور:101:
أما الهندي والشرياس "" الصقر المزعوم ""
ماصورته لأني مو ناقص شماته مع المدام مابي أخلي علي ولا ممسك شماته :110:

هههههههههههههههههههههه


أما الصقر اجل وهقك !!!


متااااااابعينك ..

المشاركة الأصلية كتبت بواسطة أمنية عمري
http://www.arabtravelersforum.com/tr...3/#post2557263

هههههههههههههههههههههه


أما الصقر اجل وهقك !!!


متااااااابعينك ..



من جد وهقني
أسعدني مرورك
وإن شاء الله اليوم أحاول أكمل حلقة جديدة من التقرير بعد ماتعدلت أمور النت شوي عندي
نراكم لاحقا

- الحلقة السادسة -
*** ثاني أسرع كائن يمشي على الأرض ***
عدنا إليكم يحدونا الشوق للقائكم:smile106:
وأقدم لكم إعتذاري على تأخري في إكمال الحلقات بسبب العطل الفني في البحر الأبيض المتوسط

بعد هروبنا الكبير وإختبائنا بالغرفة التعليمية لفترة من الزمن وبعد إحساسنا بعودة الإستقرار إلى المنطقة
أبوداحم:- ياسنيورتا
المدام:- نعم سنيور
أبوداحم:- شكل الاستقرار رجع للمنطقة المحايدة
المدام:- مدري
أبوداحم:- اشرايج نرجع نكمل جولتنا على النهر الصناعي اللي بالحديقة على طريقنا واحنا رايحين الباص
المدام:- أووك
أبوداحم :- توكلنا على الله
المدام:- على خيرة الله
وخرجنا من الغرفة التعليمية ومتوجهين إلى النهر الصناعي ولله الحمد كما توقعنا عاد الامن والاستقرار الى الحديقة

.
.
.

شوفو الكبل اللي يتمشون شحلاتهم:109:

.
.
.

وهنا كبل مشغولين يرتبون البيت ويأثثونه من جديد وحركات
.

.
.
.
.
وهنا الفلامنجو يوم شافوني شردوا ههههههه
.
.

فلسفة بوداحم على الطاير:-
طائر الفلامنجو يختلف تدرج اللون الوردي فيه من ابيض إلى وردي إلى الاحمر البرتقالي القريب من الناري وذلك بسبب إختلاف كمية الفسفور اللتي يتغذى عليها من القشريات (( الروبيان مثلا ))
فكل ماكثرت كمية القشريات اللتي يتغذى عليها ازداد لونه حدتا وجمالا (( الثلاث الصور القادمة من مصادر "" مبيوقة يعني "" ))

.
.

.
.

.
.
.
وبعد ماتفلسفنا عليكم أكملنا رحلتنا في النهر البديع
.
.

.
.
.
إحدى ضفاف النهر الجاري "" الصناعي "" شوفو كيف روعة اللون الاخضر والاعشاش الصناعية على جذوع الاشجار منظر بديع
.
.

.
.
.
وهذي صورة لإحدى روافد النهر
.
.

.
.
.
شفت كابل يجننوووووووون شوفوهم
.
.

.
.
وهذا الذكر شوفو شلون سبحان الله جماله خلاب ركزوا على الريش اللي حول عيونه زي التاج الذهبي سبحان الخالق الكريمم سبحان المصور العظيم
.
.

.
.
.
وأنا أصور وأشوف الساعة 12 وحط رجلك على الباص ركض ورحنا وركبنا باص رقم 5
واعطانا المرشد نبذة عن ماسنراه في الرحلة وطولها
واللي يبي معلومات علمية وتفاصيل زيادة يروح المحمية:110:
ونحن على شفنا أنواع كثير من الغزلان غزال شرق الجزيرة العربية وغزال شمال الجزيرة وغزال جنوب الجزيرة "" غزال جزر فرسان بمدينة جازان بالمملكة العربية السعودية "" والغزال الهندي والغزال الافريقي والامريكي والاسترالي والله من كثرهم حست بالتصوير لكن بوريكم صور لبعضهم ولحد يسألن هذا من وين تبي تعرف من وين روح المحمية :109: بس ابي اوريكم ان الغزلان تختلف وشفنا زرافات وأنواع من المها العربي "" الوضيحي"" وطبعا قلة الصور لأن الباص وهو ماشي يوقف ثواني جنب كل مجموعة ويشرح المرشد وبعدين يكمل الباص رحلته على عجالة يعني ماننزل من الباص ونصور براحتنا وهذي صور الغزلان والزرافات
.
.
هذي صورة للزرافات وشوفو رقم الباص 5
.
.

.
.

.
.

وهذا نوع من الغزلان

.
.
وهذا نوع من المها " الوضيحي"

.
.
.
وهذا نوع آخر من المها

.
.
.
ونوع آخر من المها

,
.
.
وهذا نوع من الوعل الجبلي

.
.
أسرع حيوان على وجه الأرض بعد حيوان الفهد
هو
VVV
VV
V
الكلب السلق " السلوقي -السلقلق بتاع طاش ماطاش "

ونراكم في الحلقة القادمة قريبا إن شاء الله
والإسقبال العسكري لملك الطيور لنا والمراسم الملكية
أخوكم/عبدالرحمن
*** سبحانك اللهم وبحمدك أشهد أن لاإله إلا أنت أستغفرك وأتوب إليك ***

الله يعطيك العافيه تصوير واضح ومعلومات صحيحه هذي ياسيدي ثقافه تحتاج جهود حتى تصبح ثقافة الحياة الفطريه شي عادي ومعتاد بعيده عن ثقافة الاستهلاك
بس عندي استفسار عيالي بحثو عن الفيل مثلا والابل الكثيره اقصد خارج الحديقه الصغيره ما كان فيه ابل وخيل او حيوانات مفترسه او الغوريلا ((اعتقد الاسباب امنيه احتمال لان المرتادين دايما اطفال مدارس ))
وكنت اتمنى اشوف حوض اسماك كبير مثل حوض سايتك مثلا لانه جذاب

متابعين باستمتاع ...

واهنيك على الصور الجميلة أخونا ...

متابعينك صور مررره حلووه على كثر روحاتي للبحرين ولاقد رحت المحميه لكن ان شاء الله نزورها بااقرب فرصه

تقرير حلو مشاء الله عليك

المشاركة الأصلية كتبت بواسطة الماسة السوداء
http://www.arabtravelersforum.com/tr...6/#post2559406

:113تسجيل حضور)



يشرفني حضورك
ويثلج صدري






المشاركة الأصلية كتبت بواسطة أمنية عمري
http://www.arabtravelersforum.com/tr...5/#post2559475


هههههههههههههههههههههههههههه


في قلبك إلى الحين ذا المخالفة خخخخخخخخخخخخخخ


... متاااابعينك ...



أووووه لما بكرة بقلبي :109:
إن شاء الله تشوفين مايسرك بالقريب العاجل







المشاركة الأصلية كتبت بواسطة غيوم ورديه
http://www.arabtravelersforum.com/tr...1/#post2559731

الله يعطيك العافيه تصوير واضح ومعلومات صحيحه هذي ياسيدي ثقافه تحتاج جهود حتى تصبح ثقافة الحياة الفطريه شي عادي ومعتاد بعيده عن ثقافة الاستهلاك

بس عندي استفسار عيالي بحثو عن الفيل مثلا والابل الكثيره اقصد خارج الحديقه الصغيره ما كان فيه ابل وخيل او حيوانات مفترسه او الغوريلا ((اعتقد الاسباب امنيه احتمال لان المرتادين دايما اطفال مدارس ))

وكنت اتمنى اشوف حوض اسماك كبير مثل حوض سايتك مثلا لانه جذاب

الله يعافيك أختي الكريمة
بالفعل ثقافة الحياة الفطرية والمحافظة على كنوز بيئتنا شي مهم جدا ورائع إذا اهتم فيه الإنسان ولابد من تنميته لدى الطفل
بالنسبة لتساؤلك
العرين في الاصل محمية
تحوي الحيوانات المهددة بالانقراض ولكن تم فتحها قبل سنين عدة في وجه الزوار من السياح لرفع ثقافة الحياة الفطرية والوعي بها
لذلك ماتجدينه في محمية العرين هو عبارة عن كائنات حية في بيئتنا اوتكون في مواسم معينة في بيئتنا "" أثناء هجرتها "" مهددة بالانقراض
وليست حديقة كما يتوقعها البعض
من هذا المنطلق على أنها محمية نجد أن كل ما رأيناه هناك جهد وإبداع متعوب عليه
وبالنسبة لحوض الاسمالك لاتنسين إن المحمية برية
ومما أفرحني أن في أحد استفاد من التقرير وراح العرين وانبسط واستمتع بها وبجمالها
والله الموفق





المشاركة الأصلية كتبت بواسطة الغالـــية
http://www.arabtravelersforum.com/tr...9/#post2559939

متابعين باستمتاع ...

واهنيك على الصور الجميلة أخونا ...



مشرفتنا الغالية
أهني نفسي على مرورك
واتمنى أكون عند حسن الظن






المشاركة الأصلية كتبت بواسطة فاررسه
http://www.arabtravelersforum.com/tr...0/#post2560320

متابعينك صور مررره حلووه على كثر روحاتي للبحرين ولاقد رحت المحميه لكن ان شاء الله نزورها بااقرب فرصه



يشرفني متابعتك ومرورك الأحلى
والمحمية لاتفوتك اليومين هذي مع كوفي واااااااااااااو شي خيال






المشاركة الأصلية كتبت بواسطة اموونة84
http://www.arabtravelersforum.com/tr...3/#post2560413

تقرير حلو مشاء الله عليك



أجمل كلمة قيلة ماشاء الله
ومرورك الأحلى أختي

-------------------------------------------------
أشكر الجميع على مرورهم واتمنى أن أكون عند حسن الظن
وأعدكم بأن القادم يكون أحلى وأجمل بإذن الله تعالى
وأنا آسف على تقصيري في الملعومات العلمية والفطرية
ولكن أبي أخليلكم شي تشوفونه بالمحمية لأني أحس بالتقرير حرقة روحة المحمية بالصور
وفي نفس الوقت أفاف ألخبط في بعض المعلومات وأعطيكم معلومة خاطئة أوشيء من هذا القبيل
تقبلوا خالص تحياتي
أخوكم/عبدالرحمن

تكفى حاول تخلص التقرير قبل اسافر ..

.. متااااابعينك ..

مششششالله اسلوووب روووعه ورحله اروووع يالحركات

والله ياحظكم بس انتم ياهل الشرقيه فالينها بالبحرين

بصراحه تقرير شامل احس حللت اليوم كله سلم بس على حرمتك وحطها بعيوونك

مبين انها معطيتك فيس على اسلوبك معها هههههههههههههه ترا امززح


الله يهنيكم مافي احلى من المفاجات