الموضوع: استفسارات بخصوص السفر

السلام عليكم ورحمة الله وبركاته
في البداية اشكر جميع من ساهم في هذا الصرح الرائع و اتمنى لكم التوفيق و السداد ..


موضوعي استفسار بخصوص السفر الي ماليزيا لشهر العسل بإذن الله

سفري بيكون في تاريخ 30/08/2013 الي 14/08/2013

بخصوص حجز الطيران حجزت على طيران الامارات

كلمت مندوب في شركة الفرسان بخصوص الفنادق و المواصلات بدون الجولات السياحية لانها بتربطني بأماكن معينة واوقات معينة و ارسل لي هذه القائمة عشان اختار اربع نجوم او خمس نجوم
KUALA
From 31AUG to 03 SEP 01 doubleat 4*Pyramid Tower 1880 B.B
From 31SEP to 03 SEP 01 doubleat 5*Sunway Resort 2320 B.B

LANGKAWI
From 03 SEP to 06 SEP01 double at 4*langkawi lagoon B.B 1850
From 03 SEP to 06 SEP01 double at 5*Westin langkawi B.B 3510

Penang

From 06 SEP to 09 SEP01 double at 4*Golden sands B.B 1930
From 06 SEP to 09 SEP01 double at 5*Parkroyal B.B 2050

KUALA
From 09 SEP to 12 SEP 01 doubleat 4*Pyramid Tower 1710 B.B
From 09 SEP to 12 SEP 01 doubleat 5*Sunway Resort 2090 B.B
TOTL 4*7370
TOTL 5*9970



وش رايكم ؟

انا ما عندي مشكلة احجز من بوكينج بيكون افضل لي بس مشكلتي في المواصلات و عدم اتقاني للغة الانجليزية يعني كل الي عندي كم كلمة ممكن تخارجني في الفندق او المطعم او السوق

وش تنصحوني اسوي ؟

اروح مع فرسان او احجز من بوكنج و اطب هناك على عماها

و كمان وش تشوفون اذا رحت هناك وين الاماكن الى بتكون كويسه

مع العلم اني محدد ثلاث مدن ابروح لها كوالالمبور و لنكاوي و بينانج

الميزانية حدود 15000 غير التذاكر

دمتم بحفظ الرحمن

مواضيع عشوائيه ممكن تكون تعجبك اخترناها لك:

• جدول لاهم الاماكن السياحية بلييز
• محتار بين فنادق لنكاوي
• جدول سياحي من اعدادي وبعد مشورة
• شهر عسل صيف
• استفسارات عن رحلة ماليزيا
• كاميرون
• الجدول النهائي لرحلة ماليزيا شهر العسل
• مساعده فبينيغ
• الرجاء ترتيب برنامجي اليومي مسافره بعد بكره
• ماليزيا وسيرلانكاارجوا الافاده
• استفسار بخصوص سؤال في كرت الوصول مافهمته بليز اتمنى المساعده
• بخصوص شركات الاتصالات في ماليزيا ؟؟؟؟
• المصروف اليومي لعائلة في ماليزيا
• لنكاويرحلة المانغروف أو رحلة الجزر
• ارجو المساعدة ضروري جدا
• سؤال بخصوص الوزن 25 كيلو طيران اير اسيا
• شرايكم احجز سيارة من الفندق و لا من المطار
• طلب ترتيب رحله لماليزيا
• استــتــفـــســار
• ماليزيا في ثمان ليالي ؟

السلام عليكم

اخوي رحلتك 14 ليلية

رائي تقسمها
يومين سلانجور فندق بيراميد تاور
يومين جنتتق فندق فرست ورلد
4 ايام لنكاوي فندق بيلانجي بيتش
2 ايام بينانج فندق لون بين او بارك رويال
4 ايام كوالالمبور فندق ميليا او فورما او بيكولو

بخصوص الحجز نصيحة احجز من اجودا أو بوكنق ارخص بكثير من المكتب ولاتخاف من اللغة امرها جدا بسيط

والطيران الداخلي احجز على اير اسيا افضل شي ورخيصة

تحياااااااتي من الموبايل

و عليكم السلام و رحمة الله و بركاتة
هلا أخوي قناعتي سبب سعادتي .. و مبروك الزواج مقدماً الله يوفقك و يسعدك
انت تقصد أن سفرك من بيكون في تاريخ 14/08/2013 الي 30/08/2013 صح ؟؟
و الا تقصد من 30/08/2013 الي 14/09/2013 !!
على العموم من وجهة نظري أنا أشوف إنك تحجز الطيران الدولي أول شئ و تثبت تواريخ السفر و العودة
و بدها موضوع حجز الفنادق أمره سهل إن شاء الله و ما راح يقصرون معاك الأخوان هتا بتقديم المساعدة
و أكمال حجز الفنادق و التنقلات ...
النقطة اللى حبيت أشير لها هي موضوع اللغة و إنك ما تجيد اللغة الأنجليزية ...
أخي الفاضل لا تخلي موضوع اللغة هاجس يقلقك لأنه أصلاً بتلاقي كثير من اللى راح تتعامل معاهم
لا يجيدون الأنجليزية و لا حتى العربية ..وش بتسوي في هالحالة ؟؟
أنا أتصلت على أكثر من مكتب في ماليزيا ابي أسألهم عن الباصات
و الله و لا لقيت أحد يتكلم أنجليزي و كل شئ يحولوني من شخص الى شخص لين ينقطع الخط
يعني أمر اللغة مو عائق و بتخارج نفسك إن شاء الله
و فيه ملاحظة على الجدول المرفق بالنسبة للأيام في كوالالمبور
أنت أول ما توصل مقترحين عليك تسكن في سيلانقور بفندق
Pyramid Tower أو Sunway Resort
وحتى بعد ما ترجع من بينانق مقترحين عليك نفس الفنادق
و هذا غلط لأن سيلانجو بعيدة عن كوالا يمكن حوالي 45 دقيقة بالسيارة
حاول تحجز في وسط كوالا حول شارع العرب أحسن لك

و بالتوفيق يا أخوي توكل على الله

عليكم السلام ورحمة الله وبركاته
احجز الفنادق بنفسك من البوكينق او اجودا وكل هالموقعين بالعربي
وبالنسبه للغه صدقني ماهيب عائق نهائيا وكل التكاسي هناك يعرفون اسماء الاماكن بالعربي بعد
يعني ارتح من هالناحيه
فنصيحتي لك اولا احجز التذاكر الدولية
وبعدين تبدا بحجز الفنادق والطيران الداخلي وحدة وحدة وصدقني في هالمنتدى أي واحد عنده معلومه
ماراح يبخل عليك سواء مشرف او عضو

جميل , الراهي , ابو وليد اشكركم على المرور و الردود و التفاعل
اما بخصوص التاريخ انا غلطت فيه السفر 30 / 08 / 2013 العودة 14 / 09 / 2013
و الطيران حجزت من النت على طيران الامارات و اخذت التذاكر

الحبايب ما قصروا الله يعطيهم الصحه والعافيه

وحبينا الراهي نبه على موضوع مهم وهو




و فيه ملاحظة على الجدول المرفق بالنسبة للأيام في كوالالمبور
أنت أول ما توصل مقترحين عليك تسكن في سيلانقور بفندق
Pyramid Tower أو Sunway Resort
وحتى بعد ما ترجع من بينانق مقترحين عليك نفس الفنادق




انتبه من المكتب لا يضحك عليك




وانا مع رأيي الاحبه بخصوص الحجز من النت


موفق
ولا تنسانا من الدعوات