السلام عليكم
اخواني اول مره اشارك معكم ومحتاج مساعدتكم ضروري لا حرمت منكم
اولا عندي النيه اني اروح نيوزلندا لدراسه لغه وسياحه
بس عندي كم مشكله
اني ماعرف انجليزي
غشيم بالنت
خواف بجد
رايح لحالي
ابعرف انتم كيف تتعلمون انجليزي من ناس ماتعرف عربي يعني كيف تفهمون
اكره البرد بشده
لاحد يقولي لا تروح نيوزلندا لاني ان شاالله رايح رايح
اجازتي شهر فقط يعني 30 يوم وممكن ازيدها بصعوبه
ساكن بالمدينه المنوره
المطلوب
شرح دقيق جدا لكل جواب
طبعا فرفرت بالمواضيع وواجهتني كم مشكله
الاسئله
1/ في رحله مباشره من السعوديه لهناك
2/ ارخص خطوط ممكن اروح عليها
3/ مشكلتي سمين شوي واتعب من مقاعد الطياره بايش تنصحوني
4/الفيزا كيف بنفس المطار هناك
5/ كيف اقدم لمعهد هناك وايش المعهد الزين
لا تنسون انا ماعندي لغه
6/ اقدر اخذ معي مواد غذائيه زي رز وخلافه او متوفر هناك
7/ ايش اسعار البلد غاليه
8/كم يكفيني هناك من فلوس عشان انا ابي سياحه بعد
9/ حسب ماقريت يسالوني بالمطار من الي يسال وكيف اجاوبه وانا مااعرف انجليزي
انا مخلص ثانويه عموما بس زمان
ابي شرح دقيق من يوم ماطلع ايش اسوي تكفون اشرحولي بالضبط
يعني مثلا انا قريت باحد التقارير بسنقافورا ينادون الترانزيت طيب انا مافهم وايش اسوي وين انام وانا مااعرف اتكلم وياهم وانا بعد لا تنسون خواف
انا استخدم كذا دواء ممكن اخذها معي
المستشفيات ايش نظامها غاليه او لا
10/ ايش المشاكل الي ممكن تواجهني
11/ بصراحه في ملل او فله
12/ كيف التعامل مع العائله الي ساكن معاهم هم طيبين عموما او لا
13/عندي مشكله كبيره اني مسوس نظافه خصوصا بالحمام الله يكرمكم كيف نظافتهم وهل توجد شطافات عندهم
14/ مهم جدا جدا اقدر اخذ الشيشه معي لاني بصراحه مشيش جراك تكفون تردوا علي سوالي هذا
15/ عفوشي كثير ارسلهم بالشحن قبلي افضل او اخذهم معي
16/ بردهم اقوي من بردنا لاني بصراحه واحد قالي بس تلبس تدفي مو زي بردنا تلبس ماتلبس ماتدفاء صح او لا
انا ودي بمدينه اوكلاند
واحب الطبيعه كثير جدا
ممكن اروح بعد14 يوم
اسف طولتها اخواني بس ارجوكم ساعدوني الله يجزاكم خير خصوصا الي هناك موجودين :109:
###
المشـرف / عزيزي يمكنك الإستعانة بـ الموضوع http://www.arabtravelersforum.com/travel296621/ لـ تجـد إجابات على أكثر أسألتك ..
أسألتك مكـررة كثيـراً , إستعـن بالله ثم بالموضوع السابق وسـ تجد إجابات على أسألتك ..
وبالتوفيق ,,مواضيع عشوائيه ممكن تكون تعجبك اخترناها لك:
- مناشدة للادارة من نيوزلندا
- طلبات فتح الملف بالملحقيه
- استفسار
- ايش هي العروض التعليمية الحلوة لنيوزلندا؟؟
- ∑ೋ…«المجـلــــس النيـوزيلنــــدي»…ೋ∑
- خبراء نيوزلندا إذا ممكن فيزة عبور أستراليا ؟
- أفضل مكان للسكن كشقة مفروشة أو فلا بأوكلاندا في نيوزيلاندا
- سوال مهم لاهل كرايس تشيرج حساس وين
- ممكن تكون نيوزلندا
- مساعدة
- كم سؤال اتمنا من اصحاب الخبره الاجابه على هذي الاسئله
- إلى من يعرف أو يستطيع المساعدة للسفر لنيوزيلاند
- إلى جميع سكان مدينة كرايست شيرج نداء عام
- فيزا الترانزيت الأسترالية
- دونيدن
- محتاج مساعده من أي أحد سافر أوكلاند لدراسة اللغه
- الحلاقين ومحلات القهوه
- الكريدت كارد والحجز
- شباب ايش رايكم في معهد في
- أصحاب الخبرة في نيوزيلندا تكفون ضروري
رد مع اقتباس
المفضلات