السلام عليكم ورحمة اللة وبركاته
محتاجة مشورتكم ورايكم في مخطط سفرتي لصيف 2011 إن شاء الله
عندي بعض الاستفسارات :
أولا سفرتي راح تكون اقتصادية يعني تمشية مب فخفخه وتسوق أهم شيء اتمشى واشوف هالطبيعة الزينة .. إلا اذا زادت الخريدات ممكن اتسوق والله يخلي لي الفيزا بشخطها شخط
1. حبيت أسأل عن الديزل كم بيكلفني مدة 18 يوم طبعاً بالتقريب مب أكيد .
2. اشرايكم بتخطيط الرحلة ؟ وخاصة دوسلدورف احس 5 ليالي اشوي عليها بس شنسوي العوض ولا الحريمة .
3. اشرايكم بخطوط KLM والخدمة لاني شفت سعرهم ممتاز والترانزيت اقصى حد ساعة ووقتهم مناسب .
4. درجات الحرارة خاصة ان الشقق اللي راح استئجرهم مافيهم مكيفات 
يعني تتوقعون الجو في الفترة من 26/6/2011 ولغاية 14/7/2011 بيكون الجو بادر ولا موت وحر وبينقص علينا سفرتنا ؟
5. أي أحلى فانتازيا لاند اللي قريبة من كولون والا أوروبا بارك ؟ والا اروح الثنتين ؟ نسيت اقولكم ان احنا عايلة صغيرة مكونة الزوجة والزوجة والابناء اعمارهم ( 17 + 13 + 1.5 رضيع ) يعني أبي عيالي يستانسووون
6. تتوقعون 150 - 200 يورو بتكفيني كمصروف يومي ؟ شامل التنزهات والاكل والشرب ، طبعا الاكل بتكون مره بالشقة ومرات فاست فود وما يمنع ناكل في المطاعم التركية واللبنانية .
7. طيب التأشيرة لازم آخذها من السفارة الالمانية سمعت أن شروطهم تعجيزية ... والاسهل الايطالية بس أنا ما بروح ايطاليا شنو الحل ؟ تعرفون مكاتب في البحرين تسهل علينا استخراج التأشيرة ؟
8. محتاجة مشورتكم في مدينة قريبة من ميونخ يعني تبعد في حدود 30 كيلومتر أو اكثر بشوي .. اشرايكم في Starnberg أو Tegernsee أو Garmisch
هذه بعض الاستفسارات اللي اتذكرها ولي عودة ان شاء الله
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة hyyami
المفضلات