نكمل جولتنا في هامبورغ..





































































































يلسات تشرح القلب















































































[size="5"][color="red"][b]





تشوفون هذا الممر









هذا الممر كله محلات وكوفيهات ، وهو طويل ، يعني تمشون فيه بعدين يقطعه

شارع فرعي وبعدين يتكمل الممر..












في يوم من الايام حبينا نطلع بالليل ونتمشى في هاي المنطقه ، ونيلس في كوفي ..

وبعد مابركنا وقبل ماننزل فكرت اني ما اشيل شنطتي ولامبايلي وهاي أول مره اسويها

حبيت انزل خفيفه ، وشليت البي بي ( بلاك بيري ) والاي بود ومحفظته وكان فيها 10 يورو ..


تمشينا فتره انا وبوعيسى وكتاكيتي ، وعقب عيالي بغوا ياكلون آيس كريم ، فيينا عند الكوفي اللي في

الممر ، ولما يينا بنيلس خبرونا انه بيسكرون ، وقالولنا نقدر نسير الكوفي اللي على البحيره بيكون فاتح ..

دودي الله يحفظه طلبه من ابوه ياخذه الحمام ( عزكم الله )

أنا وبناتي يلسنا نتريا ع الكراسي ..

عقب ماخلصوا ، تحركنا كلنا نمشي في هذا الممر الطويل ، وانا كنت حاطه السماعه في اذني وفجأه

التفت ولا أشوف بوعيسى راجع ؟؟؟

سألت كوكي :

وين بابا ؟

قالت ماما :

بابا يقول انه نسى شنطته في في الحمام

(( هاي شنطه بوعيسى يلبسها في خصره ، مثل المحفظه ، وحاط فيها محفظته اللي فيها بطاقاته

ومفتاح الشقه ، وموبايله ، وسويتش السياره ، يعني كل شي مهم ))


وقالتلي كوكي :

بابا يقول امشوا لين البحيره وهو بيينا هناك ..

عاد أنا تضايقت انه رجع بدون مايكلمني ولااتفق ويايه ، وانا الصراحه ماطاوعني قلبي اتحرك لين البحير بدونه


فقلتلهم بننتظر بابا هنيه ..

يلسنا ننتظر وننتظر وننتظر

طافت فتره طويله ، والمكان يباله 5 دقايق ..

أحترت اخلي عيالي بروحهم ( شغالتي في البيت ) في نفس المكان وارجع ولانرجع كلنا ؟؟؟

وعقب تفكير قلت مابهد عيالي وبنرد كلنا الكوفي ...

رجعنا الكوفي وانتظروا عيالي عند الباب ، ودخلت ، وسألت الموظف :

ماشفت زوجي ؟

قلت اكيد يتذكرنا لأنه هو اللي كلمناه قبل ..

رد: لا ..

عاد انا هنيه مت من الخوف ، وقلت في خاطري لايكون خطفوه هو والشنطه

صعدت فوق ادوره في حمام الرياييل ..

شفت فوق بار و3 حريم يالسات ، قمت وفتحت حمام الرياييل وناديت :

بوعيسى .. بوعيسى

ماشي رد والحمام فاضي ..

رجعت عند بنات البار ، وسألتهم ماشفتوا زوجي ؟

قالوا : اللي معاه ولد صغير ؟

قلتلهم : يس

قالوا هم الاثنين روحوا قبل مده ...

قلتلهم : بس هو رجع علشان نسى محفظته في الحمام ...

ردوا : انهم ماشافوه ومتفاجئين..

هنيه ، بدأت الافكار السوداويه اتيني ..

قلت : عن يكونون خطفوه واجتلوه

نزلت عند عيالي ، وقلتلهم يقولون بابا ماياهم ، خلونا نسير الباركن اذا ماشفنا السياره فمعناته انه ابوكم

رجع وخذا السياره وبيبركن جنب البحيره ..

وتمينا ع هذا الامل ...

الوقت صار ليل ...

ماعندي غير 10 يورو ...

موبايلي في السياره ورقم بوعيسى الالماني فيه وأنا مب حافظه الرقم ...

واتصل من البي بي ع رقم الامارت ومايرد ...

والمصيبه الاكبر ما اعرف عنوان شقتنا ، لأنه العنوان في الشنطه ...

ولا أعرف اسم المحطه اللي عدال شقتنا علشان اسير بالقطار ...

وتذكرت انه قبل ايام شفت صديقه قديمه في السوق وخبرتني انهم ساكنين في سوفوتيل ..

طبعا الافكار توديني وتتيبني ، قلت في خاطري اذا ماحصلناه بسير ادور صديقتي وبخليهم يساعدوني ..

وانا امشي وياعيالي جهة البحيره ، بعده عندي أمل احصله ، وسرحانه فجأه ...

شفناه يمشي من بعيد في شارع فرعي




من داخلي رقصت من الفرحه لما شفته ، بس ع طول لفيت الموجه وحرجت عليه من كثر خوفي ..

وانا الصراحه خوفي ع عيالي مب ع نفسي ، لو هم مب ويايه كان اهون


اشوى انه الشارع فاضي ، لأنه هاذيج الساعه محد بيودني ، اول سؤال :

انته ويـــــــــــــــــــــــنك ؟؟؟؟؟؟


وصار نقاش وتلويم لابد منه
وانتهى بابتسامه عريضه ، ويلسه رايقه في الكوفي


نصيحه مهمه ...

لاتسيرون أي مكان بدون مايكون وياكم عنوان السكن ...

وموبايلكم ، وفلووووووس

وااللي عندهم يهال صغار ..

دايما حطولهم بطاقه فيها اسمهم وعنوان سكنكم ورقم موبايل ..

لاسمح الله لو ضاعوا عنكم ، يقدرون يردونهم لكم













على المحبه نلتقي ...

تابعوني في الجزء الرابع ...

وكاس العالم في المانيا ...