غريبه هاي العربة مخصصه لشرب البيره وتتجول في الشارع ، وكانوا يومها مهيصين علشان فازوا
وايد حلوه فكرة العربه
طايحين دق
الدوم
هاي الساحه موجوده في وسط هامبورغ ، وقريبه من الحديقه العامه ، وبنتي كوكي الله يحفظها دوم تلح عليه تبا نسيرلها
وهذاك اليوم قررنا نسير عشانها ، فنزلنا بوعيسى جنب المدخل وسار هو يبركن السياره..
وتفاجأنا عند المدخل انه في حراسه ، وتفتيش وكلاب بوليسيه ، واي واحد يدخل يمشون جهاز ع حدود جسمه وقفنا في الطابور ، وقلت لبناتي دوروا ورايه ، ولما نوصل عند نقطة التفتيش بطلب منهم ايبون حرمه تفتشنا واذا رفضوا مابندخل ..
حركه ماتوقعتها منهم وفاجأتني ...
لما وصل دورنا عند نقطة التفتيش وتوا بفج حلجي بقول للريال اني ابا حرمه ، الا اشوفه يقوللي:
وهو مبتسم انتوا بتفتشكم حرمه
ماتتصورون كيف فرحت وتفاجأت ..
اللي صار في السنوات الاخيره من أحداث ، انعكست بصوره او بأخرى بصور ايجابيه ، وصار في احترام للعرب وللمسلمين خاصه
وهذا لاحظته بعد في المطارعند التفتيش ، حتى لاحظت بعض الدول الاجنبيه والغير مسلمه قاموا يوفرون غرف للصلاة في المطارات
وفي بعض الفنادق يوفرون مصاحف وسياييد الصلاة واتجاه القبله ...
الحمدالله ع نعمة الاسلام ، والحمدالله انه الله جعلنا مسلمين ، وآمين يارب يوم عن يوم يزيد عدد المسلمين ...
عقب مادخلنا شفنا انه ماشي العاب والساحه كلها مطاعم ، وفي الجهه الثانيه وملاصقتنها ملعب وعارضين فيها بلازما كبيـــــــــــــره
والناس يالسه ع المدرجات ، فشفنا الوضع ممناسب لنا واول ماوصل بوعيسى خبرناه وطلعنا من الدوم .
دودي والمانيا ..
دودي ( حبيب قلبي .. الله يحفظه )
الغالي مايشجع المانيا ويشجع البرازيل ، ولما طلعوها كلى قلبي من كثر مايسألني ليش طلعت ؟
ليش خسرت ؟
يعني الحين مابتلعب خلاص ؟
وكل يوم من هاي الاسئله وانا اقولك حبيبي نحن نشجع المانيا ولازم هي تفوز ، وهو مب عاجبنه ..
وغصب عنه اخليه يحتفل ويشيل العلم وفي المباره الاخيره والنهائيه بين المانيا واسبانيا ، كنا يلسين في مطعم ونتفرج ويالعالم ، ودودي ممتحمس وايد بس يتفرج ، وعقب
قاللي : أنا ادري انه اسبانيا بتفوز 1 / صفر
قولوا الحمدالله انه الالمان مايعرفون عربي ولا جان قطعوا حوبي ومن سجلووا الاسبان هدف الفوز ، ارتاح ولدي وقال :
انا قلتلكم ...ههههه شمتان فيهم
قلتله اسكت لاتفتح حلجك ..
( الله يسلمه ويحفظه من كل عين توقع النتيجه )
من تطمن انه المانيا خسرت عطانا جنب ويلس يلعب ويالشغاله ورقة اونو الصراحه يومها فعلا زعلنا وكنا نتمنى المانيا تفوز علشان نعيش الاحتفالات
الكل متهجم وحزين ، الكل محبط وممتوقع ، الكل في قلبه حسره ...
هارد لك
تابعوني في الجزء الخامس
السياحه داخل هامبورغ
المفضلات