المشاركة الأصلية كتبت بواسطة نجمة النجوم
http://www.arabtravelersforum.com/tr...6/#post4381296
امممممم هداوة وش ذا الفراولة اللذيذة خلاص مانبغى بوب كورن مع التقرير نبغى فراولة و ساندوش مربى .... وش رايك صحيين ...
وبيت الرعب قوية الصراحة ماافكر ادخل ، اجل خاطرك تخافين ، مستحيل يجيني هاذا الخاطر ...
متابعين معاك ياهدهد ...
هدهد ... عاد انا أحب من يدلعني
طالعه من بوأك فراوله
خاطري اخاف
ماعليج مني حركات بس ولا انا ما احب شي اسمه رعب حتى ارفض ادخل
ويابوعيسى السينما اذا فيلم رعب
بس علشان بناتي تشجعت وفي نفس الوقت قلت مهما حاولوا يخوفوني بتذكر انها لعبه ومابخاف
بس طلعوا تافهين ومايخوفون
المشاركة الأصلية كتبت بواسطة hessa2006
http://www.arabtravelersforum.com/tr...2/#post4382512
أم عيسى كيف دخلتي بيت الرعب ؟ مستحيل أدخله حتى اذا ما يخوف
عاد انا بطله محد قدي
في مدينة الالعاب االلي في السويد في بعد عندهم بيت الرعب اشباح وجن
وبعد قلت بدخل ويابناتي ، أخاف عليهم اتركهم بروحهم
وهاي المره دخلت ويانا عائله من ام واب وبنتهم ولازم لما ندخل نكون مثل القطار ونمسك بعض من
وراء فأنا جبانه اخلي بنتي الكبيره جدام لأنه ماشاءالله عليها جريئه ، والثانيه في الوسط بيني
وبينها ويت ورايه بنت العايله وعقب امها وآخر شي الابو ، ودخلنا في غرف مظلمه ونفتح ابواب وساعات
يطلعونا أشباح من اماكن مانتوقعها الصراحه هني خفت وصرخنا وايد بس ساعات اتم اضحك ، و البنيه
اللي ماسكتني من وراء كانت وايد خايفه وتمسكني من خاطرها ، عاد انا حنان الامومه عندي تدفق هنيه
وما احس بنفسي الا اطبطب عليها وامسكها عدل حتى آخر شي احس اهلها من كثر ماشافوني حنونه
ع بنتهم حبوني وكانوا ودودين
عقب هاي التجربتين ناويه كل مره اذا حصلت بيت الرعب بدخله ، صدق وناسه وفيها اكشن ، وانتوا بعد
تجرأوا وجربوها وصدقوني بتطلعون مافيكم شي وكلها لعبه
المشاركة الأصلية كتبت بواسطة ثامر2007
http://www.arabtravelersforum.com/tr...6/#post4386916
اووووووووووف على الفراولة بالقشطة جناااااان .
صدقني اخويه ثامر بالشكولا ألذ
نتابع معاكم
جهة الحديقه وين قسم الالعاب
في يوم كان هذا غدانا
مجبوس هداوه
يامحلات الجلسات الشاعريه والمكان الرومانسيعلى فكره ولامره شفت منظر يخدش الحياء العام
ياسلام الواحد ايلس هني ويسترخي ويفكر في هدوء
شيطون هذا الجلب يالس يلحق البطه وملعوزنها ..
استانسوا بناتي ع هاي اللعبه
وانا ودودي وايد استانسنا على هاي اللعبه ، وهم ثنتين قريبين من بعض ، ونركب انا وهوونتسابق ، وهو يفوز علشان هو خفيف
الميني جولفللأسف ماعندي صور له كثيره لأنها اغلبها نحن فيها
الكل يلعب والكل مستمتع
مرتين يلسنا تحت هاي الشيره ( الشجره ) وتغدينا ولعبنا وتأملنا واسترخينا
كوفي شوب له طله حلوه ، يعني الواحد ايلس هنيه ويشرب كوفي على رواقه
ملاعب متنوعه ، ورياضات مختلفه
اذا حد في خاطره يرقد ترا مافي مانع ...
خلاص تعبت فيي رقاد
بكمل جزء الحدائق في المره اليايه
تابعوني في حدائق ثانيه من حدائق هامبورغ
المشاركة الأصلية كتبت بواسطة Met3ntra
http://www.arabtravelersforum.com/tr...8/#post4388968
رقاد العافية ياحبيبتى... من تقومين ان شاء الله ترانا نترياج
بعدني راقده
المشاركة الأصلية كتبت بواسطة hessa2006
http://www.arabtravelersforum.com/tr...0/#post4389460
الصراحة الحديقة روعة .. روعة .. روعة ...... كل صورة أتامل فيها ساعة ..... يعطيج العافية يا أم عيسى
ويعافيج ربي ..
وانتي الاروع ..
صباحكم خير
المشاركة الأصلية كتبت بواسطة ALI_Q8_77
http://www.arabtravelersforum.com/tr...2/#post4390832
الله خوووش مجبوس .. عليكم بالعافيه
جلسه حلوه وصور رائعه
ابداع ومستمرين معكي
تحياتي
المشاركة الأصلية كتبت بواسطة نجمة النجوم
http://www.arabtravelersforum.com/tr...8/#post4391388
واو ياهداوة روعة الحديقة اعجبتني مرررررة ... مرتبة ومنظمة تفتح النفس الصراحة...
والمجبوس اممم مع السلطة في ذا الجو والمكان خيال ناقص لبن بس......
المشاركة الأصلية كتبت بواسطة هدوء الكون
http://www.arabtravelersforum.com/tr...4/#post4393514
حديقة حلوة
ماشاء الله عليج هداوه وصفج حلو
تسلم ايدج على المجبوس الغاوي
الله يعينج وما تشوفين شر
نفس حالتج حساسية وهذا وقتها تقلب الجو حالتي حاله احاول مااستخدم البخاخات
متابعين معاج يا عسل
شو سالفتكم ودرتوا الحديقه واشتهيتوا المجبوسمافي فايده فيكم وين من وديكم تحنون للبلديودرتوا كل شي ويلستوا ترمسون عن المجبوس ...هههههههههممنوع دخول تقريري وانتوا يواعه عن تتهلعونبس شورايكم في حرارة ام خماسالله يعافيكم ويخليكم ولايحرمني من تواصلكم
المشاركة الأصلية كتبت بواسطة هيمان سفر
http://www.arabtravelersforum.com/tr...6/#post4391826
وحليله الكتكوت ايطولج في عمره ويخليله لكم ان شاء الله ، ام عيسى ما ادري ليش من شفت الصورة اشتهيت النخي ههههههههههههههههههههه
كأنه حد يعايرنا هنيهجان تبا حاضرين بنطرشلك نخي عندنا وايدبالنسبه لولدي هذا اسمه دودي ، وكتوت مسمين العود ...ساعات بسوالف يوم يقوله ابوه كتكوتيحرج عيسى ويقوله ، شو كتكوتهههههالله يطول بعمرك ويخليك ، ومستمتعه بنغزاتك
المشاركة الأصلية كتبت بواسطة ثامر2007
http://www.arabtravelersforum.com/tr...8/#post4392148
يعطيك العافية
جلسات الحدائق مريحة للنفس وتبعث فيها الطاقة .
انته الوحيد اللي نجيت ، اكيد دخلت وانته شبعانحياك الله اخويه وهي فعلا جلسات رائعه وهاديه وشاعريه
الســلامـ عــليكمـ ورحـمة اللهـ وبركــاتهـ
الله يسسسعد قلـبكم يا هـداوة مثـل مـا أسسسـعدتيني أنـا وبنتـي زينـــة اللـي تـابعت معـايا تقـريرك
وضحـكنا انـا وهيـا علـى مواقفـكم ....
ما شاء اللهـ مبــدعة فـي كــل مكـ‘ـان تروحــيه .. وأحيــكي علـى سسسـعة صـدرك فـي الـرد أول بـأول عـلى تعلـيقات الأعضـاء الأعـزاء
وبخاصة المشاكسسسين منهم ^_*
متــابعين معــاكي يـا عسسســل
وعلــى فكـرة زينـة بنــتي هيـا اللـي نسسسـقت مشــاركــتي
المشاركة الأصلية كتبت بواسطة غلا كوكو
http://www.arabtravelersforum.com/tr...0/#post4395290
متابعتنج من اول التقرير وقلت ما برد الا بنهااايته
بس عقب ما شفت كيس جمعية الشارجة خخخخخخ ما اقدرت اقاوم
خخخخخ يا حليله الكيس مسافر ومغير جو وياكم
حبيت الحديقة وااااااااايد صدق تشرح الخاطر
وسلمت الايادي عا هالاجزاء ... وننتظر البقية
هههههههههههههههههههههههههههههههههههههههههههههههههههههههههههههه
تدرين قبل ماتنزلين ردج يمكن قبلها بيوم انتبهت ع الجيسوضحكت وقلت في خاطري جيس الجمعيهالحين اللي مايعرف اني من الشارجه بيعرف من الجيسبعديت تعالي انتي ، شو تتابعيني من وراء الكواليساباج ويايه مثل تقرير مطاعم في دبي ، امبرده قلبي
المشاركة الأصلية كتبت بواسطة سارووونه
http://www.arabtravelersforum.com/tr...4/#post4400924
ايه هذي الحدايق والا بلااااااااااااااش موب مثل الي عندنا
ماشاء االله موب ناقصكم شي ...
الخضراء والماء والمجبوووووووس والوجه الحسن
ههههههههههههههههههههههههههههههههههتجننين بسوالفج وخفة دمج
الصراحه كان لذيذ
المشاركة الأصلية كتبت بواسطة مع القرآن والإيمان
http://www.arabtravelersforum.com/tr...8/#post4401858
ما شاء الله كل جزء احلى من الثاني
بارك الله فيك إختي أم عيسى
متابعين معاك كل الاجزاء
تسلمين يالغاليه ..يامحلات متابعتكم وتواصلكم ويايه
المشاركة الأصلية كتبت بواسطة hessa2006
http://www.arabtravelersforum.com/tr...8/#post4404618
وينج يا أم عيسى .... في الانتظار
ده أنا مأطعه نفسي مابين حياتي الخاصه وبين
تقريري هذا وتقريري مطاعم في دبي أخاف أهمله ويزعل عليه مشرفنا الفارس
المشاركة الأصلية كتبت بواسطة Amola12
http://www.arabtravelersforum.com/tr...2/#post4405442
الســلامـ عــليكمـ ورحـمة اللهـ وبركــاتهـ
وعليكم السلام ورحمة الله وبركاتهكيف حالج زينه وحال امج
الله يسسسعد قلـبكم يا هـداوة مثـل مـا أسسسـعدتيني أنـا وبنتـي زينـــة اللـي تـابعت معـايا تقـريركهلا وغلا أمولتياسعدتيني بطلتجالله يخليج زينه وتفرحين فيها وهي عروس
وضحـكنا انـا وهيـا علـى مواقفـكم ....الله يبسطكم دوم ان شاءالله
ما شاء اللهـ مبــدعة فـي كــل مكـ‘ـان تروحــيه .. وأحيــكي علـى سسسـعة صـدرك فـي الـرد أول بـأول عـلى تعلـيقات الأعضـاء الأعـزاء
وبخاصة المشاكسسسين منهم ^_*ههههههههههههكله ولا المشاكسين اللي يدورن على الترجمهما ادريبهم وين اختفوا
متــابعين معــاكي يـا عسسســل
وعلــى فكـرة زينـة بنــتي هيـا اللـي نسسسـقت مشــاركــتي
تسلم ايدينها زينه ، ماشاءالله تنسيق جميلبس قوليلها لاتكتب بالوردي والرمادي وتخرب عليه
خامسا : حدائق أخرى في هامبورغ
أكبر وأحلى حديقه زرناها ، هي اللي كلمتكم عنها ...ولكن زرت بعد حديقتين في هامبورغ ، وحده كبيره وتقع في اطراف هامبورغيعني مب في وسطها مثل حديقتناوأذكر لما وصلنالها مشينا في داخلها مسافه كبيره لين وصلنا الىمسطحات خضرا وبحيره في وسطها ...صحيح المكان حلو ، بس مافي ناس وكانت موحشه ، وقررنا مانيلس فيهابس عيالي اصروا يركبون الخيل ، لأنه فيها مكان لتأجير الحصان ويمشي في مسافه محددهوحلوه للأطفال ، ولما وصلنا عنده لقيناه مسكر وله اوقات محدده ، ويومها زعلوا عياليووعدناهم نييبهم مره ثانيه ..وعقب أيام رجعوا مع ابوهم للحديقه علشان يركبون الخيل وصادف هاذاك اليوم طايح مطرفلقوها بعد مسكره ، وتضايقواالحديقه مب حلوه في نظري ، وهي مناسبه الهم لأنهم يمارسون فيها رياضه المشيومسوين ممشى طويل ، ويمر بين الاشجار الصراحه يخوفوفي وحده خبرتنا ان في مكان للألعاب بس ماشفناه ..يمكن ماعرفنا نستكشفها عدل ، لكن في رأي ماتستاهل العنوه وخليكم ع حديقتنا ...
سامحوني ماعندي صور لها
الحديقه الاخيره
هي قريبه في هامبورغ ، وهاي قريت عنها من أحد الاخوان ، وقايل عنها انها حديقه للزهور ..لما وصلنا المكان لقينا جدامنا حديقه مناسبه لرياضة المشي ، واللي يبا ايلس ويشوي فيها ..
سألنا حرمه عن حديقة الزهور ، فخبرتنا انها عدالها ونقدر نسيرلها مشي ...مشينا في الاتجاه اللي خبرتنا عنه ، ولما وصلناها ، لقيناها حديقه صغيره منسقه بطريقه جميلهحلوه اليلسه فيها ، بس هاديه وقليل من الناس فيهاقلت لأبوعيسى لو يبنا غدانا هنيه وبرزنا واسترخينا جان زين ...ماطولنا اليلسه فيها ، ملوا عيالي ماعرفوا شو يسوون ، تمشينا تصورنا طلعنا منها الى ...حديقتنا اللي في وسط هامبورغهاذيج غير ...أحلىأشرحفيها العاب لليهالفيها ناس وحسفيها مناظر حلوهفيها رياضات متنوعهفيها بحيرات وكوفي
فيها الوجه الحسن ...
هداوه
باختصار اللي بيسير هامبورغ لاتسيرون الا حديقتي وبس
صور لحديقة الزهور
خريطة الحديقه ..
تشوفون كوماري ، هاذيج اللي بعيد
هذا المدخل ، وايد سوينا حركات استهبال تحته انا وعيالنا علشان نتصور
تابعوني في رحلتنا اليايه وبتكون ...جوله بحريه في بحيرة اليستر
المشاركة الأصلية كتبت بواسطة hessa2006
http://www.arabtravelersforum.com/tr...0/#post4407380
صدق الجنة من غير ناس ما تنداس .... يمكن عشان جذي تمللتي ... لأن أنا بعد أتملل اذا ماشي حياة و صوت و ناس بس مب لدرجة الازعاج و الحشرة.
صدقتي والله ...أنا ما احب اي مكان مافي حس الناس وفي نفس الوقت ما احب الاماكن المزدحمه
المشاركة الأصلية كتبت بواسطة ALI_Q8_77
http://www.arabtravelersforum.com/tr...2/#post4408042
تقرير اكثر من رائع اختي المتألقه دائما ( هداوه )
وتم تنجييمه ب 5 نجوووم .. وتستحقين ذالك على التقرير الرئع لمدينه جميله
دمتي بود
جزاك الله خير ...واشكرك ع تقديرك لي ، وان شاءالله نكون عند حسن الظن
المشاركة الأصلية كتبت بواسطة القطري
http://www.arabtravelersforum.com/tr...4/#post4408634
هيه !!
منو ياب طاري المشاكسين !!
لحد يرمس عليا !!
هههههههههههههههههههههههيقول المثل :اللي ع راسوا بطحه يحسس عليها
ترا اشرب شوريه في ايدي خاشوقه ودقوس
هااا ماشاءالله بديت تتعلم اللهجه الاماراتيه
عيل في فايده منا
ماشاءالله !!
خووووووووووووووووووش مكبوس ^_^
حياك الله يامشرفنا
المشاركة الأصلية كتبت بواسطة مريومة قطر
http://www.arabtravelersforum.com/tr...4/#post4411114
[b][font="Arial"][size="4"][color="black"]أحم أحم نحن هنا
الله يسلمج ويقويج ويخليج لي يا احلى عسل
المشاركة الأصلية كتبت بواسطة الملك بوفون
http://www.arabtravelersforum.com/tr...6/#post4413196
كرهتيني بالحديقتين حيل هههههههههههههههههه
لي درجة إني كرهت هامبورغ .. لا لا مو لي هالدرجة قاعد أمزح
متابعين ،،
الصراحه اول شي صدقت ، قلت في خاطري خيبه ليش أنا شو قلت
وأنا يالسه اراجع الصور أمس ( ما شاءالله وايد )جان اشوف صور للحديقه اللي فيها الخيولوبنزلها لكم الحين
هذا الممشى الطويل لرياضة المشي ، وكان في شوية ناس تمارس الرياضه ...
أضطرينا نمشي في الغابه هاي علشان نوصل للبحيره والمسطحات الخضراءالصراحه يخوف ، خصوصا لو يلسنا لين المسا وردينا من نفس الطريج
هاي المسطحات الخضرا اللي طلعنا عليها ...
اكيه كوماري ويادودي
هاي مزرعة الخيول
على فكره بعد حصلت صور لأماكن خبرتكم عنها
ان شاءالله بضيفها في نهاية الجزء الخاص بالسياحه في هامبورغ
سادسا: رحله بحريه في ..بحيرة اليستر
في هذا اليوم كانت مباراة الالمان والارجنتين ضمن نهائيات كأس العالم ...شفنا الشوط الاول في البيت وكانت 1 / 0 لصالح المانياقلنا الظاهر شكلهم بيفوزون خلنا نطلع ونتفرج وياهم برع ...طلعنا في منطقة بحيرة اليستر وتفرجنا ع المباراه في السنتر ، واللي انتهت بفوز الالمان 4/0طبعا فرحتهم بهذ اليوم مابعدها فرحه ، وصارت المسيره والهيصه برع ، ونحن وياهم ...وعقب ماخفت الاحتفالات قررنا نطلع رحله في بحيرة اليستر ...سرنا عند الشباك وحجزنا على الساعه 8 مدة ساعتين
أوقات الرحلات البحريه ...
طلعت علينا التذاكر بـ 57 يورو3 كبار و3 أطفال
وطلعنا الرحله مدة ساعتين وكانت تجربه تعيسهواعتقد انه السبب الرئيسي هو الشمس والحر ، ولو كانت السما غيم والدنيا بارده يمكن كانت أحلى
بالاضافه انه المناظر اللي مرينا فيها كانت عاديه ، ومب هاك الزود ...
يعني ما انصح فيها وايد ، نص ونص
يالا تعالوا خذوا ويايه جوله بحريه في...
بحيرة اليستر
هاي المراكب الخاصه بالرحلات البحريه ...
هاي فاتتناالقوارب اللي نجدف فيها بريولناتصدقون توا انتبه عليها من التصوير ، لو انتبهوا عليها عيالي جان اصروا عليهالأنه سبق جربناها في بحيرة زيلامسي ، وبحيرة زوج في سويسرا ...
ومثل مانتوا شايفين في قوارب خاصه للتجديف ...
الناس مستانسه ونحن خايسين في هذا القارب ساعتين من الحر ، بدون مرشد سياحيولا أي شي غير نكش الذبابطبعا ماشي ذباب بس هذا كنايه عن الوضع البائس اللي كنا فيه
بغينا نعرف هذا المكان وين ، بس للأسف ماعرفنا
نكمل الجوله ...
أونه صور فنيه
تابعوني في الجزء الاخير من...السياحه في هامبورغ ...وبعدها بندخل في الجزء اليديد ...السياحه حوالي هامبورغ
المشاركة الأصلية كتبت بواسطة القطري
http://www.arabtravelersforum.com/tr...2/#post4416912
مكبوس وليس مجبوس
ههههههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههه
ان شاءالله
المشاركة الأصلية كتبت بواسطة نجمة النجوم
http://www.arabtravelersforum.com/tr...2/#post4422782
والله ياهدهد صور الخضار والحدايق تونس وتفتح النفس .... متابعين معاك ...
فعلا الاجواء كانت روعه ودايما كنت أحب أيلس فيها ، وأحلى شي عندي لما أتمشى بروحي وسط الخضار
والمناظر الجميله ، وأغاني محمد عبده واليسا يرافقوني في هاي اللحظات ، اكون في دنيا تانيه ..
المشاركة الأصلية كتبت بواسطة غلا كوكو
http://www.arabtravelersforum.com/tr...8/#post4423748
تسلمين عا الجزء البحري اللي امتع عيووونا وللاسف ما امتعكم حزتهااا
الله يسلمج ويسلم غاليج..فعلا الحر وايد يخرب المزاج ، وينكد ع الواحد
المشاركة الأصلية كتبت بواسطة hessa2006
http://www.arabtravelersforum.com/tr...4/#post4427154
أحلى ما في ألمانيا بحيراتها الجميلة ... بس تصدقين أنا ما أحب الرحلات البحرية بس أحب أركب قارب صغير و عيالي يسوقون و يستانسون ... و نطعم البط و الطيور ...الصراحة الصور شوقتني لألمانيا و البحيرة جدا حلوة .... يعطيج العافية
الله يعافيج ...أنا بعد أحب أركب مراكب التجديف اللي بالريول
واتضارب وياعيالي علشان آخذ دور واجدف وياهم
المشاركة الأصلية كتبت بواسطة سارووونه
http://www.arabtravelersforum.com/tr...0/#post4429400
جوله ولا ارووووع بالبحيره ...
يبيلها قدوع وقهوه وتكمل الجلسه ...
ساروونه ...شو يعني قدوع ؟
( استوينا مثل بعض الناس )
المشاركة الأصلية كتبت بواسطة نجمة النجوم
http://www.arabtravelersforum.com/tr...6/#post4433906
قدوع يعني تمر وهيك شغلات ،،، تراني فاشلة في الحكي النجدي تعرفين مقطوع سري في فرنسا ...
هههههههههه
تسلمين يالغاليه الحين فهمت
المشاركة الأصلية كتبت بواسطة القطري
http://www.arabtravelersforum.com/tr...6/#post4434726
قدوع يعني تشيز كيك مع صوص الخوخ ومن فوق مكسرات وعليهم صوص الفراوله والكيك محشو من داخل
مثل مااتعلمونا حنا انعلمكم
دمك خفيف يابومحمد
عاد صوص الخوخ والفراوله والمكسرات كلهم مره وحده في التشيزكيك ههههههههههههههه
عايبني انك فاهم انك المقصود
المشاركة الأصلية كتبت بواسطة ام نواف ونورة
http://www.arabtravelersforum.com/tr...8/#post4435068
ما شاء الله بارك الله ,,
صور حديقتكم تهببببببببببل
واكثر شي تمنيته ,, اني اجلس بهالجلسة اللي قدام النهر
المشاركة الأصلية كتبت بواسطة mr.q8
http://www.arabtravelersforum.com/tr...0/#post4435410
ماشاء الله
الله يعطيج العافيه ام عيسى
الله يعافيكم ..
وتسلمون ع تواصلكم
نهاية جزء ..
السياحه في هامبورغ
هامبورغ تصلح للعوائل وفيها كثير من الاماكن السياحيه للكبار والصغار ...ومنها ممكن تنطلقون للقرى والمدن اللي حواليها ...بالاضافه الى اسواقها الكبيره والمتنوعه والجميله ...كل شي فيها حلو بس أنا مااستانست فيها وايد وندمت اني يلست فيها هاي الفتره كلهاوالسبب :اولا : الجو ...صحيح انه موجة الحر السنه صابت معظم دول اوربا الا انه توقعنا انه هامبورغ واللي تقع في الجزء الشمالي من المانيا تكون أكثر بروده ..هلكنا الحر وهلكتنا الشمس ، لدرجة اهل هامبورغ بنفسهم يقولون ماسبق جانا حر جذي( اتمنى ماتكون نحاستنا )ثانيا : انها مدينه ..بعد انترلاكن وجو وطبيعة سويسرا ، حسيت انه المدن الكبيره ماتناسبني ، رغم جمالها وكل شي متوفر فيها بس اميل للطبيعه أكثر ...أحب اسكن واشوف الخضرا والجبال والغيوم ، وللأسف من عقب سويسرا ماشفت شي عجبني أكثر منها ..وهذا رأيي الشخصيرغم انه تجولنا وايد في هامبورغ وبرع هامبورغ الا انه تمنينا لو يلسنا اسبوع وعقب سرنا سويسرا ...
معلومات أكثر عن السياحه في هامبورغ ...
رغم الاماكن اللي زرناها واللي خبرتكم عنها ، الا اني انه فيها أماكن بعدنا ما استكشفناها ولازرناها ، لضيق الوقت وحسب ظروفنا..ومن خلال الكتيبات اللي عندي بخبركم عن بعض الاماكن اللي مازرناها ..
اولا : الميناء ...1- كونها تعتبر ثاني أضخم الموانئ البحريه في اوربا الا انه مااسعفنا الوقت نزور سوق السمك الشهير وهوقريب من الميناءويفتح يوم الاحد من كل اسبوع من الساعه 5 صباحا واعتقد يسكر 8 (ممتأكده) ، ويبيعون الاسماك وكل شي بحريوالدواجن والخضار والفواكهه ...2- متحف أوفلغونه والي يضم مجموعه من السفن الاثريه .3- زيارة أكبر مجمع تاريخي للمستودعات .4- أرض العجائب وحصن هامبورغ ومتحف التوابل ومتحف المستودعات ، ومتحف الجمارك الالماني وأخيرا زيارة معرض ديالوج إن ذي داركمن المعارض التي تقدم فرص الترفيه المبتكره لجميع أفراد الاسره
ملاحظه مهمه ..أي مكان سياحي ماعرفتوا توصلوله أسألوا مكتب المعلومات السياحي ومكتبهم في محطة القطار الرئيسيه ...
ثانيا : اماكن سياحيه أخرى :
*سيتي بارك ..يمكن للكبار والصغار القيام برحله الى الفضاء الخارجي من داخل القبه السماويه التي تعد من اقدم القباب اللي في العالموساحتها مخصصه للعروض المسرحيه والموسيقيه ، وممكن تستمتعون بالتنزه او الجلوس على الاراضي الخضراءاو الاستمتاع ببحيرته الزرقاء والتجديف فيها ، وفي الصيف يشهد منتزه سيتي بارك العديد من الحفلات الموسيقيه التييحييها فنانون دوليون في الهواء الطلق .( متحسفه انه مازرنا سيتي بارك )
*بلاد العجائب المصغر ( Miniature Wunderland)فيها أكبر معرض للقطارات المصغره في العالم ..
*الدوم :سبق تكلمت عنها اللي فيها عارضين مباريات كأس العالم ، هي في العاده تعتبر مكان للأالعاب الترفيهيه مثل قطار الموت وغيره ..
*مجمع السينماويقع في وسط هامبورغ ويعرضون افلام باللغه الالمانيه والانجليزيه ...أنا في العاده ما اتشجع ادخل سينما في الدول الاجنبيه ، ولكن عيالي
اصروا يدخلون فيلم مصاصي الدماء ( Twilight )ودودي بعد قال انا أبا رسوم ، وابوهم وافق رغم رفضيولأني مب راضيه ، لما يوا بيحجزن طلع فل وماشي كراسي
وبعد هامبورغ فيها اماكن سياحيه غير، بس هذا اللي سمح وقتي اطلعه لكم
ثالثا التسوق وأماكنها في هامبورغ ...
1- منطقة نوير وال ( Neuer Wall )هي منطقة الاسواق للماركات العالميه مثل ..أرماني وفيرساتشي وبرادا وبلغاري وتيفاني وكارتييه ولوي فيتون وغيرها2- شارع يونجفيرن شتيغ ( Jungfernsieg )مشهور هذا الشارع بأروقتها الجميله ومخالها الصغيره والانيقه والتي تبيع الملابس والاحذيه والحلي ..3- مركز الستر هاوس التجاري ( Alsterhaus Deparment Store )يشتهر المركز بجوده منتجاته ورفعة مستواهوغيرها من الاسواق ...الصراحه نحن تسوقنا من المحلات والسناتر اللي حوالي بحيرة اليستر ، وممتأكده اذا اسماء هاي الاسواق هي نفسها اللي في هاي المنطقهولاغيرها ، يمكن شارع الماركات هو نفسه اللي صورته مب قادره اسير اتأكد من الكتيبات..تعبانهفي رحلاتي لأوروبا ما اعطي السوق أهميه كبيره ، واخصصله آخر الايام بس علشان اشتري عطورات وماركات من الشنطوالأبواك والنظارات ، أما الثياب وباقي المنتجات آخذ عليها لفه ومشترياتي قليله منه ، لأنه بلادنا كل شي فيها متوفرواحلى من اللي عندهم ، اما اذا سافرت شرق أسيا فأخصص أغلب الوقت للسوق
رابعا : السكن ...
من المشاكل اللي واجهتني في رحلتي لهامبورغ هي الحصول على شقه مناسبهوايد تعبت وانا أدورطبعا بحثي كله كان من النت ..أكتب في جوجل شقق في هامبورغ وايلس عاد أبحث وأراسل ، وفي منهم يردون ومنهم يتعذرون لين ماتوفقنا بهاي الشقهوبعد حصلنا صعوبه ، لأنه كنا 3 عوائل( نحن ، واسرة بنت عمي ، واسرة ولد بنت عمي )وتقريبا كلنا نفس العدد ، وكلنا نحتاج شقه ام غرفتين او 3 ويكونون مع بعض في مكان واحد ..وواجهتنا صعوبه ، وفي الاخير لما حصلنا شقتنا الصراحه حجزنا العماره كلها لنا ..لأنه عمارتنا من 3 طوابق وكل طابق شقتين غرفه وصااله ، وقسمنا عمارنا ، نحن الدور الارضي كله ، وبنت عمي الدور الاول كلهوولد بنت عمي الدور الاخير كله ، ولكن للأسف صارتلهم ظروف كنسلوا سفرتهموفي الاخير سرنا بروحنا ، ولو ساروا معانا هاي الرحله جان صارت من أجمل الرحلات ، لأنهم مشاءالله عليهم راعين سفر وكشتات ..
هذا الموقع مهم ويوفر كل المعلومات المطلوبه عن هامبورغ ...
هامبورغ للسياحه :
موقع بحثت من خلاله وحصلت شقتنا
والحين اترككم مع صور حصليتها بين الصور وتخص الاجزاء اللي تكلمت عنها ..يعني نسيتها
بوعيسى وهو يناقش الشركه علشان يبدولنا السياره
أخيرا حصلت صورة السياره اللي توهجنا فيها في اول يوم ...
دودي حب يسلم عليكم ...
سنتر هامبورغ وساحة الاسواق ...
محل دوجلاس مشهور بالعطور ، ووايد اشتريت من عنده ...
حديقة الورود ...
دودي غصب عنه يشجع المانيالما شاف صورته قبل ما انزلها ، قاللي :أنا اشجع اسبانيا ما اشجع المانيا
كاس العالم وعمايلوا
تابعوني في الجزء السادس...
السياحه حوالي هامبورغ
المشاركة الأصلية كتبت بواسطة Amola12
http://www.arabtravelersforum.com/tr...8/#post4439988
الله يعطيك العافية يا قمر
تفصيلك وشرح واضح
وهذا اللي يميزك ما شاء الله
منتظرة باقي التقرير ومتشوقة اعرف عن السويد
أموله
الله يعافيج يالغاليهالسويد ...مشوارج طويل ياعسللسه بدري اوي اني اخبركم عن السويد ..بعدني اول بفسحكم حوالي هامبورغ ، وهناك الكثير من الاماكن السياحيه
( :
هداوه
المشاركة الأصلية كتبت بواسطة الملك بوفون
http://www.arabtravelersforum.com/tr...0/#post4445500
يعطيج العافية ما تقصرين والله معلومات مفيدة لهامبورغ
بس حسيت هامبورغ مدينة عائلية أكثر وإلى شرايج ؟!
تحياتي ،،
المشاركة الأصلية كتبت بواسطة الملك بوفون
http://www.arabtravelersforum.com/tr...6/#post4484386
أي والله يالقطري طولت الغيبة عسى المانع خير إن شاء الله
مازلنا ناطرين البقية
تحياتي ،،
الله يعافيك أخويه وسامحني تأخرت عليك في الرد ..
بالنسبه لسؤالك هي فعلا تصلح للعوائل ومناسبه
للسياحه وايد ، فيها الاسواق واماكن الالعاب وكل شي متوفر فيها
وبالنسبه لتأخري عليكم ، كان بسبب السفر واجازة
العيد وان شاءالله رادين وبنواصل معاكم للاخير
المشاركة الأصلية كتبت بواسطة مس ديور
http://www.arabtravelersforum.com/tr...2/#post4479032
يا حلوج يا هداوه ويحلو رمستج بصراحه تقرير مميز ولا اروع يارب يخلي لك بوعيسى ويلف فيج الكون ولا تحرمينا من جديدك يالغاليه
شكرا لج يالغاليه ، وانا سعيده بوجودج في تقريري وسعيده انه رمستي عيبتج
وتابعيني للآخر
المشاركة الأصلية كتبت بواسطة القطري
http://www.arabtravelersforum.com/tr...2/#post4479602
السلام عليكم
صباح الخير ام عيسى
طولت الغيبه عسى المانع خير ان شاءالله !!
مازلنا منتظرين ومتابعين
وعليكم السلام ..
حيا الله بومحمد ، وصباحك ومساك خير ..
ان شاءالله رادين وبقوه ، وتابعوني للأخير
الله الله على هالجزء هذا أفضل مكان في السفر حق الكل الصغير والكبير
والاحلى لا جتك رول كوستر خيالية مثل إلي بيونيفرسال
لاحظت الألعاب المائية إلي عندنا ما يحوشك إلى شوية ماي أما إلي عندهم سباحة بس ناقصك الشامبو
وأذكر مرة طلعنا من المدينة عشان نرجع الفندق نبدل هدومنا من السباحة السريعة إلي خذيناها
والحمد الله على سلامتكم
متابعين معك ،،
المشاركة الأصلية كتبت بواسطة القطري
http://www.arabtravelersforum.com/tr...4/#post4495574
الحمدالله ع السلامه اختي ام عيسى
والحمدالله انكم بخير وعيدكم مبارك ولوا انها متأخره
وان شاءالله استانستوا في سفرتكم !
الله يسلمك ويخليك ...
وانته من العايدين والسالمين وعساكم من عواده
للأسف ماتوفقنا في سفرتنا وانا اعتبرها من السفرات التعيسه
ورحلتنا مدتها اسبوع لكن انا وبنتي تسممنا وتميت 3 أيام منهم تعبانه
هذا غير انه البلاد اللي زرناها ماشفناها مثل ماتوقعناها
المشاركة الأصلية كتبت بواسطة الملك بوفون
http://www.arabtravelersforum.com/tr...2/#post4495862
الله الله على هالجزء هذا أفضل مكان في السفر حق الكل الصغير والكبير
والاحلى لا جتك رول كوستر خيالية مثل إلي بيونيفرساللاحظت الألعاب المائية إلي عندنا ما يحوشك إلى شوية ماي أما إلي عندهم سباحة بس ناقصك الشامبووأذكر مرة طلعنا من المدينة عشان نرجع الفندق نبدل هدومنا من السباحة السريعة إلي خذيناهاوالحمد الله على سلامتكم
متابعين معك ،،
الله يسلمك ويخليك ...
ذكرتني بحالتنا لما تغرقنا في لعبة الماي اللي في السويد ، ان شاءالله بخبركم عنها بعدين
وانا سعيده بمتابعتكم
المشاركة الأصلية كتبت بواسطة الكويت وبس
http://www.arabtravelersforum.com/tr...0/#post4497040
مشكوره عل التقرير الممتع.
العفو وحياكم الله
المشاركة الأصلية كتبت بواسطة Met3ntra
http://www.arabtravelersforum.com/tr...2/#post4497162
اشحاج؟؟ والله وحشتينى يا الغالية ترا حتى انا احب الالعاب المائية واكرة الالعاب اللى تدور بالراس وخاصة اللى عندنا بالقرية العالمية كرهتهن
المهم استانستوا
هلا وغلا ..
وانا والحمدالله بخير ، وانتوا بعد وحشتوني
والحمدالله وايد استانسنا في هذا اليوم ...
المشاركة الأصلية كتبت بواسطة hessa2006
http://www.arabtravelersforum.com/tr...6/#post4500076
حمد لله على السلامة ، الحمد لله ما فاتني وايد لأني كنت في الحج و توني راجعة .... بالنسبة للهايد بارك وايد تشبه أوروبا بارك اللي في رست .... يعطيج العافية
الله يسلمج الغاليه ..
حج مبرور وسعي مشكور ..
تقبل الله طاعتكم ...
بالنسبه لليوربا بارك أنا سرتلها كم مره ، احس هايد بارك أوسع وأحلى منها..
وااايد زعلانه منكم
ليش ردودكم وتفاعلكم قليل
بالقطاره
أنا ممتعوده جذي ، احب تحمسوني وتتفاعلون ويايه ...
أبا اسئله ابا تعليقات أبا انتقادات ، أبا مدح ، أبا أي شي ، بس تواصلوا ...
رغم انه اللي يدخلون تقريري ماشاءالله وايد ، بس التواصل شحيح ...
لايكون تقريري ممل ، أو مافيه فايده ، ترا اذا جذي خبروني ومابزعل بنوقفه اذا حابين ..
الصراحه احس اني اكلم نفسي او كم شخص بس ، واللي دخلوا تقريري
لين الحين أكثر من 9000 الاف
وينهم
بح
زعلااااااااااااااانه منكم
المشاركة الأصلية كتبت بواسطة مريومة قطر
http://www.arabtravelersforum.com/tr...4/#post4508994
الحمد لله على السلامة يا عسل أربكم إستانستوا في السفرة
إجزاء حلوة ومبين من الصور إن حديقة الهايد بارك أحلى من الهانسابارك
ويمكن الجو لعب دور في الصور والنفسية هههه
فديييييت المتعلبشين يا ناس الله يحفظه
سلامي يا الغالية
^^
هلا والله بهالطله ...اشتقنالك واللهاشلونج ، عساج بخير ..صدقتي يالغاليه الهايد بارك أحلى ..اسعدتيني والله
المشاركة الأصلية كتبت بواسطة hessa2006
http://www.arabtravelersforum.com/tr...0/#post4509430
الصراحة حلوة بس أنا معاج ان الجو السنة كان مووووت .... بس شو نسوي لازم عيالنا يستانسون
السنه الحر والشمس شي غير طبيعيواذا الجو مغيم وبارد لو يكون المكان مافي خضار النفس ترتاح ، ونحن في اي منظرمهما كان روعته كانت الشمس والحراره مايخلونا نحس بجماله ، الجو وايد يلعبدور في نفسية الواحد
المشاركة الأصلية كتبت بواسطة ام نواف ونورة
http://www.arabtravelersforum.com/tr...4/#post4512214
الحمدلله على السلامة الغالية
من طول الغيبات جاب الغنايم
ما شاء الله يازين الالعاب روووووعة لو باروح لها علشان العب وبس لول D:
هذي الصورة طالعة عفوية وروووووعة
الله يخليه واخوانه واخواته وابوهم لك ويخليك لهم ,,
متابعة ,,
ويخليلج عيالج وابوهم ...وأخيرا تطمنا عليجالحمدالله ع السلامهوايد سعيده بطلتجلاتطولين علينا
خلاص غيرت رأيي برد
الهايدبارك والهانسا بارك لما قارنتهم بديزني لاند لقيتهم افضل من ناحية الزحمه
ديزني لاند زحمه على طول وكل لعبه تحتاج تاخذ وقت لين ايجي دورك
اما الهايدبارك وهانسا بارك فاضيه وراح يستانسون الصغار الله ايحفظهم ولكن المشكله في الجو !!
انصدمت منه !!
من خلال كذا رد دايماً تذكرين الجو حاااار !!
من اهم الركائز الأساسيه للسفر عندنا هو ان الجو بارد + مطر
اما الحر نووو ..
ياحليل الولد الصغير ..الله ايحفظه كل ماله ويكبر الله يطرح فيه البركه ..
هل رحتوا ارياف او مناطق ريفيه لأن هالأماكن الي تستهوينا ..؟
متابعين ام عيسى ولااتحاتين الردود جايه ان شاءالله ..
وبالعكس رمستج ( مابغت تطلع وماادري اذا صح ولا لا ) وطريقة اسلوب سرد الموضوع لايعلى عليها
متابعين لين النهايه
المشاركة الأصلية كتبت بواسطة الملك بوفون
http://www.arabtravelersforum.com/tr...0/#post4516220
بعد كل جزء أحب هامبورغ أكثر ،، متابعين معك
والردود ياية لا تحاتين
تحياتي ،،
الله يسلمك ، والله انه تواصلكم ويايه وسؤالكم عنيا نته واخويه القطري هو اللي مشجعني وعاطني الحماسوترا أي تقرير مايحلى بدون تفاعل الناس فيه ...
المشاركة الأصلية كتبت بواسطة القطري
http://www.arabtravelersforum.com/tr...8/#post4517198
ماشي رد !!
عاد انا زعلت وفجيت حلجيأول ماقريت هاي الكلمتين ، وعقب قلتشو يقصدوانا جذيونزلت تحت بالماوس الا اشوف ردك ..جان أصير جذي
المشاركة الأصلية كتبت بواسطة القطري
http://www.arabtravelersforum.com/tr...6/#post4517256
خلاص غيرت رأيي برد
منور يابومحمد ، والله انته من المتابعين الاوفياءالهايدبارك والهانسا بارك لما قارنتهم بديزني لاند لقيتهم افضل من ناحية الزحمه
ديزني لاند زحمه على طول وكل لعبه تحتاج تاخذ وقت لين ايجي دورك
صدقت أخويه ، فعلا ماكان في زحمه واليهال وايد استانسوابس بعد لماتكون خاليه وايد ماتكون حلوهيعني في بعض الالعاب الخطيره ركبوها بناتي بروحهماحس مب حلولو معاهم حد جان أكثر حماس وربشه
اما الهايدبارك وهانسا بارك فاضيه وراح يستانسون الصغار الله ايحفظهم ولكن المشكله في الجو !!
انصدمت منه !!
من خلال كذا رد دايماً تذكرين الجو حاااار !!
فعلا الصيف اللي فات حر وشمس مب طبيعي ، وكانت عندي وحده رفيجتي( هاي باللهجه القطريه ..صح )موجوده في سويسرا وتخبرني عن الجو عندهم كيف وايد حلو
من اهم الركائز الأساسيه للسفر عندنا هو ان الجو بارد + مطر
اما الحر نووو ..
حظنا ماكان حلو ، في العاده هامبورغ تكون أكثر بروده من المدن الالمانيهالثانيه بحسب موقعها في الشمالياحليل الولد الصغير ..الله ايحفظه كل ماله ويكبر الله يطرح فيه البركه ..
هل رحتوا ارياف او مناطق ريفيه لأن هالأماكن الي تستهوينا ..؟
هيه والله حتى انا أحبها وتستهويني ، بس للأسف اغلب المناطق اللي مرينا عليهاوقريبه من هامبورغ هي مدن كبيره او صغيره ، لكن السنه انحرمنا من الريف والطبيعهحتى عيالي كله يسألوني ماعندهم جبل ، اقولهم عندهم بس مب في منطقتناودودي الله يحفظه يسألني ماشي ثلج ماما ، وانا اقوله الحين ماشيفديتهم عيالي حتى هم ساحرتنهم سويسرافديتج ياسويسرا انتي غير
متابعين ام عيسى ولااتحاتين الردود جايه ان شاءالله ..
وبالعكس رمستج ( مابغت تطلع وماادري اذا صح ولا لا ) وطريقة اسلوب سرد الموضوع لايعلى عليها
رمستجميه ميه صح ، خلاص شوي شوي بنخليك تتقن اللهجه الامارتيهمتابعين لين النهايه
والله متابتعكم وتواصلكم هي اللي مبرده قلبيولأجل متابعتكم ان شاءالله متواصلين للنهايه
المشاركة الأصلية كتبت بواسطة زولينا
http://www.arabtravelersforum.com/tr...6/#post4517796
ما شاء الله تبارك الله تابعت التقرير اليوم من الساعه 10 لهالساعه وانا اتفرج واقرأ
ممتعه جدا سفرتكم وبديت اشيد بالسفرات العائلية
اسلوبك رهيب صراحه ومعلوماتك كافيه ووافيه
اتمنى تستمري بالتقرير
الله يوفقك لكل خير ويحفظ لك عائلتك
ويحفظج ياربيوشكرا لج انج طيبتي خاطري بردج وتواصلجبيني وبينج ..ان شاءالله بكل تأكيد بنكمل التقريربس أحب اتغلا شوي ع الاعضاء علشان اشوفهم متواصلين ويايه
اذا ماشي تواصل بنوقف التقرير
المفضلات