الموضوع: ماهي ارخص الفنادق في دبي

للاسف راحت الايام التي نوجد فيها فنادق رخيصه في دبي يعني اقل فندق محترم يكون سعر الليله من 70دينار كويتي في المواسم العاديه ايام ماكانت في مواسم عاديه نصيحه روح البحرين ولا قطر ولا تايلند بوكيت احسن لك وارخص لك ......وداعا يادبي للابد

دبي فنادقها غاليه جدا خصوصا الاربع سنوات الماضية يعني شف لك ديره ثانيه

ياهلا فيك أخوووي .....اذا تبي فنادق رخيصه بتلقاها بشارع نايف او بسوق مرشد :11ight:

الليله فيها من 150 الى 200 درهم ان شاء الله اكون افدتك واي سؤال انا حاضره:106:

المشاركة الأصلية كتبت بواسطة سارووونه
http://www.arabtravelersforum.com/tr...1/#post1260661

ياهلا فيك أخوووي .....اذا تبي فنادق رخيصه بتلقاها بشارع نايف او بسوق مرشد :11ight:

الليله فيها من 150 الى 200 درهم ان شاء الله اكون افدتك واي سؤال انا حاضره:106:



الأخت سارونه شكرا لكي لاكن هل الفنادق نظيفة ومحترمة؟

اخ ضرار
في شارع نايف وسوق مرشد لاتسأل عن النظافه لانها منطقه شعبيه حدها

بصراحه انصحك انك لا تسكن في فنادق سوق نايف و مرشد فنادق قذره و لا تنقبل و كل المنطقه عمال وسخين يعني ما راح تقبل فرشهم و الحمام عزك الله

دبي جميله بكل مافيها بالاسواق والاماكن الجميله وشعب الاماراتي شعب مضياف وشعب احبه انا شخصيا لكن سكن في دبي مبالق فيه صراحه

ليش ما تسكن في فنادق الشارقة بما انها اقرب لدبي
فنادقها حلوة و نظيفة و محترمة و اسعارها ارخص من فنادق دبي

هلا اخووي ضرار .....

بالنسبه للفنادق صدقني فيه النظيف بس طبعا مو كلها انت اطلب من راعي التاكسي ينزلك بشارع نايف او سوق مرشد وانت ادخل هالفنادق واحكم بنفسك ...واذا تبيني ادلك على فندق نظيف انا حاظره:106:
وبعدين ياخوان الرجال يبي فندق نظيف ماقال ابي فندق فخم وسبع نجووم ومدري وش :114:
اتمنى اكون افدتك اخووي وتحياتي لك :106:

يعني راحت ايام الرخص
تصدقون سكنت في دبي قبل ثمان سنوات في غرفه مزدوجه في فندق حياة رجنسي 290 درهم
ثم غيرت ورحت فندق اخر خمس نجوم ب200 درهم لغرفه مزدوجه

فيه فندق الشام بدبي سعر رخيص وخدمة جيدة وانا صراحة سكنت فيه من سنة ويعتبر من الفنادق الجيده

أسأل أي تاكسي يوصلك للفندق لأن وصلته عن طريق تكاسي المطار

بالتوفيق للجميع

اخوي فيه فنادق رخيصة وجميلة اسئل مكاتب الحجوزات نصيحة لاتروح فنادق سوق نايف المرشد

نصيحه لا تسكن في فنادق شارع نايف
اسكن بالشارقه افضل لك

بصراحة عندك فندق الشام بالبراحه مجرب ب 220 مع الأفطار ونظيف وعلى مستوى تقدر تحجز من النت قبل ماتروح

فندق الشام اتذكر لما كان يسوونه هذا بالبراحة خلفه منطقة شارع نايف انا اعطيه نجمة واحده بصراحة كنت اتحاشى اسكن فيه مع انه جديد فيه قدامه بالضبط شقق سمارا شقق نظيفة بس ما اعتقد يأجرو عزاب

انصح المسافرين لدبي بالسكن في شقق او فنادق اربعة الى خمسة نجوم حتى يحسو انهم سافرو لدبي لأن السكن له دور بالرحلة جو ثاني

بالنسبة لك اخوي اضغط على ميزانيتك شوي واستمتع فالك الونااااااااااااااااسه

ابي اعرف هل لازالت الروسيات تسكن فنادق نايف

السلام عليكم

اخوي في فنادق نظيفة وجديده وبمناطق راقيه واسعارها معقوله

عندك فندق قمر الدين ومنازل جديده واسعارها ارخيصه

وفي عندك منطقة الرقه او المرقبات فنادقها ارخيصه

وهذا الغلا الي صاير بدبي ترى صاير في كل مكان

وشكرا