الموضوع: زيارتي للبحرين ولأول مرة

" بسم الله الرحمن الرحيم "

أنا إن شاء الله على الأسبوع الجاي راح أكون بالبحرين ..

وراح يكون معي زوجي .. وبنتي الصغيرة (( عمرها سنة ونص )) ..

مع العلم إنها راح تكون أول زيارة لي مع زوجي للبحرين !!

أنا سبق وزرتها كثير بس مع أهلي ..

وزوجي نفس الشئ سبق وزارها بس مع أخوياه ..

يعني أول مرة نروح لها مع بعض ..


أولاً : السكن ..

عطوني اسم فندق ..

نبيه حلو وسعره مناسب ؟؟

مانبي شئ غالي ولا رخيص يعني وسط ..

وهل فيه فندق يوفر سرير لبنوتي ؟؟!!

لإن بصراحة ما أدري وين أنومها فيه ؟؟

أنا ما تعودت إنها تنام جنبي وودي أشيل سريرها معنا !!!


ثانياً : المطاعم ..

أنا حطيت عيني على ..

(( فش ماركت )) , (( مونسون )) , (( جوني روكت )) تحمست اروح له ..

وهل فيه مطاعم تنصحوني بعد ؟؟


والمقاهي ..

ابي اسامي مقاهي حلووووة وهااادية ؟؟



ثالثاً : الأماكن ..

انا قريت عن (( منتزه عين عذاري )) , (( محمية العرين ))

هاذي اللي بصراحة جايها في بالي ؟؟


فيه أماكن غيرها تستحق الزيارة ؟؟


طبعاً غير الأسواق والمولات والسينما ؟؟


وبنوتي وش تنصحوني باماكن تنبسط فيها ؟؟

وكيف الجو عندكم ؟؟

وإعذروووني على الإطالة ..

مواضيع عشوائيه ممكن تكون تعجبك اخترناها لك:

• كيف اصل الى بيت الجسرة
• ياليت اللي عنده رقم شركة سمارى لتأجير السيارات تزويدي به مع خالص شكري لكم
• اي سعودي طلع البحرين بالبطاقـه يجي بسـرعه
• أريد رحلة ممتعة مع زوجتي ايام في حبيبتنا البحرين
• استفسار
• حلوى شويطر
• ولد بوظبي مسافر البحرين ويريد بعض الاقتراحات
• سؤال حول مكاتب تأجير السيارات في مطار البحرين الدولي
• سؤال عن فندق
• سيتي سنتــر
• ♥♥♥ من روائع منطقة المحرق♥♥♥
• صور متواضعة من رحلتي للبحرين
• فندق الخليج البحرين صور
• أغلق فندق الى أجلاً غير مسمى
• من كثر المواضيع اللي كتبها مالقى له اسم لموضوعه الجديد
• استفسار عن اماكن الكوفي شوب
• قمت بزيـــارة البحرين في ابريل
• سوال بخصوص القريه المائيه جنة دلمون المفقودة
• نبي شقه غ حمام بالجفير محترمه لزميلنا عائله وش نصيحتكم نبي ستار او ستار
• استفسار

أختي أمنية
بفيدك باللي أعرفه
شوفي الجو بااااارد زي الشرقية يعني خذي احتياط ملابس وخاصة لبنوتتكم القمر ربي يحفظها لكم وعقبال ماتشوفينها عروسة
محمية العرين راح تنبسطون فيها لآخر درجة
وروحي مجمع السيف ترى بعد مافتح سيتي سنتر صار السيف فاضي حتى في الويك إند يعني تقدرين انتي وعائلتك الكريمة تاخذون راحتكم
وفي بالسيف في التوسعة الجديدة الدور الثاني بالقرب من المصلى حق التوسعة الجديدة في كوفي شوب على الكورنر أسمه (( مايا )) رووووووووووووووعة حق شوكليت شي خيال
ويسوون عندهم فوندو يجنن وخياراتهم متعدده
اتمنى اكون افدتك بمالدي
أخوك/عبدالرحمن

المقاهي :

ليلو في فرع في مجمع العالي و الثاني فس العدليه - في مكان اسمه سايبرس جاردن في منطقة سار فيه كفياتو وايد
خوش مكان .

المطاعم :
كوكوز خوش مطعم في العدليه - اذا تحبين الهندي في مطعم هندي في فندق الريتز - وعندك مطعم تريدر فيكس في فندق الريتز بعد - اذا تحبين الصيني عندج مطعم هونج كونج اللي في ام الحصم .

فندق :

عندج فندق الميركيور قريب من المجمعات وحلو .

المشاركة الأصلية كتبت بواسطة D7ooomi99
http://www.arabtravelersforum.com/tr...7/#post2558437

أختي أمنية
بفيدك باللي أعرفه
شوفي الجو بااااارد زي الشرقية يعني خذي احتياط ملابس وخاصة لبنوتتكم القمر ربي يحفظها لكم وعقبال ماتشوفينها عروسة
محمية العرين راح تنبسطون فيها لآخر درجة
وروحي مجمع السيف ترى بعد مافتح سيتي سنتر صار السيف فاضي حتى في الويك إند يعني تقدرين انتي وعائلتك الكريمة تاخذون راحتكم
وفي بالسيف في التوسعة الجديدة الدور الثاني بالقرب من المصلى حق التوسعة الجديدة في كوفي شوب على الكورنر أسمه (( مايا )) رووووووووووووووعة حق شوكليت شي خيال
ويسوون عندهم فوندو يجنن وخياراتهم متعدده
اتمنى اكون افدتك بمالدي
أخوك/عبدالرحمن





[b][center][font="Arial Black"][size="4"][color="Red"]مشكوووووووور أخوي عبدالرحمن ..

بخصوص الملابس راح استعد إن شاء الله بس أتوقع إنها بتكون ادفا من الرياض !!!

بردنا غيرررر يدخل في العظم !!

وإلا يتهيأ لي !!


ومحمية العرين بصراحة أنت اللي حمستني لها بس ما قريت تقريرك .. :24:

وبخصوص سيتي سنتر الله يجزاك خير على الخبر الحلو ..

ليتهم أجل فاتحينه من زماااان .. بصراحة نشيل هم المواقف !!!

نجلس نلفف ساعتين علشان نلقى موقف للسيارة .. :110:

وإن شاء الله اروح لمحل الكوفي اللي قلت لي عليه ..

اهلين حبيبتي شوفي ياقلبي انا كل مارحت البحرين سكنت باحد فروع اليت كلهم حلوين بس انصحك باليت جراند والا سويت والا رويزوت للامانه انا ماسكنت الاخير بس يمدحونه مررررره
اليت سويت خوذيه من مكتب الجزيره اول ماتطلعين من جوزات البحرين عند المسجد على يدك اليمين تلقينه ومبانه برتبل صغير بس يعطونك ارخص من الفندق انا اخر مره اخذته ب55 دينار اليت سويت جراند تحصلينه 70 دينار
كل المطاعم اللي ذكرتيهم حلوه تهبل المقاهي منطقه العدليه مليانه مقاهي حلووه
على فكره الجو باااارد صحيح خفت عن هذاك الاسبوع بس ماتدرين احنا جونا بالشرقيه متقلب يوم برد بكره دافي والبحرين قريبه مننا جدا يعني جوهم زي جونا خوذي احتياطك بالملابس خصوصا لبنتوتك الله يخليها لك
وان شاء الله باقي الاعضاء مايقصرون معاك

انصحك تسكنين بفندق ميركيور جنب السيف تروحين له مشي
والمطاعم الي تكون برا السيف جوني روكتس ونينو وعندك قهوه ليلو بالعالي حلو مررره
ومجمع سيتي سنتر

ايه روحي الكوفي اللي بالسيف اسمه مايا عندهم فوندو خيال حتى كيكهم مررررررره لذيذ لايفوتك انا شفت رد اخ دحووم وقلت لازم اشجعها اكثر عشان اتجربينه صح وفيه مطعم نينو الايطالي هذا عاد اذا مارحتي له بتخسرين جناااان الله يسلمك فضيع كل اكلاته حلوه شوفي فيه اكله بالمقبلات حقته تلقينها في الصفحه اخر وحده على يدك اليمين اكليها وبتدعيلي هي بالروبيان بس ناسيه اسمها والله حلووه موقعه وراء جوني روكت اذا بتروحين ادخلي نينو احسن من جوني روكت ترى بكثيييييييييير فيه مطعم ايطالي ثاني اسمه جوني كارينوز قدام السيف بعد حلوو لكن انا افضل نينو عليه لتنوع اطباقه وفي مطعم هندي اكله مرررره حلو اسمه لنترنس بمنطقه البديع اجوائهم حلوه كانك بالهند ويمدحون كثير مطعم هونغ كونع في ام الحصم بس انا ولا مرره جربته الصراحه
وترى بررررررررد خوذي بالك زي جوكم يالرياض حتى احنا يدخل بالعظم بس زي ماقلتلك الجو صار ادفى شوي بس يمكن يرجع يتغيير خيتوووو

ما قصروا

انا ازور البحرين تقريبا بشكل اسبوعي لاني من سكان الخبر

جوهم ادفى من الرياض بكثير بس يعتبر بارد

وادفى من الخبر بشوي

الاماكن الي فوقي ماقصروا وبتنبسطين هناااااااااااااااااك مره

بالنسبة لمطعم فش ماركت غالي جداً ، مطعم جوني روكت مطعم متخصص بالهمبورجر يعيبه انه دسم ، بالنسبة للفنادق فندق الموفنبيك امام المطار ، فندق الدبلومات ، الاسعار تاخذينها من مكتب الجزيرة الي بالجسر 0

انا ماقريت ردود اخواني يمكن يكون اللي ذكرته متشابه اعذريني ..



عطوني اسم فندق ..

نبيه حلو وسعره مناسب ؟؟

جربي النوفوتيل .. روووعه ونظامه كأنه شاليهات بس اهو فندق بيعجبكم ان شاءلله .. واهما بيوفرون لج سرير ..
وعندج بعد ميركيور فندق ممتاز قريب من كلشي ..
وأليت سبا لازق بفندق النوفوتيل .. وعند الحجز سأليهم عن السرير

ثانياً : المطاعم ..

أنا حطيت عيني على ..

(( فش ماركت )) , (( مونسون )) , (( جوني روكت )) تحمست اروح له ..

وهل فيه مطاعم تنصحوني بعد ؟؟

اختري 2 من مطاعمي المفضلين .. فش ماركت او مونسون اثنينهم روعه ..
واذا تحبوون الاكل الياباني روحو ميراي .. وذوقي الشرمب بوب كورن .. والتمبورا تيماكي .. والايدي مامي .

وبالنسبه للمقاهي فعندج ليلو روووووعه له فرعين بالعدليه وعند السيف لايطوفكم .. وفي مقهى في قعده خارجيه فالستي سنتر ناسيه اسمه اكله لبناني بعجبكم ان شاءلله

ثالثاً : الأماكن ..

انا قريت عن (( منتزه عين عذاري )) , (( محمية العرين ))

هاذي اللي بصراحة جايها في بالي ؟؟


عزيزتي هالمكانين اللي يصلحون في هالوقت .. عندج جنة دلمون بس للصيف .. وان شاءلله تستانسون


وبنوتي وش تنصحوني باماكن تنبسط فيها ؟؟

بتنبسط ان شاءلله في عذاري .. وعندج منطقة الالعاب في مجمع السيف والستي سنتر

وكيف الجو عندكم ؟؟

براد خفيف .. يعني ييبو شتوي بس مب وايد ثقيل ..
اذا انتي من الكويت فجوكم ابرد من جوونا

neno

مشكوووووووور أخوي على الاماكن اللي ذكرتها ..

إن شاء الله إنا ندلها ونروح لها ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


فارسة

مشكوووووووووورة حبيبتي على النصائح الحلوة ..

ومكتب الجزيرة أعرفه كل مارحنا نصلي في المسجد شفته ..

والله إني خايفة مانلقى سكن .. أقول لزوجي احجز من هنا اريح ..

وهو يقول لا أصلاً مو موسم بعدين الناس دوامات ومدارس بنلقى بالراحة ..

والله يستر ..

وبخصوص الجو حتى عندنا بالرياض الحمد لله خف البرد عن أول ..

وقريت بالجريدة إنه على الأسبوع الجاي الشرقية بيجيها برد مرررررررة وضباب ..

والله يعيين ..

والله يوفقك على المطاعم اللي ذكرتيها ..

عسى يارب ندلها على طول ..

ومشكوووووووورة تعبتك معي ..


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


خالتي قماشة

مشكووووووووورة يالغالية على نصائحك لي ..

وإن شاء الله أروح للمطاعم اللي ذكرتيها ..


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


c i e l o

مشكووووووور أخوي ,, والله يوفقك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


@ مير @


مشكووووووووور أخوي .. على اقتراحاتك ونصائحك .. يعطيك العافية

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


OZYEEE

مشكوووووووورة حبيبتي على كل اللي ذكرتيه ..

كفيتي ووفيتي ..

والله يوفقك على نصائحك الحلوة ..

وأحب أوضح لك إني من الرياض يالغالية ..


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,

العفو حبيبتي لاشكر على واجب بس ترى حبيت اقولك ترى شكل البرد رجع لنا مرره ثانيه خوذي بالك انا توني جايه من بره والله بررررررررررررررررررررررد:11ld:

فارسة ..

والله إني عاجزة عن شكرك يالغالية ...

الله يوفقك ويسعدك يارب ..

المشاركة الأصلية كتبت بواسطة أمنية عمري
http://www.arabtravelersforum.com/tr...6/#post2563966


والله إني خايفة مانلقى سكن .. أقول لزوجي احجز من هنا اريح ..

وهو يقول لا أصلاً مو موسم بعدين الناس دوامات ومدارس بنلقى بالراحة ..

والله يستر ..



اي مو موسم , إلا عز الموسم , هذا على افتراض انكم مقررين
السفر في عطلة نهاية الأسبوع فبصراحة اخترتوا وقت سيء !


يوم الأربعاء القادم يوافق 31 ديسمبر , يعني ليلة رأس السنة الميلادية الجديدة 2009
يعني عطلة حكومية وعطلة شركات , هذا غير الزوار السعودين والخليجيين والأجانب ..

يعني أنواع الزحمه بالبحرين وأسعار الفنادق ستتضاعف بالتأكيد بسبب الحفلات ..!
يجب الحجز مبكراً من الرياض قبل السفر حتى لاتضطروا للسكن في فنادق ليست
ملائمة لكم .. ولاتنسون ان الجسر سيكون مزدحماً بالتأكيد بدءاً من العصر ..


اما لو كان سفركم وعودتكم قبل الأربعاء , فأنتم في أمان مما ذكر أعلاه


تحياتي

فندق اليت مررره حلوو وبنفس الوقت مرتب وعندك السينما زالسيف وبالنسبه للردود اللي فوق ماقصروا وترجعين بالسلامه ان شاء الله

[b][color="Red"][size="5"][font="Arial Black"]
مشكووووووووورين لكل اللي شرفوني بردودهم ..

وابشركم إني رحت للبحرين ورجعت منها وزوجي يسحبني منها تسحيب يله طلعت منها

حياج الله أختي .... وأكيد تشرفنا بوجودكم في ديرتكم (البحرين) ...

الحمدلله انكم انبسطتوا ... والله ان كلامج يثلج الصدر ... ويحسسنا جميعا بالفخر والفرح .. ان زوار البحرين يقضون وقت حلو وممتعم ويستمتعون بوقتهم عندنا...

حياكم الله ... والله يعودكم مرات ومرات .... وبانتظار تقريرج عن الزيارة ...