بسم الله الرحمن الرحيم
السلام عليكم ورحمة الله وبركاته
أخباركم .. أن شاء الله طيبين وبخير ؟
لقد عدت بالأمس من رحلة ممتعة الى نيوزلندا وقبل أن أبدأ بكتابة تقريري أحقاقا للحق
أحب أن أشكر كل القائمين على هذا المنتدى وخاصة بوابة نيوزلندا لأني بجد أستفدت منهم ومن خبراتهم
فألف شكر لكم من أعماق قلبي
والله يوفقكم ويسعدكم
السابق كان مقدمة لابد منها لشكر الجميع والثناء عليهم
والحين نجي لتقريري ..
وراح أتكلم فيه بكل النفاصيل اللي مريت فيها وبتحربتي
البداية .. كانت رحلتي لنيوزلندا غير مخطط لها ولا هي بالحسبان ولكن لما جاتني الرحلة هدية
طالعت بالمدة إلا ماعندي وقت أسبوعين ولازم أكون بالطيارة
وأنا ماعندي أدنى فكرة عن البلد
عشت أيام من التخبط والحيرة .. خاصة أنها أول مره بحياتي بسافر بدون الأهل ومع أخوي اللي أصغر مني
وكنت أبي أستمتع بالرحلة لأقصى درجة
حجزي كان في 24 /7 ولمدة 10 أيام فقط
أول صدمة تلقيتها أن الجو بنيوزلندا بااارد وبيكون شتاء
قلت أكيد مارح القى فعاليات والجد أني ترددت بالسفر ..
عقدت العزم وقلت بأدور بالنت عن البلد واسأل وأستفسر
وبالفعل دخلت هالقسم وهاتك ياقرأه بتقارير الأخوان ونزلت موضوعين أستفسار
وكنت محتارة 10 أيام وين أروح ووش أسوي فيها
ابي ازور كل مكان حلو
وبصراحة من كثر ماتعبت وأحترت خليتها على باب الكريم
وقلت بأروح ومثل ماتجي تجي
طبعا أنا سافرت عن طريق خطوط الكاثي باسيفيك والجد هذي أول مره وأخر مره أسافر على هالخطوط
طياراتهم مو مريحة أبد وتعامل مضيفينهم شين يعني نادر مايبتسم الواحد بوجهك
والجد مو بس أنا اللي لاحظ هذا الشئ أغلب اللي تعرفت عليهم كانوا يقولون نفس الكلام عن هالخطوط
الرحلة من الرياض الى هونج كونج أستغرقت 8 ساعات
وهذي صور لهونج كونج من الطيارة
وصلنا المطار وبالفعل كان مطار هونج كونج جدا جدا راااااااائع وكبيييييييييييييييير
وأنهينا أجراءتنا بكل سهولة
وللأسف أني ماصورت المطار من الداخل لأني كنت لاهية أتفرج بالمحلات ( حريم وش تقولون من يشوفون السوق تطير عيونهم ) خاصة أن الوقت اللي عندي ساعتين بس
بعدها ركبنا الطيارة المتجهه لأوكلند وأستغرقت الرحلة 11 ساعة مملة
وبالأخيييييييييييير وصلنا لمطار أوكلند
والمطار كان جدا متواضع والإجراءات ايضا كانت سهلة ويسيرة
مع اني كنت متخوفة منهم
لاني كنت احمل معي ادوية وبسكوت
لكن على قولة الأخوان اهم شئ اننا نسجل كل شئ
وهذي صورة من البروشور اللي معطينا اياه بالطيارة وعبيناه
هذا بالإنجليزي
http://www.customs.govt.nz/nr/rdonly...rrivalcard.pdf
وهذا مترجم بالعربي
http://www.customs.govt.nz/nr/rdonly...f/0/arabic.pdf
طبعا هالبروشور ماخذته من واحد من الأخوان بهالمنتدى والله نسيت اسمه
كان حاطه الله يعطيه العافية وانا استفدت منه
وحبيت الكل يستفيد منه بعد
وطبعا طلعنا من المطار بكل سهولة ويسر مثل ماقلت وأخذت تاكسي على الفندق
بقية الموضوع أنتظروه قريبا جداً
وأي سؤال عن هذا الجزء أنا حاضرة
تحياتي لكم
مواضيع عشوائيه ممكن تكون تعجبك اخترناها لك:
- مطلوب
- الورقة الندية من الرحلة النيوزلندية
- كرست شيرش متعة السفر في بلاد المهجر
- خبر عاجل زلزال مروع يضرب مدينة كرايستشيرش بيان القنصلية رد
- إستفسار بخصوص الفيزا
- معهد ورلد وايد استفسار
- استفسار خطوط الكاثي باسيفيك
- البلدان المعفاه من تأشيرة الدخول فيزا الدخول
- العمله النيوزيلندية
- وزارة التعليم العالي تعلن غداً المرشحين للمقابلة الشخصية لبرنامج الابتعاث
- استفسار
- أسعار التذاكر
- هام جدا بالنسبة لي وماهي المقارنة
- نيوزلندا في شهر يناير
- انا خايف قرب الوقت الى
- استفسارات فروع معهد ؟؟ مدينة ويتيانغا ؟؟
- استفسارات عن ولنتقون مهمه
- ما نستغني عن توجيهاتكم يا أهل الخبرة مع الشكر الجزيل
- سؤال لاهل الخبرة فى نيوزيلاندا
- تبي تحيره خيره
المفضلات