الموضوع: هل تصلح البحرين لاسبوع العسل

السلام عليكم حبايبنا في بوابة البحرين :106: اعضاء وزوار ولمشرفتنا المبدعة ( الغالية )
في البداية لا اخفيكم اني ويشهد الله على ذلك احبكم يا اهل البحرين بشكل غير طبيعي
شعب كله طيبه وتسامح واخلاق وذوق :24: بجد شي نادر تلقاه في كثير من الدول .. المهم
باختصار عندي زواج في الصيف القادم شهر 8 عربي وماعندي اجازة الا اسبوع وانا في الخبر
وفكرت اني اسافر برا ومتردد ناس تقول رح دبي وناس مصر وانا بيني وبينكم بكون متعب من اشغال الزواج والعمل
ففكرت اروح البحرين .. مدري وش رايكم :114: ؟
اتمنى تعطوني برنامج حق 5 ايام في البحرين يشمل الاتي :
- فنادق راقية او سويتات فندقية لها اطلالة بحرية :surf .
- اكتبوا لي ارقى المطاعم من حيث الرومنسية .
- وين ممكن نروح اماكن حلوة وتسلية .
- اللي يقدر يسوي لي جدول منظم ( اكون له من الشاكرين :x1: )

ملاحظة /(1) ممكن يكون الوقت بدري بس الموضوع مشغلني وابي اقفله نهائياً من الان.
(2) انا زرت البحرين كثيراً سابقاً ، المدام اول مره تطلع من السعودية .
(3) ميزانيتي للسكن في حدود 3500 ريال الى 4000 ريال.
(4) الموضوع هذا حيفيد خصوصن موظفي الشركات المتزوجين الذين اجازاتهم اسبوع فقط :110:

انتظر مساعدتكم وانصايحكم ولكم تحياتي
لا تنسوني من دعواتكم الصادقة بالتوفيق في زواجي

مواضيع عشوائيه ممكن تكون تعجبك اخترناها لك:

• العملات وبعض الإستفسارات ؟
• أين أجد صيغة الاحداثيات هذيصورة للمناطق السياحية في البحرين؟
• اوقات عمل منتزه عذاري خلال الصيف
• آين مقر الاحتفالات الشعبيه
• محتار في السكن
• اصحاب الخبرة اذا سمحتو
• كيفية السفر للبحرين من الاسكندرية
• دخول الخادمه
• افضل سكن في البحرين
• الاوضاع في البحرين بعد اخبار العربية
• كذا استفسار بخصوص البحرين
• قمر ساعدني
• من يعرف منتجع البحرين الصحي وكيف أسعاره؟
• كاسبر وبلان ؟؟؟
• البحرين وااااااااااو
• مطلوب مطعم راقي
• ممكن سؤال عن مجمع اللولو
• عشاق هارلي ديفيدسون يتقاطرون على البحرين
• شاليهات البندر
• دخول مقيمي السعوديه للبحرين

اخوي بالنسبه للفنادق الراقيه والي لها اطلاله بحريه
عندك الرتز كارلتون بتصنيف ال5 نجوم لايعلى عليه والاطلاله البحريه له حلوة لان له شاطئ خاص فيه

الفندق الثاني نوفوتيل وتصنيفه 4 نجوم لكن صدقني انه يستاهل ال5 نجوم وله بيج خاص فيه بس صغير مو نفس الرتز
وسعره حاليا 91 دينار لليله وطبعا الاسعار تتغير من فتره للثانيه


عندك فندق بنيان تري بس مو على البحر واسعاره غاليه حبتين بس يستاهل المكان حلو وشرح



بالنسبه للمطاعم الرومنسيه باتكلم عن الي انا مجربتهم وحبيتهم
عندك بالمز في الرتز كارلتون مطعم ستيكات والمكان رومنسي
عندك كافيه باسكال المطعم مالهم قعدته حلووووووة بس امانه ماجربت اكلهم
لابارجولا في فندق الخليج ايطالي ورومنسي
مطعم روما (ايطالي) في ام الحصم
ايتاليا كافيه في العدليه
والمطاعم كثير وخصوصا الي بالعدليه اغلبها رومنسيه


الجدول تقدر تضبطه مثل ماتبي
بس انا ماعرف التاريخ بالعربي لو تقوله بالميلادي راح اعرف متى الوقت بالضبط اذا كان وقت صيف او شتا حق استبعد الاشيا الي ماراح تكون مناسبه للجو

1. عندكم جولات سياحيه وثقافيه مثل بيت القران والمتحف
3.العرين حديقه حيوان مفتوحه
4.منتزه عين عذاري
5.جنه دلمون المفقوده(حديقه مائيه)حاليا مغلقه وتفتح بالصيف
6.ارض المرح للبولنق والتزحلق على الجليدعلى فكره انا كنت اروح مع بعلولي العب بولنق وناسه وتغيير جو ومنافسه شريفه
7.التسوق في المجمعات والاسواق الشعبيه(مجمع السيف, العالي, الدانه,مارينا مول,ذي سنتر,ستي سنتر,يتيم سنتر,مودا مول,مجمع مدينه عيسى)الاسواق الشعبيه(سوق المحرق,سوق المنامه,السوق الايراني بمدينه عيسى)
8.شاليهات البندر تقدر تاخذ لك شاليه والبرنامج منه وفيه
9.بعض الفنادق تنظم رحلات بحريه تقدر تجيك معاهم من ضمنهم شاليهات البندر
ومازالت في برامج كثيره بس هذي الي يحضرني حاليا

المشاركة الأصلية كتبت بواسطة kinglove
http://www.arabtravelersforum.com/tr...5/#post2592554

السلام عليكم حبايبنا في بوابة البحرين :106: اعضاء وزوار ولمشرفتنا المبدعة ( الغالية )
في البداية لا اخفيكم اني ويشهد الله على ذلك احبكم يا اهل البحرين بشكل غير طبيعي
شعب كله طيبه وتسامح واخلاق وذوق :24: بجد شي نادر تلقاه في كثير من الدول .. المهم
باختصار عندي زواج في الصيف القادم شهر 8 عربي وماعندي اجازة الا اسبوع وانا في الخبر
وفكرت اني اسافر برا ومتردد ناس تقول رح دبي وناس مصر وانا بيني وبينكم بكون متعب من اشغال الزواج والعمل
ففكرت اروح البحرين .. مدري وش رايكم :114: ؟
اتمنى تعطوني برنامج حق 5 ايام في البحرين يشمل الاتي :
- فنادق راقية او سويتات فندقية لها اطلالة بحرية :surf .
- اكتبوا لي ارقى المطاعم من حيث الرومنسية .
- وين ممكن نروح اماكن حلوة وتسلية .
- اللي يقدر يسوي لي جدول منظم ( اكون له من الشاكرين :x1: )

ملاحظة /(1) ممكن يكون الوقت بدري بس الموضوع مشغلني وابي اقفله نهائياً من الان.
(2) انا زرت البحرين كثيراً سابقاً ، المدام اول مره تطلع من السعودية .
(3) ميزانيتي للسكن في حدود 3500 ريال الى 4000 ريال.
(4) الموضوع هذا حيفيد خصوصن موظفي الشركات المتزوجين الذين اجازاتهم اسبوع فقط :110:

انتظر مساعدتكم وانصايحكم ولكم تحياتي
لا تنسوني من دعواتكم الصادقة بالتوفيق في زواجي

اول شي مبروك الزواج اخي الكريم وتمنياتي لكم بالسعاده
انا مومن اهل البحرين لكن لي زيارات كثيييييره لها وااعرف فيها زيين شوف اخوي البحرين حلووه باي وقت وتستاهل انها تكون حق شهر عسل اذا كانت ظروفك ماتسمح السفر بعيد لانه البحرين فيها منتجعات ومطاعم ومقاهي فيها اماكن كثيره تستحق الزياره وان شاء الله لاحقا بااذكرها
اولا راح ابدى بالمنتجعات:
عندك منتجع نوفتيل او البندر وهذول اسعارهم مناسبه جدا
عندك منتجع البنيان تري من افضل منتجعات الشرق الاوسط وكل فيلا فيها جاكوزي وحمام سباحه يعني تصلح حق شهر عسل طبعا الليله فيها غاليه بس ممكن تاخذ لك فيها ليله وتكون اخر ليله لك بالبحرين
ومطاعم المنتجع راااااااااااااااااااااقيه جدا
الفنادق :
فندق الرتز وعندك الشيراتون والخليج وموفنبيك والدبلومات انا اشوف هذول افضل فنادق 5 نجوم بالبحرين
فيه فندق جديد لسه فاتح فندق ماريوت هو لسه فاتح ونظامه شقق الغرفه والصاله سعرها 800 ريال واحيانا تصير600 ريال طبعا كلامي هذا من خلال تشيكي على موقع بوكينغ للحجوزات طبع مطل على البحر
فنادق الاربع نجوم لاتدور ولاتتعب نفسك افضل شي فنادق اللي تابعه لايليت فندق روزيرت اند سبا مطل على البحر وسعر الليله 850 ريال


المطاااااااااااااعم :
عندك خيارات كثيره منطقه العدليه فيها كثير مطاعم ومقاهي حلوه ورومانسيه مونسون حلووو وراقي ورومانسي جدا وعندك مطاعم الرتز كلها يمدحونها وحلوه وانصحك تشوف هالرابطين فيهم اشياء كثيره عن المطاعم
هذا لرابط حلو فيه اهم وافضل مطاعم البحرين
http://www.arabtravelersforum.com/travel237137/
وهذا بعد
http://www.arabtravelersforum.com/travel224147/
وبالنسبه لاماكن التمشيه كثيره راح اذكر لك اللي اعرفه
طبعا المجمعات انت عارفها واهمها السيف والعالي وسيتي سنتر البحرين بما فيهم من مقاهي ومطاعم وسينمات
عند محميه العرين حلووه مره
منتزه عذاري
متاحف
طبعا بااختصار هذا كل اللي اعرفه او اتذكره اذا ذكرت شي رجعت كتبت ومن خلال اللي ذكرته تقدر تسويلك جدول حلوو
اتمنى اكون افدتك وان شاء الله الاخوان والاخوات ماراح يقصرون معاك

اسبوع على البحرين كثيرررررررررر عموما افخم فندق عندنا هو الرتز كارلتووووووون ترا البحرين مافييها الا كم مووول ومطاعم وقهاوي مافيه حدايق ممكن تتمشووون فيها مثل لو اخترت وجهات ثانيه لشهر العسل

الله يوفقك يارب ويسعدك ..

شوف تجربتي بفندق الخليج الغرف الملكيه الرابط بتوقيعي

في الصيف الماضي كنت أخطط اقضي ليلتين في البحرين لمناسبة خاصة
وكنت ابي اسوي جدول رومانسي

وكنت محتار بين البحرين او دبي (بحكم انهم ليلتين بس)

في النهاية اخترت دبي

عالعموم عندي اقتراحين لك
بما انها اسبوع .. فكر انك تسافر ابعد شوي .. انا ارشحلك اوروبا او ماليزيا

الاقتراح الثاني
اذا انت مصمم على البحرين .. انصحك تقضي ليلتين (اذا ماتبي المدة كلها) في فندق بانيان تري العرين
وهو افضل وافخم واغلى فندق في البحرين
انا ماسكنت فيه .. بس لما كنت حاط البحرين كإختيار لي .. بعد البحث .. لقيت هذا احسن اختيار
الغرف عندهم على شكل بيوت (هم يسمونها فلل .. بس فعلياً هي عبارة عن غرفة)
وفي كل فيلا في بركة سباحة خاصة فيها .. والحلو انها حواليها سور وفيها خصوصية

وممكن الفندق يسويلك بعض الحركات الرومانسية
مثلا يرتبلك عشاء رومانسي .. او باربكيو في الليل .. وشغلات ثانية حلوة .. وهذا كله يكون داخل الفيلا وحول بركة السباحة .. يعني يكون فيه خصوصية
والحلو انك تقدر ترتب العشاء والشغلات الرومانسية قبل ماتجي .. عندهم عروض خاصة لشهر العسل وهم يرتبونلك كل شي

بس العيب ان في شهر 8 بيكون الجو فيه رطوبة .. الا عاد اذا حظك حلو مرت هالكم يوم بدون رطوبة


وفي الصيف الماضي كان سعر الفيلا 3500 ريال في الليلة تقريباً (انا ما اعرف المبلغ اللي انت ذكرته هل هو في الليلة ولا في الاسبوع كامل)
والله يوفقك ويتمم زواجك

بصراحة واجد على البحرين أسبوع لو مكانك أروح لدبي عن طريق البحرين بتكون رخيصة تذكرة الطيران وقريبة نص ساعة وانت هناك خصوصا أنك من سكان الخبر دائما بتكونون في البحرين وشهر عسل وذكرى لاتنسى مهما كان البحرين ممله خاصة انكم عرسان ويبغالكم جدول كسر ملل وفية فندق حلو ومناسب للسعر اللي حاطه وتغيير للبنت تفرح ومبروك والله يهنيكم ويتمم بخير

نصيحه دامك من سكان الشرقيه تغير الوجهه و تقدر تزور البحرين ويكند في أي وقت

خصوصا إن الجو ما يساعد و ما في نشاطات تسويها غير زيارة المولات

من رأيي تروح لبنان

مبروك مقدماً ،،،،، انا من رأي تغير وتذهب لدبي يمكن اغلى ، بس تستاهل وفي دبي الخيارات كثيرة جداً ، وسبوع او 5 ايام تقضيها في دبي ممتازه 0

طبعاً لاتنسى يكون حجزك للفنادق hony moon عشان يجهزون لكم الورود والشغلات الرومنسية

، الآن اسعارا لفنادق غاليه بسبب فصل الشتاء والناس يقصدون دبي في الشتاء ، في الصيف ترخص اسعار الفنادق الى نصف السعر 0

يا هلا فيك يا الغالي وأكيد راح تنور البحرين وتواجدك ولك مطلق الحرية في الاختيار البحرين ولا غيرها لكن كن على يقين بأن رحلتك راح تكون رومانسية أي كان وان شاء الله راح تستمتع وايد.

الأخوان ما قصروا وبإمكانك تستفيد من المواضيع المثبتة للأخوان ، بس كإضافة مني بسيطة راح يكون مجرد تعقيب على مشاركة الأخ.









المشاركة الأصلية كتبت بواسطة 6am 6am
http://www.arabtravelersforum.com/tr...8/#post2593178



خصوصا إن الجو ما يساعد و ما في نشاطات تسويها غير زيارة المولات

من رأيي تروح لبنان






فعلاً لبنان جميلة لكن بعد الأوضاع الأمنية المتدهورة صارت مش ولابد .. وأعتقد الراي الأول والأخير عند المعرس والعروس ..

أما إن ما في شي إلا مولات فإنت في قمة الغلط ، البحرين ولله الحمد فيها كل المرافق السياحية المذكورة ..

المجمعات التجارية الآن كثيرة وتقدر تختار منها ما شئت أخوي الغالي ..

1. مجمع البحرين سيتي سنتر : أكبر مجمعات البحرين يحتوي على أكثر من 300 محل تسوق وصالات ألعاب وأكبر قاعة سينما في الشرق الأوسط راح تفتح قريباً وأكبر حديقة مائية مغلقة في الشرق الأوسط راح تفتتح قريباً كذلك ان شاء الله بالإضافة إلى سلسلة كبيرة من المطاعم والمقاهي العالمية .. أبد الواحد ما يمل في هالمجمع الجميل.

2. مجمع السيف التجاري : وهو غني عن التعريف يحتوي على سينمتين ومجموعة مطاعم ومقاهي ومحلات تسوق.

3. مجمعات كثيرة أخرى سبق وذكرها الأخوان ومن أبرزها :

مجمع الدانة - مجمع مودا مول - مجمع مارينا مول - مجمع سترة - مجمع العلوي - مجمع كانتري مول - مجمع البحرين.


ومنتزهات البحرين وحدايقها كثيرة ... من أبرزها منتزه عين عذاري وهو عبارة عن حديقة ملاهي تحتوي على صالة بولينغ وصالة ألعاب مغلقة وقسم مطاعم.

من المنتزهات عندك أخوي محمية العرين وهي عبارة عن حديقة حيوان مفتوحة مساحتها كبيرة 8 كيلومترات مربعة وهي تقع جنوب غرب البحرين وتقدر تتطلع على مواضيع الأخوان عنها.

البحرين غنية بالمواقع الأثرية والمتاحف والمرافق التراثية اللي بالإمكان الوقوف عندها والاستمتاع بذكريات رومانسية جميلة مع التقاط الصور.


منتجعات البحرين كثيرة ومثل ما تفضلوا الاخوان بنيان تري يعتبر الأفخم والأغلى في البحرين على الإطلاق وموقعه فوق تلة مرتفعة حوالي 30 متر وتطل هذي التلة مباشرة على محمية العرين.

عندك كذلك منتجع البندر تقدر تاخذ لك ليلة فيه وتستمع مع المدام بالأنشطة البحرية الجميلة هناك ، منتجعات أخرى مثل الدانة نوفيتيل واليت ريزورت وسي لوفت والرتزكارلتون.

في فترة الصيف بالإمكان زيارة جنة دلمون المفقودة وهي أكبر حديقة مائية بالشرق الأوسط ممكن تقضون وقت جداً جداً جميل هناك وكن على يقين بأن هذه الحديقة تحتاج لساعات كثيرة وحبذا لو يكون لها يوم خاص وبعدما تخلصون تتجهون إلى أحد المطاعم الراقية في المنامة لتناول وجبة العشاء وإذا حسيتوا انكم مصححين ( غير تعبانين ) بالإمكان دخول فلم رومانسي آخر الوقت ومن ثم العودة إلى الفندق للنوم.

وبالنسبة للأنشطة البحرية والمرافق البحرية ( واضح أخوي إنك تحب المرافق البحرية ) تقدر أخوي تخذ قارب من منتجع البندر ياخذ مباشرة إلى جزر الدار تبعد عن البندر حوالي 3 كيلومترات وتستمع على أقل تقدير بالأجواء البحرية الجميلة واصطياد السمك إذا ما كنت تحب ركوب الدراجات البحرية السريعة التي تؤجر في جزء الدار بالساعة.

إذا كنت في قمة الرومانسية بإمكانك أخذ المدام إلى قاعة أرض المرح والتزحلق على الجليد ولعب البولينغ هناك أكبر صالة بولينغ في البحرين.

من أبرز الطرق التجارية السياحية في البحرين اللي ان شاء الله راح تلاقي فيها ما يرضيك من مطاعم ومقاهي هم :

شارع الشباب في الجفير.
شارع المعارض في الحورة.

سلسلة متكاملة من المطاعم والمقاهي تحصلها هناك.


ولا تنسى أخوي تستفيد من المواضيع المثبتة الكثيرة الموجودة في البوابة البحرينية .. وقلبونا مفتوحة لك قبل الجسر حياك الله في أي وقت أكيد ولا تتردد بالاستفسار.


..

كل مكان يصلح يكون شهر عسل.. بس اهم شي ركز في اختيار الفندق لأن راح تقضون اغلب وقتكم فيه اختاروا سويت واطلب غرفة واسعة بس المشكلة ان فنادق البحرين الحلوة والرايقة غالية فاعتقد انك يمكن تضطر تقلل المدة من اسبوع الى اربع ايام واحجز من بدري وخليه هوني مون.. وبعدين اسبوع كثير على البحرين ترى بتملوون خاصة انكم من الشرقية والأجواء ترى ماتختلف كثيرر

والله يهنيكم مقدماً ويوفقكم

والله انا احب البحرين ودايم اروح لها بس هي حقت ويكند اما شهر عسل امممممم ماتصلح هذا رأئي

وانصحك وخذ نصيحتي دبي كااسبوع عسل رووووعه لان زوجي كانت اجازته فقط 6ايام بشهر العسل ورحنا دبي

والله العظيم اني انبسطت انا وياه مره مع اني قبل ماتزوجه رحت 9 مرات لكن دبي كل مره احلى من الي قبلها

واهناك في خيارات كثير لتمشيه يعني ماراح تحصل وقت وانصحك اذا رحت تسكن بفندق قراند حياه او الشنغرلا بشارع

الشيخ زايد كلهم الجلسه فيهم تكفي جو مو طبيعي وهذا رائي

والله يوفقك يارب

ومنك المال ومنها العيال :106: