السلام عليكم ورحمة الله وبركاته
رسالة اعتذار :. اتأخرت وايد في كتابة التقرير بسبب ظروف خارج عن إرادتي والله , واطلب منكم العذر والسموحه عن التقصير واوعدكم اني انزل التقرير الاول تلو الاخر بأذن الله ولن اتأخر .
ملاحظه :. سوف اوشكل في الصور فبعضها من تصويري والبعض من الويب سايت لتوصل الصوره اوضح .
المحطه (( 1 )) :. سنغافورا .... ترانزيت ......بلاد النظافه هيه العنوان .
بدايـــة الرحله :.
انطلقنا من مطار دبي الدولي في تمام الساعه 2 ليلاَ على امل الوصول الى مطار سنغافورا في الساعه 11 صباحاَ , وكنا متفقين انا نستغل كل دقيقه في سنغافورى وعشان جيه قلنا بنرقد في الطياره , واول مانوصل بنلفها كلها لان ماعندنا غير 24 ساعه مال الترانزيت , وصلنا مطار سنغافورى والله ماشفت اجمل واحلى من هاذا المطار , مطار روعه بمعنى الكلمه فيه كلشي اسواق مطاعم على كيف كيفك لو شو ماسويت ماتقدر تخلصه , انترينا شنطنا لان قالولنا ان الشنط مابسير نيوزيلندا على طول الازم تستلمونها و باجر اسون جيك ان مرثانيه للشنط , خذنا الشنط وسرنا الفندق بعد ماخذينا الباص وسعر 50 دولار الى الفندق .
الفندق :. مارينا ماندريــن .
تصنيفه :. خمس نجوم .
سعره : :. 450 درهم اماراتي . بدون الافطار .
تقيمي له :. فندق جميل جداَ والله احلى لوبي بلا منازع , لوبي روووووعه ولا في الاحلام . 10 من 10 .
:. وصلنا الى الفندق في الساعه 1 ظهرا , وعلى طول على المسبح , عشان نستعيد نشاطنا , ويكون عدنا قوه انلف سنغفورا كامله في يوم واحد اتصدقون . اسبحنا على السريع وتغدينا في مطعم في الفندق روووعه وكل المطاعم حلوه في الفندق لانه فيه اربع مطاعم تقريباً , وعلى الساعه 3 طلعنا سرنا مركز مارينا سكوير ملاصق للفندق وفيه قطار داخله يوديك اي مكان في سنغافورى , وبعد ماخلصنا سرنا نصب الاسد بجانب المركز وبعدها , بالقطار الى شارع اورشيد وفيه كلشي محلات على كيف كيفك ومطاعم شارع جميل , وتحوطنا لين ماقلنا بس وعلى الساعه 8 قلنا يا وقت العشى وبعد المشاورات والافتراحات قررنا نركب تكسي ونسير الحي الهندي , ويوم وصلنا والله اتحس عمرك فبمبي او دلهي مب في سنغفورى وعلى كل ها المنطقه نظيفه في مطاعم هنديه وايد دشينا واحد منهم اتعشينا , ومن التعب والله ماقدرنا حتى انشل عمارنا , طلعنا من المطعم وسرنا اندور تكسي هني وهناك وعقب ساعه تقريبا حصلناه وياه على هاذيج اللحظه , التعب واصل حده ونحنا تعبانين ونحصل التكسي لحظه لاتوصف , وعلى طول الفندق , وصلنا الفندق الساعه 10 , وطيارتنا الساع 7 الصبح , متى نرقــد ولا متى نسير المطار , والتعب واصل حده , قلنا مافي شباب الرقاد ساعتين بس , ورضخنا للامر الواقع , عاد شو نسوي نحنا لي يبنا التعب حق عمارنا بس كنا حاطين فبالنا ان بنتعب عمرنا قد مانقدر عشان نرقد فالطياره , والدرب مب شوي من سنغافورى الى اوكلاند 10 ساعات , رقدنا ساعتين وبعدها نشينا الساعه 2 تخيلو راقدين الساعه 11 ونشينا 2 , الوضع فضيع ونحنا سهرانين يومين , كنا متفقين ويا السايق لي يابنا ممن الطمطار يرجعنا الساعه 3 , وعلى الوقت يانا ويلا يلا , وصلنا المطار , الدرب مب بعيد نص ساعه من المطار الى الفندق , وصلنا ودخلنا الشنط وسرنا نتمشى في المطار لين وقت الطياره , وانا مافكر الى متى بوصل لنيوزيلندا , من متى وانا احلم فيها , ركبنا الطياره ولاى الحلم ذاهبون , وانا اقول مر الكثير ومابقا الى القليل , اهون على عمري , لان الصبر وصل حده .
وهاذه بعض الصور في سنغافورى :.
اللوبي : :.
امام الفندق :.
اللوبي في الليل :.
من الغرفه :.
http://www.r9rr.com
ياينج يانيوزيلندا ياينج , بهاذه العبارات انهي حديثي عن قصتي مع مراحل السفره قبل وصولي الي حبي (( نيوزيلندا )) .
اربطو الاحزمــه واستعدو للقادم بأذن الله . الى القاء في نيوزيلندا والقادم احلى انشاء الله .
المفضلات